ބަރެސްދޫ ބަހާލާފައި އޮތީ ކުރީ ސަރުކާރުގެ ބޮޑުންނަށް: އެމްއައިޓީޑީސީ

އެމްއައިޓީޑީސީގެ މެނޭޖިން ޑިރެކްޓަރު ރާއިދު، އެސްއޯއީ ކޮމިޓީ އަށް އިއްޔެ ޖަވާބުދާރީވެވަޑައިގަންނަވަނީ.---ފޮޓޯ: މަޖިލިސް

މުހައްމަދު ނަސީމް، މިހާރު

25 ޖުލައި 2019 - 11:19

މޯލްޑިވްސް އިންޓަގްރޭޓެޑް ޓޫރިޒަމް ޑިވެލޮޕްމެންޓް ކޯޕަރޭޝަން (އެމްއައިޓީޑީސީ) އަށް ދޫކޮށްފައިވާ ލ. ބަރެސްދޫން 10 ފަރާތަކަށް ބިން ކުއްޔަށް ދީފައިވާ އިރު، އޭގެ ތެރޭގައި ކުރީގެ ރައީސް އަބްދުﷲ ޔާމީންގެ ސަރުކާރުގެ ބައެއް މިނިސްޓަރުންނާއި ރައްޔިތުންގެ މަޖިލީހުގެ އޭރުގެ ބައެއް މެމްބަރުންނާއި ބައެއް ކުންފުނިތަކުގެ މެނޭޖިން ޑިރެކްޓަރުންނަށް އެ ދުވަސްވަރު ތިއްބެވި ބޭފުޅުން ހިމެނޭ ކަމަށް އެމްއައިޓީޑީސީން ބުނެފި އެވެ.

ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ (އެސްއޯއީ) ގެ އިއްޔެ ބައްދަލުވުމުގައި މެމްބަރުން ކުރެއްވި ސުވާލުތަކަށް ޖަވާބު ދެއްވަމުން އެމްއައިޓީޑީސީގެ މެނޭޖިން ޑިރެކްޓަރު މުހައްމަދު ރާއިދު ވިދާޅުވީ، ކުރީ ސަރުކާރުގެ ބޮޑުންގެ އިތުރުން މިނިވަން މުއައްސަސާއެއްގެ ވެރިއަކަށް ވެސް ބަރެސްދޫން ބިން ދޫކޮށްފައިވާ ކަމަށެވެ. އެކަމަކު، އެ ރަށުން ބިން ދޫކޮށްފައި ވަނީ އެ ކަމަށް އޮންނަ ރަނގަޅު އުސޫލުގެ ތެރެއިން ބީލަމުން ކަމަށް އޭނާ ވިދާޅުވި އެވެ.

"އެބަހުރި މިދިޔަ ސަރުކާރުގެ ތަފާތު ތިން އެމްޑީއެއް ވެސް. އެކި ކުންފުނިތަކުގެ ތިން އެމްޑީން. އެ މީހުންގެ އަމިއްލަ ނަމުގައި ވެސް އެބަހުރި އަދި މަސްލަހަތު ހިމެނޭ ކުންފުނިތައް ވެސް އެބަހުރި ނުވަތަ އެކި ގޮތްގޮތުން ގުޅުން ހުރި ކުންފުނިތައް ވެސް އެބަހުރި. ދެން މިދިޔަ ސަރުކާރުގެ ވަޒީރެއް ވެސް އެބަ ހުންނެވި. ދެން އަޅުގަނޑު ފާހަގަކޮށްލަން މިނިވަން މުއައްސަސާއެއްގެ އިސް ބޭފުޅެއް ވެސް މީގެ ތެރޭގައި އެބަ ހިމެނޭ. އަދި ކުރިން މިި ކުންފުނީ ގައި މީގެ ކުރިން ބޯޑު މެމްބަރެއްގެ ގޮތުގައި ހުންނެވި ބޭފުޅެއްގެ އާއިލާ މެމްބަރަކު ވެސް އެބަ އޮތް ތަނެއް ނަގާފައި،" ބަރެސްދޫން ބިން ކުއްޔަށް ދޫކޮށްފައިވާ ފަރާތްތަކާ ގުޅޭ ގޮތުން ރާއިދު ވިދާޅުވި އެވެ.

