މާފުށީ ޖަލު: ޖަލުތަކުގެ އޮފިސަރުންނަށް ގައިދީންގެ ފަރާތުން ކުރިމަތިވާ ގޯނާ ހުއްޓުވަން ފިޔަވަޅު އަޅަމުން އަންނަ ކަމަށް މުނާޒް ވިދާޅުވި.
04 ޖެނުއަރީ 2020 - 12:56
6 comments
ޖަލުތައް ބަލަހައްޓާ މޯލްޑިވްސް ކަރެކްޝަނަލް ސާވިސް (އެމްސީއެސް)ގެ އޮފިސަރުންނަށް ގައިދީންގެ ފަރާތުން އެކިއެކި ގޯނާތައް ކުރިމަތިވާ ކަމަށާއި އޮފިސަރުންގެ ސަލާމަތާއި ރައްކާތެރި ކަމަށް އަޅަން ޖެހޭ ފިޔަވަޅުތައް އަޅާނެ ކަމަށް ކޮމިޝަނާ އޮފް ޕްރިޒަންސް އަބްދުﷲ މުނާޒް ރޭ ވިދާޅުވެއްޖެ އެވެ.
މުނާޒް ކުރެއްވި ޓުވީޓެއްގައި ވިދާޅުވީ ގައިދީންގެ ފަރާތުން އޮފިސަރުންނަށް ގޯނާ ކުރުމަކީ ދޭތެރެ ދޭތެރެއިން ހިނގާ ކަމެއް ކަމަށެވެ. އެފަދަ ގައިދީިންނަށް ނަސޭހަތްތެރިވެ އިސްލާހު ކުރުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.
"އެކަން ކުރާ މީހުންނަށް ވެސް ހެޔޮގޮތް ވިސްނައިދީ ރިހިބިލިޓޭޓްކޮށް މުޖުތަމައުއަށް ބޭނުންތެރި ބައެއްގެ ގޮތުގައި ޖަލުން ނެރެ އާއިލާތަކަށް އުފާވެރިކަން ގެނެސް ދިނުމަކީ އެމްސީއެސްގެ އޮފިސަރުންގެ އަމާޒު،" މުނާޒްގެ ޓުވީޓްގައި ވިދާޅުވި އެވެ.
— A.Munaaz, CP, Maldives Correctional Service (@a_munaaz) January 3, 2020
މުނާޒް ކުރެއްވި ޓްވީޓް
އޭނާ ވިދާޅުވި ގޮތުގައި އޮފިސަރުންގެ ރައްކާތެރި ކަމަށްޓަކައި އަޅަން ޖެހޭ ގާނޫނީ ފިޔަވަޅުތައް ކެތްތެރިކަމާ އެކު ކަރެކްޝަންސް އިން އަޅާނެ އެވެ.
ކަރެކްޝަންގެ އޮފިސަރުންނަށް ގައިދީން ހަމަލާދިނުމުން ޖަލުތަކުގައި ހަމަނުޖެހުންތައް ވެސް ހިނގާފައި އެބަހުއްޓެވެ. ވަރަށް ފަހުން އެފަދަ މައްސަލައެއްގައި ކަރެކްޝަންގެ އޮފިސަރަކު ސަސްޕެންޑްކޮށްފައި ވެސް ވެ އެވެ.
ޖާގައަށް ވުރެން ގައިދީން އިތުރުވެ ތޮއްޖެހުން ބޮޑުވެފައިވާ އިރު ގިނަ މައްސަލަތަކެއް ވަނީ ފެންމަތިވެފަ އެވެ. އެ މައްސަލަތައް ހޯދަން ހަވާލުކުރި ކޮމިޓީން ވަނީ ގިނަ ކަންކަމަށް ހައްލު ހޯދަން ގޮވާލައި ރިޕޯޓެއް ވެސް ނެރެފަ އެވެ. އެކަމަކު އެ ރިޕޯޓުގައި ހިމަނާފައިވާ ގިނަ ކަންކަން އިސްލާހުކުރި ކަމެއް ކަރެކްޝަނަލް ސާވިސްއަކުން މިހާތަނަށް ބުނެފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލެޕް
04 January 2020
މިހާރުވެސް އާއިލާތަކަށް އުފާވެރިކަން ގެނެސްދޭ ޖަލުގައި ހުރެ ބޭނުން އިރަކު ފޯނުން ގުޅާލެވޭތީ. ނަމެއްގަ ހުރިހާ ގަވައިދަކާ ގާނޫނެއް އޮންނަނީ. ކަންކަން އެނގޭ ބޮޑެތި މީހުންވެސް ކަމެއް އިސްލާހުކުރާކަށް ނޫޅޭ.
