ސްޕޯޓްސް މިނިސްޓަރު މަހުލޫފު (ކ) ދީމާއާ ދިދަ ހަވާލުކުރައްވަނީ.
27 ޖުލައި 2019 - 23:55
14 comments
މާދަމާ ހަވީރު އޮންނަ، މި އަހަރުގެ އިންޑިއަން އޯޝަން އައިލެންޑް ގޭމްސްގެ ނިމުމުގެ ރަސްމިއްޔާތުގައި ދިވެހި ދިދަ އުފުލުމުގެ ޝަރަފް، މި ފަހަރުގެ ގޭމްސްގައި ރާއްޖޭގެ އެންމެ ވިދުންގަދަ ކުޅުންތެރިޔާ ޓީޓީ ތަރި ފާތިމަތު ދީމާ އަލީ އަށް ދީފި އެވެ.
އެކަން އިއުލާންކުރައްވައި، ތިން ރަން މެޑަލް ހޯދި އުމުރުން 11 އަހަރުގެ ދީމާއާ ދިވެހި ދިދަ ހަވާލުކުރެއްވީ މިރޭ ބޭއްވި ރާއްޖޭގެ މެޑަލް ޕާޓީގައި ސްޕޯޓްސް މިނިސްޓަރު އަހުމަދު މަހުލޫފެވެ.
ދީމާ ވެގެންދާނީ މި ފަދަ ޝަރަފެއް ލިބޭ ރާއްޖޭގެ އެންމެ ހަގު ކުޅުންތެރިޔާ އަށެވެ. މި ފަހަރުގެ ގޭމްސްގައި ހޯދި ރިން ރަން މެޑެއްޔާ އެކު ދީމާ ވެފައިވަނީ ބައިނަލްއަގްވާމީ ކުޅިވަރު ގޭމްސްތަކުގައި ރާއްޖޭގެ އެންމެ ކާމިޔާބު ކުޅުންތެރިޔާ އަށެވެ. ވިމެންސް ސިންގަލްސް ރަން މެޑަލް މިއަދު ހޯދުމުގެ އިތުރުން ދީމާ ހިމެނިގެން ވިމެންސް ޑަބަލްސް ރަން މެޑެއްޔާއި ވިމެންސް ޓީމު އިވެންޓް ރަން މެޑަލް ރާއްޖޭން ވަނީ ހޯދައިފަ އެވެ.
ގޭމްސް ހުޅުވުމުގެ ރަސްމިއްޔާތުގައި ދިދަ އުފުލީ ބާސްކެޓްބޯޅަ ކުޅުންތެރިޔާ އަހުމަދު ޒަބީރެވެ.
މާދަމާ އޮންނަ ގޭމްސްގެ ނިންމުމުގެ ރަސްމިއްޔާތުގައި، 2023 ވަނަ އަހަރުގެ ގޭމްސް ބާއްވާ ގައުމުގެ ގޮތުން ރާއްޖެއާ އިންޑިއަން އޯޝަން އައިލެންޑް ގޭމްސް ފެޑެރޭޝަނުގެ ދިދަ ހަވާލުކުރާނެ އެވެ. ރާއްޖޭގެ ފަރާތުން ދިދައާ ހަވާލުވެވަޑައިގަންނަވާނީ ސްޕޯޓްސް މިނިސްޓަރު އަހުމަދު މަހުލޫފެވެ.
ރާއްޖޭގެ ކޮންޓިންޖެންޓް އެނބުރި ގައުމަށް ދިއުމަށް ހަމަޖެހިފައިވަނީ ހޯމަ ދުވަހުގެ މެންދުރުފަހު، މޯލްޑިވިއަންގެ ހާއްސަ ބޯޓެއްގަ އެވެ. ރާއްޖޭން ވަނީ އަމާޒުކުރި ގޮތަށް 15 މެޑަލް ހޯދައިފަ އެވެ. އެއީ ހަތަރު ރަން މެޑެއްޔާއި ހަތަރު ރިހި މެޑަލް އަދި އަށް ލޯ މެޑެއްޔެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަނަ
28 July 2019
ބާސްކެޓް ގަ ވަކި އާއިލާއަކަށް ނިސްބަތް ވަންޔާ މުސްކުޅިވެ ހަންޓޯޓޯ ވިޔަސް އެވެރިން ނުލާ ގައުމީ ޓީމް އެއް ނުހެދޭ... އެހެން ވީމަ ކަންވާނެގޮތައް މިވަނީ.... އުމުރު ހުސްވަންދެން އެކްސްޕީރިއެންސް ހޯދުމުގަ
އަލޫ
28 July 2019
ޚަލީލާގެ ވާހަކައަށް ވަރަށް ބޮޑަށް ތާއީދުކުރެވޭ. މިދެކުދިން އެހާޅައުމުރުގައި އެހިސާބަށް ގޮސްފައި އެވަނީ ހަމައެކަނި އެކުދިންގެ ހުނަރަކުންނޫން. ބޭރުޤައުމުތަކުގައި ބައިތިއްބައިގެން މައިންބަފައިން ވަރަށް ބޮޑު ހޭދައެއްކޮށްދީގެން. އެހެންވީމަ އެހެން ކުޅިވަރުތަކުންވެސް، މިސާލަކަށް ނަބާ ނަބީ ނިބާލް އާކިފްމެންވެސް އެތިބީ އެފަދަ އެހީތެރިކަމެއް ބޭނުންވެފައި. އެކަމަކު އެކުދިންގެ މައިން ބަފައިންގެ އެފަދަ ފޯރުންތެރިކަމެއްނެތީމަ އެހިސާބަށް ދިއުމަށް ދަތިވަނީ.
