"ލީނާ" ގެ ޕްރޮމޯ ލަވައިގެ މަންޒަރެއްގައި އައްޒަ.
15 ޖުލައި 2019 - 06:46
9 comments
މި މަހުގެ 23 ވަނަ ދުވަހު ރިލީޒްކުރާ ފިލްމު "ލީނާ" ގެ ޕްރޮމޯޝަނަލް ލަވަ ދައްކާލައިފި އެވެ.
"ނޭވާލާ ހިނދު" ގެ ނަން ދީފައިވާ މަޑުމައިތިރި ލޯބީގެ ލަވައިން ފިލްމުގެ ދެ ތަރިން ކަމަށްވާ މަރިޔަމް އައްޒަ އާއި އަލީ (ދޮންއައްޔަ) އާޒިމާ އެކު، ލަވަ ކިޔާފައިވާ ދެ ފަންނާނުން ވެސް ފެނިގެން ދެ އެވެ. އެއީ ހަސަން ތޮލާގާއި ލަމްހާ ލަތީފެވެ.
އިބްރާހީމް (ކުޑައިއްބެ) ޒައިދު އަލީގެ މިއުޒިކަށް ހަދާފައިވާ ލަވައިގެ ޅެން ލިޔެފައި ވަނީ މުހައްމަދު އަބްދުލް ޢަނީ (ތޭރަވާ) އެވެ.
"ލީނާ" އަކީ އެކްޓަރު އަބްދުﷲ (މުއާ) ގެ ޑައިރެކްޓްކޮށްފައިވާ ފިލްމެކެވެ. އަހުމަދު ޒަރީރުގެ ސްކްރީންޕްލޭއަކަށް ހަދާފައިވާ ފިލްމުގެ ރޯލަކުން މުއާ ވެސް ފެންނާނެ އެވެ.
"ލީނާ" ގެ ޕްރޮމޯ ލަވަ.
މައުސޫމް އަންހެން ކުއްޖެއްގެ މަރުގެ ހާދިސާއެއް ކިޔައިދޭ "ލީނާ" ގެ ކާސްޓުންގެ ތެރޭގައި ޒީނަތު އަައްބާސް، އަހުމަދު ނިމާލް، ނުޒުހަތު (ނުޒޫ) ޝުއައިބް، އަހުމަދު (އާނަންދު) އީސަ އަދި އަހުމަދު ސައީދު ހިމެނެ އެވެ.
ފިލްމުގެ ޓިކެޓް އޮލިމްޕަހުން މިހާރު އަންނަނީ ވިއްކަމުންނެވެ. މުއާ ބުނި ގޮތުގައި އޭނާގެ ފުރަތަމަ ފީޗާ ޑައިރެކްޝަން "ލީނާ" ގެ ޕްރިމިއާ ނައިޓް ވަރަށް ކުލަގަދަކޮށް ބާއްވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސސސސ
15 July 2019
އާއިލާގެ ނުރުހުމުގައި އެމީހުންގެ ދަރިއަކަށް ކުރާ މިފަދަ ކަމެއް ވާނީ އަނިޔާއަށް. މަރިވީމަވެސް. މިކަން ނޫސްވެރިން ބޮއިކޮޓް ކުރަން ގޮވާލަން. މީހެއްގެ މަރުން އާއިލާ ނުރުހުމުގައި ބޮޑު ފައިދާ ގަނޑެއް ހޯދަން މަގުފަހިކޮށްދޭނީ މީޑިއާގަވެސް އެތިކްސް ނެތީމަ.
މީ އިންޑިޔާމީހުންތަ؟
15 July 2019
މީ އިންޑިޔާމީހުންތަ؟
ގމރ ސޓ
15 July 2019
މިކަހަ ސަކަރާތް ޖަހާފައި ދެން ކިޔާނެ މީހުން ރެސްޕެކްޓް ނުކުރެއޭ ބަލައި ނުގަނެއޭ! ތިވެސް ބަލަންދާނީ ކަލޭމެން ފޯނު ކެމެރާގަނޑަކުން ފިލްމެއް ހަދާފަ އެޅުވިޔަސް ދާ ބައިގަނޑު
ލިންޒީ
15 July 2019
ލަވަ ކިޔާފައި އިންލެއް ރީތި...އެކަމަކު ލަވައިގެ ވީޑިއޯ ކަމަކު ނުދޭ. ފެންވަރެއް ނެތް ވީޑިއޯއެއް.
ޕަރީ
15 July 2019
ލަވަ ވަރައްރީތި.
އެލީ
15 July 2019
އާއިލާއެއްގެ ޕްރައިވެސީއަށް އަރައިގަނެ އެމީހުންގެ ނުރުހުމުގަ މިގައުމުގަ ފިލްމުހެދޭ. އެމީހުންގެ ވޭން އިންތިހާއަށް ބޮޑުވެ އެކެކުޅުމުގެ އަޑުއަހާނެ ކަންފަތެއްވެސްނެތް. ދިސްއިޒް މޯލްޑިވްސް ފޯ ޔޫ
ޖޭޖޭ
15 July 2019
މިފިލްމު ނިސްބަތްވާ އާއިލާއަށް އިހުތިރާމު ކުރުމުގެ ގޮތުން އަޅުގަޑު މިފިލްމަށް ނުދާން ނިންމައިފިން.
ޗީޑި
15 July 2019
ރާއްޖޭގެ ސެންސަރު ބޯޑުގެ ދައުރެއްވެސް ނޯންނަނީތަ އާއިލާއިން މިފިލްމާ އެހާދެކޮޅު ހަދާއިރުވެސް، ނަމެއްގަ އޮންނަތަނެއް ކަންނޭގޭ.
ވެލް ވިޝާސް
15 July 2019
ނަމެއްގަ ސްމާޓް ވެގެން އުޅޭ ބައެއް .. ބޮލީވުޑް ހޮލީވުޑް ގަ ވެސް ހުސް ރިއަލް ލައިފް ސްޓޯރީ ތައް.. މީހުން ނު އުޅޭ މޮޔަ ވެގެން.. މާ ރަނގަޅު ވާނެ އެ މަރަށް އިންސާފު ހޯދަން އުޅުނިއްޔާ.. އެ ކުއްޖާގެ މަހާނަ އެންމެ ފަހުން ވެސް ތި އާއިލާ މީހަކު ދެކުނު ދުވަހެއް ނޭގެ ބުނަން ..ކޮސް ނު ގޮވަ ތިބޭ