ގިނަ އޮފީސްތަކެއް ހިންގާ ވެލާނާ ބިލްޑިން: ސިވިލް ސާވިސްގެ ވަޒީފާއިން ވަކި ކުރާ މީހުންނަށް އަލުން ވަޒީފާ ދިނުމުގެ އުސޫލަށް ބަދަލުތަކެއް ވަނީ ގެނެސްފައި -- ފޮޓޯ/މިހާރު
10 އޮކްޓޯބަރ 2019 - 13:40
2 comments
ސިވިލް ސާވިސްގެ ގަވާއިދާ ޚިލާފްވެގެން ނުވަތަ އެހެން ގާނޫނެއްގެ ދަށުން ސިވިލް ސާވިސްގެ ވަޒީފާއެއް އަދާ ނުކުރެވޭނެ ފަދަ ހާލަތެއް މެދުވެރިގެން ވަޒީފާ އިން ވަކިކުރާ މީހުން ހަ މަސް ފަހުން ސިވިލް ސާވިސްގެ ވަޒީފާ އަލުން ދެވޭ ގޮތަށް ސިވިލް ސާވިސްގެ ގަވާއިދަށް އިސްލާހު ގެނެސްފި އެވެ.
ސިވިލް ސާވިސްގެ ގަވާއިދު ކުރިން އޮންނަ ގޮތުން ސިވިލް ސާވިސްގެ ގަވާއިދާއި ސިވިލް ސާވިސްގެ ކޯޑް އޮފް ކޮންޑަކްޓާ ޚިލާފްވެގެން ވަކިކުރާ މީހުންނަށް ސިވިލް ސާވިސްގެ ވަޒީފާއެއް އަލުން ދެވޭނީ ވަކިކުރާ ދުވަހުން ފެށިގެން ތިން އަހަރު ފާއިތުވުމަށް ފަހު އެވެ.
އެ ގަވާއިދަށް އިއްޔެ ގެނައި އިސްލާހު އޮތްގޮތުން، އެގޮތަށް ވަކިކުރާ މީހުން ހަ މަސް ފަހުން އަލުން ސިވިލް ވަޒީފާއަކަށް އައްޔަން ކުރެވިދާނެ އެވެ. އަދި ގާނޫނު އަސާސީގެ ދަށުން އިންތިޚާބުކުރާ މަގާމެއްގައި ވާދަކުރުމުން ނުވަތަ އެހެން ގާނޫނެއްގެ ދަށުން ސިވިލް ސާވިސްގެ ވަޒީފާ އިން އަދާކުރުން މަނާކުރާ ހާލަތެއް މެދުވެރިވެގެން ވަޒީފާ އިން ވަކިކުރާ މީހުންނަށް ވެސް ހަ މަސް ފަހުން ސިވިލް ސާވިސްގެ ވަޒީފާއެއް އަލުން ދެވިދާނެ ކަމަށް ވެސް އެ އިސްލާހުގައިވެ އެވެ.
މީގެ އިތުރުން ވިހެއުމާ ގުޅިގެން ސިވިލް ސާވަންޓުންނަށް ހަ މަހުގެ ޗުއްޓީ ދިނުމުގެ އުސޫލު ވެސް އެ އިސްލާހުގައި ވަނީ ހިމަނައިފަ އެވެ. ވިހެއުމާ ގުޅިގެން ހަ މަހުގެ ޗުއްޓީ ދިނުމުގެ އުސޫލަށް ސަރުކާރު ކުންފުނިތަކާއި ގިނަ އޮފީސްތަކެއްގައި މިހާރު ވެސް އަންނަނީ އަމަލުކުރަމުންނެވެ.
މީގެ އިތުރުން ޕާމަނަންޓް ސެކެޓްރީންގެ އަލުން އެ މަގާމަށް އައްޔަން ކުރުމުގެ އުސޫލުތަކަށް ވެސް އެ އިސްލާހުގައިވަނީ ބަދަލު ގެނެސްފަ އެވެ. ކުރިން އެ ގަވާއިދު އޮންނަ ގޮތުން ޕާމަނަންޓް ސެކެޓްރީގެ މަގާމުގައި ފަސް އަހަރުގެ މުއްދަތު ހަމަވުމަށް ފަހު އޭނާ އަލުން އެ މަގާމަށް އައްޔަން ކުރާ ނަމަ، އަލުން އައްޔަންކުރާ ތާރީޚުން ފެށިގެން ފަސް އަހަރު ހަމަވާ ތާރީޚާ ހަމައަށް 60 އަހަރަށް ވުރެ އެ މީހެއްގެ އުމުރުން މަތިިވެގެން ނުވާނެ އެވެ. އެކަމަކު ގަވާއިދުގެ އެ ބައި އެ އިސްލާހުގައި މިހާރު ވަނީ އުނިކޮށްފަ އެވެ.
މުވައްޒަފުން ސަލާމުގައި ހުންނަ ދުވަސްތަކަށް ސާވިސް އެލަވަންސުން ފައިސާ ކެނޑޭނެ ކަމަށް އޮންނަ ބައި ވެސް އެ އިސްލާހުގައި މިހާރު ވަނީ އުވާލައިފަ އެވެ. އެ ބައި އުވާލުމުގެ ކުރިން، ސަލާމުގައި ހުންނަ ދުވަސްތަކަށް ފައިސާ ނުކެނޑޭނެ ކަމަށް ހައި ކޯޓުން ވެސް ކުރިން އޮތީ ހުކުމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަން
10 October 2019
ފުރަތަމަ ނުގަވައިދުން މީހުން ވަކިކުރާ މީހުންނާ މެދު އެޅޭނެ އުސޫލެއް ޤާއިމް ކުރާށެ.. މި ސަރަކާރު އިންސާފު ނަމުގައި މި ބަދަލު ދޭ ގޮތެއް ކަމެކު ނުދެއެވެ. ރޯމާ ދުވާލު ޤައުމު ލޫޓް ވަނީއެވެ. ވެރިކަން ބަދަލު ކުރީ މި ދުވަސް ދޭކަށް ނޫނެވެ. ދައްކާ ހުރިހާ ޓެކުހެއް ކަމެއް ނުކޮއް ބަޔަކަށް ބައި އަޅަނީއެވެ. އިބޫ ސަލާމް ލޯކަލް ކައުންސިލް އަށް...
ސިވިލއް
10 October 2019
ތީ ކިޔަވައިގެން ތިބި ކުދިން އިންތިހާބަށް ކުރިމަތިލާފާނެތީ ޖަހާފައި އޮތް މޮޅެއް. އިންތިހާބަށް 2 މަސް ވީމަ ޕޭ އާއެކު އިންތިހާބު ޗުއްޓީއެއް ދީފައި އިންތިހާބު ނިމުމުން ނުހޮވެންޏާ ޖޮއިން ކުރެވޭ ގޮތަށް އޮންނަ ނަމަ މިހާރު ތަންތަނަށް މި ހޮވޭ ކުނީގެ ބަދަލުގައި ރަގަޅު ކުދިން ހޮވޭނެ. ބޭނުންވަނީ ކިޔަވައިގެން ތިިބި ޒުވާނުން ސިޔާސީ މައިދާނުން ބާކީކޮށްފައި ވައްކަން ކުރަން. ދައުލަތުން އެތައް މަސައްކަތެއް ކޮށްގެން ކިިޔަވައިދިން ކުދިން ސިޔާސަތު ހެދުމަށް ވަދޭ!