ވިލާ ކޮލެޖުގައި ހިންގާ ޔޫވީގެ ގްރެޖުއޭޝަން ހަފުލާ ޝަރަފުވެރިކޮށްދެއްވައި ގާސިމް ވާހަކަދައްކަވަނީ.- ފޮޓޯ: ވިލާ ކޮލެޖު
16 ނޮވެމްބަރ 2019 - 20:45
20 comments
ޕްރައިވެޓް ސެކްޓާ މިހާރަށް ވުރެ ބޮޑަށް ހުޅުވާލަައިދީ، ތައުލީމާއި ސިއްހީ ދާއިރާގައި މަސައްކަތް ކުރެވޭނެ އިތުރު ފުރުސަތުތައް އެ މީހުންނަށް ފަހިވުމުން ރައްޔިތުންގެ ފުދުންތެރިކަން ކުރިއަރައިދާނެ ކަމަށް ވިލާގެ ޗެއާމަން ގާސިމް އިބްރާހިމް މިއަދު ވިދާޅުވެއްޖެ އެވެ.
ވިޔަފާރިވެރިޔާ އަދި އެތައް ބަޔަކަށް އަމިއްލަ ގޮތުން މާލީ އެހީތެރިކަން ވެދެއްވާ ގާސިމްގެ ވިލާ ކޮލެޖުގައި ހިންގާ، އިނގިރޭސި ވިލާތުގެ ޔުނިވާސިޓީ އޮފް ދަ ވެސްޓް އޮފް އިންގްލެންޑު (ޔޫވީ) ގެ ގްރެޖުއޭޝަން ހަފުލާ ޝަރަފުވެރި ކޮށްދެއްވަމުން އޭނާ ވިދާޅުވީ، ތައުލީމާއި ސިއްހީ ދާއިރާގައި މަސައްކަތް ކުރެވޭނެ ފުރުސަތާއި އިތުރު ޔަގީންކަން ދިނުމުން ރައްޔިތުން ސަރުކާރަށް ބަރޯސާވާ މިންވަރު ކުޑަވާނެ ކަމަށެވެ.
އެހެންވެ، އަމިއްލަ ފަރާތްތަކުން ހިންގާ އެފަދަ ތަންތަން 99 އަހަރަށް ކުއްޔަށް ނުދެވެނީ ކީއްވެގެންތޯ ގާސިމް އެއްސެވި އެވެ.
ތައުލީމް ފޯރުކޮށްދިނުމަށް ވިލާ ކޮލެޖަށް މާލެ އިން ބިން ދީފައި ވަނީ 35 އަހަރަށް ކަމަށާއި ފާއިތުވި 12 އަހަރުގެ ތެރޭގައި އެތަނަށް ގިނަ އިންވެސްޓްމަންޓުތަކެއް ކޮށްފައިވާ ކަމަށް ގާސިމް ވިދާޅުވި އެވެ. އަދި މިހާރު ހުރި ފިޔަވަޅުން ވިލާ ކޮލެޖު ކުރިއަށް ޖެހެން އެބަޖެހޭ ކަމަށް ވިދާޅުވި އެވެ.
އޭނާ އެހެން ވިދާޅުވި އިރު، ވިލާ ކޮލެޖު، ޔުނިވަސިޓީ އަކަށް ބަދަލުކުރަން އެ ތަނުން އެކި ސަރުކާރުގައި އެދޭތާ އެތައް ދުވަހެއް ވެއްޖެ އެވެ. އެންމެ ފަހުން، މި ސަރުކާރުން ބުނެފައި ވަނީ އަމިއްލަ ފަރާތްތަކަށް ޔުނިވާސިޓީ ހިންގުމުގެ ހުއްދަ ދެވޭނީ ގާނޫނެއްގެ ތެރެއިން ކަމަށެވެ.
ކުޑަކުދިން ވެސް ފުރަތަމަ ފަށަނީ ފިރުކެން ކަމަށާއި ހިނގައިގަނެ ދުއްވައި ގަންނަނީ އޭގެ ފަހުން ކަން ފާހަގަކުރައްވައި ގާސިމް މިއަދު ވިދާޅުވީ ވިލާ ކޮލެޖު އޮތީ ދުއްވައި ގަންނަ ހިސާބުގައި ކަމަށެވެ.