ބަރެސްދޫ ގައި އިންޓަގްރޭޓެޑް ޓޫޒިޒަމް ވިލެޖެއް ހެދުމުގެ މަޝްރޫއަކީ އެމްއެމްޕީއާރުސީން 2014 ވަނަ އަހަރު ފެށި މަޝްރޫއެކެވެ.

ރާއިދު ވިދާޅުވި ގޮތުގައި، އެމްއެމްޕީއާރުސީން އޭރުގައި އެ ރަށުގެ ބިން 19 ފަރާތަކަށް ދޫކޮށް، ލޭންޑް އިކުއިޒިޝަން ކޮސްޓް (އެލްއޭސީ)ގެ ގޮތުގައި 34 މިލިޔަން ރުފިޔާ އޮތީ ނަގައިފަ އެވެ. އެ އަށް ފަހު 2016 ވަނަ އަހަރު އެމްއައިޓީޑީސީ އުފައްދައި އެ ކުންފުންޏަށް ބަރެެސްދޫގެ މިލްކުވެރިކަން ބަދަލުކުރި އިރު އެމްއައިޓީޑީސީ އަށް ދީފައި ވަނީ 14 މިލިއަން ރުފިޔާ ކަމަށާއި އަނެއްބައި ބަރެސްދު އަށް ހަރަދުކޮށްފައިވާ ކަމަށް ވެސް އޭނާ ވިދާޅުވި އެވެ.

ބަރެސްދޫން ބިން ދޫކޮށްގެން އެމްއެމްޕީއާރުސީން ނެގި ފައިސާ ހަރަދުކޮށްފައިވާ ގޮތާ ބެހޭ ގޮތުން، ރާއިދު ވިދާޅުވީ އޭގެ ތެރެއިން 15 މިލިއަން ރުފިޔާ ބަރެސްދު އަށް ހަރަދުކޮށްފައިވާ ކަމަށެވެ. އެ ހަރަދު ކޮށްފައި ވަނީ ބަނދަރަކާއި ކޯޒްވޭއެއް ހެދުމަށް ކަމަށް ރާއިދު ވިދާޅުވި އެވެ.

އެސްއޯއީ ކޮމިޓީގެ އިއްޔެގެ ބއްދަލުވުމުގައި ބައިވެރިވެވަޑައިގެންނެވި ބައެއް މެމްބަރުން.---ފޮޓޯ: މަޖިލިސް

އޭގެ ފަހުން އަނެއްކާ އެމްއައިޓީޑީސީ އަށް ރަށް ލިބުމާ އެކު، އިތުރު ބިންތައް ކުއްޔަށް ދީގެން 21 މިލިއަން ރުފިޔާ ހޯދާފައިވާ ކަމަށް އެ ކުންފުނީގެ އެމްޑީ ރާއިދު ވިދާޅުވި އެވެ. އެހެންވީމާ ބަރެސްދޫން ދެ ކުންފުންޏަށް ލިބުނު ފައިސާގެ ޖުމްލަ އަކީ އޭނާ ވިދާޅުވި ގޮތުގައި 55 މިލިއަން ރުފިޔާ އެވެ.

ބަރެސްދު އަށް ދެއްކި ފައިސާ އަނބުރާ ހޯދަން ބައެއް ފަރާތްތަކުން އެދުމުން، އޭގެ ތެރެއިން ބައެއް ފައިސާ މިހާރު ވަނީ ދީ ނިންމައިފަ އެވެ. ފައިސާ އަނބުރާ ދޭން ޖެހުނީ އެ ރަށްރަށް ތަރައްގީ ކުރުމުގެ މަސައްކަތް ކުރިއަށް ނުދާތީ އެވެ. އެގޮތުން އެކި ފަރާތްތަކަށް މިހާތަނަށް ދައްކާފައިވާ ފައިސާގެ ޖުމްލަ 560،000 ޑޮލަރަށް އަރަ އެވެ.

