އައްޑޫ ސިޓީގެ މޫދުގައި ސޯލާ ޕީވީ ސިސްޓަމްތައް ބަހައްޓަން ނިންމާފައިވާ ގޮތުގެ ކުރެހުމެއް
01 މާޗް 2020 - 12:24
66 comments
މޫދުގައި ގާއިމްކުރާ ދުނިޔޭގެ އެންމެ ބޮޑު ފްލޯޓިން ސޯލާ ޕީވީ ސިސްޓަމް، އައްޑޫ ސިޓީގައި ބަހައްޓަން ނިންމައި އެކަން ބީލަމަށް ލައިފި އެވެ.
ވޯލްޑް ބޭންކާއި އެންވަޔަރަންމަންޓް މިނިސްޓްރީ ގުޅިގެން ކުރިއަށް ގެންދާ އެރައިސް ޕްރޮޖެކްޓްގެ ދަށުން ހަ ރަށެއްގައި ސޯލާ ޕީވީ ސިސްޓަމް ބަހައްޓަ އެވެ. އޭގެ ތެރެއިން އައްޑޫގައި 10 މެގަވޮޓްގެ ކަރަންޓް އުފެއްދޭ ވަރުގެ ސޯލާ ޕެނެލް، މޫދުގައި ބަހައްޓަ އެވެ. މިއީ މިހާތަނަށް މޫދުގައި ބަހައްޓާ އެންމެ ބޮޑު ސޯލާ ޕީވީ ސިސްޓަމެވެ.
އޭގެ ތެރެއިން ނުވަ މެގަވޮޓް އުފެއްދޭ ސޯލާ ޕީވީ ސިސްޓަމް ބަހައްޓަނީ ހިތަދޫ ބަނދަރާއި އެ ރަށުގައި ހަދާފައިވާ ވިޔަފާރި ބަނދަރު ސަރަހައްދުގަ އެވެ. ހުޅުމީދޫ ފަޅުތެރޭގައި އެއް މެގަވޮޓްގެ ސޯލާ ޕީވީ ސިސްޓަމް ބަހައްޓަ އެވެ.
Avin karantu ufadhdhah gina mashroou thakeh
The most trusted news source in the Maldives
Mihaaru
އަވިން ހަކަތަ އުފައްދަން ގިނަ މަޝްރޫތަކެއް ހިންގަން ނިންމުން---
އައްޑޫގެ އިތުރުން މި މަޝްރޫގެ ދަށުން ފަސް ރަށެއްގެ އެއްގަމުގައި 11 މެގަ ވޮޓްގެ ސޯލާ ޕީވީ ސިސްޓަމް ގާއިމްކުރެ އެވެ.
މި މަޝްރޫއަށް ހިނގާނެ ހަރަދު އެނގޭނީ އޮގަސްޓްމަހު ކަމަށް، އެންވަޔަރަމަންޓް މިނިސްޓްރީން ބުނެ އެވެ.
އެއްގަމުގައިި ބަހައްޓާ ސޯލާ ޕީވީ ސިސްޓަމްތައް
- އައްޑޫ، ހިތަދޫގައި 1 މެގަ ވޯޓް
- އައްޑޫ، ފޭދޫގައި 1 މެގަ ވޯޓް
- އައްޑޫ، ހުޅުމީދޫގައި 1 މެގަ ވޯޓް
- މުވައްމުލަކުގައި 2 މެގަ ވޯޓް
- ގދ. ތިނަދޫގައި 2 މެގަ ވޯޓް
- ބ. އޭދަފުށީގައި 1 މެގަ ވޯޓް
- ޅ. ހިންނަވަރުގައި 1 މެގަ ވޯޓް
- ކުޅުދުއްފުށި ސިޓީގައި 2 މެގަ ވޯޓް
އެންވަޔަރަންމަންޓް މިނިސްޓްރީގެ ރިނިއުބަލް އެނާޖީ އެވެއާނެސް އޮފިސަރު، އިފާދު ވަހީދު ވިދާޅުވީ އެ ސޯލާ ނިޒާމުތަކުން އެ ރަށްރަށަށް ދުވާލު ބޭނުންވާ ހަކަތައިގެ 70 ޕަސެންޓް އަވިން އުފެއްދޭނެ ކަމަށެވެ. އަދި ދައުލަތުން ތެލަށް ކުރަން ޖެހޭ ހަރަދުން އަހަރެއްގެ މައްޗަށް 70 މިލިއަން ރުފިޔާ ސަލާމަތް ކުރެވޭނެ ކަމަށް ވެސް އޭނާ ވިދާޅުވި އެވެ.
