ރާއްޖޭގެ ކޮންމެ 10 އަންހެނަކުން އެކަކު ވަނީ ހިތާނުކޮށްފައި: ސާވޭ

ކުޑަކުއްޖަކު ގޮވައިގެން އޭނާގެ މަންމަ ސްކޫލަށް ދަނީ-- ފޮޓޯ: ނިޝާން އަލީ/މިހާރު

އާމިނަތު ޝިފްލީން، މިހާރު

10 ފެބުރުއަރީ 2020 - 19:58

ރާއްޖޭގެ ކޮންމެ 10 އަންހެނަކުން އެކަކު ހިތާނުކޮށްފައިވާ ކަމަށް، ސަރުކާރުން ހަދާފައިވާ ޑިމޮގްރަފިކް އެންޑް ހެލްތު ސާވޭއާ ހަވާލާދީ ޔުނިސެފުން ބުނެފި އެވެ.

އެ ޖަމިއްޔާ އިން މިއަދު އާއްމުކުރި ދިރާސާ ރިޕޯޓުގައި ބުނެފައިވާ ގޮތުގައި އުމުރުން 15-49 އަހަރާ ދެމެދުގެ އަންހެނުންގެ ތެރެއިން 13 ޕަސެންޓް މީހުން ވަނީ ހިތާނުކޮށްފަ އެވެ. އުމުރުން ދޮށީ މީހުންގެ ތެރޭގައި އެ ނިސްބަތް ގިނަ އެވެ.

އެގޮތުން އުމުރުން 45-49 އަހަރާ ދެމެދުގެ 38 ޕަސެންޓް އަންހެނުން ހިތާނުކޮށްފައިވާއިރު، އުމުރުން ހަގުވާ ވަރަކަށް އެ ނިސްބަތް ވަނީ ދަށްވެފަ އެވެ. ރިޕޯޓުގައިވާ ގޮތުން، 15-19 އަހަރާ ދެމެދުގެ އަންހެން ކުދިން ހިތާނުކޮށްފައިވަނީ އެންމެ ޕަސެންޓެކެވެ.

އެހެންވެ، މިއީ ކުރިން ރާއްޖޭގައި އާއްމު އަދި މިހާރު މަދުވެފައިވާ ސަގާފަތެއްކަން އެނގެ އެވެ.

އާބާދީ އާއި ސިއްހަތާ ގުޅޭގޮތުން މީގެ ކުރިން ރާއްޖޭގައި ހަދާފައިވާ ގިނަ ދިރާސާތަކުން ހޯދާފައިވާ މައުލޫމާތުތަަކަށް ބަލައި ޔުނިސެފުން ތައްޔާރުކުރި ރިޕޯޓުގައި ބުނާގޮތުން ހިތާނުކުރި ގިނަ މީހުން އެކަންކޮށްފައިވަނީ އެ މީހުންގެ އުމުރުން ފަސް އަހަރު ނުފުރެނީހެވެ. އެކަމަކު ބައެއް މީހުން، އުމުރުން 5-9 އަހަރާ ދެމެދު ހިތާނުކޮށްފައިވާކަމަށް އެ ދިރާސާ އިން ދައްކަ އެވެ.

ހިތާނުކޮށްފައިވާ، އުމުރުން 15-24 އަހަރާ ދެމެދުގެ ޒުވާނުންގެ އުމުރުފުރާއަށް ބަލާއިރު، ދެބައިކުޅަ އެއްބަޔަށް ވުރެ ގިނަ މީހުން ހިތާނުކޮށްފައިވަނީ ޑޮކްޓަރެއް ނުވަތަ ނަރުހެއް ލައްވަ އެވެ. އެކަމަކު ދިވެހި ބޭސްވެރިން ލައްވައި ވެސް އެކަން ކުރި މީހުން ގިނަ އެވެ.

There is evidence of dramatic generational change in the prevalence of Female Genital Mutilation in the Maldives.

