10 ޖެނުއަރީ 2020 - 09:52
16 comments
އައްޑޫގައި ހުޅުވަން ތައްތާރުވަމުން އަންނަ އާ ހޮސްޕިޓަލް، އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) ގެ ލޯގޯ ފަރުމާކުރަން ޝައުގުވެރިވާ ފަރާތްތަކަށް ފުރުސަތު ހުޅުވާލައިފި އެވެ.
އުވައިލަން ނިންމާފައިވާ ހިތަދޫ ރީޖަނަލް ހޮސްޕިޓަލް (އެޗްއާރްއެޗް) އިން ނެރުނު އިއުލާނެއްގައި ބުނީ އައްޑޫގައި ހެދި ކޮންވެންޝަން ސެންޓަރުގައި ގާއިމުކުރި ހޮސްޕިޓަލްގެ ލޯގޯ ފަރުމާކޮށްދޭން ޝައުގުވެރިވާ ފަރާތްތަކުން ލޯގޯ ހުށަހެޅުމުގެ ފުރުސަތު މި މަހުގެ 19 ވަނަ ދުވަހާ ހަމަ އަށް ހުޅުވާލާފައިވާ ކަމަށެވެ.
އެއް ވަނަ އަށް ހޮވޭ ލޯގޯއަކަށް އިނާމެއްގެ ގޮތުގައި 10،000ރ. ދޭން ވަނީ ނިންމައިފަ އެވެ.
އެޗްއާރްއެޗުން ބުނިގޮތުގައި ހުށަހަޅާ ލޯގޯތައް ވާންޖެހޭނީ އުފެއްދުންތެރި އަމިއްލަ އެއްޗަކަށެވެ. ލޯގޯ ހޮވުމުގައި ބަލާނެ ކަންކަމުގެ ތެރޭގައި ލޯގޯ އަކީ ހޮސްޕިޓަލުގެ ބިޒްނަސް ކާޑާއި ލެޓަހެޑާއި ބެނާތަކާއި ޔުނިފޯމާއި ޓީޝާޓް ފަދަ ތަކެތީގައި ބޭނުންކުރުމަށް އެކަށޭނަ އެއްޗަކަށްވުމާއި ލޯގޯގައި ހަނދުފަޅި އާއި ކްރޮސް ބޭނުން ނުކުރުން އަދި އައްޑޫ ރަމްޒުކޮށްދޭ ލޯގޯއަކަށްވުން ހިމެނެ އެވެ.
މީގެ އިތުރުން ލޯގޯގައި ލޯގޯގައި އައްޑޫ އިކުއެޓޯރިއަލް ހޮސްޕިޓަލް ނުވަތަ އޭއީއެޗް" (Addu Equatorial Hospital/ AEH) ދިވެއްސާއި އިނގިރޭސި ބަހުން އިންނަން ޖެހޭނެ އެވެ.
އެޗްއާރްއެޗުން ބުނީ ލޯގޯ ހުށަހަޅާ މީހުންނަށް އެއް ލޯގޯ އަށް ވުރެ ގިނ ލޯގޯ ވެސް ހުށަހެޅިދާނެ ކަމަށާއި ލޯގޯއެއް ހޮވާނީ ލޯގޯ ހުށަހަޅާ މީހުންނަކީ ކޮބައިކަން ސިއްރުކުރުމަށް ފަހު، އެކަމަށް ހާއްސަ ކޮމިޓީއަކުން ކަމަށެވެ.
މާލެ ސަރަހައްދުން ބޭރުގައި ތަރައްގީކޮށް، ހުޅުވާ ފުރަތަމަ ޓާޝަރީ ހޮސްޕިޓަލް އައްޑޫގައި ހުޅުވަން އެންމެ ފަހުގެ ތައްޔާރީތައް ވަމުން އަންނަ އިރު، އެ ހޮސްޕިޓަލަކީ ގައުމީ އަދި ބައިނަލްއަގްވާމީ ފެންވަރުގައި ހިދުމަތް ދެވޭނެ ތަނަަކަށްވާތީ ހޮސްޕިޓަލް ރަމްޒުކޮށްދޭ ލޯގޯ އަކީ ހޮސްޕިޓަލްގެ މޫނުމަތީގެ ގޮތުގައި ފެންނަ އެއްޗަކަށްވެފައި އެއީ ހޮސްޕިޓަލްގެ "ބްރޭންޑް ރެކޮގްނިޝަން" އިތުރު ވާނެ ކަމެއް ކަމަށް އެޗްއާރްއެޗުން ބުނެ އެވެ.