އެންޓި ކޮރަޕްޝަން ކޮމިޝަން ކޮރަޕްޝަން އެމްއައިޓީޑީސީ މުހައްމަދު ރާއިދު (އެމްޑީ، އެމްއައިޓީޑީސީ)

30 ކޮމެންޓް, 51 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިކުނޑި

28 July 2019

(2/2) .. އަޅަންޖެހޭ މައްސަލައެއް! ކޮންމެ ގޮތެއްވިޔަސް މިނިވަން މުއައްސަސާތައް ބާރުވެރި ކުރުވަން ޖެހޭނެ! އަބަދަކު މަޖިލީހުގެ ސުޕަމެޖޯރިޓީއެއްވެސް ނޯންނާނެ! މިހާރު ރަނގަޅު ނުކޮށްފިނަމަ، ވަގުތު ފާއިތުވުމުން ދެންފަހުން ކުރަން އަދި މާއުނދަގޫވާނެ!! "ވެރިކަމަކީ، ކެމްޕޭން ކޮށްގެން ހޯދާއެއްޗެއް ނޫން!! ވެރިކަމަކީ ﷲ ތަޢާލާ ދެއްވާއެއްޗެއް"

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލެޖު ބޯއި

26 July 2019

ބީލަމުގެ އުސޫލުން ބިން ދޫކުރީމަވެސް ލިބުނީ ބޮޑުންނަށް. ފްލެޓު ހަދާފަ ގުރުއަތުލީމަ ގުރުން ދިމާވެގެން ވެސް ފްލެޓު ލިބެނީވެސް ބޮޑުންނަށް. ރިސޯޓަށް ރަށެއް ބީލަންކީމަވެސް ކާމިޔާބުވަނީ ބޮޑުންނަށް. އެމްއެމްޕީއާރުސީގެ ޚިޔާނާތުގެ ފައިސާވެސް ލިބެނީ ބޮޑުންނަށް. ވީމަ އޮންނަ އުސޫލުން ކަންތައް ކުރީމަ ކާމިޔާބުވާ ގޮތަށް މިއޮންނަނީ ބޮޑުންނަށް ވީމަ އެއީ ކޮރަޕްޓް އުސޫލެއް. އިންޓަގްރޭޓަޑް ކުންފުނީގެ އެމްޑީއަށް މި ކޮރަޕްޝަން ނުފެނުން އެއީ މައްސަލައެއް. އިސްތިއުފާ ދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޅުދުއްފުށީ ކުއްޖާ

25 July 2019

އެމްއެމްޕީއާރުސީ ހިޔާނާތުން ފައިދާ ލިބުނު ކުންފުނިތަކުގެ އަތުން ރައްތަށް ނުހޯދޭ ކަމަށް ވާނަމަ ކޮބައި މިސަރުކާރު ގެނައުމުގެ ބޭނުމެއް ، ނިމިދިޔަ ވެރިކަމުގެ ކޮރަޕްޝަނުގައި ބައިވެރިވި ހުރިހާ ހުރިހާ މީހުންނަށް އަދަބު ނުދެވޭ ނަމަ މިއީ ވައުދު ނުފުއްދޭ ނާގާބިލު ސަރުކާރެއް ، ދެވަނަ ފުރުސަތެއް ނުދެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫނިމާ

25 July 2019

ސަރުކާރުން މިފަދަ ކުންފުނިހަދާފައި ސަރުކާރުގެ ވެރިން އޭގެއިން މަންފާނަގަނީ، އެހެންވެ އިޤްތިސާދު ނުހިނގަނީ، ސަރުކާރުން ރެގިއުލޭޓް ހަދައި، ޤާނޫނު ހަދައި ގަވައިދުހަދައި އޭގެ ފަހުން އެމީހުން އައިސް އެކަންކަމުގައި ބައިވެރިވެ ވިޔަފާރިވެރިންނަށް ބަދަލުވަނީ، ދެން އިޤްތިސާދުގައި އުޅޭ ވިޔަފާރިވެރިން ނިކަމެތިވަނީ، މިކަން އެބަޖެހޭ ހުއްޓުވަން، ސަރުކާރުގެ ވަޒީފާފައި އުޅޭ މީހުން ވިޔަފާރިން ދުރަށްދާންޖެހޭ، އެމީހުން ވިޔަފާރިކުރަންޏާ އެކަން ކުރަން ދޫކޮށްލަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރުބެ

25 July 2019

އެމްއައިޓީޑީސީ އުވާލައި ފައިސާދައްކާފައިވާ މީހުންނަށް އަނބުރާ ފައިސާދީ، އެރަށުން ގެސްޓް ހައުސް ހަދަން ބޭނުން ބަޔަކަށް ޓޫރިޒަމް މިނިސްޓްރީން ބިންދޫކުރީމަ ނިމުނީ، ހަމަ އެގޮތަށް ބޮޑެތި ރަށްތަކެއް ބަލައި ކޮންމެ ޒުވާނަކަށް ޓޫރިޒަމްގެ ދާއިރާއަށް ވަނުމަށް 5000 އަކަފޫޓާއި 10000 އަކަފޫޓާއި، 20000 އަކަފޫޓާއި، 1 ހެކްޓަރާއި، 2 ހެކްޓަރުގެ ބިންދޫކުރީމާ ކޮންމެ އަކަމީޓަރަކަށް -/8 ޑޮލަރު ސަރުކާރަށް ވަންނަންފަށާނެ، 3 އަހަރުދީ ހެދުމުގެ މުއްދަތު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިޓައްޕަން

25 July 2019

ތިކަމުގައި އަޖާއިބު ވާކަށް ނުޖެހޭ. މިތަނުގައިނއޮތީ ވައްކަމާއި މަކަރާއި ކަރަފުސަން ފަސާދަ ބައި ޑީފޯލްޓް ކޮށްފަ. އަހަރުމެން އަންތަރީސްވާނީ މިވެނިކަމެއް ރަގަޅޭއޮތީ ބުނެފިއްޔާމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

25 July 2019

މިހަބަރުކިޔާލިއިރުއެނގުނުއެކައްޗަކީ ކުރީސަރުކާރުގެބޮޑުންނައް ބިންލިބުނީމަ ހިންހަމަނުޖެހުންތަކެއްހުރިކަން އެކަމުއެކަންކޮށްފައިވަނީ އޮންނައުސޫލުގެތެރެއިން ބީލަންކާމިޔާކޮންގެން އެކަމުވެސް އެކަންފަލަސުރުހީއަކަށްއަރުވަންއެބަޖެހޭ ކީއްވެބާ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

25 July 2019

ކޮންމެވެސް ގޯހެއް އުޅޭތީވެ ފަލަ ސުރުޚީއަށް އަރަން ޖެހުނީ.......ގޯހެއް ނޫޅެ ނުދާނެ ފައިސާގެ މުއާމަލާތެއްވިއްޔާ، އަބަދުވެސް އެފައިސާ މިފައިސާ، މިފައިސާ އެފައިސާއިން ނުނެއްޓިގެން އުޅުނީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

25 July 2019

ބަޔަކަށް ދޫކުރާނެ ވަކި ބައެއް ނެތް. ބޮޑުންނަށް އިސްކަންދިނުމަކީ ވެރިކަމުގެ ސަގާފަތެއް. ބޭނުމަކީ ބޮޑުން ރުއްސައިގެން ވެރިކަމުގައި ދެމިހުރުން. ނާސިރު، މައުމޫން ނަޝީދު ވެރިކަމުގައިވެސް ފައިސާއާއި ބިމާއި ރައްތައް ދީފާ ހުރީ ބޮޑުންނަށް. މުހިންމީ ކުރިންތިބި ކުށްވެރި ކުރެއްމެއް ނޫން އެހެން ނުވާނެ ގޮތަކަށް ކަންކަން ބަދަލުކުރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅި

25 July 2019

ސުރުޚީގައިވަނީ ބަރެސްދޫ ބަހާލާފައިވަނީ ކުރީގެ ބޮޑުންނަށޭ. އެކަމު ފުރަތަމަ ޖުމްލައިގައި ވަނީ 10 ފަރާތަކަށް ބިން ކުއްޔަށްދީފައި ކަމަށް. ކުއްޔަށްދިނުމަކީ ބަހާލުންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގުފުޅާޓިނު

26 July 2019

ލައްބަ، މިހާލަތުގަ ކުއްޔަށް ދިނުމަކީ ބަހާލުން ކަމަށް ނުވާނަމަ، ޖީއެމްއާރަށް އެއަރޕޯރޓް ކުޔަށްދިނުމަކީ އެއަރޕޯރޓް ވިއްކާލުން ކަމަކަށްވެސް ނުވާނެ، އެކަމު އެހެންވެފަ އޮތީ ދެއްތޮ...