ފިންލެންޑް ސްކޫލުގެ "ހައި ސްކޫލް ކޮންސެޕްޓް" ތައާރަފްކުރަން ރޭ ބޭއްވި ރަސްމިއްޔާތުގައި، އެ ސްކޫލަށް ގެންނާނެ ބަދަލުތަކާ ގުޅޭ މައުލޫމާތު ހިއްސާކުރަނީ-- ފޮޓޯ: ނިޝާން އަލީ/ މިހާރު
24 އޮކްޓޯބަރ 2019 - 12:42
28 comments
ބޮޑު އިމްތިހާނަކާ ނުލައި ރާއްޖޭގައި އަސާސީ ތައުލީމް ނުވަތަ ބޭސިކް އެޑިއުކޭޝަން ނިންމޭ ފުރަތަމަ ތަނަކަށް ފިންލެންޑް ސްކޫލް ހަދައިފި އެވެ.
އެ ތަނުގެ "ހައި ސްކޫލް" ކޮންސެޕްޓް އިފްތިތާހުކުރަން ރޭ ބޭއްވި ރަސްމިއްޔާތުގައި ވަނީ މިހާރު އެ ސްކޫލުގައި ކިޔަވައިދެމުން އަންނަ ގޮތާއި މުސްތަގުބަލުގައި ސްކޫލަށް ގެންނާނެ ބަދަލުތަކުގެ މައުލޫމާތު ހިއްސާކޮށްފަ އެވެ. އޭގެ ތެރެއިން ގްރޭޑު 1-9 އަށް އެއްވެސް އިމްތިހާނެއް ނުދިނުން ހިމެނެ އެވެ.
އައިލެންޑާސް އެޑިއުކޭޝަނުން މި އަހަރު އަލަށް ފެށި ފިންލެންޑު ސްކޫލު ހިންގަމުން އަންނަނީ މާލޭގައި ހުންނަ ޑްރީމް ކެމްޕަހުގަ އެވެ. އެ ސްކޫލުގައި މިހާރު ވެސް ގްރޭޑު 1-6 އަށް 200 ދަރިވަރުން ތައުލީމް ހާސިލްކުރަމުން އަންނައިރު، އެ ދަރިވަރުންނަށް ޓާމު ޓެސްޓެއް ނުދޭނެ އެވެ. ހަމައެކަނި ދެނީ އެސެސްމަންޓް ހެދުމަށެވެ. އެއީ ވެސް އެ ދަރިވަރެއްގެ ފެންވަރަށް ބެލުމަށްފަހުގަ އެވެ.
ފިންލެންޑް ސްކޫލުގެ "ހައި ސްކޫލް ކޮންސެޕްޓް" ތައާރަފްކުރަން ރޭ ބޭއްވި ރަސްމިއްޔާތުގައި، އެޑިއުކޭޝަންގެ ސްޓޭޓް މިނިސްޓަރު ޑރ. ރަޝީދު (ކ-2) އަދި އެ ގައުމުން މި ސަރަހައްދަށް ކަނޑައަޅާފައިވާ ސަފީރު ކަމަރައިނެން ބައިވެރިވެވަޑައިގަންނަވަނީ -- ފޮޓޯ: ނިޝާން އަލީ/ މިހާރު
އެ ސްކޫލުގެ ޕްރިންސިޕަލް ޑރ. އެއްޔާ ވެލަންނެ ވިދާޅުވީ ފިންލެންޑު ސްކޫލުން ތައުލީމް ފުރިހަމަ ކުރާ ހުރިހާ ދަރިވަރުންނަށް، ފިންލެންޑުގެ ތައުލީމީ ނިޒާމާ އެއްގޮތަށް ފިނިޝް ބޭސިކް އެޑިއުކޭޝަން ސެޓިފިކެޓެއް ދޭނެ ކަމަށެވެ. އެ ސެޓިފިކެޓަކީ "ފިނިޝް ނެޝަނަލް އިންސްޓިޓިއުޓް އޮފް އެޑިއުކޭޝަން" އިން ގަބޫލުކުރާ ސެޓްފިކެޓަކަށް ވާނެ ކަމަށް ވިދާޅުވި އެވެ.
