ފުވައްމުލަކު ފަރަށް އެރި ބޯޓު، މަހެއް ފަހުން ފުންކޮށްފި

ފުވައްމުލަކު ފަރަށް ވިއެޓްނާމް ބޯޓު އަރާފައި: އެ ބޯޓުން ގެނައި ގިނަ އަދަދެއްގެ ހިލަ އާއި ހިލަވެލި ވަނީ އެ ސަރަހައްދު މޫދަށް އުކާލާފައި

މުހައްމަދު ޔާމީން، މިހާރު

15 ސެޕްޓެމްބަރ 2016 - 13:28

23 comments

ފުވައްމުލަކު ހުޅަނގު ފަރާތު ފަރަށް އެރި ވިއެޓްނާމްގެ އާގު ބޯޓު، މަހަކަށް ވުރެ ގިނަ ދުވަހަށް ފަހު މިއަދު ފުންކޮށްފި އެވެ.

މިދިޔަ މަހުގެ 13 ގައި ފަރަށް އެރި ބޯޓު ފުންކުރީ ބޯޓުގައި ހުރި 5700 ޓަނުގެ ހިލަ އާއި ހިލަވެލީގެ ތެރެއިން 5000 އެއްހާ ޓަނުގެ އެއްޗެހި މޫދަށް އުކާލައި، ބޯޓު ލުއިކުރުމަށް ފަހު ދެ ޓަގު ބޭނުންކޮށްގެންނެވެ.

ފުވައްމުލަކުގެ ފެނާއި ނަރުދަމާގެ ނިޒާމަށް ބޭނުންވާ ސާމާނު ހިފައިގެން ދިޔަ "އެމްވީ އެންޖީއޯސީ ސަން" ބޯޓުގައި ހުރި ހިލަ އާއި ހިލަވެލިތައް މޫދަށް އުކާލަން އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) އިން ހުއްދަ ދިނީ އެ ނޫން ގޮތަކަށް ބޯޓު ފުންކުރެވޭނެ ގޮތެއް ނެތުމުން ކަމަށްވެ އެވެ.

ބޯޓު އެގޮތަށް ފަރުމަތީ އޮވެއްޖެ ނަމަ ތިމާވެއްޓަށް މާ ބޮޑު ގެއްލުންތަކެއް ލިބިދާނެ ކަމަށް އީޕީއޭ އިން ދެކެ އެވެ.

ބޯޓު ފުންކުރުމުގެ މަސައްކަތް ކުރިއަށް ގެންދިޔައީ ސިންގަޕޫރުގެ ކުންފުންޏަކާ ހަވާލުކޮށްގެންނެވެ. އެކަމުގައި އުޅުނު މީހަކު ބުނީ ބޯޓު ފުންކުރުމަށް ފަހު ރަށާ ދުރަށް ގެންގޮސްފައިވާ ކަމަށެވެ.

"ފަރާއި ބޯޓާ ދެމެދު 2500 އެއްހާ ފޫޓުގެ ދުރުމިނެއް މިހާރު އެބަހުރި،" އޭނާ ބުންޏެވެ.

"މޫދަށް އުކާލާފައި ހުރި ހިލަތައް އެބަ ފެނޭ ފަރުމަތީގައި ހުއްޓާ. ހިލަތައް އުކާލި ސަރަހައްދު ކަޅުކޮށް އޮތީ."

މި ބޯޓު ފުވައްމަލަކަށް ދިޔައީ ފެނާއި ނަރުދަމާގެ ނިޒާމްގެ މަސައްކަތް ހަވާލުކޮށްފައިވާ ސްރީ ލަންކާގެ ސިއެރާ ކުންފުނީގެ އޯޑަރަށް ގެނައި މުދާ ހުސްކުރާށެވެ.

އިންޑިއާގެ ޓުޓިކޮރިން އިން ރާއްޖެ އަށް މުދާ ބަރުކޮށްގެން މާލޭ ބަނދަރަށް ވަދެ، ކްލިއަރެންސް ހޯދުމަށް ފަހު ފުވައްމުލަކަށް މުދާ ބާލަން އުޅެނިކޮށް ފަރަށް އެރި ބޯޓު ފުންކުރި އިރު އެއިން ކޮންމެވެސް ވަރަކަށް ތެޔޮ ވެސް ލީކްވާން ފެށި އެވެ.