ފޭން
28 July 2019
މީގެ ފަހުން ފުޓުބޯޅަ ބާސްކެޓުފަދަ ކުޅިވަރުތަކަށް ނޫނެކޭ ބުނަމާ!
ދަނގަޑޭ
28 July 2019
ކަލޭމެންނަށް ވާނުވާ އެނގޭބާ...މި މުބާރާތަކީ އަޑެއް ބަޑެއްވެސް ނެތް ކުޑަކުޑަ 5 ގައުމު ހަމައެކަނި ބައިވެރި ވެވޭ މުބާރާތެެއް..ބައިނަލްއަގްވާމީ މުބާރާތެކޭކިޔަސް..
ސޮލޮމަން
28 July 2019
ފުޓްބޯޅަވެސް ބައިވެރިވެ ގުރޫޕް ސްޓޭޖުވެސް ފަހަނައަޅާ ނުދެވުނު، އަޑެއް ބަޑެއް ނީވޭ ގައުމުތައް ކައިރި ތި މޮޅު މީހުން މާ މޮޅު ވާން ޖެހޭނެ ދޯ؟
ފޭން ބެ
28 July 2019
ދަގަނޑޭ ތިހެން ބުނެވޭކަށް ނެތް! ފުޓުބޯޅައިން ބައިވެރިވާ ސާކު ފުޓުބޯޅަ މުބާރާތަކީ ފުޓުބޯޅަ ނުވެސް ކުޅޭ ޤައުމު ތަކެއް ލައިގެން ކުޅޭ މުބަރާތެއް! އެއްވަރުންވެސް މޮޅުނުވެވޭ 99 އިންސައްތަ ފަހަރު! ފުޓުބޯޅަ އަށް ކުރާ ބޭކާރު ޙަރަދު ހުއްޓާލާ! ބަލަ މިމުބާރާތަކީ ސީދާ ފުރާންސުގެ ރައްޔެތުން ބައިވެރުވާ މުބާރާތެއް ކަންނޭނގެނީތަ؟؟؟
ޢަހްމަދު007
28 July 2019
ބްރޯ އަޑެއް ބަޑެއް ނެތް 5 ގައުމާ ހިމެނޭ މުބާރާތެއްގައި ރާއްޖޭގެ ފުޓްބޯޅަ ޓީމް ދިޔައީ ކުޅުނު ހުރިހާ މެޗަކުން ބަލިވެގެން ގްރޫޕުގެ ފުލަށް
ޚަލީލާ
28 July 2019
ޙުނަރު ހުއްޓަކަސް ފައިސާ ނެތިއްޔާ ރާއްޖޭގަ ވާނެކަމެއް ނެތް.......
ވަދޫ
28 July 2019
ޔަގީނުންވެސް ހައްޤު ޝަރަފެކެވެ، ކުޑައެވެ، އެހެނަސް ބުރައެވެ، އެހާމެ ވިދުންވެސް ގަދައެވެ، ކުރިޔަށްވުރެ ބުރަކޮށް މަސައްކަތް ކުރަންޖެހުނީއެވެ، ހިތްވަރާއެކު މަސައްކަތް ކުރާށެވެ، އިރާދަ ކުރެއްވިއްޔާ ކާމިޔާބު ވާނެއެވެ.
އުދުހޭ މުފީދު
28 July 2019
ވަރަށް ހެޕީ! އެކަމަކު ފުޓު ބޯޅަ؟،،،
މައިންބަފައިން
28 July 2019
ފްޓްބޯޅައަިގެ ފޯރިގެއްލުނީ ސިޔާސީވެގެން ގޮސް ދަގަނޑޭމެންކަހަލަ ކުޅުންތެރިންގެ އަގުވައްޓާލި ހިސާބުން. ????
ނަޝީ
28 July 2019
ދަގަނޑޭމެން ކިހިލި ޖަހައިގެން ދުވިއިރުވެސް ސާފް ޗެމްޕިއަންޝިޕުގައި އިންޑިއާ 21 އަހަރުން ދަށުގެ ޓީމުއަތުން ވަނީ ބަލި. ދަގަނޑޭ ނުލާ އެންމެ ފަހުން މުބާރާތް ކާމިޔާބުކުރީވެސް.
މީނަ
28 July 2019
ނަޝީޔަށް. ދަގަނޑޭމެން ކުޅުނުއިރު ބަލާ ހިތްވާ ރީތި ފުޓްބޯޅައެއް ފެނުނު. އިންޑިޔާގެ 21 އަހަރުން ދަށުގެ ޓީމް އަތުންވެސް ބަލިވީ ނަސީބު ދެރަކަމުން. އެވެސް ޕެނަލްޓީގައި. ދަގަނޑޭމެން ގުރުއަތުލައިގެން ސެމީޔަކަށް ނުދޭ.
ސޮލޮމަން
28 July 2019
ދުވަހަކުވެސް ރާއްޖެ ކުރިއަކަށް ނުދާނެ ފުޓްބޯޅައިން، މީހުން ކުދިވެފަ ފިޒިކަލީ ދައްވެފަ އަދި އެހާ ޑިސިޕްލިން ދަށް ބައެއް