ފިންލެންޑު ހައި ސްކޫލްގެ މުގައްރަރަކީ "ފިނިޝް އެޑިއުކޭޝަން އޮތޯރިޓީ" އިން ގަބޫލުކުރާ މުގައްރަރެއް ކަމަށް ވިދާޅުވި އެވެ. އަސާސީ ތައުލީމަކީ ސްކޫލް ނިޒާމުގެ ތެރެއިން ހުރިހާ ދަރިވަރުންނަށް ވެސް ލިބެން ޖެހޭނެ ހައްގެއް ކަމަށާއި އިމްތިހާނުތަކެއް ދިނުމަށްފަހު ހަމައެކަނި ގަދަ ދިހައެއް ފާހަގަކުރުމަކީ ދަރިވަރުންގެ މެދުގައި ތަފާތުކުރުން ކަމަށް އޭނާ ވިދާޅުވި އެވެ.
އިމްތިހާނުގެ ތެރެއިން ހުރިހާ ދަރިވަރުން ގަދަ 10ގައި ހިމެނުމަށް މަސައްކަތް ކުރުމަކީ ރަނގަޅު ލަނޑުދަނޑިއެއް ނޫންކަން ފާހަގަކުރައްވައި އެއްޔާ ވިދާޅުވީ ހުރިހާ ދަރިވަރުންނަކީ ތައުލީމީ ގާބިލްކަން އެއްވަރަކަށް ލިބިފައިވާ ކުދިންތަކެއް ނޫންކަމަށެވެ. އެއްވެސް ކުއްޖެއް ބާކީނުކުރާ އުސޫލުގެ ތެރެއިން ހުރިހާ ކުދިންގެ ހުނަރުތައް ވެސް ބަލައިގަނެ ފާހަގަކުރަންވާނެކަމަށް ވިދާޅުވި އެވެ.
ފިންލެންޑް ސްކޫލުގެ "ހައި ސްކޫލް ކޮންސެޕްޓް" ތައާރަފްކުރަން ރޭ ބޭއްވި ރަސްމިއްޔާތުގައި ބައިވެރިވި ބައެއް މީހުން -- ފޮޓޯ: ނިޝާން އަލީ/ މިހާރު
"ފިންލެންޑް އިންޓަނޭޝަނަލް ސްކޫލުގެ އަސާސީ ތައުލީމްގެ ތެރޭގައި އެއްވެސް އިމްތިހާނެއް ނުދެވޭނެ. ނަމަވެސް ދަރިވަރުން އިމްތިހާން ކުރެވޭނީ އެ ކުއްޖަކަށް ލިބިފައިވާ ހުނަރަކާއި ކުރިއެރުމަށާއި ގާބިލިއްޔަތުކަމަށް ބެލުމަށްފަހު. އެ ކުއްޖަކަށް ލިބިފައިވާ ތައުލީމީ އަދި ވޮކޭޝަނަލް، ގާބިލިއްޔަތުކަމުގެ މައްޗަށް ބެލުމަށްފަހު ދެން އޮތް ހަރުފަތްތަކަށް ކުރިއަށް ދިއުމުގެ ފުރުސަތު ލިބިގެންދާނެ ކުއްޖެއް،" އިސްލާމިކް ޔުނިވާސިޓީގައި ބޭއްވި ރަސްމިއްޔާތުގައި އެއްޔާ ވިދާޅުވި އެވެ.
ސްކޫލުގައި އިމްތިހާނެއް ނުދިން ނަމަވެސް އެ ދަރިވަރުން ތިބޭނީ އޯލެވެލް އިމްތިހާނަށް ފުރިހަމައަށް ތައްޔާރުކުރެވިފައި ކަމަށް ވިދާޅުވި އެވެ. އެހެންވެ އޯލެވެލް އިމްތިހާނުގައި ބައިވެރިވާން ބޭނުންވާ ދަރިވަރުންނަށް 10 އަހަރުގައި ކުރިމަތިލާ ފުރިހަމަ އިމްތިހާނަށް ސްކޫލުން ތައްޔާރު ކޮށްދޭނެ އެވެ.
