ލައިފްސަޕޯޓުން ހިންގާ ސަފާޔާ ފިހާރައިން އަންހެނުންގެ ދުވަހަށް ހާއްސަ ޕްރޮމޯޝަނެއް ފަށައިފި އެވެ.
މިއަދުން ފެށިގެން، އަންހެނުންގެ ދުވަސް ކަމަށްވާ މި މަހުގެ އަށްވަނަ ދުވަހުގެ ނިޔަލަށް ކުރިއަށް ގެންދާ މި ޕްރޮމޯޝަނުގައި ސަފާޔާއިން ކުރާ ކޮންމެ ވިޔަފާރިއަކުން 15 ޕަސެންޓާ ހަމައަށް ޑިސްކައުންޓް ލިބޭނެ އެވެ. އަދި ކުރާ ކޮންމެ ވިޔަފާރިއަކާއެކު ހަދިޔާއެއް ވެސް ލިބޭނެ އެވެ.
ސަފާޔާ ފިހާރައިގެ އިތުރުން ފޭސްބުކް ޕޭޖުގައި ވެސް މި ޕްރޮމޯޝަން ކުރިއަށްގެންދާނެ ކަމަށް އެ ފިހާރައިން ބުންޏެވެ. އެގޮތުން، ފޭސްބުކްގައި ކުރިއަށްދާ ޕްރޮމޯޝަންގައި ބައިވެރިވާ މީހުންގެ ތެރެއިން ކޮންމެ ދުވަހަކު ހޮވޭ ނަސީބުވެރިއަކަށް އިނާމެއް ލިބޭނެ އެވެ. އަދި ޕްރޮމޯޝަންގެ އެންމެ ފަހު ދުވަހު ބޮޑު އިނާމެއް ދިނުމަށް ނިންމައިފައިވާ ކަމަށް ވެސް ސަފާޔާއިން ބުންޏެވެ.
މި ޕްރޮމޯޝަންގައި ބައިވެރިވާ މީހުންނަށް ސަފާޔާއިން ހުށަހަޅާފައިވަނީ "ބެލާ ސެނިޓަރީ ނެޕްކިން" އާއި "އައިވީ ބެއާ ހެއާ ވިޓަމިން" އާއި "ޓްރެސްމޭ"، "ރިމެލް" އަދި "ވޫޝިން ލެބޮޓެކްގެ ބޮޑީވާމް" ޕެޗުތަކެވެ.
ސަފާޔާއިން ބުނީ އެ ފިހާރައިން ކުރިއަށްގެންދާ މި ޕްރޮމޯޝަނަށް ފަހު ވެސް އިތުރު ޕްރޮމޯޝަންތައް ކުރިއަށްގެންދަން ނިންމާފައިވާ ކަމަށެވެ.