ވިލާ ކޮލެޖުގައި ހިންގާ ޔޫވީގެ ޕްރޮގްރާމްތަކުން ވަނަ ހޯދި ދަރިވަރުންނާއެކު، އެ ކޮލެޖުގެ ފައުންޑަރު ގާސިމް ފޮޓޯއަކަށް ހުއްޓިލައިގެން - ފޮޓޯ: ވިލާ ކޮލެޖު
އޭނާ ވިދާޅުވި ގޮތުގައި، ރާއްޖޭގެ ކުރިއެރުމަށް، އެކި ގައުމުތަކުގައި ކަންކަން ހިނގާ މަގު ދެނެގަނެ އަހުލުވެރިވުން އިންތިހާ އަށް ބޭނުންތެރި އެވެ. ދިރާސާކުރުމުގެ ސަގާފަތް ރަނގަޅަށް އަށަގެންނެވުމަށް ކުރާ މަސައްކަތް އިތުރުކުރުން ވަރަށް މުހިއްމު ކަމަށާއި އޭރުން އިތުބާރު ހިފޭ ހަމަތަކުގެ މަތިން ކުރާ ދިރާސާތަކުގެ އަލީގައި މައްސަލަތަކަށް ފުރިހަމަ ހައްލެއް ލިބިގެންދާނެ ކަމަށް ވިދާޅުވި އެވެ. އެހެންވެ، ގާސިމް ވަނީ ވިލާ ކޮލެޖުން މިއަދު ދަސްވެނިވި ދަރިވަރުންގެ ކިބައިން ދިރާސާ ކުރުމުގެ ވައްޓަފާޅި ހަރުލެއްވުމަށް އެދިވަޑައިގެންފަ އެވެ.
"ދުނިޔޭގެ ހަޔާތުގައި ހޭދަކުރާ ކޮންމެ ދުވަހަކީ އާ ކަންތައްތަކެއް، އާ މައްސަލަތަކެއް އުފެދެމުންދާ ދުވަހެއް. އެ މައްސަލަތަކަށް ހައްލު ހޯދަން ކުރިން ކަންތައް ކުރި ގޮތް، އިހު އޮތް ގޮތް އެއީ މިހާރު އެންމެ ރަނގަޅު ގޮތް ކަމަށް ބެލޭކަށް ނެތް. އެހެނީ މިއަދަކީ އާ ދުވަހެއް. މާދަމާ ވެގެން ދާނީ މާ ތަފާތު އާ ދުވަހަކަށް. އެހެންވެ ކުރިން ހުރި މައުލޫމާތާއި ހުނަރުން ފުއްދާލެވޭކަށް ނެތް،" ދަރުބާރުގޭގައި ބޭއްވި ރަސްމިއްޔާތުގައި ގާސިމް ވިދާޅުވި އެވެ.
މާމިގިލީ ދާއިރާގެ މެމްބަރުކަން ވެސް ކުރައްވާ ގާސިމް ވިދާޅުވީ، މި ޒަމާނުގައި އެކިއެކި ސިނާއަތުތަކުގެ އަމާޒު ބަދަލުވެފައިވާ ކަމަށާއި އިލްމާއި ހުނަރު އަދި ތަޖުރިބާ ހޯދުމުގެ މަސައްކަތް ހުއްޓާނުލައި ކުރިއަށް ގެންދިއުމުގެ މުހިއްމުކަން ގަބޫލު ކުރަންޖެހޭ ކަމަށެވެ. އޭނާ ވަނީ މަސައްކަތުގެ އަަހުލާގަށް އިސްކަންދިނުމާއި އަނެކުންނަށް އިހްތިރާމް ކުރުމާއި ދުރަށް ވިސްނައި ގޮތް ނިންމާ އަދި މަސައްކަތުގައި ތެދުވެރި، ހީވާގީ މީހަކަށް ވުމަށް ދަރިވަރުންގެ ކިބައިން އެދިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Dhaadhey
17 November 2019
ސަރުކާރުން އޮތީ ޕްރައިވެޓް ސެކްޓަރ ހުޅުވާލާފައި. ނުވިތާކަށް ބަންގްލާދޭޝް، ސްރީލަންކާ، އިންޑިޔާގެ ކުންފުނިތަކަށްވެސް ރާއްޖޭގެ ކުންފުނިތަކެތޭ އެއްވަރަށް ފުރުޞަތު ހުޅުވާލަ ދީފައި. ރާއްޖޭގެ ކުންފުނިތަކުން ޓެކުހާއި ކުންފުނީ ފީ އާއި ލައިސަންސް ފީ ދައްކަންޖެހުނަސް އެވެރިން ޓެކްސް ދައްކާކަށް ނުޖެހޭ. ކުންފުނީގެ ފީ ދައްކާކަށް ނުޖެހޭ. އިމްޕޯޓް ލައިސަންސް ނަގާކަށް ނުޖެހޭ. ޕްރައިވެޓް ސެކްޓަރ މިވަރަށް މިނިވަން ކޮށްފާއޮތް ގައުމެއް ބޭފުޅާ ދައްކަބަލަ!
