ސިޓީގެ މެޗެއްގެ ތެރެއިން ގާޑިއޯލާ (ކ) އާއި ސްޓާލިން.-- ފޮޓޯ: އޭއެފްޕީ
14 ސެޕްޓެމްބަރ 2019 - 10:42
13 comments
މެންޗެސްޓާ (ސެޕްޓެމްބަރު 14) - ކްރިސްޓިއާނޯ ރޮނާލްޑޯ އާއި ލިއޮނަލް މެސީގެ ލެވެލަށް އަދި މެންޗެސްޓާ ސިޓީގެ ތަރި ރަހީމް ސްޓާލިން ނުދާ ކަމަށާއި އެ ފަދަ ވާހަކަތަކަށް ސަމާލުކަން ނުދޭން ސިޓީގެ ކޯޗު ޕެޕް ގާޑިއޯލާ އެދިއްޖެ އެވެ.
ފަހަކަށް އައިސް ސިޓީ އާއި އިންގްލެންޑްގައި ސްޓާލިން ދައްކަމުން އަންނަ ކުޅުމުގެ ސަބަބުން އިނގިރޭސި މީޑިއާގައި އަންނަނީ އޭނާ އަކީ މެސީ އާއި ރޮނާލްޑޯގެ ލެވެލްގައި ހުރި ކުޅުންތެރިޔެއް ކަމަށް ބުނެ އަޑުފަތުރަމުންނެވެ. އެކަމަކު ގާޑިއޯލާ ބުނީ އެކަމަށް އެއްބަސްވެވޭނެ އެއްވެސް ޖާގައެއް އަދި ނެތް ކަމަށެވެ.
"މެސީ އާއި ރޮނާލްޑޯއާ އަޅާކިޔޭނެ ފެންވަރުގެ އެއްވެސް ކުޅުންތެރިޔަކު އަދި ނެތް. އަހަންނަށް ނޭނގެ ސްޓާލިއަން އަކީ އިންގްލެންޑްގެ އެންމެ މޮޅު ކުޅުންތެރިޔާ ކަމެއް ވެސް. އަހަރެންގެ ކޯޗުކަމުގައި ސްޓާލިން އަންނަނީ ވަރަށް މޮޅަށް ކުޅެމުން. އެކަމަކު މެސީއާ ރޮނާލްޑޯ އަކީ ފުޓްބޯޅައިގައި ދެ ވަނަ އެއް ނެތް ކުޅުންތެރިން. އެ ފެންވަރަށް ދާން ވަރަށް ގިނަ ކަންތައްތަކެއް ކުރަންޖެހޭ،" މެސީ އަށް ބާސެލޯނާގައި ގިނަ ކާމިޔާބީތަކެއް ހޯދައިދޭން އެހީތެރިވެދިން ގާޑިއޯލާ ބުންޏެވެ.
ގާޑިއޯލާ ވަނީ އުމުރުން 24 އަހަރުގެ ސްޓާލިން އަށް އެފަދަ ގޮތަކަށް ތައުރީފުކޮށްގެން އޭނާ އަށް ނުރަނގަޅު ޕްރެޝަރުތަކެއް އައިސްފާނެ ކަމަށާއި އެކަމަކު ސްޓާލިންގެ ކިބައިގައި އެ ފަދަ ކަންތައްތަކާ ކެރިގެން ކުރިމަތިލެވޭނެ ފެންވަރު އެބަހުރިކަމަށް ބުނެފަ އެވެ.
އަނިޔާގެ ސަބަބުން ސިޓީ އަށް ކުޅޭ ފްރާންސްގެ ޑިފެންޑަރު އައިމެރިކް ލަޕޯޓް ގެއްލުމަކީ ސިޓީ އަށް ލިބިގެންދިޔަ ވަރަށް ބޮޑު ގެއްލުމެކެވެ. އޭނާ އަށް ކުޅުމަށް އެނބުރި އާދެވޭނީ މަދުވެގެން ފަސް މަހަށް ފަހު އެވެ.
