ދިރާސާކުރުމުގެ ދާއިރާއިން އެއްބާރުލުން ދިނުމުގެ އެއްބަސްވުންތަކެއްގައި ސޮއިކުރަން ބޭއްވި ރަސްމިއްޔާތުގައި ވިލާގެ ރެކްޓާ ޑރ. އަންވަރު ވާހަކަދައްކަވަނީ-- ފޮޓޯ: ވިލާ ކޮލެޖު
07 ޖެނުއަރީ 2020 - 18:04
2 comments
ދިރާސާކުރުމުގެ ދާއިރާ އިން އެއްބާރުލުން ދިނުމުގެ އެއްބަސްވުންތަކެއްގައި ވިލާ ކޮލެޖުން މިއަދު ސޮއިކޮށްފި އެވެ.
އެ ކޮލެޖުން ވަނީ އިނގިރޭސިވިލާތުގައި ރަޖިސްޓްރީކޮށްފައިވާ މޯލްޑިވްސް ރިސާޗާއި އޭޑީކޭ ހޮސްޕިޓަލް އަދި ވިލާ ފައުންޑޭޝަނާ އެކު ސޮއިކޮށްފަ އެވެ.
މިއީ ރާއްޖޭގެ އިޖުތިމާއީ ތަފާތު ދާއިރާތަކުގައި ދިރާސާކޮށް އާ ހޯދުންތަކަށް މަގުފަހިކުރުމުގައި އެއްބާރުލުން އިތުރުކުރުމަށާއި ގުޅިގެން މަސައްކަތް ކުރުމަށް ހެދި އެއްބަސްވުމެކެވެ.
ދިރާސާކުރުމުގެ ދާއިރާއިން އެއްބާރުލުން ދިނުމުގެ އެއްބަސްވުމުގައި ސޮއިކުރެއްވުމަށްފަހު އޭޑީކޭ ހޮސްޕިޓަލްގެ މެނޭޖިން ޑިރެކްޓަރު އަފްއާލް (ވ) އަދި މޯލްޑިވްސް ރިސާޗުގެ އިސް އޮފިޝަލަކު ސަލާމްކުރައްވަނީ.-- ފޮޓޯ: ވިލާ ކޮލެޖު
ވިލާ ކޮލެޖާއި މޯލްޑިވްސް ރިސާޗާ ދެމެދު ސޮއިކުރި އެއްބަސްވުމުގައި، ރާއްޖޭގެ އިޖުތިމާއީ ތަފާތު ދާއިރާތަކުގައި އިލްމީ ދިރާސާކުރުމުގެ މަސައްކަތް ދެ ފަރާތުން ވިލަރެސްކޮށް ކުރިއަށް ގެންދިއުމާއި ދިރާސާގެ މަސައްކަތުގައި ފަންނީގޮތުން އެއްބާރުލުން ދިނުމުގެ އިތުރުން ދިރާސާގެ ދާއިރާއިން ތަމްރީނާއި ތަޖުރިބާ ހިއްސާކުރުން ހިމެނެ އެވެ.
އެ އެމްއޯޔޫތަކަކީ ރާއްޖޭގެ ތަރައްގީ އާއި ކުރިއެރުމުގައި މުހިއްމު ދައުރެއް އަދާކުރާނެ ފަދަ މުހިއްމު އަދި ބޭނުންތެރި ދިރާސާތަކަކަށް ވެގެންދާނެ ކަމަށް އުއްމީދުކުރައްވާ ކަމަށް އެ ފަރާތްތަކުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސައިން އިބްރާހިމް
08 January 2020
ދިރާސާ ކުރުމަކީ ރާއްޖޭގައި އަދި މުޅިން ވައިގައި ހިފާފައިވާ މަސައްކަތެއް ނޫނެވެ.އަދި ދިރާސާއެއް އޮތަސް ސިޔާސަތުތައް ރާވާމީހުންނާއި ކަންކަން ހިންގަން ބޭނުންވާ މީހުން އެބަލައި،އެއިއް ކަމެއް ހާސިލް ކުރާތަނެއް ނުފެނެއެވެ.މި އެމް.އޯ.ޔޫ.ގެ އިން ފެންވަރު ރަގަޅު ދިރާސާތަކަށް މަގު ފަހިވެގެންދާނެކަމަށް ދެކެމެވެ.ކާމިޔާބީއަށް އެދެމެވެ.
މޯލްޑިވްސް ރިސާޗް
08 January 2020
ވަރަށް ރަގަޅު ވާހަކައެއް. އަޅުގަޑުމެން ދެކެނީ ދިރާސާކުރައްވާ ފަރާތްތަކުންވެސް ޖެހޭ ސިޔާސަތުތައް ރާވާ ފަރާތްތަކާއި، އާއްމުން ބޮޑަށް ބައިވެރިކޮށްގެން ދިރާސާކުރައްވަން. އަދި ދިރަސާތަކުގެ ނަތީޖާ ރަމްޒުކުރުންވެސް މުހިއްމު.