ދޫނިމާ
17 November 2019
އަހަރެންނަކީ ސަރުކާރުގެ އިކޮނޮމިކް މިނިސްޓަރުނަމަ ރިސޯޓް ހިންގާ މީހުންނަށް ހުރިހައި ވިޔަފާރިއެއް ނުދޭނަން، އެމީހުން ޖެހޭނެ އެމީހުންގެ ޑިޒައިންތަކާއި ފޮޓޯ ގްރަފީ އަދި ބައެއް އައުޓްލެޓް އަމިއްލަ ދިވެހިން ކުންފުނިތަކަށް ދޭން، އަދި އެތަންތަނަށް ކާބޯތަކެތި ސީދާ އެތެރެކޮށް ރާއްޖޭގެ ވިޔަފާރިތަކުން ނުގަތުމުގެ ސަބަބުން ޓޫރިޒަމް ކިތަންމެ ފުޅާވިޔަސް ވިޔަފާރިތަކަށް އޭގެ މަންފާ ނުކުރޭ
ބައިސަލް
17 November 2019
ވާހަކަ ތިޔައީ 100 ގެ ވާހަކައެއް، އެކަމަކު ކުދި މެދުފަންތީގެ ވިޔަފާރިއަށް މިއަދު އަރައި ނުގަނެވިގެން އުޅެނީ ބޮޑެތި މަހުޖަނުން އެވިޔަފާރީގެ ތެރެއަށްވަނީމަ، އަދި ބޭރުގެ ވިޔަފާރިވެރިންވެސް އެވިޔަފާރީގެ ތެރެއަށް ވަނީމަ، ގާސިމްގެ ހުރިހައި ވިޔަފާރިއަށް ބޭނުންވާ ކުންފުނިތަކާއި ފިހާރަތަށް ގާސިމްވަނީ ހުޅުވާފައި، އަދި ޗަމްޕާވެސްވަނީ ހުޅުވާފައި، ސަރުކާރުންވަނީ ހުރިހައި ވިޔަފާރީގެ ތެރެއަށް ވަދެފައި، ދެން ކިހިނެއް އާންމުން ވިޔަފާރިކުރާނީ؟
އުމަރުބެ
17 November 2019
ޕްރައިވަޓް ސެކްޓަރަށް ހުޅުވާލާ ކޮންމެ ވިޔަފާރިއަކަށް ގާސިމް އެބަވަދޭ، ރިސޯޓުން ފެށިގެން ފުރިސިއާނާ ވިއްކާ ގާސިމްގެ ރިސޯޓްތަކަށް ގެންނަ ހަނޑޫކޮޅުވެސް އަމިއްލަ ފަރާތަކުން ނުގަނޭ، ރިސޯޓުގައި ހައްދާ ތަކެތިން މެނޭޖު ކުރަނީ، މާލޭގެ ފިހާރަތަކުން މުދާ ނަގައި 90 ދުވަސްވާއިރުވެސް ފައިސާނުދޭ، ގާސިމްވެސް އެތެރޭގެ ކުދި ވިޔަފާރިތަކަށް ދޭން އެތަކެއް މިލިއަން އެބައޮތް، ހަމަ އެއާއެކު ސަރުކާރުންވެސް އެހާ ބޮޑުއަދަދެއް ކުދި ވިޔަފާރިތަކަށް ދޭން އެބައޮތް
ާއުނިމާ
17 November 2019
ތިޔަކަހަލަގެ ސެރެމޮނިސްތަކަށް ކުފޫހަމަވާ ބޭފުޅެއްނޫންތީ! ތިޔައީ ޕްރޮފެޝަލް ބޭފުޅެއްނަމަ ތިޔަ ސެރެމޮނީއަށް ނުދިޔަޢީސް
235ޖހ
17 November 2019
ސިޔާސީ ކުދިންކޮޅަށް މަހަކު 40،000 ވަރު މަހު މުސާރަދީފަ، ސްޓާފުންގެ ސާރވިސް ޗާޖު ނުދޭ..
