ސީއެޗްއެސްއީގެ 40 ވަނަ އަހަރީ ދުވަހާ ގުޅިގެން މިދިޔަ ޖުލައި މަހު ބޭއްވި ހަރަކާތެއްގައި އެޑިއުކޭޝަން މިނިސްޓަރު ބައިވެރިވެވަޑައިގަންނަވަނީ.-- ފޮޓޯ: ހުސެއިން ވަހީދު/ މިހާރު
05 އޮކްޓޯބަރ 2019 - 11:48
12 comments
ޓީޗަރުންނަށް ދޭ ގަދަރާއި މުސާރަ ކުޑަވުމަކީ އެމީހުން ވަޒީފާގައި ދެމިތިބެން އޮތް ގޮންޖެހުމަކަށް ވެފައިވާ ކަމަށް އެޑިއުކޭޝަން މިނިސްޓަރު ޑރ. އައިޝަތު އަލީ މިއަދު ވިދާޅުވެއްޖެ އެވެ.
މިއަދު ފާހަގަކުރަމުން އަންނަ ބައިނަލްއަގުވާމީ ޓީޗަރުންގެ ދުވަހުގެ މުނާސަބަތުގައި ފޮނުއްވި ހިތާބުގައި މިނިސްޓަރު ވިދާޅުވީ ހަރަކާތްތެރި ޓީޗަރުންގެ އާ ޖީލެއް ނުއުފެއްދޭ ނަމަ ފެންވަރު ރަނގަޅު ތައުލީމެއް ލިބިގަތުމުން އެތައް ކުދިންނެއް މަހުރޫމުވާނެ ކަމަށެވެ.
މިނިސްޓަރު ވިދާޅުވީ ވަޒީފާ ދޫކޮށްލާ ޓީޗަރުންގެ ނިސްބަތް މުޅި ދުނިޔޭގައި ވެސް ދަނީ މަތިވަމުން ކަމަށެވެ. އެކަން މެދުވެރިވާ ދެ ސަބަބަކީ، މިނިސްޓަރު ވިދާޅުވިގޮތުގައި، ތައުލީމީ ދާއިރާގެ ކުރިމަގު އުޖާލާކަމަށް ނުފެނުމާއި ވަޒީފާގެ ނުތަނަވަސްކަން ބޮޑުވުމެވެ. އޭގެ އިތުރުން ހާއްސަ އެހީއަށް ބޭނުންވާ ކުދިންނާއި ރެފިއުޖީންނާއި ގިނަ ބަސް ދަންނަ ދަރިވަރުންނަށް އުނގަންނައިދޭން ބޭނުންވާ ވަސީލަތްތައް މަދުވުމުން ހިމެނޭ ކަމަށް ވިދާޅުވި އެވެ.
މިނިސްޓަރު ވިދާޅުވީ ކޮންމެ މީހަކަށް ވެސް އެމީހެއްގެ ފިކުރާއި ކުރިމަގު ބަދަލުކޮށްލި ޓީޗަރަކާ ބައްދަލުވެފައި ހުންނާނެ ކަމަށެވެ. ބައެއް މީހުން ކުރިއަރައި ދިޔަ ސަބަބަކީ އެމީހުންނަށް ދިމާވި ޓީޗަރުން ކަމަށާއި ރަނގަޅު އެތައް ޓީޗަރުންގެ ފިޔައިގެ ހިޔާ ދަށުގައި އެމީހުންވި ކަމަށް ވިދާޅުވި އެވެ.
ކިޔަވައިދިނުމަކީ އެކަމުގެ ހެޔޮ އަސަރުތައް އެތައް ޒަމާނަކަށް ދެމިގެންދާ މަތިވެރި މަސައްކަތެއް ކަން ފާހަގަކުރެއްވި އެވެ.
"އަޅުގަނޑުގެ ނަޒަރުގައި މުދައްރިސަކަށް ހައްގު ޝުކުރު އަދާކުރުމަކީ އަދި އެދެވޭ އުޖޫރައެއް ދިނުމަކީ ކުރެވޭނެ ކަމެއް ނޫނެވެ. އެއަށްވުރެ އެމީހުންގެ މަސައްކަތް ބުރަވެ، ގުރުވާނީ މަތިވެރި އެވެ،" ހިތޯބުގައި ވިދާޅުވި އެވެ.
މިއަހަރުގެ ޓީޗަރުންގެ ދުވަހަށް ކަނޑައަޅާފައިވާ ޝިއާރަކީ "ޒުވާން މުދައްރިސުން: ތައުލީމީ ދާއިރާގެ ކުރިމަގު" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުރިހާ
06 October 2019
ހުރިހާ ބާވަތެއްގެ މުހިންމު ވަޒީފާތަކަކަށް ފައިސާއިން އަހަންމިޔަތުކަން ހޯދުމަކި ނިމުމެއް އޮތްކަމެއްނޫން!
ފިކުރޭ
06 October 2019
ތިޔަ ކަމާ ފިކުރުކޮށް ކޮށް ހޭކެނޑިފައި މިތިބީ!
