މަޖީދީމަގު ހެދުމުގެ މަސައްކަތެއް ކުރަނީ: މަސައްކަތްތެރިންނަށް ދެވޭނެ އެންމެ ދަށް މުސާރަ އާއި އުޖޫރަ ކަނޑައެޅުމުގެ މަސައްކަތް ޑިސެމްބަރަށް ނިންމައި މިނިސްޓަރަށް ލަފާ އަރުވާނެ ކަމަށް ބުނި-- ފޮޓޯ: ނިޝާން އަލީ/ މިހާރު
20 އޯގަސްޓް 2019 - 18:03
10 comments
މިނިމަމް ވޭޖް ކަނޑައެޅުމުގެ މަސައްކަތްތައް އަންނަ ޑިސެމްބަރު މަހުގެ ނިޔަލަށް ނިންމައި އެކަމާ ގުޅޭގޮތުން އިކޮނޮމިކް މިނިސްޓަރަށް އެކަށީގެންވާ ލަފައެއް އަރުވާނެ ކަމަށް މިނިމަމް ވޭޖް ކަނޑައަޅާ ބޯޑުން މިއަދު ބުނެފި އެވެ.
އެ ބޯޑުން ނެރުނު ބަޔާނެއްގައި ބުނީ މިނިމަމް ވޭޖް ނުވަތަ އެންމެ ކުޑަ މިނުން ދެވޭނެ މުސާރަ އާއި އުޖޫރަ ކަނޑައެޅުމަކީ ރާއްޖޭގައި އާ ކަމަކަށް ވާތީ ފުރިހަމަ މައުލޫމާތު އެއްކޮށް ދިރާސާ ހެދުމަކީ މުހިއްމު ކަމެއް ކަމަށެވެ. އެހެންވެ ރޯޑް މެޕެއް އެކުލަވާލައި އެއާ އެއްގޮތަށް މަސައްކަތް ކުރަމުން އަންނަކަމަށް ބުންޏެވެ.
މިނިމަމް ވޭޖް ކަނޑައެޅުމުގެ މަސައްކަތްކުރަނީ ފަސް މެމްބަރުންގެ ބޯޑަކުންނެވެ. އެ ބޯޑުގައި ހިމެނިވަޑައިގަންނަވަނީ، މަރިޔަމް ހާލިދާ، އިބްރާހިމް ނޫރައްދީން، އަލީ އާދަމް އަދި މައުރޫފް ޒާކިރާއި އަދުނާން ހަލީމެވެ.
ބަޔާނުގައި ބުނިގޮތުގައި މިނިމަމް ވޭޖްގެ މަސައްކަތްތަކަށް އިންޓަނޭޝަނަލް ލޭބަ އޯގަނިޒޭޝަން (އައިއެލްއޯ)ގެ އެހީ އާއި ލަފާ އަންނަނީ ލިބެމުންނެވެ. އެގޮތުން މިދިޔަ މަހުގެ 8-10 އަށް އައިއެލްއޯގެ ވަފުދެއް ރާއްޖެ ޒިޔާރަތްކޮށް ތިން ދުވަހުގެ މަސައްކަތު ބައްދަލުވުމެއް ބާއްވާފައި ވެ އެވެ. އޭގައި ސަރުކާރުގެ މުއައްސަސާތަކުންނާއި ވަޒީފާ އަދާކުރާ ފަރާތްތަކާއި ވަޒީފާ ދޭ ފަރާތްތަކުގެ މަންދޫބުން ބައިވެރިވި އެވެ.
"މި ބައްދަލުވުމުގައި އެކިއެކި މުއައްސަސާތަކުގައި ލިބެންހުރި މައުލޫމާތުތައް ދެނެގަނެ، އިތުރަށް ބޭނުންވާނެ މައުލޫމާތުތައް ކަނޑައެޅުނެވެ. އަދި ދުނިޔޭގެ އެހެން ގައުމުތަކުގައި މިނިމަމް ވޭޖް ކަނޑައަޅާފައިވާ ގޮތާ ބެހޭގޮތުން ބައިވެރިންނަށް މައުލޫމާތު ދެވި، ރާއްޖޭގައި މިނިމަމް ވޭޖެއް ކަނޑައަޅާއިރު ބަލަންޖެހޭ ކަންތައްތަކާ ބެހޭގޮތުން ވެސް ބައިވެރިންނާއެކު މަޝްވަރާކުރެވިފައި ވެ އެވެ،" ބަޔާނުގައި ބުންޏެވެ.
