އޭޝިއަން ޑިވެލޮޕްމެންޓް ބޭންކް (އޭޑީބީ) ގެ ރައީސް ޓަކެހީކޯ ނަކާއޯ. މިއީ އޭނާ ރާއްޖެ ކުރެއްވި ފުރަތަމަ ދަތުރުފުޅު--ފޮޓޯ:ފިނޭންސް މިނިސްޓްރީ
26 އޯގަސްޓް 2019 - 11:04
1 comments
އޭޝިއަން ޑިވެލޮޕްމެންޓް ބޭންކް (އޭޑީބީ) ގެ ރައީސް ޓަކެހީކޯ ނަކާއޯ ރާއްޖެ ވަޑައިގެންފި އެވެ.
މިއީ ނަކާއޯ ރާއްޖެ ވަޑައިގެންނެވި ފުރަތަމަ ފަހަރެވެ. ނަކާއޯގެ މި ދަތުރުގައި ރައީސް އިބްރާހިމް މުހައްމަދު ސޯލިހާ ބައްދަލުކުރައްވާނެ އެވެ. އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ފިނޭންސް މިނިސްޓަރު އިބްރާހިމް އަމީރާ ބައްދަލުކުރެއްވުމަށް ވެސް ހަމަޖެހިފައިވެ އެވެ.
ތިލަފުށީގައި ކުނި މެނޭޖް ކުރުމުގެ ޕްރޮޖެކްޓް ކުރިއަށް ގެންދާ ގޮތާއި ހުޅުމާލޭގެ ދެ ވަނަ ފޭސްގައި ހިނގާ މަސައްކަތްތައް މި ދަތުރުގައި ނަކާއޯ ބައްލަވާލައްވާނެ އެވެ.
ސަރުކާރުގެ އިސް ވެރިންނާ އެކު ނަކާއޯއާ މާދަމާ ބައްދަލުވުމެއް ވެސް ބާއްވާނެ އެވެ.
ރާއްޖޭގެ ތަރައްގީގެ އެކި މަޝްރޫއުތަކަށް އޭޑީބީން އަންނަނީ މާލީ އެހީތެރިކަން ފޯރުކޮށްދެމުންނެވެ. މިއަހަރު ވެސް އޭޑީބީން ވަނީ މުދާ ކްލިއާ ކުރުމުގައި ހޭދަކުރާ ވަގުތު ކުޑަ ކުރުމަށްޓަކައި ހައި ޓެކް ސިސްޓަމެއް ގެނައުމަށް 11 މިލިއަން ޑޮލަރު (169 މިލިއަން ރުފިޔާ) އެހީއެއް ދީފަ އެވެ.
އޭޑީބީން މި އަހަރާއި އަންނަ އަހަރަށް ރާއްޖެ އަށް 31 މިލިއަން ޑޮލަރުގެ އެހީ ދިނުމަށް ކަނޑައަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
26 August 2019
މުޅިމިދައުލަތުގެ ޙަޒާނާއާއި މުއްސަނދިކަމާއި ވަސީލަތް އެންމެ ރަށެއްގެ ބިންވެރިންގެ މަންފާއަށް ހޭދަކުރުން ހުއްޓާނައި ތިކަން ތިގޮތަށް ކުރިއަށްގެންދާނަމަ ހީވެސްނުކުރާ ގެއްލުމާއި ކުރިމަތިލާންޖެހޭނެ. * * ސޯލިޙާއި ނަޝީދު ރާއްޖޭގެ ރައްވިތުނަށް ވެފައިވާ ވައުދު ފުއްދާ “ޓްއަރިޒަމްގެ މަންފާ އެންމެނަށް” ހޯދާދިނުމަށްޓަކާ ADB ގެ އެހީތެރިކަމާއިއެކު ހަނިމާދޫ އަދި ގޭންއެއަރޕޯޓް ބައިނަލްއަޤުވާމީ ފެންވަރުގައި އޮޕަރޭޓް ކޮށްދޭނެ ބަޔަކު ހޯއްދަވަންވީނޫންތޯ.