މިހާރު ވެސް އެ ސަރަހައްދަށް ލިބިދާނެ ގެއްލުމަކާ މެދު ފުވައްމުލަކުގެ ގިނަ ބަޔަކު ކަންބޮޑުވެ އެވެ.

ދިގު މިނުގައި 102.79 މީޓަރު، ފުޅާމިނުގައި 17 މީޓަރު ހުރި ބޯޓު ޖޫރިމަނާކުރާނެ ކަމަށް ބެލެވެ އެވެ. ކުރިން މިފަދަ ހާދިސާތަކުގައި ހިމެނޭ ބޯޓުފަހަރު ވަނީ ބޮޑެތި އަދަދުތަކުން ޖޫރިމަނާކޮށްފަ އެވެ.

ފުވައްމުލައް ފަރަށް އެރުން

23 ކޮމެންޓް, 79 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކްރިޓިކަލް

17 September 2016

އަހާނ ދެން ދާން ވާނީ އުކާލިހާ ހިލަތައް ހޮވައިގެން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލިމީ

16 September 2016

ޖުރިމާނާ ކުރެވިދާނެ އެއަކުން ފުވައްމުލަކަށް ވާނެ އެއްވެސް ފައިދާއެއް ނޯންނާނެ ފުވައްމުލަކުގެ ހިމާޔަތުގަ އެއިން އެންމެ ލޯ ލާރިއެއް ވެސް ޚަރަދެއް ނުކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިދާ ހުސް

16 September 2016

ތި އިން ކޮން ގެއްލުމެއް ދެން ވާނީ. ފުވައް މުލަކު ފަރުވެސް ދެން ހިއްކާފާ ފުވައްހެވެން ހެދީމާ ރަނަގަޅު ވާނެ! ތި ހިލަ ކޮޅުން މިހާރު އޮންނާނީ ވަރަށް ބޮޑު ތަނެއް ހިކިފަ! ކީއްކުރާ ފަރަކާ ފަޅާކާތަ! އަޖައިބު ހީވޭ! ފަޅާ ފަރާވެސް ހިއްކާފަ ރިސޯޓް ހަދަންވީ. ހަރާމެއް ހަލާލެއް ނުބަލާ ލާރިވެސް ކެވުނު ވަރަކަށް ކާންވެސް ވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންއާމިރު

15 September 2016

ރާއްޖޭގެ ތިމާވެއްޓަށްވުރެ ތިޔަބޯޓު ފުންކުރުން އީޕީއޭއަށް މުހިންމުވީކަމަށްޓަކައި ޝުކުރިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅު އާމިރު

15 September 2016

ބަލަ، އީޕީއޭ އަށް ހަމަ މުހިއްމުވީ ރާއްޖޭގެ ތިމާވެއްޓޭ! ބޯޓު ފަރުމަތީ ގިނަދުވަހު އޮތީމަ ފަރު މާބޮޑައް ހަލާކުވާނެ ކަމެއް ނޭންގޭތަ؟ ދޮންއާމިރު، ދޮންމީހުން ވިސްނާގޮތައް ވިސނާތީ ވާގޮތެއްހެން ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާމުނަތު

15 September 2016

ބޯޓު ޖޫރީމައިނާއެއް ނުކުރެވޭނެ. ޓުރާންސްޕޯރޓް އޮތޯރިޓީ ވަނީ ބޮނޑިބޮއިފައި... ބޯޓުގެ އިންޝޫރެންސް ވަނީ އައިއެމްއޯ އަށް ރާއްޖޭގެ ކޯސްޓަލް ނެވިގޭޝަނާ ބެހޭ ހުރިހާ މައުލޫމާތުތައް ހިއްސާކޮށްފައި. ރާއްޖެ ސޮއިކޮށްފައިވާ ބައިނަލްއަގުވާމީ މުއާހަދާ އަޕްޑޭޓު ނޮކޮށް ހުރުމުގެ ސަބަބުންް ބޯޓްފަރަށް އެރީ. މިކަމުގައި އަޅުގަނޑުމެން ވެސް މިދަނީ މައުލޫމާތުތައް ބޯޓުގެ އިންޝުއަރެންސް ކުންފުންޏާ ހިއްސާކުރަމުން. ޓުރާންސްޕޯޓު އޮތޯރިޓީގެ އިސް ވެރީންނަށް މިކަންތައް ވަރަށް ރަނގަޅަށް އެނގިވަޑައިގަންނަވާނެއެވެ. މިފަހަރު ދިވެހި ރައްޔިތުންގެ ޓެކުސް ފައިސާ އިން 3.7 މިލިއަނަށް ވުރެ ގިނަ ޔޫ އެސް ޑޮލަރ ބޯޓަށް ދިޔަ ޚަރަދާއި ގެއްލުމުގެ ބަދަލެއްގެ ގޮތުގައި ދައްކަން ޖެހޭނެ އެވެ. މިފަދަ މުހިއްމު ތަންތަނަށް ކަމަށް އެކަށީގެންނުވާ ބޭފުޅުން އިސްކުރުމުން ރައްޔިތުންނަށް ކުރިޔަށް އޮތް ތަނުގައި މިއަށް ތުރެ ބޮޑެތި ގެއްލުންތަކާ ކުރިމަތިލާން ޖެހޭނެކަމީ އޮޅުމެއް އޮތް ކަމެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިއުޓިފުލް

15 September 2016

ޖޫރިމަނާވެސް ނަގާ ވަގަށް!!! #ސްޓީލިންޕެރަޑައިސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

15 September 2016

ރަނގަޅަށް ސާވޭއެއްހަދައި ހިސާބުޖަހައިގެން ތިޔަ ބޯޓް ޖޫރިމަނާކަންކަން ގެންދާނެކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަކުޓަރު

15 September 2016

ބަޔަކު މުއްސަނދިވާނެ މިފަހަރު ތި ޖޫރިމަނާ ނިމޭއިރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަށްދޭ

15 September 2016

ތިކަމުގައި ޖެހޭނެ ލަންކާގެ ސިއެރާ އަށް ވެސް އަދަބު ދެވެން. އެމީހުންނާއި އެކު ހެދިފައި އޮންނަ ކޮންޓްރެކްޓް ގައި ވެސް އޮންނާނެ ފޯސްމެޖުއަރ ކްލޯސް އެއް. އެކްލޯސްގެ ބޭނުން ކޮށްގެން އެމީހުން އުޅޭނެ ސަރުކާރު އަތުން ބޯޓް ޖޫރީމަނާ ކުރާ ފައިސާ އާއި އަދި ކަނޑަށް އުކާލި ހިލަ ގެ އަގުވެސް ހޯދަން އިތުރު ކަޓް ވެސް އެއަށް ލައިގެން. އޮޑިޓަރ ޖެނެރަލް ޖެހޭނެ މިހާރުން މިހާރަށް އަންގަން ތިމާ ވެށި މިނިސްޓްރީ އަށް ވެސް އަދި ފިނޭންސް މިނިސްޓްރީ އަށް ވެސް މިކަން މިގޮތަށް ކޮށް ގެން ނުވާނެ ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެޔައްދޭ

16 September 2016

މަހަށްދޭ ހާދަ މޮޅު ކޮންޓްރެކެޓް އެޑްމިނިސްޓްރޭޓަރެކޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކްރިޓިިކްސް

16 September 2016

"ގެޔަށްދޭ" ތިލަފަތުގެ އެއްކޮޅަށް ގެއަށްދޭގެ ފެމިލީގެ 6 މެމްބަރުން ތިބި ނަަމަ އެއިން ކޮންމެ މީހެއްގެ ބަރުދަނުގައި 65 ކިލޯ ހުރެގެން އެއެންމެން އެއްކޮޅަށް މަމެން ތައްޔާރު ކުރި ކޮންޓްރެކްޓް ޑޮކިއުމަންޓް ތަކާއި ޑްރޯވިންގްސް އެން ސްޕެކްސް އަނެއް ކޮޅަށް - ބަރުވާނީ މަމެންގެ ކޮޅު. ދެން އިނގެންނާ އިނގެންވީ ނޭގެންނާ ނޭނގެންވީ އެކޮއި ކޮންމެ ކަނޑުކޮހެއް ގޮވިއަސް މަމެން ނޯ ވޮރީސް. ކޮޒް ވީއާރ ބޯން ޓު ބީ ކްރިޓިސައިޒަރސް..