އައްޑޫ ސިޓީގެ މޫދުގައި ސޯލާ ޕީވީ ސިސްޓަމް ބަހައްޓަން ނިންމާފައިވާ ގޮތުގެ ކުރެހުމެއް: މިއީ ދުނިޔޭގެ ވެސް މީގެ އެންމެ ބޮޑު ނިޒާމް -- ފޮޓޯ: އެންވަޔަރަންމަންޓް މިނިސްޓްރީ
އެރައިސް ޕްރޮޖެކްޓުން އަވިން ހަކަތަ އުފެއްދުމުގެ ދާއިރާއަށް އިންވެސްޓް ކުރާ އަމިއްލަ ފަރާތްތަކަށް މާލީ ރައްކާތެރިކަން ދިނުމަށް 36 މިލިއަން ޑޮލަރު ވަނީ ކަނޑައަޅައިފަ އެވެ. އެގޮތުން 36 މެގަވޮޓްގެ ސޯލާ ޕީވީ އިންވެސްޓްމަންޓްތައް ރާއްޖެ ގެންނަން ވަނީ ނިންމައިފަ އެވެ.
އަވިން ހަކަތަ އުފެއްދުމުގެ އެހެން މަޝްރޫއެއް، "އެސްޕަޔާ ޕްރޮޖެކްޓް"ގެ ނަމުގައި އެންވަޔަރަމަންޓް މިނިސްޓްރީން ކުރިއަށް ގެންދެ އެވެ. އެއީ ރާއްޖޭގެ ހަކަތައިގެ ދާއިރާއަށް އަމިއްލަ އިންވެސްޓްމަންޓް ގެނައުމުގެ ފެށުމެވެ. އެ ޕްރޮޖެކްޓްގެ ދަށުން ހުޅުމާލޭގެ 1000 ހައުސިން ޔުނިޓްގައި 1.5 މެގަވޮޓް ސޯލާ ޕީވީ ހަރުކުރި އެވެ. އަދި މި އަހަރުގެ ތެރޭގައި ސިނަމާލެ ބްރިޖާއި ހުޅުމާލެ ގުޅުވައިދޭ ލިންކް ރޯޑުގައި ފަސް މެގަވޮޓްގެ ސޯލާ ޕީވީ ނިޒާމެއް ވެސް އެ މަޝްރޫއުގެ ދަށުން ގާއިމްކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން
02 March 2020
ދުނިޔޭގެ އެންމެބޮޑު ސޯލާ މިފަދަ ނިޒާމް އައްޑޫގައި ގާއިމުކުރަންޖެހޭ އެއްވެސް ސަބަބެއް އެބައޮތްތޯ؟ ފީސިބަލްތޯ؟ ކޮބައިތޯ "މޫދުގައި ގާއިމްކުރާ ދުނިޔޭގެ އެންމެ ބޮޑު ފްލޯޓިން ސޯލާ ޕީވީ ސިސްޓަމް" އައްޑޫގައި ގާއިމުކުރަންޖެހޭ ސަބަބަކީ؟؟ މިހިސާބުން އެނގި ކަށަވަރުވަނީ މިކަމަކީ ބައިއަޅާގޮތައް ބަޔަކަށް ލާރިގަނޑެއްދީ ހިންގަންއުޅޭ ބޮޑުޖަރީމާއެއްކަން،
ހިންދު
03 March 2020
ހުސެން. ޚަބަރުގެ އެއްބައިތަ ކިޔަނީ. ދުނިޔޭގެ އެންމެ ބޮޑު "ފްލޯޓިންގ ސޯލާރ" ގެ ވާހަކަ އެ އޮތީ. ހަމަ ރީއްޗަށް ލިޔެފަ އޮންނަ އިރުވެސް ގަބޫލުކުރަން ބޭނުންވާ ގޮތަށް ތި ކިޔަނީ. ވިސްނުން އެބަޖެހޭ ތަހުޒީބުކުރަން.
