ސިނަމާލެ ބްރިޖް ހުޅުވުމާ އެކު ދަތުރުކުރާ މީހުންތަކުން ބްރިޖް ތޮއްޖެހިފައި: އެމްޓީސީސީގެ ފެރީ ހިދުމަތަށް ވަނީ ވަރަށް ބޮޑު ވެއްޓުމެއް ކުރިމަތިވެފައި
07 ޖުލައި 2019 - 14:27
20 comments
އެމްޓީސީސީގެ މިދިޔަ އަހަރުގެ ހިންގުމުގެ ފައިދާ ދަށްވުމުގެ އެންމެ ބޮޑު ސަބަބަކީ ސިނަމާލެ ބްރިޖާއި މަހާ ޖައްރާފު ކަމަށް އެ ކުންފުނިން ބުނެފި އެވެ.
މިއަދު ނެރުނު އެމްޓީސީސީގެ މިދިޔަ އަހަރުގެ އަހަރީ ރިޕޯޓު ދައްކާ ގޮތުގައި 2017 އާ އަޅާބަލާއިރު އެ ކުންފުނީގެ ހިންގުމުގެ ފައިދާ ވަނީ 73 މިލިއަން ރުފިޔާ ދަށްވެފަ އެވެ. މިދިޔަ އަހަރު އެ ކުންފުންޏަށް ހިންގުމުގެ ފައިދާގެ ގޮތުގައި ލިބުނީ 83 މިލިއަން ރުފިޔާ އެވެ.
އެމްޓީސީސީގެ ރިޕޯޓުގައި ބަޔާންކޮށްފައިވާ ގޮތުގައި ކުންފުނީގެ ހިންގުމުގެ ފައިދާ ދަށްވީ ބްރިޖް އެޅުމުގެ ސަބަބުން، މާލެ އާއި ހުޅުމާލެ އަދި ހުޅުލެއާ ދެމެދު ކުރާ ދަތުރުފަތުރުގެ ވިޔަފާރި އަށް ދިމާވި ގޮންޖެހުންތަކާއި، ބޮޑު ހޭދައެއްކޮށްގެން ރާއްޖެ ގެނައި ކޮންނަބޯޓު މަހާ ޖައްރާފަށް ކުރަން ޖެހުނު ހަރަދުތަކުގެ ސަބަބުންނެވެ.
ސިނަމާލެ ބްރިޖް: ބްރިޖްގެ ސަބަބުން އެމްޓީސީސީގެ ދަތުރުފަތުރުގެ ވިޔަފާރި އަށް ބޮޑެތި ގެއްލުންތަކެއް ލިބުނު -- ފޮޓޯ: ހުސެއިން ވަހީދު/ މިހާރު
އެގޮތުން ބްރިޖް އެޅުމުގެ ސަބަބުން ކަނޑު ދަތުރުފަތުރު ކުރާ މީހުންގެ އަދަދު ވަރަށް ބޮޑަށް މަދުވެފައިވާ ކަމަށް އެމްޓީސީސީން ބުނެ އެވެ.
އެ ކުންފުނީގެ އަހަރީ ރިޕޯޓު ދައްކާ ގޮތުގައި ދަތުރުފަތުރުގެ ދާއިރާއިން ވަނީ 82 މިލިއަން ރުފިޔާގެ ގެއްލުން ވެފަ އެވެ. މިއީ 2017 އާ އަޅާބަލާއިރު 26 މިލިއަން ރުފިޔާ ބޮޑު ގެއްލުމެކެވެ.
ދަތުރުފަތުރުގެ ދާއިރާ އިން ލިބުނު ގެއްލުމުގެ ސަބަބުން އެމްޓީސީސީގެ ސާފު ފައިދާ އަށް ވެސް ވަނީ އަސަރުކޮށްފަ އެވެ. އެގޮތުން 2017 ވަނަ އަހަރު ސާފު ފައިދާގެ ގޮތުގައި 141 މިލިއަން ރުފިޔާ ލިބުނު ނަމަވެސް މިދިޔަ އަހަރުގެ ސާފު ފައިދާއަކީ 34 މިލިއަން ރުފިޔާ އެވެ.
