ބެޑްމިންޓަން: ނީލާގެ އިތުރުން ރާއްޖޭގެ ތިން ޕެއާ ސެމީ އަށް

ޕާކިސްތާން މުބާރާތުގެ އަންހެން ސިންގަލްސް ބައިގެ ސެމީން ފުރުސަތު ހޯދި ރާއްޖޭގެ ނީލާ.-- ފޮޓޯ: މިހާރު

09 ނޮވެމްބަރ 2019 - 06:20

ޕާކިސްތާނުގެ ވެރިރަށް އިސްލާމްއާބާދުގައި ކުރިއަށްދާ ޔޮނެކްސް ސަންރައިސް ޕާކިސްތާން އިންޓަނޭޝަނަލް ސީރީސް ބެޑްމިންޓަން މުބާރާތުގެ އަންހެން ސިންގަލްސް ބައިގައި ރާއްޖޭގެ ނީލާ ނަޖީބުގެ އިތުރުން ޑަބަލްސް ބައިން ރާއްޖޭގެ ތިން ޕެއާ އެއް މުބާރާތުގެ ސެމީ ފައިނަލުން ފުރުސަތު ހޯދައިފި އެވެ.

ޑަބަލްސް ބައިތަކަށް ބަލާއިރު އަންހެން ޑަބަލްސް އިން ރާއްޖޭގެ ދެބެން ކަމަށްވާ އައިމިނަތު ނަބީހާ އާއި ފާތިމަތު ނަބާހާގެ ޕެއާ އާއި ނީލާ އާއި މައިސާ ފަތުހުﷲގެ ޕެއާ އަދި މިކްސް ޑަބަލްސް އިން ނަބާހާ އާއި ޒަޔާން ޒަކީގެ ޕެއާ ވަނީ ސެމީގެ ޖާގަ ޔަގީންކޮށްފަ އެވެ.

އަންހެން ސިންގަލްސް ބައިން ތަޖުރިބާކާރު ކުޅުންތެރިޔާ ނީލާ ވަނީ އިއްޔެ ކުޅުނު ކުއާޓާ ފައިނަލް މެޗުން ޕާކިސްތާންގެ ބުޝްރާ ގައްޔޫމް އަތުން ދެ ސެޓު އެއް ސެޓުން މޮޅުވެފަ އެވެ. އެ މެޗުގެ ސެޓުތައް ދިޔައީ 21-17، 17-21 އަދި 25-23 އިންނެވެ. މިއަދު ކުޅޭ ސެމީގައި ނުކުންނާނީ ދެ ވަނަ އަށް ސީޑްކޮށްފައިވާ ޕާކިސްތާނުގެ މަހޫރު ޝަހުޒާދާ ދެކޮޅަށެވެ.

އަންހެން ސިންގަލްސް ބައިގެ ކުއާޓާ ފައިނަލުން ނަބީހާ ބަލިވީ ޕާކިސްތާނުގެ ޕަލްވަޝާ ބަޝީރު އަތުން 21-17، 21-13 އިންނެވެ. އަދި ނަބާހާ ބަލިވީ އެއް ވަނަ އަށް ސީޑުކޮށްފައިވާ އީރާނުގެ ސުރައްޔާ އަތުން 21-11، 21-11 އިންނެވެ. ޑަބަލްސް ބައިން ނަބާހާ އާއި ނަބީހާގެ ޕެއާ ވަނީ ކުއާޓާ ފައިނަލުގައި ޕާކިސްތާނުގެ ޕަލްވަޝާ އާއި ސައިމާގެ ޕެއާ އަތުން ސީދާ ދެ ސެޓުން މޮޅުވެފަ އެވެ. ނަބީހާ އާއި ނަބާހާގެ ޕެއާ ސެޓުތައް ގެންދިޔައީ 21-12، 22-20 އިންނެވެ. ސެމީގައި ނަބީހާ އާއި ނަބާހާ ކުޅޭނީ ޕާކިސްތާނުގެ ސެހްރާ އާއި ހުމާގެ ޕެއާއާ އެވެ.

