ފިނޭންސް މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު އިބްރާހިމް އަމީރު ވާހަކަދައްކަވަނީ--ފޮޓޯ:ނިޝާން އަލީ/މިހާރު
23 ޖުލައި 2019 - 15:42
8 comments
މިދިޔަ ހަ މަސް ދުވަހު ދައުލަތުން ނެގި ލޯނުތަކަށް 597 މިލިއަން ރުފިޔާ ދައްކައިފި އެވެ.
ފިނޭންސް މިނިސްޓްރީން އާންމުކުރާ ތަފާސްހިސާބުތަކުން ދައްކާ ގޮތުން ސަރުކާރުން ނަގާފައިވާ ލޯނުތަކަށް މި އަހަރު 2.8 ބިލިއަން ރުފިޔާ ދައްކަން ޖެހެ އެވެ. މި އަހަރުގެ މިހާ ހިސާބަށް އައިއިރު ސަރުކާރަށް ދެއްކިފައި ވަނީ ކަނޑައެޅި އަދަދުގެ 20 ޕަސެންޓެވެ. މިދިޔަ އަހަރު ދައުލަތުން 2.1 ބިލިއަން ރުފިޔާ ދަރަނި ދެއްކުމަށް ހޭދަކޮށްފައިވެ އެވެ.
މި އަހަރުގެ މިހާތަނަށް ދައުލަތުގެ ދަރަނި 49 ބިލިއަނަށް ވަނީ އަރައިފަ އެވެ. އަދި ލޯނު ގެރެންޓީއާ އެކު ދައުލަތުގެ ދަރަނި 62.7 ބިލިއަން ރުފިޔާ އަށް އަރަ އެވެ. ޖީޑީޕީގެ ނިސްބަތުން ދައުލަތުގެ ދަރަނި ހުރީ 70 ޕަސެންޓްގަ އެވެ.
ދައުލަތުގެ ދަރަނި އަދާކުރުމުގެ ގާބިލްކަން އިތުރުކުރުމަށްޓަކައި ކުރީގެ ރައީސް އަބްދުﷲ ޔާމީންގެ ސަރުކާރުން "ސޮވެރިން ޑިވެލޮޕްމެންޓް ފަންޑް" ތައާރަފްކޮށްފައިވެ އެވެ. މި އަހަރުގެ މިހާތަނަށް އެފަންޑަށް 468 މިލިއަން ރުފިޔާ ޖަމާކޮށްފައިވެ އެވެ.
ބައިނަލްއަގުވާމީ މިންގަނޑުތަކަށް ބަލާއިރު، ތަރައްގީވަމުން އަންނަ ގައުމުތަކުގެ ދައުލަތުގެ ޖުމްލަ ދަރަނި (ގެރެންޓީދީފައިވާ ދަރަނި ހިމަނައިގެން) ދެމެހެއްޓެނިވި ގޮތެއްގައި ބެހެއްޓުމަށް އެންމެ އެކަށީގެންވަނީ އުފެއްދުންތެރިކަމުގެ ނިސްބަތުން 60 ޕަސެންޓެވެ. އެހެން ނަމަވެސް ރާއްޖޭގެ ދަރަނި މިވަނީ އުފެއްދުންތެރިކަމުގެ ނިސްބަތުން އެ އަދަދަށް ވުރެ މައްޗަށް އަރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފް ހ
24 July 2019
ކިހިނެއްތޯއޭ 30 ބިލިއަން ރުފިޔާގެ ބަޖެޓް ހުސްވީ؟ ކޮބައިތޯއޭ އެ ރުފިޔާތައް! ނޫސްވެރިންވެސް ނިިކަން ޒިންމާދާރުވެ މިކަން ބައްލަވާ ދެއްވާ! ދިވެހި ރައްޔިތުންގެ ޚަޒާނާގައި އަޅާފައިވާ ބޮޑު ބާގަނޑު ހޯއްދަވާ!