ފިންލެންޑް ސްކޫލުގެ "ހައި ސްކޫލް ކޮންސެޕްޓް" ތައާރަފްކުރަން ރޭ ބޭއްވި ރަސްމިއްޔާތުގައި، އެ ސްކޫލުގެ ޕްރިންސިޕަލް ޑރ. އެއްޔާ (ކ-3) ބައިވެރިވެވަޑައިގަންނަވަނީ -- ފޮޓޯ: ނިޝާން އަލީ/ މިހާރު
ބެލެނިވެރިން ބޭނުންވާނަމަ ފިންލެންޑު ސްކޫލުން ތައުލީމް ހާސިލްކުާ ދަރިވަރުންނަށް ދެ ސެޓްފިކެޓެއް ހާސިލްކުރުމުގެ ފުރުސަތު އޮންނާނެ އެވެ. އެއީ ފިނިޝް ބޭސިކް އެޑިއުކޭޝަންގެ އިތުރުން އޯ ލެވެލް ސެޓްފިކެޓެވެ.
ފިންލެންޑުގައި 50 ޕަސެންޓު ދަރިވަރުންނަކީ ވޮކޭޝަނަލް ޕާތް އިހުތިޔާރު ކުރާ ކުދިންނެވެ. އެ ކުދިންނަކީ އަމިއްލަ ހަޔާތާއި ވަޒީފާގައި ވަރަށް ރަނގަޅު ކާމިޔާބު ހޯދަމުން އަންނަ ކުދިންތަކެކެވެ. މިހާރު ރާއްޖޭގައި ވެސް "ވޮކޭޝަނަލް ޕާތު" އަކީ އެންމެ ދަށްގޮތްކަމުގައި ދެކުމުގެ ވިސްނުން ބަދަލުކުރަން ޖެހޭ ކަމަށް ވިދާޅުވި އެވެ.
ހައި ސްކޫލު ޗެޕްޓާގެ ތެރެއިން، އެ ސްކޫލުގައި ގްރޭޑު ހަތެއް ތައާރަފްކުރާނީ އެތަނުގައި އާ އިމާރާތެއް އެޅުުމަށްފަހު 2021 ވަނަ އަހަރެވެ. އެއަށްފަހު ޖެހިގެން އަންނަ ކޮންމެ އަހަރަކު ވެސް އާ ގްރޭޑެއް ތައާރަފްކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަނީ
25 October 2019
ދުނިޔޭގަ ތައުލީމީދާއިރާގެ އެންމިއިސް ސަފުގައި ހިމެނޭ ސިންގަޕޫރުވެސް އަސާސީތައުލީމުގައި ޓެސްޓުހަދާ ރިސަލްޓުން ކުދިން ބެންޗުމާކުކުރުން މިދިޔައަހަރު ހުއްޓާލައިފި. ގޫގުލް ކޮއްލައްވާ! 10 އަހަރުގެ އަސާސީތައުލީމަކީ ކޮންމެ ކުއްޖެއްގެވެސް ހައްގެއް. ޢަސާސީ ތައުލީމު ނިމުން ފާހަގަކުރާށޭ ކިޔާފައި ޓޮޕްޓެންހޮވުމަކީ ރާއްޖޭގަ ތައުލީމީދާއިރާއިން ކުރާއެންމެ ނާތަހުޒީބީއެއްކަންތަށް. 8000 ކުދިން އަސާސީތައުލީމުނިމޭއިރު 300 އެއްހާކުދިން ފާހަގަކުރުމަކީ ވިޔާނުދާކަމެއް.
ހިތާމަ ހުރި
25 October 2019
ޙަޤީޤަތް ޤަބޫލް ކުރާށެވެ! ކިތަންމެ ވަރެއް ކުރިޔަސް، ކޮންމެ ކަމެއްގައި ވެސް، އެކަމަކަށް ވަރަށް މޮޅު މީހުންނާ، މެދުމިނުގެ މީހުންނާ، ދަށް މީހުން ތިބޭނެ އެވެ. ދަރިންނަށާއި، ދަރިވަރުންނަށް ދަސްކޮށްދޭންވީ، މި ޙަޤީޤަތް ޤަބޫލު ކުރާށެވެ. އަދި ޙަޤީޤަތާ ކުރިމަތިލައި، އެހެންމީހުންގެ ކާމިޔާބީ ހަޖަމު ކުރާށެވެ. ގަދަކަމުން އެހެންމީހުންނަށް އޮތް ފުރުޞަތު ބަންދުކޮށްލުމަކީ ކުރެވޭ ބޭއިންސާފެކެވެ.