ޕާކިސްތާން މުބާރާތުގެ ސެމީން ފުރުސަތު ހޯދި ރާއްޖޭގެ ނީލާ އާއި މައިސާގެ ޕެއާ (ކ) އާއި ނަބާހާ އާއި ނަބީހާގެ ޕެއާ.-- ފޮޓޯ: ބެޑްމިންޓަން އެސޯސިއޭޝަން

އަންހެން ޑަބަލްސް ބައިން ރާއްޖޭގެ ނީލާ އާއި މައިސާގެ ޕެއާ މޮޅުވީ ޕާކިސްތާނުގެ މެހެވިޝް އާއި އަމާލްގެ ޕެއާ އަތުންނެވެ. މައިސާ އާއި ނީލާގެ ޕެއާ އިން ސެޓުތައް ގެންދިޔައީ 21-13، 21-12 އިންނެވެ. ސެމީގައި މިއަދު ނީލާ އާއި މައިސާގެ ޕެއާ ނުކުންނާނީ ޕާކިސްތާނުގެ އަބްދޫރާއި ބުޝްރާގެ ޕެއާއާ ދެކޮޅަށެވެ.

ގައުމީ މުބާރާތުގެ މިކްސް ޑަބަލްސް ބައިން ރަން މެޑަލް ހާސިލްކުރި ޒަޔާން ޒަކީ އާއި ނަބާހާގެ ޕެއާ ސެމީން ފުރުސަތު ހޯދީ ކުއާޓާގައި ޕާކިސްތާނުގެ މުހައްމަދު އަދުނާނާއި އަމާލްގެ ޕެއާ ބަލިކުރުމަށް ފަހު އެވެ. ޒަޔާން އާއި ނަބާހާގެ ޕެއާ ސެޓުތައް ގެންދިޔައީ 21-12، 21-15 އިންނެވެ. ސެމީގައި ޒަޔާން އާއި ނަބާހާ ނުކުންނާނީ ޕާކިސްތާނުގެ އަބްދޫރާއި ސައިމާގެ ޕެއާއާ ދެކޮޅަށެވެ.

މިކްސް ޑަބަލްސް ބައިގައި ވާދަކުރި ރާއްޖޭގެ މުހައްމަދު އަޖުފާނާއި މައިސާގެ ޕެއާ ވަނީ އެއް ވަނަ އަށް ސީޑްކޮށްފައިވާ ނޭޕާލުގެ ދިޕޭޝް އާއި އަމިތާގެ ޕެއާ އަތުން 21-12، 21-12 އިން ބަލިވެފަ އެވެ. އަދި ފިރިހެން ޑަބަލްސް ބައިގައި އަޖުފާނާއި ނިބާލް އަހުމަދުގެ ޕެއާ ބަލިވީ ދެ ވަނަ އަށް ސީޑްކޮށްފައިވާ ތައިލެންޑުގެ ޕްރަދް އާއި އަޕިޗަސިތުގެ ޕެއާ އަތުންނެވެ. އެ ޕެއާ އިން ސެޓުތައް ގެންދިޔައީ 21-08، 21-12 އިންނެވެ.

ބެޑްމިންޓަން ގައުމީ ބެޑްމިންޓަން ޓީމް

9 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުލްފީ

09 November 2019

މިކްސް އިވެންޓުން ޒަޔާން މެންގެ ޕެއަރ ގޯލްޑް ހޯދާނެކަމަށް ބެލެވެނީ. ރޭންކިންގ މައްޗަށް ޖައްސަން ވިޔަސް މީދެން އިތުރަށް ވިސްނާލަންޖެހޭ ކަމެއް. ފެންވަރު ދަށްވުން ނޫންކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާޖޫ

09 November 2019

މިގޮތަށް ހުރިހާ އިވެންޓެއްގައި އެއްބަޔަކު ކުޅޭތަން ވަރަށް ނުފެނޭ. ދެން މިހެން ބުންޏަސް ބައެއް ޤައުމުތަކުގައި މިކަން ނުކުރެއެކޭނޫން މިބުނަނީ. އެކަމަކު ތިން އިވެންޓު ކުޅުމަކީ ޕްރޮފެޝަނަލްކޮށް ވިސްނާ ކުޅުންތެރިޔަކު ކުރާނެކަމެއްނޫން. މިކަން އެސޯސިއޭޝަނުންވެސް އެބަޖެހޭ ވިސްނަން. އެމީހުންގެ ވިސްނުން ހުންނާނީ ގިނަމެޑަލް ލިބޭނެގޮތަކަށްދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދިހާ

09 November 2019

އައްޑޫ މުބާރާތުގައި ކުޅުނު ޕާކިސްތާނު އަންހެން ކުޅުންތެރިން އެއީ އެތަނުގެ އެންމެ މޮޅު ކުޅުންތެރިންނޯ އެހެންވީމަ ދެން ވިސްނާލަންވީ ދެންތިބި ކުޅުންތެރިންގެ ފެންވަރު.! ތިފެންވަރުގެ މުބާރާތްތަކަށް ދިއުމަށްވުރެ ދަންވަރު ކަޕް ކުޅުނަސް މާރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަންބެ

09 November 2019

މަރުޙަބާ ނީލް އަދި ހުރިހާ ވިނާރސް. ފިރިހެން ސިންގަލްސް އެއްޗެއް ހޯދިގެން ހަޤީޤީ ކާމިޔާބެއް ލިބުނުކަމަށް ބަލާނީ. އެއީ ތިމުބާރާތުގެ 90% ތިކުޅެނީ ޕާކިސްތާނު ކުޅުންތެރިން ވީމަ. ތައި ފިރިހެން ޕެއަރ އާއި ޖެހިގެން އަޖުފާން ނިބާލްގެ ޕެއަރ ބަލިވީމަ ފިރިހެން ކުޅުންތެރިން ތަންކޮޅެއް ވަރުގަދަކަމަށް ފެނޭ. އެކަމަކު މިކަހަލަ މުބާރާތްތަކުގައި ވާދަކުރާ އަންހެން ކުޅުންތެރިން ނިސްބަތުން ރާއްޖެއަށްވުރެ ދަށްކަމަށް ފާހަގަކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިންތު

09 November 2019

ޒަޔާން އާއި ނަބާހާގެ ޕެއަރ 21-12 21-15 ން މޮޅުވެގެން ސެމީއަށް ދިއުމުގެ މާނައަކީ ޤައުމީ މުބާރާތުގައި އެމީހުނާ އިދިކޮޅަށް ނުކުތް ނީލާ އަފްޝީންގެ ޕެއަރ އަށްވުރެވެސް ދަށް ޕެއަރއެކޭމީ. ދެން އެހެންވީމަ މިމުބާރާތުން ހޯދަންމިއުޅެނީ ކޮންއެއްޗެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބީ

09 November 2019

ނީލާމެން ސެމީފައިނަލަށް ދިޔައީމަ ކިތަންމެ ރަނގަޅަކަށްވެސް މި މުބާރާތުގެ ފެންވަރު އެބައެނގޭ. މިބުނީ ނީލާއަށް ދެރަބަހެއްނޫން. ރާއްޖޭގެ އެއްވެސް ކުއްޖަކަށް ނުދެވޭ ހިސާބަށް ނީލާތިވަނީ ދަތުރުކޮށްފަ، އެކަމަށްޓަކާ އުފާވެސްކުރަން. އެކަމަކު މިފެންވަރުގެ މުބާރާތްތަކަށް ބޮޑު ޚަރަދުކޮށްގެން ދިއުމާދޭތެރޭ ވިސްނާލަން އެބަޖެހޭ ނޫންބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒޫޓް

09 November 2019

މީއަޅެ ކިހިނެއްވާ ކަމެއްބާ! ރާއްޖޭގައި ނުހޯދުނު ކާމިޔާބުތަކެއް ޕާކިސްތާނުގައި މިހޯދަނީ އަނެއްކާ މީ ކޮން ގިންތިއެއްގެ މުބާރާތެއްބާ! ވާދަކުރާ ކުޅުންތެރިންގެ ފެންވަރަކީ ކޮބައިބާ! ކޮންމެ ގޮތެއްވިޔަސް ތިޔަހޯދި ކާމިޔާބީތަކަށް މަރުޙަބާ.