ރަޝިޔާ. ދިވެހިންނަށް ވިސާއާ ނުލައި ރަޝިޔާ އަށް ދެވޭ އުސޫލަށް ވަނީ އަމަލު ކުރަން ފަށާފައި.
25 ޖުލައި 2019 - 13:19
7 comments
ދިވެހިންނަށް ވިސާއާ ނުލައި ރަޝިއާ އަށް ދެވޭ އުސޫލަށް މިއަދު އަމަލު ކުރަން ފަށައިފި އެވެ.
ފޮރިން މިނިސްޓްރީން ބުނީ ރާއްޖެ އާއި ރަޝިއާއާ ދެމެދު ގާއިމު ކުރި އެއްބަސްވުމުގެ ދަށުން، ދެ ގައުމުގެ މީހުންނަށް ވެސް 90 ދުވަހުގެ އޮން-އެރައިވަލް ވިސާ ލިބޭނެ ކަމަށެވެ. ދިވެހިންނަށް ރަޝިއާ އިން 90 ދުވަހުގެ އޮން-އެރައިވަލް ވިސާ ދިނުމުގެ އެއްބަސްވުމުގައި ސޮއިކުރީ މިދިޔަ މަހު އެވެ.
އެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ފޮރިން މިނިސްޓަރު އަބްދުﷲ ޝާހިދެވެ. ރަޝިއާ އިން ސޮއިކުރެއްވީ އެ ގައުމުގެ ފޮރިން މިނިސްޓަރު ސާގޭ ލަވްރޮވް އެވެ.
ވިސާ ނެތި ރަޝިޔާ އަށް ދެވޭ ގޮތަށް އެއްބަސްވުމުގައި ސޮއި ކުރަނީ. --- ފޮޓޯ: ފޮރިން މިނިސްޓްރީ
ދިވެހިންނަށް ވިސާއާ ނުލައި ރަޝިއާ އަށް ދެވޭ އުސޫލަށް އަމަލު ކުރަން ފެށި އިރު، އެ ފަސޭހަކަން އެންމެ ފަހުން ހޯދައި ދިނީ ތައިލެންޑަށެވެ. އެގޮތުން، 30 ދުވަހުގެ އޮންއެރައިވަލް ޓޫރިސްޓް ވިސާގައި ދިވެހިންނަށް ތައިލެންޑަށް ދެވޭނެ ކަމަށް ފޮރިން މިނިސްޓްރީން ބުނެފައި ވެ އެވެ.
އެކަމަކު އެގޮތަށް އެތެރެ ވާއިރު، 30 ދުވަސް ތެރޭގައި އެނބުރި ރާއްޖެ އަންނާނެކަން އަންގައިދޭ ރިޓާން ޓިކެޓާއި މުއްދަތު ހަމަވާން ހަ މަހަށް ވުރެ ދިގު މުއްދަތެއް އޮތް ޕާސްޕޯޓެއް އޮތުމުގެ އިތުރުން ފުރިހަމަކޮށްފައިވާ އެރައިވަލް ކާޑަކާއި އެކަށީގެންވާ އަދަދަކަށް ފައިސާ ހުންނަން ޖެހޭނެ ކަމަށް މިނިސްޓްރީން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޥާނުވާ
26 July 2019
އޮން އެރައިވަލް ވިސާލިބޭ މީގެކުރިންވެސް ތައިލެންޑުން އޮން އެރައިވަލް ވިސާގެ މާނައަކީ ފްރީވިސާތަ؟
އޮޒީ
26 July 2019
އޮސްޓްރޭލިއާ އަށްވެސް ދެވޭ ގޮތް ހަދާލަ ދީބަލަ ވިސާ ނެތި. މަގޯތި ކޮޔާ މެލްބާނުގަ ހުންނަނީ. މަ ގޮސްލާ ހިތުން.
ބަނީ
26 July 2019
ޢަލީ ހަމީދޫ!
ބެއްޔާ އައްޑޫ
25 July 2019
އިއްޒަތްތެރި ފޮރިން މިނިސްޓަރު އެވެ. އިންޑޮނީޝިއާ ވިއެޓްނާމް އަށް ފްރީވިސާ ހޯއްދަވައި ދެއްވާ. މަނިކުފާނުގެ މަސައްކަތަށް އައްސަރިބަހާއި ސާބަސް
ހުސެެން
25 July 2019
ރާއްޖޭގެ ޕާސްޕޯޓް ކުރިއަރުވަން ތިކުރާ ހިއްވަރަ ސާބަސް... ވީހާވެސް ގިނަ ގައުމުތަކައް ދިވެހިން ނައް ވިސާ ނަގަން ނުޖެހޭ ގޮތައް ހަދާ ދިނުން އެދެނެ...
މީކާއީލް
25 July 2019
މިހެންވޭ ބުނަނީ މިސަރުކާރަކީ 1 ވަަނައޭ. ދިވެހި އިންވެސްޓަރުންނަށް ރަނުގެ ފުރުސަތެއް..!
ކަލްބީ
25 July 2019
އަޅުގަޑުމުންގެ ފޮރިންމިނިސްޓަރ އާއި ސާގޭ ލަވްރޮވް ވާހަކަ ދެއްކެވީ ދިވެހިބަހުން. އެބޭފުޅާ ވަރަށް ރަގަޅަށް ދިވެި ބަސްދަސްކުރައްވާފައިވަނީ ލަންކާގެ އެމްބަސީގައި ހުންނެވި ދުވަސްވަރު. ސާބަހޭ ޑރ ޝާހިދު ތިކުރައްވާ މަސައްކަތް. އަހަރެމެން އެދެނީ ދިވެހިންނަށް ވީހާ ފަސޭހަކޮއް ވިސާލިބޭނޭގޮތްވުން.