ފެލިވަރު މަސް ކާރުހާނާގައި މަސައްކަތް ކުރަން އިތުރު 100 ދިވެހިން ހޯދަނީ

ފެލިވަރުގައި ހުންނަ މަސް ކާރުހާނާގައި މަސައްކަތް ކުރާ މީހަކު ސާފުކޮށްފައި ހުރި މަސްތައް މެޝިނަކަށް އަޅަނީ. އެ ތަނުގައި މަސައްކަތް ކުރާނެ ދިވެހިން ހޯދަން ވަނީ ނިންމާފައި. - ފޮޓޯ: މިހާރު

މުހައްމަދު ޔާމީން، މިހާރު

03 އޮކްޓޯބަރ 2016 - 12:40

19 comments

ޅ. ފެލިވަރުގައި ހުންނަ ދަޅުމަސް ބަންދުކުރާ ކާރުހާނާގައި މަސައްކަތް ކުރާނެ އިތުރު 100 މުވައްޒަފުން ހޯދަން ފެލިވަރު ފިޝަރީޒް ކޮމްޕްލެކްސް އިން ނިންމައިފި އެވެ.

މަސް ކާރުހާނާގެ ވަސީލަތްތައް ތަރައްގީކޮށް، ކުރިއަށް އޮތް މަހެއްހާ ދުވަހުގެ ތެރޭގައި ދުވާލަކަށް 50 ޓަނުގެ ދަޅުމަސް ބަންދު ކުރަން ވަނީ ތައްޔާރުވެފަ އެވެ.

ފެލިވަރު ފިޝަރީޒް ކޮމްޕްލެކްސްގެ އެސިސްޓަންޓް ރީޖަނަލް މެނޭޖަރު ހާމިދު ނަޒީމް ވިދާޅުވީ މީގެ ދެ އަހަރެއްހާ ދުވަސް ކުރިން މިފްކޯގެ ދަށަށް ދެ ވަނަ ފަހަރަށް ފެލިވަރު ބަދަލުވި ފަހުން މަސް ކާރުހާނާގައި މަސައްކަތް ކުރަން ގާތްގަނޑަކަށް 200 މުވައްޒަފުން އިތުރުކޮށްފައިވާ ކަމަށެވެ.

މިފްކޯގެ މަސް ކާރުހާނާގައި މިހާރު 600 އަށްވުރެ ގިނަ މުވައްޒަފުން މަސައްކަތް ކުރެ އެވެ. އޭގެ ތެރޭގައި ދިވެހިންނާއި ބައެއް ބިދޭސީން ވެސް ހިމެނެ އެވެ. އެ ތަނުގައި މަސައްކަތް ކުރާ އެންމެންނަށް ފެލިވަރުން އެކޮމަޑޭޝަން ވަނީ ހަމަޖައްސައިފަ އެވެ.

ނަޒީމް ވިދާޅުވި ގޮތުގައި މުވައްޒަފުން ހޯދުމުގައި އެންމެ ފުރަތަމަ އިސްކަން ދޭނީ ދިވެހިންނަށެވެ. އަދި ދިވެހިން ނުލިބިއްޖެނަމަ، ބިދޭސީން ހޯދަން މަސައްކަތް ކުރާނެ ކަމަށް އޭނާ ވިދާޅުވި އެވެ.

މަސް ކާރުހާނާގައި މަސައްކަތް ކުރާ 27 ޕަސަންޓް މީހުންނަކީ ބިދޭސީންނެވެ. އޭގެ ތެރޭގައި އިންޑިއާ، ބަންގްލަދޭޝް، ސްރީލަންކާ އަދި ނޭޕާލް ފަދަ ގައުމުތައް ހިމެނެ އެވެ.

"ދިވެހިންނަށް ވަޒީފާގެ ފުރުސަތުތައް ހޯދައިދިނުމަށް ގިނަ މަސައްކަތްތަކެއް ކުރަން. އެގޮތުން ކައިރި ރަށް ރަށަށް ގޮސް ދިވެހިން މިކަމަށް އަހުލުވެރިކުރަން މަސައްކަތް ކުރިން،" ނަޒީމް ވިދާޅުވި އެވެ.

ފެލިވަރުން ބުނީ ނައިފަރާއި ހިންނަވަރުގައި ދިރިއުޅޭ 300 އަށްވުރެ ގިނަ މީހުން މަސް ކާރުހާނާގައި މަސައްކަތް ކުރަމުން އަންނަ ކަމަށެވެ. އަދި ރ. އަތޮޅާއި ނ. އަތޮޅުގެ ރަށްތަކުގައި ދިރިއުޅޭ ބައެއް މީހުން ވެސް އެ ތަނުގައި މިހާރު ވެސް މަސައްކަތް ކުރަމުންދެ އެވެ.

ފެލިވަރުގައި ހުންނަ މަސް ކާރުހާނާގައި ދުވާލެއްގެ މައްޗަށް 30-35 މެޓްރިކް ޓަނުގެ ދަޅު މަސް މިހާރު ވެސް ބަންދު ކުރެ އެވެ. އެކަމަކު ރާއްޖޭން ބޭރަށް އެކްސްޕޯޓް ކުރުން އަހަރެއްހާ ދުވަހުގެ މެދުކެނޑުމަކަށް ފަހު، މަހެއްހާ ދުވަހުގެ ތެރޭގައި އަލުން އެކަން ފަށަން ވަނީ ނިންމައިފަ އެވެ.

