23 ޖުލައި 2019 - 13:34
2 comments
އެކްޓަރު އަބްދުﷲ (މުއާ) މުއާޒް ޑައިރެކްޓްކޮށްފައިވާ ފުރަތަމަ ފީޗާ ފިލްމު "ލީނާ" މިރޭ ރެޑް ކާޕެޓް އިވެންޓަކާ އެކު، އޮލިމްޕަހުގައި ޕްރިމިއާކުރަން ތައްޔާރުވެއްޖެ އެވެ.
މައުސޫމު އަންހެން ކުއްޖެއްގެ މަރުގެ ވާހަކަ ކިޔައިދޭ ފިލްމުގެ ޓައިޓްލް ރޯލް ކުޅެފައި ވަނީ މަރިޔަމް އައްޒަ އެވެ. ފިލްމުގެ ކާސްޓުންގެ ތެރޭގައި މުއާ، އަލީ (ދޮން އައްޔަ) އާޒިމް، ނުޒުހަތު (ނުޒޫ) ޝުއައިބް، ޒީނަތު އައްބާސް، އަހުމަދު ނިމާލް، އަހުމަދު ސައީދު އަދި އަހުމަދު (އާނަންދު) އީސަ ހިމެނެ އެވެ.
"ލީނާ" އަކީ ރާއްޖޭގައި ކުރިން ހިނގާފައިވާ މަރުގެ ހާދިސާއަކުން އިންސްޕަޔާވެގެން އަހުމަދު ޒަރީރު ލިޔެފައިވާ ސްކްރީންޕްލޭއަކަށް ހަދާފައިވާ ފިލްމެކެވެ. ފިލްމުގެ މަންޒަރުތައް ނަގާފައި ވަނީ އއ. އުކުޅަހުގަ އެވެ.
މިރޭ "ލީނާ" ޕްރިމިއާ ކުރާ އިރު މުއާ ބުނީ ފިލްމަކީ ބެލުންތެރިން ގަޔާވާ ކަހަލަ ޝައުގުވެރި އަދި ރީތި ފިލްމަކަށް ވާނެ ކަމަށެވެ. އަދި ފިލްމު ފުރިހަމަ ފިލްމަކަށް ހަދަން އޭނާ އާއި ޓީމުން ވަރަށް މަސައްކަތްކޮށްފައި ހުންނާނެ ކަމަށް ބުންޏެވެ.
އޮލިމްޕަހުގައި "ލީނާ" ގެ 15 ޝޯ ދައްކަން ޓާގެޓްކޮށްފައިވާ އިރު، ފިލްމުގެ ޓިކެޓް އަންނަނީ ވިއްކަމުންނެވެ. އަދި ފިލްމަށް ރަނގަޅު ތަރުހީބެއް ވެސް ލިބެމުން އަންނަ ކަމަށް މުއާ ބުންޏެވެ.
އޭނާ ބުނި ގޮތުގައި "ލީނާ" ރާއްޖޭގެ ވީހާ ގިނަ ރަށްރަށުގައި ވެސް ދައްކަން މަސައްކަތް ކުރާނެ އެވެ.
"ލީނާ" އަކީ އޮލިމްޕަހަށް މި އަހަރު ގެންނަ 7 ވަނަ ފިލްމެވެ. އެންމެ ފަހުން އެޅުވި ފިލްމަކީ ޑާކް ރެއިން އެންޓަޓައިންމަންޓްގެ ކޮމެޑީ ފިލްމު "މާމުއި" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުންއަސަރު
23 July 2019
ދިވެހިފިލްމުތައް އަގުބޮޑުކަމުން މިހާރު ސިނަމާއަށް ވަދެވޭވަރެއްނޫން. މިމީހުންވެސް ވަނީ ބޭރުގައުމުތަކުގެ އަގުތަކާ އެއްވަރަށް ނޫނީ އެއަށްވުރެވެސް އަގުބޮޑުކޮށް ވިއްކަން. ހަގީގަތަކީ އެތަންތާނގާ ލައްކައިން ސިނަމާއަށް މީހުން ވަންނައިރު މިތަނުގާ 2000 ނޫނީ 5000 މީހުން ވަނުން. ކިތަންމެ މަދުން މީހުން ވަނަސް ފިލްމަށް ހިނގި ޚަރަދު ކަވަރުވާންވޭ. އެހެޔޮ ލޮނުހެޔޮވަރުނޫނަސް. ދާދި މިދާކަށް ދުވަހު އިންޑިޔާއަށް ގޮސް އަގުބޮޑުފިލްމަކަށް ދިޔައިން. އެތަނުގެ 130 ރުޕީސް.
ސަނާނާ
23 July 2019
ދެލައްކަ މީހުން ބަލަންޏާ އެއް 5 ރުޕީސްއަށް ވިއްކައިގެންވެސް ފައިދާ ވޭ. 5000 މީހުން ބަލަންޏާ އެހެން ނުވާތީ ދޯ ބޮޑު އަގު ނަގަނީ. ފިލްމަށް ވަންނަން އަގު ބޮޑު، ކޮފީ ބޯން އަގު ބޮޑެއް ނޫން، ފަހުގެ ފޯނުތައް މަހަކު އެއްފަހަރު ގަންނަން އަގު ބޮޑެއް ނޫން. ދިވެހި ފިލްމް ތަކުގެ ލޮނު ހެޔޮވަރު ނުވަންޏާ ނުވަނީ ތިކަހަލަ ލޮނު ހެޔޮވަރު ނޫން މީހުންނަށް. ހިތުން ވަރަށް ހޮލީވުޑް، އެކަމު ކެވެނީ ރިހާކުރާ ބަތާ.