ފިލްމު "އަނދިރިކަން" ގެ ބައެއް ކާސްޓުން.
22 އޯގަސްޓް 2019 - 08:10
4 comments
"އަނދިރިކަން" ގެ ނަމުގައި ފީޗާ ފިލްމެއް ހަދަން ނިންމައި، އެކްޓަރު/ޑައިރެކްޓަރު އަލީ ސީޒަން އެ ފިލްމުގެ ބައެއް ކާސްޓުންނާ އެކު މ. މަޑުއްވަރީގައި ޝޫޓިން ފަށައިފި އެވެ.
ސީޒަންގެ ކުންފުނި އެސް ޕްރޮޑަކްޝަނާއި މޯލްޑިވްސް ފިލްމު އެސޯސިއޭޝަން (އެމްއެފްއޭ) ގެ ޗެއާޕާސަން އަބްދުﷲ (މާސްކޭ) ޝިވާޒްގެ މާސްކޭ ސްޓޫޑިއޯ ގުޅިގެން ހަދާ ފިލްމުގެ ޝޫޓިން އަށް ކާސްޓާއި ކްރޫ ފުރީ އަންގާރަ ދުވަހު އެވެ.
މިދިޔަ މަހު ރިލީޒްކުރި "ލީނާ" ގެ ސްކްރީންޕްލޭ ވެސް ލިޔުނު އަހުމަދު ޒަރީރުގެ ސްކްރިޕްޓަކަށް ހަދާ "އަނދިރިކަން" ގެ ލީޑް ރޯލުން ފެނިގެން ދާނީ ސީޒަނާއި އައިމިނަތު ރިޝްފާގެ އިތުރުން ޝީލާ ނަޖީބެވެ. ސީޒަން ޑައިރެކްޓް ވެސް ކުރާ ފިލްމުގެ އިތުރު ކާސްޓުންގެ ތެރޭގައި ޒީނަތު އައްބާސް، އަހުމަދު ސައީދު، މަރިޔަމް ޝަކީލާ އަދި މުހައްމަދު (ދަރާ) ރަޝީދު ހިމެނެ އެވެ.
"އަނދިރިކަން" އަކީީ މި އަހަރު ބެލުންތެރިންނަށް ގެނެސް ދޭން ވެސް ނިންމާފައިވާ ފިލްމެކެވެ. އެކަމަކު ފިލްމު ރިލީޒްކުރާނެ ތާރީހެއް އަދި އިއުލާނެއް ނުކުރެ އެވެ.
މި ފިލްމަކީ 2016 ގައި ރިލީޒްކުރި "ވަފާތެރި ކެހިވެރިޔާ" އަށް ފަހު ސީޒަން ޑައިރެކްޓްކުރާ ފުރަތަމަ ދިވެހި ފީޗާ ފިލްމެވެ. އޭނާ ވަނީ "ކައުޝި" ކިޔާ ސިންގަޅަ ފިލްމެއް 2017 ގައި ސްރީ ލަންކާގައި ހަދައިފަ އެވެ.
ދާދި ފަހުން ސީޒަން "ސޯލް" ގެ ނަމުގައި ކުރު ފިލްމެއް ވެސް ހަދާފައިވާ އިރު، އޭނާ ޑައިރެކްޓްކޮށްފައިވާ ވެބް ސީރީޒް "ޔެސް ސާ" މިހާރު އަންނަނީ ބައިސްކޯފުން ސްޓްރީމް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޓްސްމީ
22 August 2019
1990ގެ ފަހު އަހަރުތަކާއި 2000ގެ ކުރީކޮޅުގެ ފިލްމުތައް މަތިން ވަރަށް މިސްވޭ. އަދި އެދުވަސްވަރު ދިވެހި ސިނަމާގަ ރަނިކަން ކުރި 5 ބަތަލާއިން މަތިންވެސް މިސްވޭ: ނިޝާ، ޝިރާނީ، ޖަމްޝީދާ، ޝީލާ އަދި ނިއުމާ.... އެމީހުންގެ ވަރަށް ފައްކާ
އިންސާދި
22 August 2019
ވާތުން ދެވަނައަށް އެފެންނަނީ ހާދަ ރީތި މަންޖެއެއް؟
އަބްދުއްالله
22 August 2019
ވިއްސާރަ ސީޒަން ގައި ހަމަ އެކަނި މަޑުއްވަރިއެއްގަ ނޫން އަނދިރިކަން އޮނާނީކީ. ހަމަ ކޮންމެ ރަށެއްގަ ވެސް އެ ސީޒަން ގައި އަނދިރިކަން އޮންނާނެ. އެހެން ނޫނީ ކޮންމެ ސީޒަނަކީވެސް ހަމަ އަލީ ސީޒަން.
ޗީޑި
22 August 2019
ޔޫސޭގެ ސްޓައިލަށް ފިލްމް ހަދަން ފެށީތަ. ޔޫސެވެސް 45 މިނެޓްގެ "ދިރިއުޅުމަކީ މީއީ" އެއް ހަދާ ނިންމާކަމަށްވަނީ ހަފުތާއެއްތެރޭ. އެކަމަކު ފަސްމަހަވުރެ ކުޑަ މުއްދަތެއްގެ ތެރޭގަ 2 ގަޑިއިރުގެ ފިލްމެއް ހަދައި ބެލުންތެރިންނާ ހަމައަށް ގެނެސްދިނުން އެއީ ވަރަށް ފާސްޓް. އޯ ޔޫސޭގެ އަނބިމީހާ އެބަހުރިދޯ.