އީސީގެ މެމްބަރުކަމަށް ކުރިމަތިލާން ހުޅުވާލައިފި

އިލެކްޝަން ކޮމިޝަނުގެ ރައީސް އަހުމަދު ޝަރީފް އާއި ނައިބު ރައީސް އަމްޖަދު މުސްތޮފާ ނޫސްވެރިންގެ ބައްދަލުވުމެއްގައި: އަމްޖަދުގެ ދައުރު ހަމަވާތީވެ އެ މަގާމަށް ކުރިމަތިލާން މިއަދު ހުޅުވާލި -- ފޮޓޯ: ހުސެއިން ވަހީދު/ މިހާރު

ލަމްޔާ އަބްދުﷲ، މިހާރު

11 ސެޕްޓެމްބަރ 2019 - 13:59

2 comments

އިލެކްޝަން ކޮމިޝަން (އީސީ) ގެ މެމްބަރު ކަމަށް ކުރިމަތިލާން ރައީސް އޮފީހުން މިއަދު ހުޅުވާލައިފި އެވެ.

އެ މަގާމަށް ކުރިމަތިލާން ހުޅުވާލީ އެ ކޮމިޝަނުގެ ނައިބު ރައީސް އަމްޖަދު މުސްތޮފާގެ ދައުރު އަންނަ ނޮވެމްބަރު މަހުގެ 24 އަށް ހަމަވާތީ އެވެ.

ރައީސް އޮފީހުން ބުނި ގޮތުގައި އަންނަ ހޯމަ ދުވަހުގެ 14:00 ގެ ކުރިން އެ މަގާމަށް ކުރިމަތިލުމަށް އެދި ހުށަހެޅޭނެ އެވެ. އަދި އެ މަގާމަށް ހުށަހަޅަން ބޭނުންވާ ފޯމު ރައީސް އޮފީހުންނާއި ރައީސް އޮފީހުގެ ވެބްސައިޓުން ޑައުންލޯޑް ކުރެވޭނެ އެވެ.