ހަބޭސް2050
02 March 2020
މިފަދަ ގިނަ ބިޔަ ޕްރޮޖެކުޓްތަކުގެ ފޮޓޯ މިދުވަސްކޮޅު ފެންނާނެ ރައްޔަތުން ގުނބޯހައްދަން 2008ކުންފެށިގެން ހުރިހާ ސަރުކާރަކުންވެސް މިކަންކުރޭ ނަމަވެސް މިސަރުކާރުގެ ދުވެލި ފިނިހަކުދުވެލީގައި
ސޯލާ
02 March 2020
ހަމަ ހިނި އަންނަނީ، މިހާރުވެސް ދުނިޔޭގަ އެބަހުރި 40 މެގަވޮޓް އުފައްދާ ފޮލޯޓިން ސޯލާ ޕްލާންޓްތައް ފޮނިކެނޑިޔަސް ބޮޑުވަރު world's largest floating solar power plant. The facility is located in the city of Huainan, in China's eastern Anhui province. It has a capacity of 40 megawatts (MW),
ބައްދޫރު
02 March 2020
ބްރޯ. ތަންކޮޅެއް ހަމަޖެހޭ ވާހަކަދައްކަބަލަ. ޗައިނާގެ އެއީ ކޯރުގައި ގާއިމްކޮށްފައިވާ ސޯލަރ ނިޒާމެއް. މޫދާއި ކޯރަކީ ތަފާތު ދެތަން.
ލާމުއޮންލައިން ޑޮޓްކޮމް
02 March 2020
"ދައުލަތުން ތެލަށް ކުރަން ޖެހޭ ހަރަދުން އަހަރެއްގެ މައްޗަށް 70 މިލިއަން ރުފިޔާ ސަލާމަތް ކުރެވޭނެ ކަމަށް ވެސް އޭނާ ވިދާޅުވި އެވެ" މިއީ ރަނގަޅު ހިސާބެއްކަމަށް ނުބެލެވޭ، ސޯލާހަކަތަ ނިޒާމް ބެހެއްޓުމަށް ހަރަދުވާވަރެއް ހާމަ ނުކުރީ ކީއްވެބާ؟ ދުނިޔޭގެ އެއްނެބޮޑު މިފަދަ ނިޒާމް ކަމަށްބުނާއިރު މީގެ މެއިންޓަނެންސް ހަރަދުވެސް ބޮޑުވާނެކަމަށް ބެލެވޭ!ކިތަންމެ ތާކު ކިތަންމެ ސޯލާޕެނެލެއް އެޅިޔަސް ރައްޔިތުންގެ ބިލުކުޑައެއްނުވޭ، ފައިދާވަނީ ކޮންބަޔަކަށް ކަމެއްނޭންގެ
ހިންދު
03 March 2020
މައި ޑީއާރ. މިއީކީ ދިވެހި ސަރުކާރުން އެންމެ ލޯ ލާރިއެއްވެސް ހިނގާ ޕްރޮޖެކްޓެއް ނޫން. ސަރުކާރުން ދައްކަނީ ސޯލާރ ޖަހާނެ ތަނެއް. އިންވެސްޓަރު އޭނާގެ އަމިއްލަ ލާރީގައި މިތަނުގައި ސޯލާއިން ކަރަންޓް އުފައްދައިގެން ކުޑައަގުގައި ސަރުކާރަށް ކަރަންޓް ވިއްކަނީ. ވިއްކީމަ މިވާގޮތަކީ ސަރުކާރުން ތެލަށް ކުރާ ޚަރަދު ކުޑަވަނީ. ގެޓްތަ؟ ބިލް އެއޮތީ ސަބްސީޑީ ދީގެން ކުޑަކޮށްފަ. އެޔަށްވުރެ ކުޑަކުރާނެ މާލީ ޤާބިލުކަމެއް ސަރުކާރަކު ނެތް.
