ބަންގްލަދޭޝްގައި މަރާލި 19 އަހަރުގެ ދަރިވަރު ނުސްރަތު ޖަހަން ރާފީ.
24 އޮކްޓޯބަރ 2019 - 13:21
7 comments
ޑާކާ (އޮކްޓޯބަރު 24) - މިދިޔަ އެޕްރީލް މަހު ބަންގްލަދޭޝްގައި ދިރި ހުއްޓައި އަންދާލި 19 އަހަރުގެ އަންހެން ދަރިވަރު މަރާލުމުގައި ބައިވެރިވި 16 މީހަކަށް އެ ގައުމުގެ ކޯޓަކުން މަރުގެ ހުކުމް މިއަދު އިއްވައިފި އެވެ.
ނުސްރަތު ޖަހަން ރަފީގެ ގަޔަށް ކަރާސީނު އަޅާ ރޯކޮށްލީ ހެޑް ޓީޗަރާ ދެކޮޅަށް އޭނާ ހުށަހެޅި ޖިންސީ ގޯނާގެ މައްސަލަ އަނބުރާ ނުގެންދިއުމުންނެވެ.
ނުސްރަތަށް ޖިންސީ ގޯނާކުރި، ހެޑް ޓީޗަރު ސިރާޖުއް ދައުލާ. --ފޮޓޯ:ރޮއިޓާސް
"މި ހުކުމުން ދައްކުވައިދެނީ މީހަކު މަރާލުމަށް ފަހު ބަންގްލަދޭޝް އިން އެއްވެސް މީހަކަށް ސަލާމަތެއް ނެތްކަން. މިއީ ގާނޫނު ހިނގާ ގައުމެއް،" ހުކުމަށް ފަހު ނޫސްވެރިންނާ ވާހަކަ ދައްކަވަމުން ޕްރޮސެކިއުޓާ ހާފިޒް އަހުމަދު ވިދާޅުވި އެވެ.
ރަފީ އަށް ހަމަލާ ދިން މީހުން ވަނީ އޭނާ ކިޔެވި ސްކޫލުގެ ފުރާޅަށް އަރުވައި، ފުލުހަށް ހުށަހެޅި މައްސަލަ ނެގުމަށް މަޖްބޫރުކޮށްފަ އެވެ. އެކަމަށް އޭނާ ދެކޮޅު ހެދުމުން ވަނީ، ކަރާސީނު އަޅައި ރޯކޮށްލައިފަ އެވެ. އޭނާގެ ހަށިގަނޑުގެ 80 ޕަސެންޓް ވަނީ ފިހިފަ އެވެ. އެޕްރީލް 10 ވަނަ ދުވަހު އޭނާ މަރުވީ ހޮސްޕިޓަލްގައި ފަރުވާދޭތާ ފަސް ދުވަސް ފަހުންނެވެ.
މަރާލި ދަރިވަރު ނުސްރަތުގެ ފޮޓޯ ހިފައިގެން އެޕްރީލް 12، 2019 ގައި ޑާކާގައި މުޒާހަރާ ކުރަނީ. --ފޮޓޯ:އޭއެފްޕީ
އެ ހާދިސާ އަށް ފަހު ޖިންސީ ގޯނާ ކުރުމާ ދެކޮޅަށް، ބަންގްލަދޭޝްގެ 27،000 ސްކޫލްގައި ކޮމިޓީތައް އުފެއްދުމަށް ވަނީ އަންގައިފަ އެވެ.
ރަފީގެ މަރަށް ފަހު ބަންގްލަދޭޝްގައި ވަނީ، އޭނާ މަރާލި މީހުންނަށް އަދަބު ދިނުމަށް ގޮވާލައި ސިލްސިލާ މުޒާހަރާތަކެއް ކޮށްފަ އެވެ. ބޮޑު ވަޒީރު ޝެއިޚް ހަސީނާ ވަނީ އެ މަރަށް އިންސާފު ހޯއްދަވައިދެއްވާނެ ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑަކަތީބް
25 October 2019
މިރާއްޖޭގެ ވެރިން ބުނާނީ އެއީ އެމީހުން އުނގެނުމުގައި ހުރި މައްސަލައެއް ކަމަށް!
ފުންއަސަރު
24 October 2019
ހުރިހާވެސް މައްސަލައަކީ އެގައުމުގާ ޝޭޚު ހަސީނާއެއް ހުރެފާ، މިގައުމުގާ ސޭކު ހަސަނެއް ހުރުން.
ބަބުރަންޖީ ހާޖީ
24 October 2019
މިގައުމަށްވެސް ބޭނުންވަނީ ޝޭޚު ހަސީނާ ކަހަލަ ޝޭޚެއް.
ދިޔަމަ
25 October 2019
އެކަލަ މީހަކު މުލައްދަނޑީގެ ބާރުން ވެރިކަން ކުރި 30 އަހަރު ވަންދެން!
ފީސަބްނަމް
24 October 2019
މިރާއްޖޭގަވެސް ޖިންސީ ގޯނާގެ ޝިކަރައަށް ވަ ގިނަ މީހުން އުޅެންޖެހެނީ ބިރުވެރިކަމެއްގެ ތެރޭގައި. މައްސަލަ ހުށަހަޅައިފިއްޔާ އޮންނަނީ ޖެއްސުން ކުރުމާ ވާހަކަ ފެތުރުމާ ދިމާކުރުން. ދައުލަތުގެ އިދާރާތަކުން ރައްކާތެރިކަމެއް ނުލިބޭ.
ހަސަނު
24 October 2019
ޝޭހު ހަސީނާ ގެންނަންވީ މިރާޖޭގެ ވެރިކަނ ްކޮށްލަން ދުވަސްކޮލަކަށް ނަމަވެސް...
އަޝްރަފް
24 October 2019
ސާބަހޭ ޝެއިޚް ޙަސީނާ. މިރާއްޖޭގެ ވެރީންވެސް އިބުރަތް ހާޞިލްކުރުން މުހިން މު.