ދިވެހި މޮޑެލް ރައުދާ އާތިފް: އޭނާ މަރުވީ އަމިއްލައަށް ކަމަށް ކޮމިޝަނުންވެސް ބުނޭ-- ފޮޓޯ: ރައުދާގެ ފޭސްބުކް
15 ނޮވެމްބަރ 2019 - 10:34
30 comments
ބަންގްލަދޭޝް އަށް ކިޔަވަން ގޮސް އުޅުނު ދިވެހި މޮޑެލް، ރައުދާ އާތިފް މީގެ ދެ އަހަރު ކުރިން މަރުވީ އަމިއްލަ އަށް ދަންޖެހިގެން ކަމަށް ގެއްލުވާލާފައިވާ މީހުންނާއި ގޮތް ނޭނގޭ މަރުތަކުގެ މައްސަލަތައް ބަލާ ރިޔާސީ ކޮމިޝަންގެ ތަހުގީގުން ހާމަވެފައިވާކަން "މިހާރު" އަށް އެނގިއްޖެ އެވެ.
ވިލު ނޫ ކުލައިގެ ކަޅީގެ ސަބަބުން މަޝްހޫރުވެގެން ދިޔަ ރައުދާ ދަންޖެހި މަރުވެފައި ހުއްޓާ ފެނުނީ އޭނާ ބަންގްލަދޭޝްގައި ކިޔަވަން އުޅުނު ކޮލެޖްގެ ނިދާ ކޮޓަރި ތެރެއިންނެވެ. ރައުދާ މަރުވީ ދަންޖެހިގެން ކަމަށް އެންމެ ފުރަތަމަ ހެދި އޮޓޮޕްސީން ވެސް ދެއްކި އެވެ. ނަމަވެސް ރައުދާ އަމިއްލަ އަށް މަރު ނުވާނެ ކަމަށާއި ބަޔަކު އޭނާ މަރާލީ ކަމަށް ބުނެ އާއިލާއިން މައްސަލަ ހުށަހެޅުމުން ރައުދާގެ ހަށިގަނޑު ނަގައިގެން ދެ ވަނަ އޮޓޮޕްސީއެއް ވެސް ބަންގްލަދޭޝްގެ ފުލުހުން ހެދި އެވެ.
ރައުދާ މަރުގެ މައްސަލަ ތަހުގީގުކޮށް، ރިޔާސީ ކޮމިޝަނުން ތައްޔާރު ކުރި ރިޕޯޓް ވަނީ މިދިޔަ ހަފުތާގައި ރައީސް އިބްރާހިމް މުހައްމަދު ސޯލިހްއާ ހިއްސާ ކުރައްވައިފަ އެވެ.
"މިހާރު" އަށް އެނގިފައިވާ ގޮތުގައި ބަންގްލަދޭޝްގެ ކަމާ ގުޅޭ އިދާރާތަކާއި އިތުރު މައުލޫމާތުތައް ހޯދައިގެން ކޮމިޝަނުން ތަހުގީގު ކުރި މައްސަލަ ނިންމާފައި ވަނީ ބަނގްލަދޭޝްގެ ޕޮލިހުންގެ ތަހުގީގާ އެއްގޮތަށެވެ. ރައުދާ މަރުވެފައިވަނީ އަމިއްލައަށް ކަމަށެވެ.
އެ ގައުމުގެ ފުލުހުން ނިންމީ ރައުދާ މަރުވީ އަމިއްލަ އަށް ކަމަށާއި އޭނާ އެ ކަންތައް ކުރީ ލޯބިވެރިޔާއާ ޖެހުނު މައްސަލަތަކަކާ ގުޅިގެން ކަމަށެވެ. ރައުދާގެ ލޯބިވެރިޔާ އަކީ އިނގިރޭސި ވިލާތުގައި ކިޔަވަން ހުންނަ މީހެއް ކަމަށް ވެސް ފުލުހުންގެ ރިޕޯޓްގައި ބުނެފައިވެ އެވެ. އަމިއްލަ މަރުވިކަން އޮޓޮޕްސީ ރިޕޯޓުން ދައްކާއިރު ރައުދާގެ ފޯނާއި ލެޕްޓޮޕުން އަދި އެހެން ގޮތްގޮތުން ލިބުނު މައުލޫމާތާ ހާދިސާ ހިނގައިދިޔަ ގޮތާ ދިމާވާ ކަމަށް ވެސް ފުލުހުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
17 November 2019
ތިކަމިޝަނުންބެލޭނީ ސިޔާސީކަންކަން ރައުދާގެ މަރުގެ ތަޙްޤީގް ކުރުމަށްފަހު ބަންގާޅުންވެސް ތިހެންބުނި އެމަކު ޢޮސްޓްރޭލިއާގެ ސިޑްނީ ޔުނިވަރ ސިޓީގެ ފޮރެންސިކް ޑިޕާޓްމަންޓުގެ އެޗްއޯޑީ އަދި ޕެތޯލޮޖިސްޓް ބުނެފައިވަނީ ބަޔަކު ރައުދާ މަރާލާފައިކަމަށް.