ާއުނިމާ
17 November 2019
އަމިއްލައެދުމުން ފޯވެފަ
ނގލނދށ2
17 November 2019
އާން އެހެންވީމަ، ބޭންކުގެ ލޯނުތަކުގެ %80 މަހުޖަނުން ނަގައިގެން އަހަރެމެނަށް 15،0000 ރުފިޔާގެ ލޯނުދީ، އެ ލޯނު ނުދެއްކޭ އިރަށް ކޯޓަށް ދަމާ... ކަލޭމެންގެ ރިސޯރޓަށް ދައްކާހާ ޓެކްސްއެއް އަހަރެމެންގެ ގެސްޓްހައުސްއިންވެސް ނަގާ.. ބޭކާރު ވާހަކަ ނުދައްކަވާ ސިޔާސީ މީހަކު ގަނެވޭތޯ ބައްލަވާ!
ރައީސް ނަޝީދު
17 November 2019
ތިބޭފުޅާ ކަހަލަ މަހުޖަނުން ހުރިހާ ވިޔަފާރިއަކަށް އަތްބާނާހާހިދަކު އާވިޔަފާރި ތަކަކަށް ފުރުސަތެއް ނޯންނާނެ. ވިޔަފާރިވެރިންގެ ޖަމިއްޔާގަވެސް އާބަޔަކު އައި ދުވަހެއް ހަދާންހުރި އެއްވެސް މީހެއް ނެތް. ޗަންޕާގެ ބޯއީސް ލައިގެން ވިޔަފާރިވެރިންގެ ޖަމިއްޔާ ގަޝާނަގަނީ ހަމަ ތިމަހުޖަނުން. މަހުޖަނުންގެ އަތުން ބޮޑުތަނުން ޓެކްސް ނަގައިގެން ނޫނީ ސަލާމަތެއް ނެތް.
ާއުނިމާ
17 November 2019
ބޯކޮށް ނަގަންވާނެ! ނޫނީ ގިނަވާ ލާރިތަކުން ގަންނާނީ ސިޔާސީ މީހުންކަން ޔަޤީން!
އަޙުމަދު.
17 November 2019
އެޓޯލްސް މިނިސްޓްރީގެ ދުވަސްވަރު ކުލީބިމެއްގެ ގޮތުގައި ތުލުސްދޫން ސޭޓަށް ދޫކޮށްފައިވާ ބިމުގެ އެގްރިމެންޓް ބަދަލުކޮށްލެއްވިގޮތަށް ވިލާކޮލެޖު ހިންގާބިމުގެ އެގްރިމެންޓްވެސް ބަދަލުކޮށްލައްވަން ވީނޫންތޯ އެވެ.؟ މިހާރުވެސް ތި ދައްކަވަނީ ބިންދޫކޮށްފައި އޮތް މުއްދަތު ކުޑަވާހަކައެވެ. ހުޅުލޭ އެއާރ ޕޯރޓް 25 އަހަރަށް ބޭރުގެ ފަރާތަކަށް އޭރުގެ ސަރުކާރުން ކުއްޔަށް ދިނުމުން ސޭޓު ތެޅިފޮޅުނުވަރު މިހާރު ހަދާންނެތީ ތޯއެވެ. އެއަރޕޯޓް 25 އަހަރު، ވިލާކޮލެޖު 35 އަހަރު،
އަޙުމަދު.
17 November 2019
ވަރަށް ރަނގަޅުވާހަކައެއް. 5 ރިސޯޓް އޮންނަމީހަކަށް އިތުރަށް 5ރިސޯޓް ދީފިނަމަ އިތުރު މުވައްޒަފުންނާއި ކުރަންޖެހޭކަންކަން އިތުރުވާނެ. ވަންނަ ފައިސާއާއިނުކުންނަފައިސާ ގިނަވާނެ. ރައްޔިތުންގެ ލާބަޔާ މަންފާއަށް ރަށެއްގައި ފެނާނަރުދަމާ އެޅުންފަދަ ކަމަކަށްވުރެ ބޮޑަށް މިހާރުވެސް ތިޔަ ދައްކަވަނީ ސޭޓުގެ ގޮނުފުރޭނެ ގޮތުގެވާހަކަ. 99 އަހަރޭ 35 އަހަރޭ ކިޔައިގެން ކޮންހާޑެއް ދަމާކަށް. ތިޔަ ކޮލެޖު ހިންގާ ބޮޑު ބިމުގެ ފުހަމަ ކުލި ނިކަން ސަރުކާރަށްނިކަން ދައްކަބަލަ.