ދިރާގުގެ މައި އޮފީސް--ފޮޓޯ:ނިޝާން އަލީ/މިހާރު
25 ޖުލައި 2019 - 14:20
20 comments
ދިރާގުގެ ބައެއް ހިދުމަތްތަކަކަށް ބުރޫއަރާފައި ވަނީ ބިޒްނަސް ސަޕޯޓް ސިސްޓަމް އަޕްގްރޭޑްގެ މަސައްކަތެއް ކުރިއަށް ގެންދާތީ ކަމަށް އެ ކުންފުނިން މިއަދު ބުނެފި އެވެ.
މިކަމާ ގުޅޭ ގޮތުން ދިރާގުން ނެރުނު ބަޔާނެއްގައި ބުނީ، އެ ކުންފުނިން ފޯރުކޮށްދޭ ހިދުމަތްތަކުގެ ފެންވަރު ރަނގަޅުކޮށް އިތުރަށް ފުރިހަމަ ކުރުމުގެ ގޮތުން ބިޒްނަސް ސަޕޯޓް ސިސްޓަމް އަޕްގްރޭޑްގެ ދެވަނަ މަރުހަލާގެ މުހިއްމު މަސައްކަތްތަކެއް ކުރަމުން އަންނަ ކަމަށެވެ.
މި އަޕްގްރޭޑް މަސައްކަތްތަކަކީ ވަރަށް ގިނަ ޓެކްނިކަލް ކަންތައްތަކެއް އެކުލެވިގެންވާ ގިނަ މަރުހަލާތަކަކަށް ބެހިގެންވާ ކަމެއް ކަމަށް އެ ކުންފުނިން ބުނެ އެވެ. މި ދުވަސްވަރު ކަސްޓަމަރުންނަށް ބައެއް ހިދުމަތްތައް ބޭނުން ކުރުމުގައި ދިމާވާ ދަތިތަކަކީ މި އަޕްގްރޭޑިންއާ ގުޅިގެން ކުރިމަތިވާ ދަތިތަކެއް ކަމަށް އެ ކުންފުނިން ބުނެ އެވެ.
ބުރޫ އަރާނެ ހިދުމަތްތައް
- ރީލޯޑް އަދި ރީޗާޖާ ގުޅޭ ހިދުމަތްތައް
- މޯބައިލް އެޑްއޮން އާއި މޯބައިލް ޕެކޭޖް ބަދަލުކުރުން
- މައި އެކައުންޓް އަދި ދިރާގު މޯބައިލް އެޕް
- މަމެން މޯބައިލް އެޕް
- ދިރާގު ކަސްޓަމާ ސާވިސް ސެންޓަރައި ދިރާގު ޕާޓްނާޝޮޕްތަކުން ދޭ މޯބައިލް ހިދުމަތާއި ބިލަށް ފައިސާ ދެއްކުން
- މޯބައިލް ނަންބަރު ޕޯޓަބިލިޓީ
މި ހިދުމަތްތަކަށް ބުރޫ އެރި ނަމަވެސް ޑޭޓާ އާއި އެސްއެމްއެސް ާއި ވޮއިސް ކޯލްގެ ހިދުމަތް ބޭނުން ކުރެވޭނެ ކަމަށް ދިރާގުން ބުނެ އެވެ. އެ ކުންފުނިން ބުނީ މި މަސައްކަތް ކުރިއަށް ގެންދާ ވަގުތުތަކުގައި ކަސްޓަމަރުންނަށް ބައެއް ހިދުމަތްތައް ބޭނުން ކުރުމުގައި ދަތިތަކާ ކުރިމަތިވާނެ ކަމަށެވެ.
ދިރާގުގެ އިންޖިނިއަރުންނާއި ޓެކްނިކަލް ޓީމުތަކުން ކަސްޓަމަރުންނަށް ކުރިމަތިވާ ދަތިތަކަށް އަވަސް ހައްލެއް ހޯދުމަށް މަސައްކަތް ކުރާ ކަމަށް ވެސް އެ ކުންފުނިން ބުނެ އެވެ.
