25 ޖުލައި 2019 - 16:03
15 comments
މިނިވަން ދުވަހާ ގުޅުވައިގެން ބާއްވާ ފުޅަނދުބުރުން ޖަޒީރާ އަދި ދިވެހިވަންތަކަން ފެންނާނެ ކަމަށް ހޯމް މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ކޮމިއުނިކޭޝަން ޑިރެކްޓަރު ހަފްސީ އަބްދުﷲ ވިދާޅުވީ ދެ އަހަރުގެ މެދުކެނޑުމަކަށް ފަހު ބާއްވާ ފުޅަނދުބުރުގައި މިފަހަރު ފުޅަނދުތައް ގިނަވެފައި ފުރިހަމަވާނެ ކަމަށެވެ.
އެމްއޭސީއެލްގެ ފުޅަނދުތައް ހަދާގޮތް ހޯމް މިނިސްޓަރު އިމްރާން ބައްލަވައިލައްވަނީ-- ފޮޓޯ: ހޯމް މިނިސްޓްރީ
"ކުޑަކުދިން ޝައުގުވެރިވާނެ، ގައުމިއްޔަތާއި ދިވެހިވަންތަކަން ދައްކުވައިދޭ ފުޅަނދުތަކެއް ފެނިގެންދާނެ،" ހަފްސީ ވިދާޅުވި އެވެ.
ފުޅަނދުބުރު އޮންނާނީ އަންނަ ހޮނިހިރު ދުވަހުގެ ރެ އެވެ. ފުޅަނދު ބުރު އޮންނާނީ މަޖީދީމަގު، ސޯސަންމަގު، އަމީރުއަހުމަދު މަގު އަދި ބޮޑުތަކުރުފާނުމަގުގަ އެވެ. މިނިސްޓްރީން ބުނީ ފުޅަނދުތައް އާންމުންނަށް ދައްކާލާނީ އާދިއްތަ ދުވަހު ކަމަށާއި ފުޅަނދުތަކުގައި ބާއްވާ ކުޅިވަރުތަކާ އެކު އެކަން ކުރިއަށް ގެންދާނީ އިންޑަސްޓްރިއަލް ޒޯންގައި ކަމަށެވެ.
އެމްއޭސީއެލްގެ ފުޅަނދެއް ހަދަނީ-- ފޮޓޯ: ހޯމް މިނިސްޓްރީ
މިނިވަން ދުވަހުގެ ކުޅިވަރުތަކުގެ ތެރޭގައި ހިމެނޭ ހެވިކަމާއި ކުޅިވަރު އޮންނާނީ މާދަމާ ރޭ ރަސްމީ ބޯޅަ ދަނޑުގަ އެވެ. އަދި މިނިވަން ދުވަހުގެ މުނާސަބަތުގައި ރައީސްގެ ދެކަނބަލުން ބާއްވަވާ ރަސްމީ ބައްދަލުކުރެއްވުން މިރޭ ދަރުބާރުގޭގައި އޮންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
25 July 2019
ތިތާ ބަހައްޓަންވީ އެމްއެމްޕީއާރުސީގެ ހިޔާނާތުގެ ފުޅަދަކާއި، ދިވެހި އާއިލާތައް ތޮއްޖެހިގެން ކުލީ ކޮޓަރީގަ އުޅޭ ފުޅަދަކާއި، ނާއިންސާފުން ހުކުމް ކުރަން ތިބޭ ގާޒީންގެ ފުޅަދާއި، އައިޖީއެމްއެޗްގައި ކިޔުގައި ތިބޭ ދިވެހިވަންތަ ފުޅަދު.
މަރޭމިތުރު
26 July 2019
ރާއްޖޭގައި "ސީޝޯރ ނޭޝަނަލަް ޕާރކެއް" ރާއްޖޭގެ ކަނޑުގެ ދިރުނަ ހިމަނައިގެން ވަކިން ރަށަކު ހަދައިފިނަމަ ޓޫރިސްޓުންގެ ސަމާލުކަން އިތުރައްލިބޭނެ! އަދި އެތަން ހިމާޔަޔްކޮށް ރާއްޖޭގެ ރީތިކަން ދެމެހެއްޓިދާނެކަމަށް ދެކެން.