ސަންދާނު މޮޔަމީހާ
04 January 2020
މުުއާޒު ކަލޭތިހަދަނީ ހުސްދޮގު ޖަލުބަލަހައްޓާ އޮފުސަރުން ބައްތިޕޯނެއް ވިއްކާލިނީ ފަނަރަ ހާސްރުފިޔާ އައްކަމައް ޖަލުން ސަލާމަތްވެގެން ނިކުންނަމީހުން ކިޔާތީ އަޑުއިވޭ ހުރިހާ ކުއްވެރިން ބަރާބަރައް އާއިލާޔައް ގުޅާހަދާ ދެންމުއާޒު ތިކިޔަނީ ބަނޑުގެ ހަންގަނޑޭތަ
ރަފްހާނު
04 January 2020
ޖަލުތަކަކީ ބޭނުންހާ އެއްޗެއް ނުވެއްދޭ ތަންތަނަށް ފުރަތަމަ ހަދާބަލަ..ރަލާއި މަސްތުވާތަކެތި ލިބެން ހުންނަނީ ޖަލު ބަލަހައްޓާ މީހުން ވައްދާތީ..ފޯނު ވައްދައި ބޭންކްތަކުގެ ނަމުގައި މީހުނަށް ގުޅައި އޮޅުވާލނީވެސް ޖަލުތަކުގައި ތިބޭ މީހުން...މީހަކު އިސްލާހް ވާނެ ފުރުސަތަށްވުރެ ބޮޑީ އިތުރަށް ގޯސްވުމުގެ ފުރުސަތު ހެއްދެވިހާ ނުބައިކަމެއް ތިތާ ހިންގާ..ޒިންމާ އަދާ ނުކޮށް އޮފިސަރުންގެ ހައްގު ހޯދާ ވާހަކަ ނުދައްކާ..
ޖަލީމާ
04 January 2020
ގޮޅިތަކަކީ މަސްތުވާ ހާލިތަކެއް..ގައިދީން ތިބެނީ ބަރާބަރަށް މަސްތުވެގެން ޖަލުއޮފިސަރުންގެ އެހީތެރިކަމާއިއެކު..ބޯންތިބެނީ އޮފިސަރުން ކުރިމަތީ..އަޅާވެސްނުލާނެ..އިއްޔެ ޖަލުންނެރުން މީހަކު ބުނީ މާލޭގައި އުޅުމަށްވުރެ ޖަލުން މަސްތުވާތަކެތި ލިބޭލެއް ފަސޭހަކަމަށް..އޮފިސަރުންނަށް ޕޭ ކޮށްލީމަ ނިމުނީކަމަށް...ދެން ތިތާގެ ހާލަތު ވިސްނާ...ޖަލުމީހަކާ ބައްދަލުކުރަން ދިޔުމުން 7ފެނުން ދޮވެފަ ވައްދަނީ ގޮތްދައްކަން..
ދައްތި
04 January 2020
އޮފިސަރުން ގައިދީންނަށް ގޯނާކުރާވަރު މާގިނަ. އެކަމަކާ ހެދި ތިތަނަށް ވަދެފަ ރަނގަލަށްހުރެ ނުކުންނަ އާދައިގެ އެއް ގައިދީއަކު ވެސް ނުހުންނާނެ. ކިތަންމެ ކުޑަކަމެއްވިޔަސް ބޮޑުކަމެއްވިޔަސް، އަދި އެއަށްވުރެ ބޮޑު ކްރިމިނަލްއަކަށް ގައިދީން ހަދާފަ ލޭބަލްކޮށްފައި ތިޔަ ނިޔަނެތި އޮފިސަރުން ތިބެނީ. ވަރަށް ސަލާމް!
ނޫރާ
04 January 2020
ތެދެއްތީ! މިދިޔަ މަހު ތިމާގެކުއްޖެއ އަލަށް ޖަލަށްގެންދިޔައީ. ސިކުނޑީގެ ބައްޔަކަށް ސިންގަޕޫރުން ބޭސްކުރާ ކުއްޖެއްއެއީ. ގެންދިޔަ ދުވަހު ހުރިހާއެއްޗެއް ފުލުހުންނަށް ކިޔާދީފަ ލިޔުންތަކާއެކު ބޭސްވެސް ހަވާލުކުރި، އަދި ކުށް ސާބިތުވެގެނެއްނޫން ބެހެއްޓީ 10 ދުވަހަށް މުއްދަތު ޖަހާފަ، އެކަމަކު ބުލީކޮށް ރުޅިއަރުވާ ގެއިންދިންބޭސް ނުދީ އައި.ޖީ.އެމް.އެޗް.އަށް ގެންގޮސްގެން އެހެން ބޭސްތަކެއްދީ. ރޭގަނޑު ބޭސްނުކައި ނުނިދޭނޭ ބުނެބުނެވެސް ބޭސްނުދީ..މިހިރީ ކުރިކަންކަނ