ރާއްޖޭގެ ހާލަތާ ގުޅޭގޮތުން ފަންނީ ލަފާދިނުމާއި މިނިމަމް ވޭޖް ކަނޑައެޅުމުގެ ދިރާސާތަކުގައި އެހީތެރިވެ ދިނުމަށް އެކި ސިނާއަތްތައް ތަމްސީލުކުރާ ޓެކްނިކަލް ކޮމެޓީއެއް މިހާރު ވަނީ އެކުލަވާލައިފަ އެވެ. އެ ބޯޑުން ކުރަމުން އަންނަ ކަމަކީ، ސަރުކާރުގެ މުއައްސަސާތަކާއި އެހެން ފަރާތްތަކުން ލިބެންހުރި މައުލޫމާތުތައް އެއްކުރުމެވެ.
މިހާރު ލިބިފައި ހުރި މައުލޫމާތުތަކުގެ އިތުރުން، ބޭނުންވާ މައުލޫމާތުތައް ހޯދުމަށްޓަކައި އެންޓަޕްރައިޒް ސާވޭއެއް ކުރުމުގެ މަސައްކަތްތައް ކުރަމުން އަންނަކަމަށް ބަޔާނުގައި ބުންޏެވެ.
މިނިމަމް ވޭޖް ކަނޑައެޅުމަކީ ރައީސް އިބްރާހިމް މުހައްމަދު ސޯލިހުގެ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާފަބޭ2019
21 August 2019
މުސާރަނުދެވުނަސް ޑިސެމްބަރަށްއެކަންނިންމާނެ މިއަންނައަހަރު އިންތިޚާބެއްއޮންނާނެ އިންތިޚާބު ނިމުނީމާ އަލުންރިވިއުކުރާނީ ޓީޗަރުންނަށްވެސް އިންތިޚާބުނިމުނީމަ ފޮތްމާކުކުރަންގެއަށްގެންދާނީ ގޭގަމަސައްކަތްކުރަމުން ފޮތްތައްނުނިންމޭތީއަލުން މަދަރުސާގަ ފޮތްތައްނިންމާގޮތަށްހަދާނީ ސަޅިދޯ!
ޑޭމް
21 August 2019
ކަލޯ ޑިސެންބަރ އަށް ކިޔާލެ!!!!! ތިފާސްވާން 4 އަހަރު ނަގާނެ؟
އަލިބެއްޔާ، އެކުވެރިސުވައިދީބް
21 August 2019
އަރަތެއް ނޫންތޯ؟ އަނެއްކާވެއްސް ބޮޑު އޮޅުންބޮޅުން ގަނޑެއްގެ ތެރެޔަށް ތިޔަ ދައްމާލީ އެވެ. ބޭރުމީހުން ގިނަވެގެން އެވާހަކަ ދެއްކުމުގެ ބޭނުމެއްވެސް ނެތެއްނޫންތޯ..؟ ޓެކްސް ތައާރަފުކުރި ހިސާބުން ފެށިގެން މިރާއްޖޭގައި ކުރާ ވިޔަފާރިތަކުގެ މައުލޫމާތު މީރާގައި ހުންނާނެއެވެ. ލަސްވާންޖެހޭ ސަބަބެއް ނެތެވެ.
