19 ޖެނުއަރީ 2020 - 12:07
4 comments
ސްރީ ލަންކާގައި މިހާރު ޝޫޓްކުރަމުން އަންނަ ފިލްމު "ކަޅަކި" ގެ ހުރިހާ މަންޒަރުތަކެއް ވެސް ނަގާނީ އެ ގައުމުގައި ކަމަށް ފިލްމުގެ ޕްރޮޑިއުސަރު ނިއުމާ މުހައްމަދު ބުނެފި އެވެ.
ނިއުމާ އާއި އޭނާގެ ދަރިފުޅުގެ ނަމުގައި ހަދާފައިވާ ކުންފުނި ނިއުޒޯ ފިލްމްސް އިން ހަދާ މި ފިލްމަކީ ޔޫސުފް ޝަފީއު (ޔޫއްޕެ) ލިޔެ، ޑައިރެކްޓްކުރާ ފިލްމެކެވެ.
ލަންކާގައި މިހާރު މަންޒަރުތައް ނަގަމުން އަންނަ ފިލްމުގެ ކާސްޓުންގެ ތެރޭގައި ހިމެނެނީ އަލީ ސީޒަނާއި އައިމިނަތު ރިޝްފާ އާއި މުހައްމަދު މަނިކްގެ އިތުރުން އާ ބަތަލާއިންތަކެކެވެ.
މިދިޔަ ހޯމަ ދުވަހު ޝޫޓިން އަށް ލަންކާ އަށް ގޮސް މިހާރު ވަރަށް ބާރަށް ޝޫޓިން ކުރިއަށްދާ އިރު، ނިއުމާ ބުނީ ޝޫޓިން އެއްކޮށް ނިންމައިލަން ނަގާނީ 20 ދުވަސް ކަމަށެވެ. މިހާތަނަށް އެތައް ފިލްމެއް ކެމެރާކޮށްފައިވާ ދަބަ ކެމެރާކުރާ "ކަޅަކި" އަކީ ހަމައެކަނި ތީމް ލަވައެއް ހިމެނޭ ފިލްމެކެވެ.
ނިއުމާ ބުނީ ފިލްމު އަޅުވާނެ ތާރީހެއް އަދި ނުނިންމާ ކަމަށާއި ޝޫޓިން ނިންމާލައި އެނބުރި މާލެ އައިސް ތާރީހަކާ ދޭތެރޭ ގޮތެއް ނިންމާނެ ކަމަށެވެ.
"ކަޅަކި" އަކީ ނިއުޒޯ ފިލްމްސް އިން މިދިޔަ އަހަރު ގެނެސްދިން ނިއުމާ އެކްޓިން އަށް އަލްވަދާއުކީ ފިލްމު "ނިވައިރޯޅީ" އަށް ފަހު، އެ ތައްގަނޑުގައި ގެނެސްދޭނެ ދެވަނަ ފިލްމެވެ.
"ކަޅަކި" ގެ އިތުރުން ވެސް އެހެން ފިލްމެއް ނިއުޒޯ އިން އިއުލާންކޮށްފައިވެ އެވެ. އެއީ ރަވީ ފާރޫގް ޑައިރެކްޓްކުރާ "ގޯނާ" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަށިބޯން
19 January 2020
ނިއުމާގެ ވަދާޢީ ފިލްމު ބަލައިފިން. ނިއުމާގެ ވަދާޢީ އެހެން ކަންތަކެއްވެސް ބާއްވައިފި. ދެ މިޔޯ؟
ޑިރެކްޓް
19 January 2020
"ޕްރޮޑިއުސަރު" އޭ ލިޔެފަ އެއޮތީ. ކުރިން އެކްޓަރެއް.
ވެރިޔާގެ ނައިބް
19 January 2020
މި ނިއުމާ މީ ފިލްމީ އިންޑަސްޓްރީގަ އެންމެ ކަންތައް ފަލަ މީހާ!! މީނަ ނޫން މީހަކު މަޝްހޫރުވެއްޖެޔާ އެދެން ނިމުނީ..... މި ފިލްމް ގަނޑަކަށް ހެވެއް ނޭދެވޭ އެހެންވެ. ސޮރީ
ބަށިބޯން
19 January 2020
ވަލީދާމެންނަށް ރަނގަޅު އެއްގޮތެއްވެސް ނޯންނާނެ.