ކަތީބުބޭ
05 October 2019
މުސާރަ ބޮޑު ކުރެވޭނެ މަގާމުގައި ހުންނަވައިގެން އެކަން ކޮށްލެއްވީމަ ތިޔަ މައްސަލަ ހައްލު ވީނުންތޯ
ޝިއާރު
05 October 2019
މިއަހަރުގެ ތިޔަ ޝިއާރުން ދުވަސްވީ ޓީޗަރުންގެ ހިތްހަލާކުނުވާނެބާ؟
ވާލުސޮރު
05 October 2019
ދުވަހަކު ޝަކުވާވެސް ހުއްޓޭ ބައެއްނޫން. މިއީ ޓީޗަރުންނަށް ބުނާ ދެރަ ބަހެއްނޫން. ކަނޑުމަތީގައާއި އެހެންވެސް އުނދަގޫ ޖޮބްތަކުގަ ބައިވަރު މީހުން އުޅޭ ނުކުރޭ މިވަރަށް ޝަކުވާއެއް. ޓީޗަރުންގެ މުސާރަ ޝަކުވާ ނީވޭ ދުވަހެއް ޒަމާނެއް ސަރުކާރެއް ނާދޭ.
ރައްޔިތުންގެ ބަސް
05 October 2019
ޓީޗަރުންނަށް ލިބޭ މުސާރަ ކުޑަކަމަކަށް ނުފެނޭ! އެންމެ މަދުން ލިބޭ ޓީޗަރަކަސްވެސް މިހާރު 12000 ވަރު ލިބޭ. ޓީޗަރުންނާ ދޭތެރޭ ބެލެނިވެރިންނާއި ދަރިވަރުން ދެކޭގޮތް ބިނާވަނީ ޓީޗަރުންގެ އަޚްލާޤުގެ މައްޗަށް. މިހާރު ގިނަ ޓީޗަރުންގެ އެފަދަ ރިވެތި ބައެކަށް ނަމޫނާ ދެއްކޭ ފަަދަ އަޚްލާޤެއް ނުހުރޭ.
ާޓީޗަރު
05 October 2019
ކަލޭ ހާދަ މޮޅޭ. މަށަކަށް ނުލިބޭ
ގާސިމު
05 October 2019
2008 ގަ ވެރިކަމައް އައިބަޔަކު ސިވިލްސަރވަންޓުންގެ މުސާރަކަ ކަނޑާ ތިރިކޮއް ބިމާ ހަމަކޮއް ހެދީމާ އެމުސާރަ އަނބުރާ ދިނުމައް ކޯޓުން ހުކުމް ކުރީމާވެސް ނުދިން ބަޔަކު އަނެއްކާ ވެރިކަމައް އައިސް ތިޔަޒާތުގެ ވާހަކަ ނުދެއްކިއްޔާ ރަގަޅުވާނީ
ނަރުބުރުސް
05 October 2019
ޓީޗަރުންގެ ގަދަރު ކުޑަވަނީ ޓީޗަރުންނައް ވެސް އުޅެވޭގޮތުންނާ ކިޔޭ އެއްޗެހިން. ޓީޗަރުންވެސް ތިބެނީ ކޮންމެވެސް ސިޔާސީ ފިކުރެއްގެ ކޯޅުންގަޑެއްގަ. ޓީޗަރުން ހިތުން ހުރިހާއެއްޗެއްވެސް އެމީހުނައް އެންމެ މޮޅައް އިގޭނީ. ދެން ސިޔާސީ ވީމަ ކިހިނެއްވާނީ! ޢެމީހުން އެދެކޭގޮތް ދޫވެސް ނުކުރާނެ. އާއިލާއެއްގެ ތެރޭ ޓީޗަރެއް އުޅެންޏާ ދެން އެއާއިލާގެ އެހެން މީހުނައް ވަރައް އުދަގޫވާނެ، އެވަރައްނުފޫޒު ހިންގާނެ. ޓީޗަރުންވެއްޖެ މިކަމާ ވިސްނާ ފިކުރު ކޮއްލަން.
ދަގަޑު ބުރުސް
05 October 2019
ކީއްވެތެތަ އޯޓީ ލިމިޓު އުވާނުލެވެނީ
އިސްލާހިއްޔާ
05 October 2019
ވަށާޖެހެންޖެހޭ އިސްލާހުތަކެއް ތީގައިވޭ!
އިޙްސާސް
05 October 2019
ހަމަ ތިފަދައިން ކުދިންނަށް އޯގާތެރި ކޮންމެކަހަލަ މިޒާޖެއްގެ ކުއްޖަކާވެސް ޑީލްކުރަން އެނގޭ ގިނައަދަދެއްގެ މުދައްރިސުން ތަމްރީނުކޮށް ރާއްޖޭގެ ހުރިހާ ސުކޫލެއްގައިވެސް މިފަދަ މުދައްރިއްސުން ބައިތިއްބާ.