ހަމަަލާތައް ހުއްޓާލަން ތުރުކީން އެއްބަސްވެއްޖެ

ހަމަލާތައް ހުއްޓާލަން ތުރުކީން އެއްބަސްވީ އެމެރިކާގެ ނައިބް ރައީސް މައިޕް ޕެންސް އަންކަރާ އަށް ކުރެއްވި ދަތުރުފުޅަށް ފަހު. --ފޮޓޯ:އޭއެފްޕީ

ހަސަން އާމިރު، މިހާރު

18 އޮކްޓޯބަރ 2019 - 12:30

7 comments

އަންކަރާ (އޮކްޓޯބަރު 18) - ސީރިއާގެ އިރުއުތުރުގައި ކުރުދީ ހަނގުރާމަވެރިންނާ ދެކޮޅަށް ތުރުކީ ސިފައިން ފަށާފައިވާ އަސްކަރީ އޮޕަރޭޝަން ހުއްޓާލަން އަންކަރާ އިން އެއްބަސްވެއްޖެ އެވެ.

ހަމަލާތައް ހުއްޓާލުމަށް ތުރުކީން އެއްބަސްވެފައި ވަނީ އެމެރިކާގެ ނައިބް ރައީސް މައިކް ޕެންސް އަންކަރާ އަށް ވަޑައިގެން ރައީސް ރަޖަބް ތައްޔިބު އުރުދުޣާންއާ އެކު ކުރެއްވި މަޝްވަރާތަކަށް ފަހު އެވެ. ހަމަލާތައް ހުއްޓާލުމުން، ކުރުދީ ހަނގުރާމަވެރިންނަށް ވަނީ، ތުރުކީން ގާއިމްކުރަން ބޭނުންވާ "ސޭފް ޒޯން" އިން ފައިބަން ފަސް ދުވަހުގެ ފުރުސަތު ލިބިފަ އެވެ.

"އޮޕަރޭޝން ޕީސް ސްޕްރިން"ގެ ނަމުގައި ބޯޑަރު ހުރަސްކޮށް ތުރުކީން އޮކްޓޯބަރު 9 ވަނަ ދުވަހު ކާޑިޝް ޕީޕަލަސް ޕްރޮޓެކްޝަން ޔުނިޓްސް (ވައިޕީޖީ) އާ ދެކޮޅަށް ހަމަލާތައް ފެށީވެސް ސޭފް ޒޯނެއް ގާއިމްކުރުމުގެ ބޭނުމުގަ އެވެ. އަދި ސީރިއާގެ ރެފިއުޖީން އަނބުރާ ގައުމަށް ދިއުމަށް ފުރުސަތު ފަހިކުރުމަށެވެ. ތުރުކީން ގަބޫލް ކުރަނީ ވައިޕީޖީ އަކީ ޓެރަރިސްޓުން ކަމަށެވެ.

ވައިޕީޖީ ހިމެނޭ ސީރިއަން ޑިމޮކްރެޓިކް ފޯސަސް (އެސްޑީއެފް) ގެ ކޮމާންޑަރު މަޒްލޫމް އަބްދީ ވިދާޅުވީ ހަމަލާތައް ހުއްޓާލުމަށް ތުރުކީންވި އެއްބަސްވުމަށް ކުރުދީން އިހްތިރާމް ކުރާނެ ކަމަށެވެ.

ތުރުކީގެ ރައީސް އުރުދުޣާން ކުރިން ވިދާޅުވެފައި ވަނީ އެ ގައުމުން ކުރިއަށް ގެންދާ އަސްކަރީ އޮޕަރޭޝަން ހުއްޓުވޭނެ އެއްވެސް ބާރެއް ދުނިޔޭގައި ނޯންނާނެ ކަމަށެވެ.

ތުރުކީ

7 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަގުއަލީ

19 October 2019

ބޭނުން ފުދުނީމަ އެހެން އުޅެނީ މޮޔައިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ހުސެން

18 October 2019

‫އަހަރުމެންފަދަ ސުންނީ މުސްލިމުންތަކެއްގެ ދިފާއުގައި މި ސޫފީ ތުރުކީއިން ހުއްޓުވަން އެއައީ އެމެރިކާގެ ނައިބުރައީހެވެ. އަރުދޮގާނަށް ޖެހުނީ ވަގުތުން ހަގުރާމަ ހުއްޓާށެވެ. ހެއްދެވި ފަރާތުގެ ކުޅަދުންވަންތަކަމާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

18 October 2019

މިހާރުވެސް ހަމަލާ ހުއްޓާލީ 5 ދުވަސްތެރޭ އެސަރަހައްދު އަމާން ސަރަހައްދަކަށް ހެދުމަށް ކުރުދީން އެއްބަސްވުމުން. ތުރުކީން އަސްކަރީ ކެމްޕެއިނެއް ފެށީވެސް އެބޭނުމުގައި.