އައްޑު އާއި ފުވައްމުލައް ބަޔޮސްފިއާ ރިިޒާވަކަށް ހަދަން ހުށަހަޅަނީ

ވަޒީރުންގެ މަޖިލީހުގެ ޖަލްސާއެއް: އައްޑޫ އާއި ފުވައްމުލައް ބަޔޮސްފިއާ ރިޒާވަކަށް ހަދަން ހުށަހަޅަން ރައީސް ވަނީ ނިންމަވާފައި --- ފޮޓޯ/ރައީސް އޮފީސް

މުއިއްޒު އިބްރާހިމް، މިހާރު

17 ސެޕްޓެމްބަރ 2019 - 19:29

9 comments

އައްޑު އާއި ފުވައްމުލަކީ ބަޔޮސްފިއާ ރިޒާވެއްގެ ގޮތުގައި ކަނޑައަޅަން ޔުނެސްކޯ އަށް ހުށަހަޅަން ރައީސް އިބްރާހިމް މުހައްމަދު ސޯލިހް މިއަދު ނިންމަވައިފި އެވެ.

ރައީސް އޮފީހުން ބުނީ އެގޮތަށް ރައީސް ނިންމެވީ ވަޒީރުންގެ މަޖިލީހުގައި އެކަމާ ބެހޭ ގޮތުން މަޝްވަރާ ކުރެއްވުމަށް ފަހު ކަމަށެވެ.

ރައީސް އޮފީހުން ބުނި ގޮތުގައި އައްޑު އާއި ފުވައްމުލަކަކީ ބައިނަލްއަގްވާމީ ގޮތުން ފާހަގަކުރެވޭ ބަޔޮސްފިއާ ރިޒާވެއްގެ ގޮތުގައި ކަނޑައަޅަން ޔުނެސްކޯ އަށް ފޮނުވުމުގެ ބޭނުމަކީ ޔުނެސްކޯގެ ބަޔޮސްފިއާ ރިޒާވްގެ މޮޑެލްގައި ތިމާވެށީގެ ގޮތުންނާއި އިގްތިސާދީ ގޮތުން ގިނަ ފައިދާތަކެއް އެކުލެވޭތީ އެވެ.

އޭގެ އިތުރުން ދެމެހެއްޓެނިވި ގޮތެއްގައި ދިރޭ ތަކެތީގެ ބޭނުން ހިފުމަށާއި ދެމެހެއްޓެނިވި ތަރައްގީ ގެނައުމުގައި ވެސް އެއީ މުހިންމު ކަމެއް ކަމަށް ރައީސް އޮފީހުން ބުންޏެވެ. އޮފީހުން ބުންޏެވެ.

ޔުނެސްކޯގެ ބަޔޮސްފިއާ ރިޒާވްގެ ގޮތުގައި އެ ދެ ސިޓީ ހަމަޖެހުމުން، ރައީސް އޮފީހުން ބުނީ، ހިމާޔަތްކޮށްފައިވާ ސަރަހައްދުތަކުން ލިބޭ އިގްތިސާދީ ފައިދާ އިތުރުވެގެންދާނެ ކަމަށެވެ.

އައްޑޫ ނޭޗާ ޕާކްގެ ކިޅިއެއްގައި ދޫންޏެއް ޖައްސާފައި: މި ތަނުގައި ޚާއްސަ ދޫނިތަކެއް ދިރިއުޅޭ ---ފޮޓޯ: އަހުމަދު މަހްޒޫމް

ރައީސް އޮފީހުން ބުނިގޮތުގައި އައްޑު އާއި ފުވައްމުލައް ބަޔޮސްފިއާ ރިޒާވެއްގެ ގޮތުގައި ކަނޑައަޅާނީ ތިން ބަޔަކަށް ސަރަހައްދުތައް ބެހޭ ގޮތަށެވެ. އެއީ ކޯ އޭރިއާ އާއި ބަފަޒޯން އޭރިިއާގެ އިތުރުން މަލްޓި ޔޫޒް އޭރިއާ އެވެ.

ރާއްޖޭގައި ބަޔޮސްފިއާ ރިޒާވެއްގެ ގޮތުގައި އަދި އޮތީ ބ. އަތޮޅެވެ. ޔުނެސްކޯ އިން ވަކި ސަރަހައްދުތަކެއް ބަޔޮސްފިއާ ރިޒާވެއްގެ ގޮތުގައި ކަނޑައަޅަނީ ގުދުރަތީ ދިރުންތަކާއި ތިމާވެށީގެ ހިމާޔަތުގަ އެވެ. އަދި އެއީ ގުދުރަތީ ވަސީލަތްތަކާއި ތިމާވެށި ރައްކާތެރިކޮށްގެން ވެސް ޒަމާނީ ތަރައްގީ ހޯދޭނެކަމުގެ ނަމޫނާ ފެންނަ މޮޑެލްއެކެވެ.

