ގާނޫނީ ފަންނުގެ ގާނޫނުގެ ބައެއް މާއްދާތަކަށް އިސްލާހު ގެންނަން ޚިޔާލު ހޯދަނީ

ބާ ކައުންސިލްގެ އެގްޒެކެޓިވް ކޮމެޓީގެ ބައެއް މެމްބަރުން: ގާނޫނީ ފަންނުގެ ގާނޫނަށް އިސްލާހުތަކެއް ގެންނަން ޚިޔާލު ހުށަހަޅަން ވަނީ ހުޅުވާލާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

12 ޖެނުއަރީ 2020 - 15:22

3 comments

ގާނޫނީ ފަންނުގެ ގާނޫނުގެ ބައެއް މާއްދާތައް ހުރިިގޮތުން ބައެއް ދަތިތައް ކުރިމަތިވެދާނެތީ އެ މާއްދާތަކަށް އިސްލާހު ގެނައުމަށް ޚިޔާލަށް ހުޅުވާލައިފި އެވެ.

ގާނޫނީ ފަންނުގެ ގާނޫނުގެ ދަށުން އުފައްދާފައިވާ ބާ ކައުންސިލުން މިދިޔަ ހަފުތާގައި ކުރި އިއުލާނެއްގައި ބުނީ ގާނޫނީ ފަންނުގެ ގާނޫނުގެ ބައެއް މާއްދާތައް ތަންފީޒުކޮށްފި ނަމަ، ދައުލަތުގެ ބައެއް މުއައްސަސާތަކުން ދޭ ޚިދުމަތްތަކަށާއި އެ ޚިދުމަތަށް އެދޭ ފަރާތްތަކަށް ތަފާތު ދަތިތައް ކުރިމަތިވެދާނެ ކަމުގެ ޝަކުވާ އެ ކައުންސިލަށް ލިބެމުން އަންނަ ކަމަށެވެ. އަދި އެ މާއްދާތައް ތަންފީޒު ކުރުމުގައި ހުރި ދަތިތައް ދެނެގަނެ، އެ މާއްދާތަކަށް ގެންނަންޖެހޭ އިސްލާހުތައް އަވަހަށް ގެންނަން ނިންމާފައިވާ ކަމަށް އެ އިއުލާނުގައިވެ އެވެ.

އެހެންވެ، ގާނޫނީ ފަންނުގެ ގާނޫނުގެ އެއްވެސް މާއްދާއަކާ ގުޅޭގޮތުން ޚިޔާލެއް އޮތް ނަމަ، އީމެއިލް މެދުވެރިކޮށް ޚިޔާލު ހުށަހެޅުމުގެ ފުރުސަތު މިމަހުގެ 22 ވަނަ ދުވަހުގެ ނިޔަލަށް އެ ފުރުސަތު އޮންނާނެ ކަމަށް ވެސް އެ އިއުލާނުގައިވެ އެވެ.

ގާނޫނީ ފަންނުގެ ގާނޫނުގެ ދަށުން އުފެދުނު ބާ ކައުންސިލަކީ ވަކީލުން ރެގިއުލޭޓް ކުރުމާއި ގާނޫނީ ފަންނު ކުރިއެރުވުމަށް މަސައްކަތްކުރާ ކައުންސިލެވެ. ވަކީލުންގެ މެދުގައި ބާއްވާ އިންތިޚާބަކުން ހޮވާ އެ ކައުންސިލްގައި ބަންޑާރަ ނައިބު ވެސް އިންނަވަ އެވެ.

ވަކީލުން ބާ ކައުންސިލް

3 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖުލާ

12 January 2020

ވަރަށް ބޮޑަށް އަމިއްލަ އެދުމަށް އުޅޭ ކައުންސިލެއް ކަމަށް ފާހަގަކުރެވޭ. ގާނޫނޫ އޮތީ ކައުންސިލްގައި ތިބި ބޮޑެތި ލޯ ފާމުތަްއް ހިންގާ ަ ފަރާތްތަކަށް ފައިދާވާނޭހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިދުހާމު

12 January 2020

ހަދާނެ ގޮތެއް ހަދާބަލަ. ކޮންމެހެން މީހުންގެ ހިޔާލެއް ހޯދާނެ ކަމެއް ނެތް. މާމޮޅު ބަޔަކަށް ވެގެންނު ހުރިހާ ކަމެއް އާ ގޮތްގޮތަށް ހެދޭތޯ ތި އުޅެނީ. ކަމެއް ނުކުރެވުނު ދޯ ވަރަށް އަޑުއަރުވަ އަރުވާފަ ބާ ކައުންސިލަކަށްވެސް.