އަލިބެއްޔާ، އެކުވެރިސުވައިދީބް
24 July 2019
ރައްޔިތުންގެ އަތްމަތި ދަތި ވެއްޖެ. ކުދި މެދު ވިޔަފާރިތައް ހީނަރުވާން ފަށައިފި. އިމްޕޯރޓް އެކްސްޕޯރޓް ދައްވެއްޖެ. ރިޒާވުގައި ހުރި ފައިސާ މދު ވެއްޖެ. ސަޕްލިމެންޓްރީ ބަޖެޓް ހުށަހަޅާން ތައްޔާރު ވެއްޖެ. އިގްތިސާދު ހީނަރު ވެއްޖެ. ކަރަންޓް ފެންބިލު ބޮޑު ވެއްޖެ. ގެތަކުގެ ކުލި ބޮޑު ވެއްޖެ. އިންޓަރނެޓް އަގުހެޔު ނުވޭ. ކޮބައިތޯ ޖަޒީރާ ރާއްޖެ ވައުދުތައް، ކޮބައިތޯ އެޖެންޑާ19 ؟ އައު ސަރުކާރަށް 7 މަސް ފާއިތުވެގެން ހިނގައްޖެ. ރައްޔިތުމީހާ ބޯ ހަލާކު ވެއްޖެ!
އަހްމަދު
24 July 2019
މީގެކުރިން ބާޒާރުގައި 8ރުފިޔާއަށް ލިބުނުފިޔާކިލޯއެއްގެއަގު މިހާރު ބާޒާރުގައި އެހުރީ18ރުފިޔާއާއި20ރުފިޔާއަށް އަރާފާ. ހުރިހާތަކެތި މިހިރަދަނީ އަގުބޮޑުވަމުން. ޑޮލަރު ތާށިވަމުން. އެމްޑީޕީ ވެރިކަމަށް އަންނައިރަށް ޑޮލަރަށްމިވާގޮތެއް މަޖިލިސް މެދުވެރިވެގެން ބަލަންވެއްޖެނު.
އަލީފާއިޒް
23 July 2019
ދަރާ ވިކިފަ އޮތް ގައުމެއް. މުސްތަގްބަލެއް ނެތް. ހަމަ ޕޮލިޓިކްސް ކުޅެލަ ކުލެލަ ތިބެން ވީ. ކޮންމެ އިންތިޚާބެއްގައިވެސް ައުމު ބޭންކް ރޯލް ކޮށްދޭ ބޭރުގެ އެހީތެރިޔާއަށް ސަރުކާރު ފުރޮޅިގެންދާނީ. ވަރަށް ސަލާމް
ކަދުރޭ2
23 July 2019
ވަހީދުސަރުކާރުންވެސް އެއްފަހަރާ އިންޑިޔާއަށް ދޭންޖެހުނު 200މިލިޔަން ޑޮލަރު ދައްކާލި. އެވެސް އޭރުގެ ކުރީސަރުކާރުން ނެގި އަދި އޭގެން ކުރިކަމެއް ނޭގޭ 200މ ޑޮލަރ.
ބޮޑުމީހާ
23 July 2019
ރާއްޖޭގެ ދަރަނި މައްޗަށް ނުދާންވީ ސަބަބެއްނެތް. ގައުމަށް ލިބޭ ހުރިހާ ލާރިއެއް ކޮންމެވެސް މޮޅު ކޮރަޕްޝަންގެ ސްކޭމަކުން އަމިއްލަ މީހާއަށް ދަނީ. ދެން ލޯނު ނަގައިގެން މުސާރައާއި އެއްޗިހި ދީ މިހަދަނީ. ތި ބުރިބުރިއަށް ގެ ހިއްލާ މީހުންގެ އިމާރާތްތަށް ނަގައިގެން ތި ލޯނުތައް ދައްކަބަލަ
ބަބުރަންޖީ ހާޖީ
23 July 2019
އެއްކޮޅުން ލޯނުދައްކާއިރު އަނެއްކޮޅުންދަނީ ހަބޭހަށް ނަގަމުން.
އަމީތާބު
23 July 2019
އަނެއްކޮޅުން ޕާރޓީ ކުދިންނަށް ބަދަލުދިނުން ފަތުއަޑުކިޔާފަ.