މަހާ ޖައްރާފަށް ކުރަން ޖެހުނު ޚަރަދުގެ ސަބަބުން އެމްޓީސީސީ އަށް ވަނީ މިދިޔަ އަހަރު ގެއްލުން ވެފައި.-- ފޮޓޯ: އެމްޓީސީސީ
މީގެ އިތުރުން ފަޅު ފުންކުރުމާއި ބިން ހިއްކުމުގެ މަސައްކަތްތަކަށް 2017 ގައި ގެނައި މަހާ ޖައްރާފަށް ހަރަދު ކުރަން ޖެހުނު އަދަދު އިތުރުވުމާ ގުޅިގެން ހިންގުމުގެ ފައިދާގެ އިތުރުން ފަޅު ފުންކުރުމާއި ބިން ހިއްކުމުގެ ދާއިރާ އިން ވެސް ގެއްލުން ވެފައިވާ ކަމަށް ރިޕޯޓުގައި ވެ އެވެ. އެގޮތުން މިދިޔަ އަހަރު ގިނަ މަޝްރޫއުތަކެއްގައި މަސައްކަތްކުރި ނަމަވެސް 6.13 މިލިއަން ރުފިޔާ ގެއްލުންވި ކަމަށް ސީއީއޯ ހަސަން ޝާހުގެ ބަޔާނުގައިވެ އެވެ.
ސީއީއޯގެ ބަޔާނުގައި ބުނެފައިވާ ގޮތުގައި މަހާ ޖައްރާފުގެ ސަބަބުން ގެއްްލުންވީ އެކަށީގެންވާ ވަރަށް ވުރެ ކުޑަ އަގެއްގައި މަޝްރޫއުތަކާ ހަވާލުވުމުންނެވެ.
ޝާހު ވިދާޅުވި ގޮތުގައި މި ދާއިރާ އިން މި އަހަރު ފައިދާވާ ވަރުގެ މަޝްރޫއުތައް ކުރިއަށް ގެންދަން އެމްޓީސީސީން އަންނަނީ މަސައްކަތް ކުރަމުންނެވެ.
މިދިޔަ އަހަރު އެމްޓީސީސީ އަށް އާމްދަނީގެ ގޮތުގައި 1.28 ބިލިއަން ރުފިޔާ ލިބުނެވެ. ހަރަދު ކެނޑުމަށް ފަހު ސާފު ފައިދާގެ ގޮތުގައި ލިބުނީ 34 މިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެންދެރި
08 July 2019
ފައިދާ ދަށް ވަނީ ގާބިލް ކަމެއް ނެތީމައެވެ. ޝަކުވާ ނުކޮށްބަލާށެވެ. ނޫނީ އިސްތިއުފާ ދޭން ވީއެވެ.
މަމި
08 July 2019
ހީ އީޒް ލައިން . ގެއްލުންވެފަ ހުރީ ބަނދަރު ހެދުމާއި އެހެނިހެން ކޮންސްޓްރަކްޝަން ޕްރޮޖެކްޓް ތަކުން. ނާގާބިލުކަން ފެންނަނީ. ފިނޭންސް މިނިސްޓަރ މިކަމަށް ހެކިވާނެ. އިތުރުފުޅު ހައްދަވާނެ ކަމެއްނެތް.
ބޮޑުމީހާ
08 July 2019
ކުރިން ކަލޭމެންކީ އެމްޓިސީސީ ހުޅުމާލެ ފެރީ ހިންގަނީ ގެއްލުމުގައޭ، މިހާރު ފެރީ ހުއްޓާލީމަ ލިބުނު ފައިދާ މަދުވީ. މިވީ ކޯއްޗަކަށް. މަހާ ޖައްރާފް ބޭނުންކުރަން ނޭގިގެން ތިއުޅެނީ
ނާހީ
07 July 2019
ދެން އިންޑިޔާއަށް މަހާ ޖައްރާފާއި ބްރިޖްް ހިބަކޮށްދީ!