މާ އެނގޭ
25 October 2019
ބުނަން ވާހަކައެއް! ދިވެހިންނަށް ނޯންނާނެ ރަނގަޅު އެއްވެސް ގޮތެއް. ދުނިޔޭގެ އެންމެ ފެންވަރު ރަނގަޅު ތަޢުލީމީ ނިޒާމް ރާއްޖޭގައި ތިބެގެން ތަޖުރިބާ ކޮއްލަން ލިބުނީމަވެސް ބޮޑާވެރިކަން އިސްކޮށް ކޮންމެމީހަކީ އެނަލިސްޓަކަށް ވެގެން ކޮމެންޓް ކުރަނީ. ޓެސްޓު ނުދެނީކީ ނޫނޭ! ތަޅާމަރައިގެން ގަދަބާރުން ހިތުދަސްކުރުވައިގެންދޭކަހަލަ (ޔަޢްނީ) އަހަރުމެން ކުޑައިރުދޭކަހަލަ ޓެސްޓް ނުދޭވާހަކައޭ އެބުނަނީ. ކުދިބަޔަކަށް ލިބޭ ނަސީބެއްމީ. މަމީ ތި ޖަލްސާގަ އިން މީހެއް.ވެދުން
ވަގުޕައިލެޓް
25 October 2019
ފިންލެންޑްގެ އެޑިއުކޭޝަން ސިސްޓަމަކީ 21 ވަނަ ގަރުނުގެ އެޑިއުކޭޝަން ސިސްޓަމް، ތިހެން ޓެސްޓުހަދައިގެން ކިޔަވާ ދަރިވަރުންނަށް ފޮތުގައި އޮންނަ އެއްޗެއްނޫން އެއްޗެއް ނޭންގޭނެ! އެކަމު މިހާރުވެސް ޗެލެންޖް ކޮށްފަ މިބުނަނީ ސަރުކާރު ސްކޫލުގެ ގްރޭޑް 8 ގައި ކިޔަވާ ކުއްޖަކަށް ވުރެއް ފެންވަރު މަތިވާނެ ފިންލޭންޑް ސްކޫލުގެ ގްރޭޑް 3 ގެ ކުއްޖާވެސް. މާބޮޑަށް ދުނިޔެއަށް ލޯވެސް ހުޅުވިފައި ހުންނާނީ! ވަށާޖެހޭ ތައުލީމަކީ އެއީ!
ޢަޒްހަރީ
25 October 2019
ދުނިޔޭގެ ކުރިއަރާފައިވާ ތައްލީމީ ނިޒާމްތަކުގެ ރަނގަޅު މިންގަޑުތަކާއި ހުނަރުތައް ދެނެގަނެ ރާއްޖޭގައިވެސް އެކާމިޔާބީތައް ހޯދައިދިނުމައް ކުރައްވާ މަސައްކަތްތަކައް ފައްފަށުން ސުކުރު ދަންނަވަން
ހަނުހުންނަ މީހާ1
24 October 2019
އިމްތިހާނާ ނުލާ ރާއްޖޭގެ ސުކޫލުތަކުގައި ކިޔަވާތީ ކުދިންގެ ފެންވަރުވަނީ ދަށް. ފުލީ އެޗީވް ލިބޭ އިންޑިކޭޓަރ ގެ މައްޗަށް ބިނާކޮށް ކުރެވޭ ސުވާލަށް ޖަވާބު ނުދެވޭ. ގުރޭޑް 4 ފެށިގެން ކުރިންނަގަމުން ދިޔަ ގޮތަށް ޓެސްޓް ނަގަން ގޮވާލަން.
