13 ޖެނުއަރީ 2020 - 05:59
1 comments
މިދިޔަ އަހަރު އަޅުވަން ނިންމާފައި ފަހުން މި އަހަރަށް ފަސްކުރި އަލީ ސީީޒަންގެ ފެމިލީ ޑްރާމާ "އަނދިރިކަން" އަންނަ މާޗް މަހުގެ 4 ގައި ސިނަމާ އަށް ގެންނަން ނިންމައިފި އެވެ.
ފިލްމު ރިލީޒްކުރާ އާ ތާރީހު އިއުލާންކުރި އިރު، އަހުމަދު ޒަރީރުގެ ސްކްރީންޕްލޭއަކަށް ސީޒަން ބަތަލުގެ ރޯލް ކުޅެ، ޑައިރެކްޓް ވެސް ކޮށްފައިވާ ފިލްމުގެ މަސައްކަތްތައް އޮތީ ނިންމާލައިފަ އެވެ.
ސީޒަންގެ ފިލްމު ކުންފުނި އެސް ޕްރޮޑަކްޝަނާއި ކެމެރާމަން އަދި މޯލްޑިވްސް ފިލްމު އެސޯސިއޭޝަން (އެމްއެފްއޭ) ގެ ޗެއާޕަސަން އަބްދުﷲ ޝިވާޒް (މާސްކޭ) ގެ މާސްކޭ ސްޓޫޑިއޯ ގުޅިގެން ގެނެސްދޭ "އަނދިރިކަން" ގެ ބަތަލާއިންނަކީ ޝީލާ ނަޖީބާއި އައިމިނަތު ރިޝްފާ އެވެ.
ބޮޑުބައި މ. މަޑުއްވަރީގައި ޝޫޓްކޮށްފައިވާ މި ފިލްމުގެ އިތުރު ކާސްޓުންގެ ތެރޭގައި ޒީނަތު އައްބާސް، މުހައްމަދު ރަޝީދު (ދަރާ)، މަރިޔަމް ޝަކީލާ އަދި އަހުމަދު ސައީދު ހިމެނެ އެވެ.
"އަނދިރިކަން" އަޅުވާ ތާރީހު އިއުލާންކުރި އިރު، ސީޒަން މިހާރު އަންނަނީ މި އަހަރު ރޯދައިގެ ފަހުން ގެނެސްދޭން "ލޯބިވެވިއްޖެ" ކިޔާ ފިލްމެއްގެ މަސައްކަތް ވެސް ކުރަމުންނެވެ. މިދިޔަ ހަފުތާގައި ގދ. ތިނަދޫގައި ޝޫޓިންގެ ފަންސާސް ޕަސަންޓް ނިންމައިލި އެ ފިލްމަކީ ވެސް ސީޒަން ޑައިރެކްޓްކޮށް، މުހިއްމު ރޯލެއް ކުޅޭ ފިލްމެކެވެ.
އޭގެ ކާސްޓުންގެ ތެރޭގައި މަރިޔަމް އައްޒަ، އަހުމަދު އީސަ (އާނަންދު)، އިރުފާނާ އިބްރާހީމް، އަލީ އާޒިމް (ދޮންއައްޔަ)، ނިޝާ އަދި އަލީ ޝަމީލް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުޅަގު މޫސުން
13 January 2020
މިދިޔަ އަހަރު ގެނެސްދޭނަމޭ ބުނެ ޓިކެޓް ވިއްކާ ފަހަުން ފިލްމުގެ ފައިލެއްގެ މައްސަލަޖެހި އެފައިލް "އެމެރިކާގެ ނާސާއަށް ފޮނުވާ" ފަހުން ސްޓްރީމް ސައިޓަކަށް ރިލީސްކުރުމުން މިހާރު ތި ރިލީސްކުރަން އުޅޭ ފިލްމުގެ ޓިކެޓް ނަގަން މިހުރީ ޖެހިލުންވެފަ އަނެއްކާވެސް ފައިލަކަށް މައްސަލަ ޖެހިދާނެތީ.