Women and girls who have undergone #FGM:
Ages 15 to 19 = 1 per cent
Ages 45 to 49 = 38 per cent

Read the new country profile data ➡️ https://t.co/5aZeVAtpgp pic.twitter.com/LSisGHYUC5
— UNICEF Protects (@unicefprotects) February 9, 2020

އަންހެން ކުދިން ހިތާނުކުރުމުގެ ސަގާފަތާ ގުޅޭގޮތުން އަންހެނުންނާއި ޒުވާން ކުދިން ދެކޭ ގޮތާ މެދު އެ ދިރާސާގައި ބަލާފައި ވެ އެވެ.

އެގޮތުން އުމުރުން 15-49 އަހަރާ ދެމެދުގެ އަންހެނުންގެ ތެރެއިން 66 ޕަސެންޓް ގަބޫލު ކުރަނީ އެއީ ހުއްޓުވަން ޖެހޭ ކަމެއްގެ ގޮތުގަ އެވެ. އަދި އަށް ޕަސެންޓް މީހުން، އެއީ ކުރަން ޖެހޭ ކަމެއްގެ ގޮތުގައި ދެކޭއިރު އެއީ ދީނީ ގޮތުން ކުރަން ޖެހޭނެ ކަމެއްގެ ގޮތުގައި 10 ޕަސެންޓް މީހުން ގަބޫލު ކުރާ ކަމަށް ދިރާސާގައި ބުނެފައިވެ އެވެ.

އަންހެން ކުދިން ހިތާނުކުރަން ޖެހޭނެ ކަމަށް ގަބޫލުކުރާ މީހުންގެ ތެރެއިން މި އުމުރުފުރާގެ އެންމެ ދޮށީ މީހުންނެވެ. އަދި އޭގެ ތެރެއިން ގިނަ މީހުންނަކީ ތައުލީމީ ފެންވަރު ދަށް މީހުން ކަމަށް ދިރާސާގައި ބުނެފައި ވެ އެވެ.

އަންހެނުން ހިތާނު ކުރުމަކީ ސަރުކާރުގެ ސިޔާސަތެއް ނޫން ކަމަށާއި އެކަމަށް ހިތްވަރު ނުދޭ ކަމަށް ސަރުކާރުން ވަނީ ދާދި ފަހުން ބުނެފަ އެވެ. އަދި އަންހެން ކުދިން ހިތާނު ކުރަން ޖެހޭ އެއްވެސް އަސާސެއް އިސްލާމީ ޝަރީއަތުގައި ނެތް ކަމަށް ކުރީގެ ރައީސް މައުމޫން އަބްދުލްގައްޔޫމް ވެސް ވަނީ ވިދާޅުވެފަ އެވެ.

ކުޑަކުދިން ޔުނިސެފް އަންހެން ކުދިން ޚިތާނުކުރުން

91 ކޮމެންޓް, 187 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުޅާއާދަނު

12 February 2020

ހުސްދޮގޭ ނުކިޔާ ގަބޫލުނުކުރެވޭ ބަޔަކު އިލްމީ ދިރާސާއެއް ކޮށްލުން ރަނގަޅު. އުމުރުން 5 އަހަރުގައި ވާކަމެއް ހަނދާން ނުހުރެދާނެ. އަދި އިހުތިފާލު ނުކުރާކަމެއް ގިނަބަޔަކަށް ނޭނގިދާނެ. ހުރެހުރެފައެއް ނޫން ޖަޖްކުރަންވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަޒީރާ ކަލޯ

12 February 2020

މޭޒު ދޮށުގަ ތިބެ ހަދާ ދިރާސާ ރޯބުހުތާން!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންބޭ

11 February 2020

ހުސްދޮގު. ތިޔައީ ފަރަންޖީން ކުޅޭކުޅިވަރު. އާކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރިހިންބެއްޔާ

11 February 2020

އަންހެންކުއްޖަކު ޚިތާނުކޮއްގެން ކިޔާ މައުލޫދަކާ ދުވަހަކުވެސް ދިމާނުވޭ. ދެން ކިހިނެއްކުރާ ކަމެއްބާ މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަސަސަ

11 February 2020

"ހިތާނުކޮށްފައިވާ، އުމުރުން 15-24 އަހަރާ ދެމެދުގެ ޒުވާނުންގެ އުމުރުފުރާއަށް ބަލާއިރު، ދެބައިކުޅަ އެއްބަޔަށް ވުރެ ގިނަ މީހުން ހިތާނުކޮށްފައިވަނީ ޑޮކްޓަރެއް ނުވަތަ ނަރުހެއް ލައްވަ އެވެ. އެކަމަކު ދިވެހި ބޭސްވެރިން ލައްވައި ވެސް އެކަން ކުރި މީހުން ގިނަ އެވެ". ހަމަ ޔަގީނުންވެސް މިއީ ދޮގެއް! ޑޮކްޓަރުންނާއި ނަރުހުން މިއީ ކުރާކަމެއްވެސް ނޫން. އަދި ކުރަން ގަބޫލުކަމެއްވެސް ނޫން. އެހެންވީ އިރު މިއަދަދު އަންނާނެ އެއްވެސް ގޮތެއް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ުހހހހގ

12 February 2020

ތިޔަ ލޮޖިކް ކަމަކުނުދޭ... އެ އުމުރުގައި ޚިތާނުކުރީ އެންމެ ޕަސެންޓެއް ދެން އެއިން ގިނަކުދިން ޚިތާނުކުރީ ފޫޅުމައިންނެއް ނޫނޭ އެބުނަނީ. އެއީ ވެދާނެކަމެއް. ދީނީ ކަމަކަށް ގަބޫލުކުރާ މީހުން ކޮށްދީފާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިވައި

11 February 2020

މީ ކޮން ޒަމާނެއް ގެ ދިރާސާ އެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޫލޫ

11 February 2020

އަހަރެން ވެސް ހުރީ ހިތާނުކޮށްފަ. އަދިވެސް ހަދާން ހުރޭ ހިތާނުކުރި ދުވަސް މަތިން. އެއީ ހަމަ ތެދު ވާހަކަތަކެއް.ރާއްޖެގެ ބައެއް ރަށްރަށުގަ އަންހެނުން ހިތާނުކޮށް އުޅުނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުމާ ނުވަވަނަ

11 February 2020

ރާއްޖޭގައި ކައިވެންޏާއި ވަރި ގިނަވަނީ ހަމަ މިސަބަބާހުރެ. އިންނަނީ ލޯބިން އެކަމަކު ދުވަސްކޮޅަކުން މިއެނގެނީ މިޔަކީ އަދި ފެން ހަރުނުލާ އޮޑިއެއްކަން. ދެން ފިރިމީހާގެ އުދާސްތަކަށް ހައްލެއް ހޯދުމުގެ ގޮތުން ވަރިކޮއްލާފަ އަނެއްކާވެސް ފެން ހަރުލާ އޮޑިއެއް ލިބޭތޯބަލަނީ. ހަގީގަތުގައި ކޮންވެ މީހަކުވެސް ބޭނުންވާނެދޯ ފެނަށް ގަދަ ހައިވަކަރު އޮޑިއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާވޭ

11 February 2020

ކޮންމެ 10 އަންހެނަކުން 9 އަންހެނަކު ހިތާނުކޮށްފައޭ ކީއްވެ ނުބުނީ. މިޔަށްވުރެ ގަބޫލު ކުރެވުނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޝާ އާޒިމާ

11 February 2020

މަށަކީ ހަވަދޫ މީހެއެއް..އަހަރުމެން ހިސާބު ތިކަންކުރި 1980 އަހަރު ތަކުގައިވެސް.. ފޫޅުމާދައިތަ ލައްވާ ކްލިޓުން އެތިކޮޅެއް ކަޑާލާ.. މިކަން ހުއްޓުނީ ފޫޅުމާ ކޯސްހަދައިގެން ފޮށި ހިފައިގެން ދިޔަ ހިސާބުން..