އަލްޖިބްރާ
16 November 2019
ކައުނުގެ ވެރި ﷲސުބްޙާނަޙޫ ވަތަޢާލާ މޮޅަށް ދެވޮޑިގެން ވޭ !
ރަންބުއްދި
15 November 2019
.ޢޮސްޓްރޭލިއާގެ ސިޑްނީ ޔުނިވަރ ސިޓީގެ ފޮރެންސިކް ޑިޕާޓްމަންޓުގެ އެޗްއޯޑީ އަދި ޕެތޯލޮޖިސްޓް ރައުދާގެ މަރުގެ ކޭސް ތަހުގީގުކުރުމަށްފަހު ބުނެފައިވަނީ ބަޔަކު ރައުދާ މަރާލާފައިކަމަށް.މަރުކަމިޝަނުން ކްރައިމް ސީން ބަލާ ތަހުގީގު ކުރަން ރާޖްޝާހީއަށްވެސް ނުދޭ.ކަމިސަނުގެ 4 ފާރުތެރެތިބެ ތިކުރި ތަހުގީގަކީ ސިޔާސީ ޑްރާމާއެއް
ނަގިލި
16 November 2019
ބަންގާޅު ކޯޓުގަ ދައުވާކޮށްބަލަ. ހެއްކަކީ ތިބުނާ އެޗްއޯޑީއޭ ބުނޭ. ދެން އޭރުން ކަލޭ ތިބުނާގޮތަށް މައްސަލަ ސާބިތުވޭތޯބަލާބަލަ.
ކަމިޝަން
15 November 2019
ރާއްޖޭގެ ފުލުހުންގެ ބޭނުމެއްނެތް. ފުލުހުންނަށް ވަކިގޮތެއް ނުހޯދި ހުރި ހުރިހާ މައްސަލަތަކެއް މިނިންމާލީ އެންމެ100 ދުވަސްތެރޭ . ވަރަށް މޮޅު.. މިކޮމިޝަނުން ނިންމާފައިވާާ މައްސަލަތައް ފަހުގެ ތާރީޚެއްގައި އެހެންގޮތަކަށް ނިމިގެންދާނަމަ. ދައުލަތުން މިކޮމިޝަނަށް ހޭދަކޮށްފައިވާ ހުރިހާ ޚަރަދަކާއި މުސާރައެއް ދައުލަތަށް ލިބިދޭންޖެހޭ.
ޠާސިޔާލް
15 November 2019
2 މަރު ވެސް ގޯސްކޮށް ގެނެސްދީފައި މަރު ކޮ މިސަން މިއޮތީ. ޜައުދާ މަރުވެސް އަދި އަފްރާސި މް މަރުވެސް
ފިނިވައި
15 November 2019
ނޫން. ދީނީ ހަރުކަށި ޖަމާއަތުކުން ނޫންތަ؟
ޢިބޫ
15 November 2019
އަޅުގަނޑު ހިތަށްއަރާ މީ ކީއްކުރަން އުފެއްދި ކޮ މިޝަނެއްބާއޭ
ޖަލީލު
15 November 2019
ޔާމީނުގެ ސަރުކާރުގައި ވެސް ރައުދާ މަރުވީ އަމިއްލައެއްކަން އިގޭ. ޔާމީނުގެ ސަރުކާރު ވައްޓާލުމަށްޓަކައި މަސައްކަތް ކުރި މީހުން ދިން ވަޒީފާ ތިއީ.
އުސްތާޒް ޑްރާމާ ބިން ފްލޯކް
15 November 2019
ތަހްޤީޤު އަވަސް ކުރަން އެބަ ޖެހެއެވެ. އުއްތަމަ ފަނޑިޔާރު ކަމުގެ މަޤާމު އެބަ ހުސްވެ އެވެ.
ސޮރާ
15 November 2019
އަލްޙަމްދު ﷲ، ދީނީ މީހުން ބޮލުގަ ނާޅުވާ ސަލާމަތް ވެއްޖެ ދޯ
ޞުކުރީ
15 November 2019
ޢަޅެ މި މަރު ކޮމިސަނަށް ތަނެއް ދޮރެށް އެނގޭތަ؟ ކޮޕީ ޕޭސްޓް.