ބޮޑުމީހާ
25 July 2019
ފުޅަދު ހެދީމަތާ ކޮންމެވެސް ކޮރަޕްޝަނެއް ހިންގޭނީ. ދެން އަންނަ ސަރުކާރެއްގެ ފުރަތަމަ ނޫސް ކޮންފަރެންސްގަ ބުނާނެ، ފުޅަދު ހަދަން ކޮންމެ ފުޅަދަކަށް 10 ވަރަކަށް މިލިއަން ހަރަދުކުރި ވާހަކަ
އެނީ
25 July 2019
މިހާތަނަށް ފެނިފަހުރި ފުޅަނދު ބުރުތަކަކީ މާކަބޮޑު އުފެއްދުންތެރި ފުޅަނދުބުރުތަކެއްނޫން. އަބަދުވެސް ފެންނަނީ ކުއްޖަކު ފަރީ ހެދުމެއްގަ ވޭވު ކުރަން ހުންނަތަން ދެން އޭރަކު އެންމެ ފޯރީހިފާފަ ހުންނަ ލަވައެއްޖަހާފަ.
ޙަސަން ބަޑޭ
25 July 2019
ޢެންމެ ދުވަހަކައް ކޮއްލާ ބޭކާރު ހަރަދު
ޑީޑީ
25 July 2019
ތިޔަކުރާ އިސްރާފަށް ވުރެ ފުލެޓެއް އެޅިއްޔާ ކޮންމެސް ރައްޔިތަކަށް ތި މިލިޔަން ރުފިޔާ އިން ފަސޭހަ ޔެއްލިބޭނެ.
މަރޭމިތުރު
25 July 2019
ރާއްޖެއަށް އަސްގެނައުމަކީ މާރީތި ހިތަގައިމުކަމެއް ފެންނާނެކަމެއް. މޫދުކާރީ ގޮނޑުދޮށުގައި އަހުންދާއިރު ވަރަށް ހިތްފަސޭހަވާނެ ކަމަށްދެކެން. ރާއްޖެއަށް އިތުރު ހިތްގައިމުކަމެއް ގެންނަން އަސްގެންނަމާތޯ!
ބޮއްބެ
27 July 2019
މަރޭމިތުރާ މީ ހަމަ އިންޑިޔާއަައް މާގިނައިން ދެވި އެވެރިން ނަށާ އެގައުމައް ލޯބި ޖެހިފަ ހުރި އިންޑިޔާ ރައްޔިތަކައް ވާނީ.
ބީރައްޓެހިމީހާ
25 July 2019
ރާއްޖޭގެ ރަށް ރަށުން މާލެ އައިސް ކުދި ކުދި ކޮޓަރިތަކުގައި ބޮޑު ކުލި ދީގެން މީހުން ދިރިއުޅޭގޮތް ދައްކާލާނެ ފުޅަނދެއް ވެސް ހުންނާނެހެން ހީވަނީ.
ބިލީ
25 July 2019
މިހާރު މިކަހަލަ ކަންކަން ކުރީމަ ޚަރަދުބޮޑެއްނުވޭތަ؟ ކުރީ ސަރުކާރުގައި މިކަހަލަ ކަންކަން ކުރީމަ ވަރަށް ޚަރަދު ބޮޑުވެގެން އުޅުނީ. ޖަޒީރާގައި އުޅެ ބޮޑުވެފަ ތިބި ދިވެހިން ފުޅަނދުބުރުތަކުން ޖަޒީރާ ބަލަން ބޭނުންވޭތަ؟ ފުޅަނދުބުރަކީ މަޖާ އެއްޗަކަށްވާނީ ކުޑަކުދިންނަށް. އެކަމު މިހާރުގެ ކުދިން ބޭނުމެއްނުވާނެ ޖަޒީރާތަކެތި ބަލާކަށް. ޗުއްޓީއެއް ލިބޭއިރަށް އެންމެން ގައުމުން ބޭރަށް ގޮސް އުޅެނީ ޖަޒީރާވަންތަކަމަށް ލޯބިނުކުރާތީ.
އެލެކުސް
25 July 2019
އިއްޔެކީ އިސްރާފޭ އިސްރާފޭ މިއަދު ރަނައްތޯ މިވީ
ތަފާތުވާނެ
25 July 2019
ބޭކާރު ގޮތުގައި ކުރެވޭ ހަރަދެއް. ކުރެވޭ ހަރަދާ ހޭދަކުރާ ވަގުތާ ލިބޭ އުފާ ނުބައްދަލު. ކުރިންވެސް ކުރަމުން އައިކަމެއްވީމައި ކުރަނީ. ރަލާ އޫރުމަސްވެސް ކުރީއްސުރެ އެތެރެކުރާ އެއްޗެެއްވީމައި އެތެރެކޮށް ވިއްކާ ކައިބޮއި ހަދަނީ. ރަނގަޅުތާދޯ?