ޕްރިއޯޑާ ކުރި ފަހުގެ އައިފޯނުތައް ދިރާގުން ދޫކުރަން ފަށައިފި

ދިރާގުން ފަހުގެ އައިފޯން ބަލައިގަތް ފުރަތަމަ ކަސްޓަމަރު-- ފޮޓޯ: މިހާރު

އިދުހާމް ނައީމް، މިހާރު

18 އޮކްޓޯބަރ 2019 - 06:48

އެޕަލް އިން މިދިޔަ މަހު ނެރުނު އައިފޯން 11 އަދި އައިފޯން 11 ޕްރޯ އާއި 11 ޕްރޯ މެކްސް އަށް ދިރާގު މެދުވެރިކޮށް ޕްރީއޯޑާ ކުރި މީހުންނަށް އެ ފޯނުތައް ދޫކުރަން ފަށައިފި އެވެ.

މި ފޯނުތައް ދޫކުރަން ފެށީ ރޭ 12:00 ގައި ދިރާގު ހެޑް އޮފީހުގައި ބޭއްވި ރަސްމިއްޔާތެއްގަ އެވެ. މި ރަސްމިއްޔާތުގައި ދިރާގުގެ ސީއެފްއޯ ރޮބިން ވޯލް ވެސް ވަނީ ބައިވެރިވެ ވަޑައިގެންފަ އެވެ.

ފަހުގެ އައިފޯން ޕްރިއޯޑާ ކުރި ކަސްޓަމަރުން ދިރާގު ހެޑް އޮފީސް ތެރޭ ކިޔޫ ހަދައިގެން-- ފޮޓޯ: މިހާރު

ފޯނު ހޯދަން ކަސްޓަމަރުން ވަނީ ރޭ 10:00 އިން ފެށިގެން ދިރާގުގެ ހެޑް އޮފީހުގެ ބޭރުގައި ކިޔޫ ހެދި އެވެ. ދިރާގުން ޕްރިއޯޑާ ކުރާ ފޯނުތައް ހަވާލުކުރުމަށް އަބަދުވެސް މިފަދަ ކުލަގަދަ ރަސްމިއްޔާތެއް ބާއްވަ އެވެ.

އައިފޯން ޕްރިއޯޑާ ކުރި ކަސްޓަމަރުންގެ ތެރެއިން ދިރާގު ހެޑް އޮފީހަށް ނާދެވޭ ކަސްޓަމަރުންނަށް އެ ކުންފުނީގެ ސާވިސް ސެންޓާތަކުން ވެސް ފޯނު ދޫކުރާނެ އެވެ. އެގޮތުން، އެ ކަސްޓަމަރަކު ބޭނުންވާ ސާވިސް ސެންޓަރެއް ދިރާގަށް އެންގުމުން އެ ސާވިސް ސެންޓަރަކުން ފޯނު ލިބޭނެ ގޮތް ވަނީ ހަމަޖައްސައިފަ އެވެ.

ދިރާގުން އައިފޯނުގެ ޕްރިއޯޑާ ނަގަން ފެށީ މިމަހުގެ 11 ވަނަ ދުވަހު އެވެ. އެ ފުރުސަތު ހުޅުވާލިތާ 24 ގަޑިއިރު ތެރޭގައި ފޯނުގެ ސްޓޮކް އެއްކޮށް ވަނީ ހުސްވެފަ އެވެ.

އައިފޯން ދިރާގު

9 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމް.އޭ.ކަރީމް14

19 October 2019

ހަމަ މިފޯނުން ޓްވީޓް ކުރާނެ ކުލި ބޮޑޭ،މުސާރަ ކުޑައޭ، އިންޓަރނެޓް އަގު ބޮޑޭ ، ލިބޭ އެއްޗަކުން ދެކޮޅު ނުޖެހޭ މަސްނިމޭއިރު ދަރާފައޭ. ބަލާއިރު ތިމާއަށް ލިބޭ އެއްޗަކަށްވުރެ ބޮޑަށް ހަރަދު މިކުރަނީ އެއްމެ ފަހުގެ ފޯނުގަންނަށް.