އެމްޓީސީސީން ބޭއްވި ނޫސްވެރިންގެ ބައްދަލުވުމެއްގައި އެކުންފުނީގެ އިސްވެރިން-- ފޮޓޯ: މިހާރު
04 ފެބުރުއަރީ 2020 - 13:03
28 comments
މިދިޔަ އަހަރު އެމްޓީސީސީއަށް 33 މިލިއަން ރުފިޔާގެ ބޮޑު ގެއްލުމެއް ލިބިއްޖެ އެވެ.
އެމްޓީސީސީން އާންމުކުރި ކުންފުނީގެ މާލީ ރިޕޯޓުގައިވާ ގޮތުން މިދިޔަ އަހަރު ނިމުނު އިރު އާމްދަނީ 1.1 ބިލިއަނަށް އެރި ނަމަވެސް ކުންފުންޏަށް ކުރިމަތިވީ ގެއްލުމެވެ.
އެމްޓީސީސީއަށް 2018 ގައި 43 މިލިއަން ރުފިޔާގެ ފައިދާއެއް ވި އެވެ. އެކަމަކު އެއީ 2017 ގައި ލިބުނު 145 މިލިއަން ރުފިޔާގެ ފައިދާއަށް ބަލާއިރު ވަރަށް ކުޑަ އަދަދެކެވެ.
މިދިޔަ ދެ އަހަރު މާލީ ބޮޑު އަނދަވަޅެއްގައި އޮތުމުން އެމްޓީސީސީގެ އާންމު ހިއްސާދާރުންނަށް މިދިޔަ އަހަރު ހިއްސާގެ ފައިދާ ބަހާފައެއް ވެސް ނުވެ އެވެ.
އެމްޓީސީގެ އެމްޑީގެ މަގާމުގައި ހުންނެވި ހަސަން ޝާހު ދާދި ފަހުން ވަނީ އެމްޑަބްލިއުއެސްސީގެ އެމްޑީގެ މަގާމަށް ބަދަލުކޮށްފަ އެވެ. އެމްޓީސީސީ ހަވާލުކުރީ އޭރު އެމްޑަބްލިއުއެސްސީގެ އެމްޑީގެ މަގާމުގައި ހުންނެވި އާދަމް އާޒިމްއާ އެވެ.
މުޅި އަހަރަށް ބަލާއިރު ބޮޑު ގެއްލުމެއް ލިބުނަސް، މިދިޔަ އަހަރުގެ ފަހު ދެ ކުއާޓަރުގައި އެމްޓީސީސީއަށް ފައިދާވި އެވެ. އެގޮތުން މިދިޔަ އަހަރުގެ ފަހު ކުއާޓަރުގެ ފައިދާ އުޅުނީ 10 މިލިއަން ރުފިޔާގަ އެވެ.
ބިން ހިއްކުމާއި ބަނދަރު ހެދުމާއި ވިޔަފާރީގެ އިތުރުން ދަތުރުފަތުރުގެ ދާއިރާގެ މަސައްކަތްތައް އެމްޓީސީސީން ކުރަމުން އަންނަ އިރު ދަތުރުފަތުރުގެ ދާއިރާއިން ބޮޑު ގެއްލުމަކާ އަބަދުވެސް ކުރިމަތިވެ އެވެ. މިދިޔަ އަހަރުގެ ބޭއްވި އަހަރީ އާންމު ޖަލްސާގައި ކުންފުނިން ބުނީ ދަތުރުފަތުރުގެ ދާއިރާއިން ލިބޭ ގެއްލުމުގެ ސަބަބުން މުޅި ކުންފުނީގެ ހިންގުމަށް ނޭދެވޭ އަސަރު ކުރަމުންދާ ކަމަށެވެ.
މިދިޔަ އަހަރު ފަހުކޮޅު ސަރުކާރުން ވަނީ ދަތުރުފަތުރަށް ހާއްސަ ކުންފުންޏެއް ހަދާނެ ކަން އިއުލާނުކޮށްފަ އެވެ. އެކަމަށް ހާއްސަކޮށް ބަޖެޓުގައި 150 މިލިއަން ރުފިޔާ ކަނޑައަޅާފައިވެ އެވެ. ނަމަވެސް އަދި މިހާތަނަށް އެ ކުންފުނި ވުޖޫދަކަށް ނާދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަތުބަތާނަ
05 February 2020
ރަނަގަޅު މެނޭޖަރުން ނެތް ސަރުކާރެއްގައި ރަނގަޅު މެނޭޖަރުން ލައިގެން ކުންފުނި ހިންގާނި ކިހިނެއް؟
ދޮންސަންޕަ
04 February 2020
އެކްޓިވިސްޓުންލައިގެން ގައުމު ނުހިންގޭނެ...