އިމާދު
25 October 2019
އެހެންވަނީ ފޮތަށް ކިޔަވަދޭތީ. ކުދިންނަށް ކިޔަވާދޭނަމަ ތިހެނެއް ނުވާނެ
ހުސާމް
24 October 2019
ފިންލެންޑު ގައި ގެންދާގޮތައް ތަޢުލީމީ ނިޒާމު ގެންދަން ފިންލެންޑު ސްކޫލުތަކުގައި ހުންނައް ވަސީލަތްތަކާއި ފެސޭހަތައް ހުންނަންޖެހޭ . މިއުޅެނީ ރާއްޖޭގަެ އެއްމެ ބޮޑަތި ސްކޫލުތަކުގައި އެއްމެ އަސީސީ ކަންތައްތައް ފުރި ހަމަ ނުވެގެން. ފިންލެންޑު ސްކޫލުތައް ގެންދަނީ އެއްދަންފަޅިއަށް. ލަންޗު ނަގަނީ ސްކޫލުގައި. މުދައްރިސްކަން ކިޔަވަނީ އެއްމެ ނަތީޖާ ރަނގަޅު މީހުން. އެއްމެ ބޮޑު މުސާރަ ލިބޭ ބަޔަކީވެސް ޓީޗަރސް..
މަފް
24 October 2019
މިއީ އެހެން ސްކޫލް އެއް ނޫން. ރާއްޖޭގެ އެންމެ އަގުބޮޑު ސްކޫލް. އެހެންވީމާ ފެސިލިޓީ ހުންނާނެ.
މޮހޮރުކަލޯ
24 October 2019
ކަންނެއްކަމަށް ގޮވާލާ. މިކަމާ ތެޅިގަންނަ ބެލެނިވެރިން ހިތާމަ ކުރާތަން ފެންނާނެ.
ޢަލިމަނިކުފާނު
24 October 2019
ނުއަތުބުރަކަށް ދިޔުމުގެ ކުރިން ވަރަށް ފުންކޮށް ވިސްނަންޖެހޭ
ޙުސެންކަލޯ
24 October 2019
ޢެއްވެސް ކަހަލަ ޓެސްޓެއް ނުދޭގޮތަށް އޮންނަ އޮތުމީ އެންމެ ރަނގަޅުގޮތެއް ނޫންހެން ހުސަންބެއައް ހީވަނީ.. ބިކޯޒް ޓެސްޓް ދިނީމަދޯ އައްސު ކުއްޖާ ކުރިއަށް ދިޔުމަށް މަސައްކަތްކުރާނީ. ތިހެން ހަމައެކަނި އެސެސް ކުރީމަ ހިތަށް އަރާނެ މިދެން އެއްވެސް އެއްޗެއްނޫނޭ..އެހެންވީމަ މަސައްކަތެއްވެސް ނުކުރާނެއެއްނު ރަނގަޅު ނަތީޖާ ހޯދާކަށް..އެކަމަކު ވޮކޭސަނަލް ސްކިލްސް ހިމަނާފަހުރީމަ ވަރަށް 6ބޭސް
ތާކުނުޖެހޭ
24 October 2019
ހަމައެކަނި ޓެސްޓަށް އެއްޗެހި ދަސްކޮށްލާފަ ފަހުން އެއްވެސް ވަރަކަށް ހަނދާން ނުބަހައްޓާ ކުދިން އެކުރަނީ ވަކި ކޮންކަހަލަ ކަމެއް؟ މިސާލަކަށް ގުރުއާނުގެ ސޫރަތްތައް ހިތުދަސްކުރަން އޮންނާތީ އެކަން ކޮށްލާފަ ކިޔާލަދީފަ މާކްސް ހޯދާފަ ދެން އެނުކިޔާ ތިބެ ހަނދާންނެތުން އެއީ ދެދުނިޔެ ގެއްލޭފަދަ ކަމެއް. ސްކޫލް ކުދިން އެއަހަރަކު ނިންމާ ފިލާވަޅުތަކުގެ ތެރެއިން ހަގީގަތުގަ ފަހުން ހަނދާން ހުންނަނީ ކިތައް ފިލާވަޅުބާ؟