ގާޑިއޯލާ ބުނީ އެންމެ ފަހުން ދެ ފަހަރު ވެސް ޕްރިމިއާ ލީގުގެ ތަށި އުފުލާލާފައިވާ ސިޓީ އަށް މި ފަހަރު ވަރަށް ޕްރެޝަރު ބޮޑު ކަމަށާއި އެކަމަކު މިހާތަނަށް އަދި ލީގުގައި ނިމިފައިވަނީ ހަތަރު މެޗު ކަމަށްވުމުން އަދި ރޭހުގައި އޮތީ ވަކި ޓީމުތަކެކޭ ބުނަން އުނދަގޫ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދައްސޫރަ
15 September 2019
މެސީ ..އާއި..ރޮނާޑޯ..ހިނގާމަގުންވެސް..ސްޓާލިންނަށް. ހިނގުންވާނީ ..މޮޔަކަމަކަށް
ދަނގަޑޭ
14 September 2019
އިގިރޭސި މީޑިއާއަކީ އެމީހުންގެ ކުޅުންތެރިންނަށް ވަރަށް ދީލަތި މީޑިއާއެއް. ކުޑަވަމެެއްވެސް ވަރަށް މޮޅުކަމަކަށް ހަދާލާނެ. ރޫނީ ކްރޮސް ފިލްޑް ލޯންގް ޕާސް އެއްދިނަސް އެއީ ދެން ވަރަަށް މޮޅު ހޮލީވްޑް ޕާއެއް، ދެތިން މީހުން ކަޓްވާލާފަ ގޯލެއް ޖެހީމަ އެވީ މެސީއަށް. މީގެ ހަވަރަކަށް އަހަރު ކުރިން އެމީހުންނަށް ރޫނީ ވަރު ކުޅުންތެރިއެއްނެތް، މެސީއަށްވުރެ މާމޮޅު.
ރަދީފް
14 September 2019
'ރަދީފް''ގެނަން ނަހަމަ ގޮތުގަ ބޭނުންކޮށްގެން ފޭކްކޮމެންޓް ނުކުރެއްވުން އެދެން.މިއަމަލު ހަރުކަށި އިބާރާތުން ކުށްވެރިކުރަން.ސްޓާލިންއަށް ހުވަފެނުގަ މެސީ އަދި ރޮނާލްޑޯގެ ލެވެލްއަށް ދެވިދާނެ.ވ.ވެދުން
ރަދީފްް
14 September 2019
ސިޓީ ބޮޑަށް ފޯކަސްކުރަންވީ ޗެމްޕިއަންސް ލީގަށް. ޕްރިމިއާރ ލީގުގެ ގަދަ 4 ގައި ހިމެނުމަކީވެސް އުނދަގޫ ކަމެއް
އަސްލު ހަގީގަތް
14 September 2019
ގާރޑިޔޯލާއަކީ ހަމައެކަނި ޗެމްޕިއަންސް ލީގަށް ފޯކަސް ކުރާނެ ކޯޗެއްނޫން. އޭނަޔަށް ހުރިހާ މުބާރާތެއްވެސް މުހިންމުވާނެ. ޕްރިމިއާރ ލީގަކީ މިހާރު 2 ހޯސް ރޭހެއް. ސިޓީޔާ ވާދަކޮށްލެވޭ ފެންވަރުގައިއޮތީ ހަމައެކަނި ލިވަޕޫލް. ދެން ތިބި ކްލަބުތައް ވާދަކުރަނީ ގަދަ ހަތަރަކާއި ހަޔަކަށް.
ރަދީފްް
14 September 2019
ގަދަ 4އަށް ވާދަކުރަމުން ސިޓީ ކަޓުވާލާފަ ސްޕަރސްއިން މިދިޔަ އަހަރު ފައިނަލްކުޅުނީވެސް.
އަސްލު ހަގީގަތް
14 September 2019
ނަސީބު އެހީވެގެން ބައެއްފަހަރު ކްލަބުތަކަށް ފައިނަލަށްދެވޭ. ދެން މިދައްކަނީ ޕްރިމިއާރ ލީގުގެ ވާހަކަ. ނިކަން މިދިޔަ 2 އަހަރު ސިޓީ ޗެމްޕިޔަންކަން ހޯދިއިރު އެމީހުންގެ ޕޮއިންޓާއި އެހެން ކްލަބުތައް އަޅާކިޔާލަބަލަ. މިދިޔަ އަހަރު ސިޓީ އަދި ލިވަޕޫލާ އެހެން ކްލަބުތަކާ ހުރި ފަރަގު ބަލާބަލަ. އެހެންވެ މިބުނަނީ ޕްރިމިއާރ ލީގަކީ މިހާރު ދެ ހޯސް ރޭހެކޭ. ލަލީގާއެއީ ތިން ހޯސް ރޭހެއް. ދެން ހުރި ލީގުތަކުގައި ތަށްޓަށް ވާދަކުރަނީ އެންމެ ކްލަބެއް.