މިދިޔަ ޖެނުއަރީ މަހު ވެސް ދިރާގުން ސިސްޓަމް އަޕްގްރޭޑް ކުރުމުގެ މަސައްކަތްތަކެއް ކޮށްފައިވެ އެވެ. އެފަހަރު ވެސް ދިރާގު ކަސްޓަމާ ސާވިސް ސެންޓަރުތަކާއި ދިރާގު ޕާޓްނާ ފިހާރަތަކާއި އެ ކުންފުނީގެ އޮންލައިން ހިދުމަތްތަކާއި އެ ކުންފުނީގެ ވެބްސައިޓްގައިވާ މައި އެކައުންޓާއި އެ ކުންފުނީގެ މޮބައިލް އެޕްލިކޭޝަނާއި މަމެން މޮބައިލް އެޕްލިކޭޝަންގެ އިތުރުން ދިރާގު ޕޭ އަދި ސެފްލް ކެއާ ޗެނަލްސްތަކުގެ ހިދުމަތް ކެނޑިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
26 July 2019
ހިދުމަތާއި ފެންވަރުގެތަފާތުތަޖުރިބާކޮށްލުމުގެބޭނުމައްޓަކާ ޔޫޓިލިޓީޒް، ބްރިޖް އަދި އިންލެންޑްރޯޑްސްތައްޑިވޮލޯޕްކުރުމާއި، މޮބައިލްފޯނާއިއިންޓަރނެޓް، ވީލްބޭސް އާއި އެކު ސީޕްލޭން އޮަޕަރޭޓްކުރުން، އޯފްޝޯވް ބޭންކާއި އަދި ސަރަހައްދުގައިހުރި ފަޅުރަށްތަކުގައި އިންވެސްޓްކޮށް މުޅިރީޖަން އެކީއެކަށް ތަރައްޤީކޮށްލާނެ ޔޯރަޕް، ޖަޕާން ކުންފުނިތަކާއިއެކު ސަރުކާރު %30 ހިއްސާ ލިބޭގޮތަށް 50 އަހަރަށް އިކޮނޮމިކް ޒޯނެއްގެ ގޮތުގައި ކޮޅުމަޑުލުން އައްޑުއަށް ކަޑައަޅުއްވާ.
ހަންސަން
25 July 2019
އެބުނާ އަޕްގްރޭޑަކީ ކުންފުންޏަށް ފައިދާބޮޑުވާނެގޮތް އަޕްގްރޭޑްކުރުން.
ލޫލު
25 July 2019
ދުވަހަކު ނުނިމުނު އަޕްގުރޭޑެއް ދެއްތޯ؟ އަހަރުވަބީ ތިޔަ އަޕްގުރޭޑެއްގަ އުޅޭތާ.. ދަނީ ފަހަތަށް ވަނީ ޑައުން ގުރޭޑް
ކޮތަރުގެ އަސަރު
25 July 2019
ޚިދުމަތް ތަކަށް ބުރުއެރީ އަޕްގުރޭޑް ކުރާތީ، އެކަމަކު އެފަދަ އަޕްގްރޭޑެެއް ކުރާނަމަ ކަސްޓަމަރުން ނަށް ކުރިޔާލާ އަންގާލި ނަމަ މާރީތިވެފެއި، ޕޮރޮފެޝަނަލް ވީސް!
މާޓިންބަޝީރު
25 July 2019
ދެމަހުން އެއްމަހު ތިކަންތައްގަޑެއް ދިމާވީމަ ކޮންމެފަހަރަކު ބުނަނީ އަޕްގްރޭޑް ކުރުމުގެ މަސައްކަތެއް ކުރިއަށްދަނީއޭ. ތިދާރޭޓުން ތިއަޕްގްރޭރޭޑެއްދަންޏާ މިހާރު އަހަރުމެން ބޭނުންކުރަން ޖެހޭނީ 10 ޖީ އަދިކިރިޔާ 5 ޖީ ދުނިޔެއަށް ތައާރަފުވިޔަސް.