ދޮންމަނިކެ
04 February 2020
ބޮޑުތަނުން ފައިދާވަމުން ދިޔަ ކުންފުންޏެއް... މުޅިގައުމު މިއޮތީ ތިޔަފަދަ ހާލަތެއްގައި.. އިސްތިއުފާ
ސޮރީ
04 February 2020
މިހާތަނަށް މިސަރުކާރުން އެއްވެސް ހިންގުންތެރިއެއް ތާކަށް ނުލާ. ހިންގުންތެރި މުވައްސަސާއެއް ނެތް
އަކު
04 February 2020
އަހަރެމެންގެ ހިއްސާތައް ބައްކޮށްގެން އެއްވެސް ފައިދާއެެއް ނުވާކަމަށް ހަދާތާ ކިތައް އަހަރު. ހިއްސާތައް ގަތް އަގުގަ ނަމަވެސް އަނބުރާ ދިނުމަށް ހޮވާލަން
ސެފް
04 February 2020
ނިކަން ކުންފުނީގެ ޕްރޮކިއުމެންޓް އަދި އެހެން ޑިޕާޓްމެންޓްތަކުގެ މަތީ ފަޑީގައި ތިބި މެނޭޖަރުންނާއި ވެރިން ބަދަލުކޮށްލަބަލަ. ހަމަ އެކަނި އެމްޑީ ބަަދަލުކުރިއަސް މާބޮޑު ބަދަލެއް ނާންނާނެ. އެތައް ފަހަރަކު ކުންފުނި ފެއިލްކޮށްލައި ނޮޅައި ކަމުންދާ ބައެއް ތިތާ ބައެއް ވެރިން ތީ. އެއްޗެހި ގަންނަނީ 100 ގުނަ އަގުބޮޑުކޮށް އަޑުވެސް ނާހާ ކުންފުނިތަކުން.
ކޯލިޝަންސް
04 February 2020
މިހާރު މިފެންނަނީ ފަހުޒަމާނުގެ އަލާމަތް. އެއްކުންފުނިން ބޭރުކުރީމާ އަނެއްކުންފުންޏަށް އިތުރު އޮޕަރޗުނިޓީ އާއި އެކު ވައްކަމުގެ އާމަރުހަލާއަކަށް. ކުރިން ކުރިކަންތައްތަކުރާރު ކުރަން ފުރުސަތުނުދޭށޭ. ޒީރޯ ޓޮލަރަންސް.
ދަރާ ކުންފުނި
04 February 2020
ތިޔަކުންފުނި ހުއްޓާލަންވެއްޖެނުން ރާއްޖޭގައި ތިމަސައަކަތް އަމިއްލަ ގޮތުން ކުރާ ގިނަ ކުންފުނިތަކެއް އެބަހުރި މިސަރުކާރުން ކީކުރައްވަންތޯ ތިއުޅުއްވަނީ ރައްޔިތުންނާއި ގައުމުދަނީ ދުވަހެއް ދުވަހަކަށް ވުރެ ފަހަތަށޭ
އަހްމަދު
04 February 2020
ކުންފުނި ހުއްޓާލަންވީކީ ނޫން. ތަންދޮރު ނުދަންނަ ބަޔަކު އެކަންކަމާ ހަވާލުވީމާ ވާގޮތް. އެމްޑީޕީ ވެރިކަމުގައި ކޮންމެ ފަހަރަކުވެސް ވަނީ ގެއްލުން. މިދިޔަ ސަރުކާރުގައިވެސް ތިޔަކުންފުނިއޮތް ގެއްލުމެއްނުވޭ . ހިއްސާދާރުންނަށް ފައިދާވެސްވަނީ ބަހާފާ. މިސަރުކާރު އިސްތިއުފާދޭންވީ.
އައިޖޭ
04 February 2020
1.1 ބިލިއަން ގެ ވިޔަފާރި ކޮށްފި އެކަމު 33މިލިއަން ގެ ގެއްލުން ؟؟؟!!!!!
ޒީރޯ ޓޮލަރަންސް
04 February 2020
މިހާރު އެހުންނެވީ ވަރަށް ކުޅަދާނަ ބޭފުޅަކޯ،މިއަހަރު ފައިދާނެރޭނަމޯ،މިއަހަރު ނިމުނީމަ ބުނާނަމޯ މިއަހަރު ޔަގީނޭ ފައިދާވާނެޔޭ، މިހެންކިޔާލަކިޔާލަ.