ހަސަނަނާ
02 March 2020
ތިގޮތައް ފްލޯޓިން ގޮލްފް ކޯސްއެއްވެސް އަންނި އެޅި
ރާގޮނޑި ފޯސް
02 March 2020
އަޅާފާނެތީ ދައުރު ހަމަނުވަނީސް ވައްޓާލީ.
ނަސީދު
02 March 2020
މިގެ ސޯލާޕެނަލް ތަކެއްހުރޭ މީގެ ފަސް އަހަރު ކުރިންވެސް ދަރަވަންދޫ އެރޕޯޓްގަ ހަރުކޮއަފައި މީކީމުޅިންއާޕޮޖެއްޓެއްނޫން އަބަދުވެސް ނަސީދު އުޅެނީ ރައްއިތުން ގުބޯހައްދާން
ކެމެލް
02 March 2020
މޫދުގައި ތަ؟ ނުވަތަ އެއްގަމުގައި ތަ؟
މަ މިއު މަ
02 March 2020
ހައިޑްރޯ އެނަރޖީ އިޒް މޯ ޕްރެކްޓިކަލް!!!!
ހައިޑްރޯ
02 March 2020
ކިހިނެއް؟ ކޯރުތަކާ ފަރުބަދަތަކާ ޑޭމް ކުރެވޭނެ ގޮތެއް ނެތް ރާއްޖެއަކު. ދެން ޓައިޑަލް އެއީ ތިމާވެއްޓަށް ވަރަށް ބޮޑަށް ގެއްލުންވާނެކަމެއް. އަދި ގިނަ ސަބަބުތަކާހުރެ އެހާ ބަޔަކު ކުރާ ކަމެއްވެސް ނޫން. ރާއްޖެއަށް އަދި ހަމަ އެއްމެ ފީޒިބަލް ރިނިއުއެބަލް އެނާޖީއަކީ ސޯލާ.
ޙުސާމް
02 March 2020
ތީ ބިލާހެއް. އަދި 10 އަހަރު ވިޔަސް އައްޑޫ އޮންނާނީ ތިހެން. އައްޑޫ މީހުން ބޭނުންކުރާނީ މުޒާހަރާ ކުރުވަން . މަގުމަތި ހަލަބޮލި ކުރުވަން ރަނގަޅުވާނެ އެމީހުން ލައްވާ
އަލީބަލީ
02 March 2020
މިއީ ރާއްޖެއަށް ވަރަށް މުހިއްމު ޕްރޮޖެކްޓެއް. ޝުކުރިއްޔާ ސަރުކާރު.
މަ މިއު މަ
02 March 2020
ކަމެއް ނުކުރެވޭނެ ތިމީހުން ޝުކުރު އަދާ ކުރާވަރުންވެސް.
ހަސަނުލްބުލްކިޔާ
02 March 2020
@ ވަސްކުއޭޒް . ފްލޯޓިން އެންޓަޓައިންމެންޓް ކްލަބް މޫދުގައި އަޅަންވީކީ ހަމައެކަނި ދިވެހިންނަށް އަމާޒުކޮށްގެނެއްނޫން. މާލޭގައި ހުޅަނގުގެ ދޮންމީހުންނާއި އޭޝިއާގެގައުމަތަކުގެ މީހުންނާއި މިއުޒިކަށްމަރުދޭ ބަންގާޅީންވެސް ވަރަށްގިނަ. ޢެމީހުންނަށްވެސް ޚާއްސަކޮށްގެން ފްލޯޓިންމިއުޒިކް ކްލަބް އަޅަންވީ. ޢެކަމަކު މިއީ ޚަވާރިޖުންނާއި ވައްހާބީން އަދި ތަކްފީރީން ވަރަށް މޭކަރާނެކަމެއް. މިހާރުވެސް މާލެ އާއި ހުޅުމާލޭގައި ޑީޖޭ 2 ކެފޭ ހުރޭ އެދެތަން ފުލްވެފަ އޮންނަނީ.