ވަކަޖެމް
25 July 2019
އަޕްގްރޭޑްކުރާ ކޮންމެފަހަރަކު ދިރާގުގެ ހާލުމިހާ ދައްވާކަމަށްވާނަމަ މިކަންނުކުރުންވެސް މާ ބުއްދިވެެރި. ތިމާމެންގެ އަގުވިއްޔާ ވެއްޓެނީ. މޮޅުކަމަކީ މިކަންނިމޭނެއިރެއްވެސް ނޭގޭ.
ހާހުންގާނު
25 July 2019
ތިކަންހައްލެއްނުވާނެ. 3ވަނަ މޮބައިލް އޮޕަރޭޓަރެއް ގެންނަން އުޅެންވީ
ގެޓްވެލްސޫން
25 July 2019
ތީ ތެދެއްކަމަށް ގަބޫލެއްނުކުރެވޭ. ޖަނަވަރީމަހު އަޕްގްރޭޑް ކޮށްފަކާ ޖުލައިމަހަކު ނުކުރާނެ. 6މަހުން 6މަހުން ކާ ބޭހެއްތަ؟ޖަނަވަރީގަ ކުރިކަންތަކުން ސަލާމަތްނުވާތީ ޖައްސާ ސްޓަންޓެއްތީ. ރީލޯޑްނުކުރެވޭ އަދި ބެލެންސްވެސް ނުބެލޭ. 24ގަޑިއިރުވީ. ހައްލެއްނުލިބޭ. ކިހިނެއް އަޕްގްރޭޑްކުރެވޭނީ؟ 123 އަށް ގުޅައިގެން ބައިގަޑިއިރުވާއިރުވެސް މީހަކާ ނުގުޅޭ. ހުރިހާކަމެއް ހުއްޓާފަވެސް މިކަން ރަގަޅުކުރަންވީނު؟ ނޫނީ 123 އުވާލަންވީނު؟ ސްޕީޑް އުޅެނީ ފިނިހަކުދުވެލީގަ!
ވީގޫ ތާކިހާ
25 July 2019
123 އަކީ ދިރާގުން ކުރަމުންދާ ރީސާޗެއްގެ ދަށުން ދިވެހިިންގެ ކެއްތެރިކަން ޓެސްޓްކުރަން ހިންގާ ޕްރޮޖެކްޓެއް
ހަބަރޭ
25 July 2019
ހުރިހާބޭފުޅުންވެސް މަޑުންތިބެބަލަ ދިރާގް އިޒް ޓޭކިން ޓްމޯރޯ އޮން އެމީހުންގެ ސްލޯގަންގައި ވާގޮތައް.
ކަންއޮތްގޮތް
25 July 2019
ކޮންމެމަހެއްގެ ފަހުކޮލު ތިއަޕްގުރޭޑު އަބަދުވެސްކުރާކަމަކީ އެންމެން ފާހަގަކުރާކަމެކެވެ. ޕެކެޖުނަގައިގެންއުޅޭ މީހުންގެ ބެލެންސެއް އޮޅުމެއްނުފިލާނެއެވެ. އެކަމަކު ބޭނުންކުރާވަރުން ބޭނުންކުރާނެއެވެ. ވަކިވަކިންޑޭޓާ އަޅާމީހުންގެވެސް ބެލެންސެއް ނޭނގޭނެއެވެ. ކޮންޓުރޯލެއްނެތި ހުސްވެދާނެއެވެ. ބޭނުންނަމަ، އަނެއްކާވެސްޖެހޭނީ ގަންނާށެވެ. އެންމެކުރީގައި ކާޑުޖަހައިގެން ފޯނުކުރިއިރުވެސްވީ ހަމަމިހިން ދިރާގު ބަދަލެއްނުވާނެ. ބަދަލުކުރާކަށްވެސް ނޫޅޭނެ.