މަސް ކާރުހާނާ ތަރައްގީ ކުރުމުގެ ގޮތުން އެ ތަނުގައި ވަނީ ފިނި ކުރި މަސް ހޫނު ކުރުމަށް ބޭނުން ކުރާ ސިސްޓަމެއް ގާއިމުކޮށްފަ އެވެ. އޭގެ އިތުރުން މަސް ކައްކާ ދެ ކުކަރާއި މަސް ސާފު ކުރަން ބޭނުން ކުރާ މުޅިން އާ ހަތަރު ކްލީނިން ލައިން ވެސް ވަނީ ބަހައްޓައިފަ އެވެ. ހަމައެއާއެކު، ސާފު ކުރާ މަސް ދަޅު ހުންނަ ބައްޓަމަށް ކެފުމަށް ބޭނުންކުރާ ބެކްޝެޕާސްތައް ބަދަލުކޮށް، ދަޅުގައި ހުރި މަސްތައް އަލުން ކެއްކުމަށް ބޭނުން ކުރާ މުޅިން އާ އާލާތްތައް ވަނީ ބަހައްޓައިފަ އެވެ.

މަހުގެ އުފެއްދުންތައް ޅ. އަތޮޅު ޅ. ފެލިވަރު ފެލިވަރު ފިޝަރީޒް މޯލްޑިވްސް

19 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖިންގަލް

29 March 2017

ސަރުކާރުން ވެސް ގަބޫލް ކުަރަން ވެއްޖެ ހަޤީގަތެއް 4000 ރިފިޔާ އަށް ވަޒީފާ އަދާކުރާ މީހަކު އޮރިޔާންވުން ނޫން އެހެންކަމެއް ނުވާނެ، ގިނަމީހުން ވިޒީފާއިން ވަކި ކޮއްފާނެ ކަމުގެ ބިރަށް އަނގަ ނުހުޅުވާ ތިބެނީ! މަގިލިސް މެންބަރަކަށް ކޮންމެ ވޯޓަކާ ދިމާކޮށް މިލިޔަނުން އޮފާ ހުށައަޅާއިރު ކޮބާ ނިކަމެތި ރައްޔިތުން، 2018 ކާމިޔާބު ކުރަން ބޭނުންވާ ރައީސަކު ވިސްނަންވީ ހަމަ އެކަނި އުމުރާނީ ތަރައްގީއަކަށް ނޫން ދޯ، ރައްޔިތުންނަށް ލިބޭ ކުރިއެރުމަށް ވެސް ވިސްނަން ޖެހޭ، ބަނޑު ފުރާނަ މުއްތި ކޮއްގެން ފަހައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާނު

04 October 2016

ދިވެންސަކަން ފުރުސަތެންދުދޭނެ ވަރަންދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެލިވަރު

03 October 2016

ފެލިވަރުގޭ ފެކްޓަރީ ހިންގުން ހުއްޓޭލާކަށް ނުވޭތަ؟ ދެފަހަރަށް ބަނގުރޫޓު ވެއްޖެ. ޗަޔައްވުރެ މާތާހިރުވާނެ ފެލިވަރުގޭ އެއާޕޯޓު އަޅޭފޭ ދެފަރާތުގޭ ޗެޔޮއް ދެރަށުގޭ ގެސްޓްހައުސް އައިލެންޑް ހެދިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުން

03 October 2016

ހިލޭސާބަހަށް މަސައްކަތް ކޮށްދެވޭކަށްނެތް. މިއުޅެނީ އަނގަޔާ އަތާ ދިމާނުވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮލަކަށް4000

03 October 2016

ތިތަނުގަ ތިބި މޯހުން ކަނޑާފަ ދެން އަލުން މީހުން ވެއްދީމަ 90 ހާސް ހަމަވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްބެ88

03 October 2016

އެއީ ކާން ބޭނުން ކުރާ މަސް ކަމައްވާނަމަ ކޮބާ އެމީހުންގެ އަތުގަ ރަބަރު އަންގި ނުވަތަ ކޮތަޅު ނޫނީ ތުނިކަމުން ނުފެންނަނީބާ ކޮންމެކަމެއްވެސް އެންމެ ގޯސްކޮއްކުރަނީ؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖީމު

03 October 2016

މަސް ދަޅުގައި ބަންދުކުރަނީތޯ ނުވަތަ ދަޅުގައި ބަންދުކޮށްފައިހުރި މަސް ފޮށީގައި ބަންދުކުރަނީތޯ. މި ލިޔުމުގައި ދަޅުމަސް ބަންދުކުރާވާހަކަގެނެސްފަ އޮތީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެހުބުޅި

03 October 2016

300 މިލިޔަނުން ދެރީމަަ މީހުންތަ ގިނަކުރަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްބުޅި

03 October 2016

ކެކެކެކެކެކެކެ. ގަޅިވިއަސް ބޮޑުވަރު. އަދި ލައިކްސް ޖެހިމީހުން. ކެކެކެކެ، ވާނުވާ ނޭންގޭ އިރުވެސް ކީބޯޑްގަނޑު އޮތީމަ ކޮމެންޓްކޯށް ނަގަނީ ދޯ. ތީ ގަދަވެފައި އަނގަތަޅާ މީހުންގެ ހާލަކީ. ކެކެކެކެ