ފަސްޓްމޭޓް
07 July 2019
ސާހު އެވެ. މިދެން ބޮޑުވެއްޖެ ކަމެއްހެން ހީވަނީ. މިބޯޓުގަނޑު ގެންގުޅެން ނޭންގެޏާ ބޯޓު ވިއްކިމީހުންނާ ހަވާލު ކުރަންވީނުން. ހީވާގޮތުން ކުންފުނީގެ ރަންބިސް އަޅަނީ ވެސް ތިބޯޓުގަނޑުން. މަގާމުގަ 7 މަސްވީ އިރުވެސް ކުރީގެ ސަރުކާރަށް ފޫކެހުން ނޫން ކަމެއް ނުކުރެވުނު. ނާފަހެ އަމިއްލައަށް ހިންގައިގެން ފައިދާ ނެރޭނެހާ ދުވަސްވެއްޖެ.
ދިވެއްސެއް 85
07 July 2019
ފައިދާ ދައްވީމަ ދައްވާ ވާހަކަ ދައްކާ މިއަދު، އޭރު ބްރިޖް ނާޅާއިރު ކޮއްލި ޖެއްސުންތަކެއް ހަނދާނަކުން ނުފިލާ، ސައިކަލް ކިއުގަ ހުކުރު ދުވަހު ދެ ގަޑިއިރު. އޭރު ކަސްޓަމަރުންނަށް ރަނގަޅަށް ކަންކަން ކޮށްދިންނަމަ މިއަދު އެހެން އެހާބޮޑަކަށް ނުވީސް. އޭރު ބެލީ ބޯޑް މެމްބަރުންގެ ޖީބުތަކަށް ފައިދާ ލާރި އަޅާ ސިޔާސީ މީހުންނަށް އޭގެ ފައިދާ ކުރީ. ސްކޫލްއަށް ދާ ކުދިންނަށާ ބެލެނިވެރިންނަށް ފަސޭހައެއް ނުކޮށްދިން ވިއްޔަ އޭރު އެވަރަށް އާދޭސް ކުރީމަވެސް.
ސޭބޫ
07 July 2019
ހެހެހެ ކަމެއްކުރަންނޭގޭ މީހުން އަދިވެސް ތަނެއް އޮތިއްޔާ ބޯކޮއްޕާލާތ ވަރިހަމަ ތާށިވެގެން މަރުވިއަސް
އަޅުގަނޑު ޢާރިފް
07 July 2019
ބޭކާރު ވާހަކަ!. ބަލަ ބްރިޖް އެޅިފަ ހުރީ ކުއްލިޔަކަށް ނިދީން ހޭލެވުނުތަނާތޯ؟ އެހެނެއް ނުވާނެ. ކުންފުނީގެ ރޭވުންތެރިކަމާ ހިންގުންތެރިކަން ނެތީމަ ތިހެން ތިކަންވީ. ބްރިޖް އެބަ އަންނަކަން އެނގިގެން، ގެންނަންޖެހޭ ބަދަލުތައް ގެނެވުނު ނަމަ ތިޔަހެނެއް ނުވީސްތާ. އަދިވެސް ގެއްލުމުގަ ތިޔުއް ދުއްވަނީނު. ޒަމާނާ އެކު ހިނގަންށާ ހިންގުވަން ދަސްކޮށްބަލަ.
ވޫސް
07 July 2019
ވިޔަފާރީގައި ވާދަވެރިން ގިނަވާ ވަރަކަށް ވިޔަފާރި ދަމަހައްޓާ ފައިދާ އިތުރު ކުރަން ކުރަންޖެހޭ ކަންކަން ގިނަވެފައި ތަފާތު ވާނެ. ބުރިޖާ މަހާޖައްރާފާ ގެ ސަބަބުން ވިޔަފާރި ދަށްވިޔަނުދީ ހިފަހައްޓަން އެމްޓީސީސީއިން ކޮންކަމެއްތޯ ކުރީ؟
ޢާނީ
07 July 2019
ކިިިއްލި ވިއްކަން ފަށަންވީނުން؟ކޮބާތަ ލަދު ހަޔާއިި؟