ވޮލްމާޓުގެ ފިހާރައިގެ ބޭރުގައި ފުލުހުން ހަރަކާތްތެރި ވަނީ. --ފޮޓޯ:އޭއެފްޕީ
04 އޯގަސްޓް 2019 - 11:05
5 comments
ޓެކްސަސް (އޮގަސްޓް 4) - އެމެރިކާގެ ޓެކްސަސްގެ އެލް ޕާސޯ ސިޓީގައި ދިން ބަޑީގެ ހަމަލާތަކެއްގައި 20 މީހުން މަރުވެ 26 މީހުން ޒަޚަމްވެއްޖެ އެވެ.
ގަވަރުނަރު ގްރެގް އެބޮޓް ވިދާޅުވީ މިއީ ޓެކްސަސްގެ ތާރީޚުގައި ވެސް ދިން އެންމެ ނުރައްކާ އެއް ހަމަލާ ކަމަށެވެ. ހަމަލާ ދިނީ އެމެރިކާ އާއި މެކްސިކޯ ބޯޑަރާ މާ ދުރުނޫން ހިސާބެއްގައިވާ ވޮލްމާޓް ފިހާރައެއްގަ އެވެ. ބަޑީގެ ހަމަލާތަކާ ގުޅިގެން 21 އަހަރުގެ މީހަކު ވަނީ ހައްޔަރުކޮށްފަ އެވެ. އެމެރިކާގެ މީޑިއާތަކުން ބުނެފައި ވަނީ އެ މީހާގެ ނަމަކީ ޕެޓްރިކް ކްރަސިއަސް ކަމަށެވެ.
ރައީސް ޑޮނަލްޑް ޓްރަމްޕް ވިދާޅުވީ ޓެކްސަސްގައި ހިންގީ ވަރަށް ފިނޑި އަމަލެއް ކަމަށެވެ.
ބަޑި ޖެހި މީހާ ބަޑިހިފައިގެން ފިހާރައަށް ވަންނަނިކޮށް ނަގާފައިވާ ސީސީޓީވީގެ މަންޒަރެއް. --ފޮޓޯ:އޭއެފްޕީ
ބައެއް ރިޕޯޓްތައް ބުނާ ގޮތުގައި މަރުވި މީހުންގެ ތެރޭގައި މެކްސިކޯ މީހުން ވެސް ހިމެނެ އެވެ.
ޓެކްސަސްގައި ހަމަލާދީފައި މިވަނީ ކެލިފޯނިއާގެ ކާބޯތަކެތީގެ ފެސްޓިވަލެއްގައި ޒުވާން ކުއްޖަކު ބަޑިޖަހައި ތިން މީހުން މަރާލިތާ ހަފުތާއެއް ނުވަނީސް އެވެ.
ވޮލްމާޓުގެ ފިހާރައިގެ ތެރޭގައި ހަމަލާ ދިން އިރު ގިނަ ބަޔަކު ދިޔައީ ސްކޫލަށް ބޭނުންވާ ތަކެތި ހޯދަން ބާޒާރު ކުރަމުންނެވެ.
"ބަޑީގެ ހަމަލާގެ އަޑު އިވުމާ އެކު މީހުން ދިޔައީ ބިންމަތީގައި އޮށޯންނަމުން. އަހަރެންނާއި ފިރިމީހާ ގޮސް ވަނީ ސްޓޮކް ރޫމަށް،" ހަމަލާ ދިން އިރު ފިހާރަތެރޭގައި ހުރި ކިއާނާ ލޯންގް ނަމަކަށް ކިޔާ މީހަކު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާވިމް
04 August 2019
މިކަން ނުވާނެ ޓެރަރިސް ހަމަލާޔަކަށް. އެއީ މުސްލިމަކު ނެތީމާ.
ރަދީފް
04 August 2019
24 ގަޑި އިރުތެރޭގަ ދެވަނަ ފަހަރަށް ބަޑިން ހަމަލަދީ އެމެރިކާގެ އޯހިއޯ ސްޓޭޓްގަ 9 މީހުން މަރާލައިފި.ޒަހަމްވި މީހުންގެ އަދަދު 16 . ދެރަކަމެއް.
ވަސްމާ
04 August 2019
އާންމުންނަށް ބަޑި ގެންގުޅުމުގެ ހުއްދަ ދިނުމަކީ ރަނގަޅުކަމެއް ނޫންކަން އެމެރިކާގެ ރައްޔިތުންނަށް މިހާރު ވިސްނެން ވެއްޖެ. ކުށެއްނެތި އެދިއާ އެތައް ފުރާނައެއް ގެއްލިގެން.
ބަބުރަންޖީ ހާޖީ
04 August 2019
ފިލްމުތަކާ އެއްޗެހި ބަލައިގެން ގައްޑާވާން އުޅުނީމާ ވާނީ މިހެން.
ރަދީފް
04 August 2019
ވަރަށް ފިނޑި އަމަލެއް.ޕެޓްރިކް ކްރަސިއަސް އެއީ ސިކުނޑީގެ އުނިކަމެއް ހުންނަ ބަލި މީހެއްކަމަށް ނުނިންމާނެކަމަށް އުއްމީދުކުރަން.ޕެޓްރިކް ކްރަސިއަސް އެއީ މުސްލިމެއް ބާ؟؟؟ ތުނބުޅިއެއްވެސް ނެތް.ކީކޭބާ އިސްލާމްދީނަށް މަލާމާތްކުރާ މީހުން ބުނާނީ.އެއްޗެއް ބުނެވެން އެބައޮތްތަ؟؟ މިހެންވެ އަހަރުމެން ބުނަނީ ޓެރެރިޒަމް އެއީ ވަކި ދީނަކަށް ނިސްބަތްވީމަ ހިންގާ އަމަލެއް ނޫނޭ..ވ.ވެދުން