އައްޑޫ އާ ހޮސްޕިޓަލަށް އައްޑޫ އިކްޓޯރިއަލް ހޮސްޕިޓަލް (އޭއީއެޗް) ގެ ނަން ދީފައި ވަނީ ހޮސްޕިޓަލަށް ކިޔާނެ ނަމަކަށް އާންމުންގެ ހިޔާލަށް ވެސް ސޯޝަލް މީޑިއާގައި ވޯޓަކުން ހުޅުވާލައިގެން އެންމެ ގިނަ ވޯޓް ލިބުނު ނަން އައްޑޫ ސިޓީ ކައުންސިލުން ފާސްކުރުމަށް ފަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑިޒައިނަރު
19 January 2020
ޓާޝަރީ ހޮސްޕިޓަލެއް، ސްޓޭޓް އޮފް ދި އާރޓް ފެސިލިޓީޒްއާއި އެކު..އެކަމު ލޯގޯ އީމެއިލް އިން ބަލައެއް ނުގަނެވޭ..ސީޑީ އަކަށްވެސް އަޅަންޖެހޭ..ބައްލަވާ މީ 2020 އިނގޭތޯ..1980 އެއްނޫން..!!
ައަބާން
15 January 2020
ލޯގޯ ހުށަހަޅަނީ ކޮންތަނަކައްތަ؟
އިގޫ
12 January 2020
މި ސަރުކާރަކީ ސެލްފީ އާއި ފޮޓޯ، ސްޓިކާރ އަދި ލޯގޯ ގެ ސަރުކާރެއް.
ޑޖދހ
12 January 2020
ހިތަ ދޫ ގައި އުޅޭ ޖާ ދުﷲ ވަރަށް މޮޅުވާނެ. ސާކް ސަމިޓަށްވެސް ވަރަށް ސަޅި އާޓްވޯކް ހަ ދައި ދިން.
ސައިލައި
11 January 2020
ސަޅި. ހޮސްޕިޓަލް ހުޅުވަން އުޅުނީ މިދިޔަ އަހަރު..ލޯގޯ ކުރެހުން މިއަހަރު
ކައްކާ
10 January 2020
ކުޅަނދުރު ހަތައެއް ލޯގޯއަށް ޖަހަންވީ. އެވެސް ހަމަ ސީދާ އަސްލު އެއްޗެއް. އެވަރު އެއްޗެއް ހުރެގެންނޫނީ ތިތަނުން ރަނގަޅު ހިދުމަތެއް ނުލިބޭނެ.
ނުފުއްދޭވައުދުނުވުން މާ ރަނގަޅު
10 January 2020
ރައީސުލްޖުްމހޫރިއްޔާ އިބްރާހީ މުޙައްދު ޞާލިޙް ރައީސްގެ ކެމްޕޭން ދަތުރުފުޅުގައި ތިލަދުންމަތީ ދިއްދޫއަށް ވަޑައިގެން ރައްޔިތުންނާ ބައްދަލް ކުރައްވާ ވިދާޅުވީ ދިއްދޫގައި ޓާސަރީ ހޮސްޕިޓަލެއް އެމަނިކުފާނުގެ ވެރިކަމުގައި އަޅުއްވާނެ ވާހަކަ އެވެ އެކަމަކު އެވެރިކަމުގައި ޓާސަރީ ހޮސްޕިޓަލް އަޅަން ރަށްތަށް އިއުލާނު ކުރިއިރު ދިއްދޫގެ ނަމެއް ނެތެވެ މިހާރު މެންބަރުވެސް ކިޔަނީ އާހޮސްޕިޓަލް އެވެ އާ ހޮސްޕިޓަލް ކޮންހޮސްޕިޓަލެއްބާ؟ވައުދުވީ ވީޑިއޯ އެބަ އޮތޭވެ.މިހިރީ
ކިމޯނޯ
10 January 2020
ހިތަދޫ ރީޖަނަލް ހޮސްޕިޓަލް ރައީސުލްޖުމްހޫރިއްޔާ ވަނީ އުވާލައްވާފަ 2019 ގަ. އުވާލާފަވާ ތަނަކުން އިއުލާނެއް ނުކުރެވޭނެ. ނޫސްވެރިން ސުވާލުކުރައްވާ.
ބަޖެޓު ކޮމެޓީ
10 January 2020
ލޯގޯ އެއް ހަދަން ދޭނެ ފައިސާ އެއް މި އަހަރު ބަޖެޓު ގައި ހިމަނާފައި ނުވޭ
ސިޔާމް
10 January 2020
އައްޑޫ އަކީ ވަރަށް މޮޅު ޑިޒައިނަރުން ތިބޭ ތަނެއްކަމަށް ދައްކައިގެން އުޅޭ ތަނެއް. އިގިދާނެތާ ހުރިވަރެއް.