މެސީ
15 September 2019
ސާބަސް. މިދިޔަ ދެއަހަރުގެ ވާހަކަ ދެއްކީމަ ލަލީގާ ޓޭބަލް ހުރިގޮތް ހަނދާންކޮށްދޭނަން. މިދިޔަ ސީޒަނުގައި 1ވަނައާ 2ވަނައާ ދޭތެރޭ 11 ޕޮއިންޓް، 3ވަނައާ ދޭތެރޭ 19، 4ވަނައާ ދޭތެރޭ 26. އޭގެ ކުރީ ސީޒަނުގައި 1ވަނައާ 2ވަނައާ ދޭތެރޭ 14، 3ވަނައާ ދޭތެރޭ 17، 4ވަނައާ ދޭތެރޭ 20، 5ވަނައާ ދޭތެރޭ 32. މިއީތަ ވާދަވެރި ލީގު؟
މެސީ
15 September 2019
ދެން އެހެން ނޫނަސް ލިވަޕޫލުން ލީގަށް ވާދަކުރީ މިދިޔަ އަހަރު. އޭގެ ކުރީ އަހަރު 2ވަނަ މެންޗެސްޓަރ، ލިވަރޕޫލަށް 4. އެންމެ ސީޒަނަކަށް ބަލާފަ 2 ހޯސް ރޭހަށް ހެދީ؟ އާ ޓީމުތަކުންވެސް މިފަހުން އިނގިރޭސި ލީގު ކާމިޔާބުކޮށްފަ އެބަހުރި. އެކަމަކު 3 ޓީމުގެ އިތުރުން ލަލީގާ ކާމިޔާބުކުރި އިތުރު ޓީމެއް ކޮބާ މިފަހުން؟ 2004 ވަނަ އަހަރު އެންމެ ފަހުން އެހެން ޓީމަކަށް ލިބުނީ. 2011/2012 ސީޒަނަށްފަހު 3 ޓީމު ފިޔަވާ އިތުރު ޓީމަކަށް ގަދަ 3ގައި ހިމެނިފައި ނުވޭ. ވާދަވެރިކަން؟
ރަދީފްް
15 September 2019
ނަސީބު އެހީވެގެން ބާރސާއަށްވެސް ފައިނަލުގައި ކުޅެވޭނެނަމަ؟ ޓޮޓެންހަމް ކުޅުނު ގޮތަށް ނަސީބުން މޮޅަށް ކުޅެ ގިނަ ލަނޑުޖެހޭނެނަމަ؟ އެކަމަކު ބާރސާ ފައިނަލުގަ ކުޅެފަ ހުރީ ރެފްރީ އެހީވެގެން، މޮޅު ޓީމުތައް ނުހައްގުން ކަޓުވާލާފަ. ބާރސާއަށްވެސް ރެފްރީގެ ބަދަލުގަ ނަސީބު އެހީވާނަމަ ކިހާ ރަނގަޅުވީސް.
ރަދީފް
15 September 2019
މޭ އައި ހޭވް ޔޯ އެޓެންޝަން ޕްލީޒް:- ރެއާލް ، ލިވަޕޫލް އަދި ސްޕާސްގެ ޕްލާސްޓިކު ފޭނުން (އަސްލު ފޭނުން ނުކުރާނެ) ކަމަށްވާ އަންނި ، ނިއުމާ ، ހަގީގަތް ، ފޮސްކަލޯ އެހެންމީހުންގެ ނަމުގަ ކޮމެންޓްކުރުން އެއީ ވަރަށް ފިނޑިއަމަލެއް.މިފަދަ ހުތުރު އަމަލުތަކުން ދުރުވެތިބެ ކޮމެންޓްކުރުމަށް ނަސޭހަތްތެރިވަން.ވ.ވެދުން
ރަދީފާާ
15 September 2019
އެންމެ ގިނައިން އެގޮތަށް ކޮމެންޓް ކުރަނީ ރަދީފް. އެހެން މީހުންގެ ނަމުގަ ނަން ރަޖިސްޓަރކޮށް އަމިއްލަ ކުރަނީ ރަދީފް. މިއީ ހަގީގަތް. ޔުވެންޓަސް ފޭނުންގެ ވައްތަރު.
އަސްލުމ
14 September 2019
މިވާހަކަ ކިޔާދީބަލަ ރާއްޖޭގަ މިތިބަ އަޒުމީނު މެނަށާ ކޯޗުން އަދި އަޝްފަގުގެ ފޭނުންނަށް.