އައްޑު އާއި ފުވައްމުލަކުގައި ގުދުރަތީ ވަރަށް ތަފާތު ހިތްގައިމު ސަރަހައްދުތައް ހިމެނެ އެވެ. އަދި އެ ދެ ސިޓީގެ ބައެއް ތަންތަން މިހާރު ވެސް ގެންދަނީ ހާއްސަ ސަމާލުކަމެއް ދީގެން ބަލަހައްޓަމުންނެވެ.

ފުވައްމުލައް އައްޑޫ ޔުނެސްކޯ ބަޔޯސްފިއާ ރިޒާވް ބަޔޯސްފިއާ ރިޒާވް

9 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔުނައިޓެޑް އައްޑޫ

18 September 2019

ތަރައްޤީއަކީ ތާރު މަގުތަކާއި، އެއާޕޯޓްތަކާއި ބޮޑެތި އިމާރާތްތަކެއް ކަމަށް ރަށެއްގެ ރައްޔިތުން ބޮލަށް ވައްދާ ޕްރޮގްރާމްކޮށްފައި، އެކަން ކޮށްނުދީ އެރަށަކީ ބަޔޮސްފިއާ ރިިޒާވެކޭ ބުނީމަ، ދެން އެރަށެއްގެ ރައްޔިތުން ދާން އޮތްތަނަކީ ގްރޭޓަރ މާލޭކަން ބުނެދޭކަށް ނުޖެހޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރާ

18 September 2019

ދެން އައްޑޫގެ ބޮޑުބައި އެދިޔައީ އަތޮޅުދުނިން ބޭރުވެގެން މާލޭގަ ހުންނަމީހާގެ ބެލުމުގެދަށަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީދޫ

18 September 2019

އުމްރާނީ ތަރައްގީ އަށް އިތުރު ހުރަސްތަކެއް ކުރިމަތިވާނެ. ފުވައްމުލަކުގެ ސަރަހައްދުތަށް ގުޅާލުމަށް ޗަކަ ބިން ހިއްކައިގެން އިތުރު މަގުތަކެއްވެސް ހަދަން ޖެހޭ! ބަޔޯ ސްފިއަރ ރިޒާރވަކަށް ހަދަންވީ ފުވައްމުލަކެއް ނޫން. ރަށުގެ ބޭރުގައި ވާ ތިލަތަކާއި ޑައިވިން ޕޮއިންޓްތައް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔަތުމީހާ

18 September 2019

ތިޔަކަމަކާހުރެ ދެން އެއްވެސް ތަނެއް ހިއްކުން މަނާވެ މޫދުގައި މުޑިޖަހައިގެން ކޮޓާރު ހަދާ ފަތުރުވެރިންނަށް މަންޒިލެއް ހެދުން ވެސް ބަންދުވާނެތާ. އައްޑޫ އަދި ފުވައްމުލަކާ މި ދެއަތޮޅުގެ ވާހަކަ ކުއްލި ގޮތަކަށް ފެންމައްޗަށް މިއެރީ ކީއްވެތަ؟ ކޮބައިތަ އައްޑޫ ސިޓީ އާއި ފުވައްމުލަކު ސިޓީގެ ތަރައްޤީގެ މަޝްރޫޢުތައް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޅުދުއްފުށީ ސީ ޕްލޭން.

18 September 2019

ކުޅުދުއްފުށީ ހަދައިދީބަލަ އެއަރޕޯޓް ސްފިއަރ ރިސަރވްއަކަށް. އަޅެ ޕްލީޒް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީނާ777

18 September 2019

ބަޔޮސްފިޔާ ރިޒާވަކަށް ހަދަން ނިއްމި ދާނެ އެކަމަކު އައްޑޫގެ ތަރައްގީއަށް ބޭނުން ވަނީ ވަޒީފާއާއި އާްމްދަނީ އިތުރުވާނެ ކަންތައްތަ އައްޑޫގައި އިތުރުވުން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

18 September 2019

ވެރިކަން ބޭނުންވެގެން އުޅޭއިރު އައްޑޫ ރައްޔިތުންގެ ބޭނުން ޖެހެނީ....... ވެރިކަން ލިބުނީމަ ހަނދާން ނައްތާލަނީ...... ދެން ތިބެ ދެއިރު ދެދަޅައަށް އައްޑޫ އައްޑޫ ތަރައްޤީ ކިޔުން ނޫން ކަމެއް މިސަރުކާރަށް ވެސް އަދި ނެތް...... މިއީ ފާއިތުވެދިޔަ 40 އަހަރުގެ ހާލަތް....