ކަންމަތީ ސޭޓް
21 August 2019
މިސާލަކަށް ރާއްޖެތެރޭ ފިހާރައެއް ހިންގާ މީހަކު އޭނައަށް މަހަކު ވިޔަފާރި ހިންގުމުގެ ހުރިހާ ހަރަދެއް ކަނޑާފަ ފައިދާގެ ގޮތުގައި ލިބެނީ މަހަކު 25000 ހާސް ރުފިޔާ އެއީ ރެއާދުވާލު ޗުއްޓީއެއްނެތި ސޭޓުކުރާ މަސައްކަތާއެކު ލިބޭވަރު އޭނާގެ ގާތުގައި 3 މީހުން ވަޒީފާގަ އުޅޭއިރު މިހާރު ދެނީ މަހަކު 4000 ރުފިޔާ އެހެންކަމަށްވާނަމަ މީހަކަށް މަހަކު ދިހަހާސް ދީގެން ފިހާރަ ހިންގޭނެ ގޮތެއް އެނގޭ މީހަކު އެގޮތެއް ބުނެލަދިނުން އެދެން
ޥަރައް ސަލާމް
21 August 2019
މަށަކީ ރާއްޖެތެރޭގައި ކުޑަ ވިޔަފާރިއެއް ކުރާމީހެއް މިހާރުވެސް ކޭޝިއަރުންގެ ގޮތުގައި 2 ކުދިން ގެންގުޅެއް ކުއްޖަކަށް މަހަކު 3500 މިދެނީ ހަމަ ހުވާކޮށްފަ މިބުނީ ހިންގުމުގެ ހަރަދު ކަނޑާ މަށަށްލިބެނީ މަހަކު 15000 - 13000 ދެމެދު އަދަދެއް އެއީ ދުވަހުން ދުވަހަށް މަކުރާ މަސައްކަތާއެކު ލިބޭޖުމްލަ ދެން އެދެކުދިންނަށް މަހަކު 20000 ދޭންޖެހޭދުވަސް އެއީ އެދެކުދިންނާއި މަގޭ ވަޒީފާ ވަޒީފާވެސް ނިމޭދުވަސް
ހަބީބު
20 August 2019
މާލޭގަ ރާއްޖެ ތެރެމީހުންނައް ބޮޑުއަގުގަ ކޮޓަރި ކުއްޔައް ދޭއިރު ބަލާބާ އެއީ ދަރާވިކިގެން އިތުރުގޮތެއް ނެތީމަ ހިދުމަތް ހޯދަން މަޖުބޫރުވެގެން އައިސްތިބޭ ބައެއްތޯ އެންމެކުޑަ އުޖޫރައިގެ ގޮތުގަ ރިސޯޓު މުވައްޒަފަކައް 12.000 ފާސްކުރަންޖެހޭ ރިސޯޓުމަހުޖަނުން 53 މިލިޔަން ސާފުފައިދާޖީބައް ކަހާލާ
ލަނިއްޔަތު
20 August 2019
ދެން ވިޔާފަރި އެބަސްވުމެއް ނެއް އެއް ވެސް ތާކު ލައްވާނުލާ ޓުވަގައިޑުން ތި ހައްގު ހޯދަން ދަނީ ކޮންތާކަށް..ހަަަމަ ސުވެނިޔާ ސޭޓް ކައިރިޔަށް ދާ އިރަށް ބުނަނޭ މިތާ ނުތިބޭނެ މުއަޖަފުން މިތަނަށް އަންނަ ކުދިންނޭ އެއީ ގެސްޓުން ގޮވާއިން މި މީހުން މުޅިން ހަދަނި މަކަރު..މިކަމުގަ ދެވިއްޖެ ހުރިހާ މުއަސާސަ ތަކަށް.ލޭބަޔަ ޔަ ގޮއްސިން ޕޮލިހަށް ގޮއްސިން..ޓުވަރިސަމް މިނިސްޓްރީޔަ އެތަށް ފަހަރަކު ހޯމްމިނިސްޓުރިޔާ ވި ކަމެއް ހަރާން.އަހަރުމެން ހައްގެ ނުލިބޭ.ވިސްނާ.
ބޮޑުކޮން
20 August 2019
ކަމަކާ ޙަވާލުވިތަ ދަންމާނީ
ާއުނިމާ
20 August 2019
ޕާކިން މައްސަލަ ހައްލުކުރަންވެސް ތިޔަކަހަލަ ބޯޑެއް ހައްދަވާލަދެއްވުން އެދެން
އަސްލުރޭޓު
20 August 2019
މިނިމަމް ވޭޖް ކަނޑައަޅާއިރު، މަހަކުން އަހަރަކުން ބޮޑުވާގޮތަށް ހެދުމުން ވިޔަފާރިވެރިންނަށް ފަސޭހަވާނެ. މިސާލަކަށް މިނިމް ވޭޖަކީ 10000 ނަމަ، 10000 ނުލިބޭ އާބާދީގެ މުސާރަ 10000 އަށް އަރަންދެން މަހަކު 100 ރުފިޔާ ނުވަތަ އަހަރަކު 1000 ބޮޑުކުރުމުން އިކޮނޮމީ ދާނީ ސްޓެބަލްވަމުން އެޖަސްޓްވަމުން. ވިޔަފާރިވެރިންނަށްވެސް މުސާރަ ބޮޑުވަމުންދާކަމުގެ އިހުސާސްވުން ކުޑަވާނެ. މަސައްކަތު މީހެއްގެ ހައިސިއްޔަތުން މަށަށް ރަނގަޅީ މިވަގުތުވެސް ތަންފީޛުކުރިއްޔާ