ސްޓެލްކޯގެ ބޯޑު މެމްބަރުން އެސްއޯއީ ކޮމީޓީގައި: މުޣުނީ ވިދާޅުވަނީ ހަރަދު ކުޑަކުރެވެން ނެތް ކަމަށް. -- ފޮޓޯ: މިހާރު
04 މާޗް 2020 - 18:18
48 comments
ސްޓެލްކޯ އިން ހަރަދުތައް ކުރަމުން އަންނަނީ ދުރާލައި ރާވައިގެން ކަމަށް އެ ކުންފުނީގެ މެނޭޖިން ޑިރެކްޓަރު ހަސަން މުޣުނީ މިއަދު ވިދާޅުވެއްޖެ އެވެ.
ސްޓެލްކޯގެ ޚަރަދުތަކާ ގުޅޭ ގޮތުން ރައްޔިތުންގެ މަޖިލީހުގެ އެސްއޯއީ ކޮމިޓީގައި ތުލުސްދޫ ދާއިރާގެ އަމިއްލަ މެމްބަރު އިބްރާހިމް ނަސީމް ކުރެއްވި ސުވާލެއްގެ ޖަވާބުގައި މުޣުނީ ވިދާޅުވީ، އެ ކުންފުނީގެ ހުރިހާ ހަރަދުތަކަކީ ވެސް ކުރިން ފެށިގެން ޕްލޭންކޮށް، ބަޖެޓު ހަމަޖެހިފައިވާ ހަރަދުތައް ކަމަށެވެ. މި ހަރަދުތަކަކީ އާއްމުންނަށާއި ކުންފުނިގެ ހިންގުމަށް އަދި ކުންފުނިން ކުރިއަށް ގެންދާ ޕްރޮޖެކްޓުތަކަށް އެހީވުމަށް މުހިންމު ހަރަދުތަކެއް ކަމަށް ވެސް އޭނާ ވިދާޅުވި އެވެ.
ސްޓެލްކޯގެ ތަފާސްހިސާބުތަކާ ހަވާލާ ދެއްވައި ނަސީމް ވިދާޅުވީ، ބައިނަލްއަގުވާމީ ދަތުރުތަކަށާއި ސީއެސްއާރު މަޝްރޫއުތަކަށް އެ ކުންފުނިން ވަނީ ބޮޑެތި ހަރަދުތަކެއް ކޮށްފައި ކަމަށެވެ. މިއީ އެސްއޯއީ ކޮމިޓީ އަށް އެކި ފަރާތްތަކުން ހުށަހަޅާފައިވާ ޝަކުވާތަކުގެ ތެރޭގައި ވެސް ހިމެނޭ މައްސަލަ އެކެވެ.
"މި ކަންކަމަށް އަޅުގަނޑުމެން މި ކުރާ ހަރަދުތަކަކީ ވަރަށް މުހިންމު ހަރަދުތަކެއް. އެހެންވީމާ މި ހަރަދުތައް ކުޑަކުރުމަށް އަޅުގަނޑުމެންގެ އެއްވެސް ޕްލޭނެއް ނެތް. އަޅުގަނޑުމެން މި ކުރާ ދަތުރުތަކަކީ އޭގެ ޒާތުގައި ކުންފުންޏަށް ސޭވިން އެތައް ތަނެއް އިތުރުވާ ދަތުރުތަކެއް،" މުޣުނީ ވިދާޅުވި އެވެ.
ސްޓެލްކޯގެ ރިޕޯޓުތައް ދައްކާ ގޮތުގައި މިދިޔަ އަހަރު އެކަނި ވެސް އެ ކުންފުނިން ވަނީ ދަތުރުތަކަށް 2.3 މިލިއަން ރުފިޔާ ހަރަދު ކޮށްފަ އެވެ. މީގެ ތެރެއިން ގިނަ ދަތުރުތައް ކުރަނީ ބޯޑު މެމްބަރުން ކަމަށާއި ދާއިރާއާ ގުޅުން ހުރި މީހުންނަށް ފުރުސަތު ނުދޭ ކަމަށް އެސްއޯއީ ކޮމިޓީ އަށް ހުށަހަޅާފައިވާ ޝަކުވާތަކުގައި ވަނީ ބުނެފަ އެވެ.
މުޣުނީގެ ވާހަކަތަކަށް ރައްދުދެއްވައި ކޮމިޓީގެ މުގައްރިރު އަދި ހުޅުދޫ ދާއިރާގެ މެމްބަރު އިލްޔާސް ލަބީބު ވިދާޅުވީ ހަރަދުތައް ކުޑަކުރުމަށް މަސައްކަތް ކުރަން ޖެހޭ ކަމަށް ކޮމިޓީން ދެކޭ ކަމަށެވެ. އެގޮތުން، މިހާރު ކުރަމުން އަންނަ ބައެއް ބޭކާރު ހަރަދުތައް ކުޑަކުރެވިދާނެ ކަމަށް އޭނާ ވިދާޅުވި އެވެ.
"މިހާރު އެބައުޅޭ ދުބާއީގެ ގްރީން ޓެކްނޮލޮޖީ އެކްސްޕޯ އަށް ވެސް ސްޓެލްކޯގެ ޓީމެއް ވަޑައިގެން. އެއީ ސްޓެލްކޯގެ ފެން އުފެއްދުން ކުރިއަރުވަން. މިހާރު އަޅުގަނޑަށް ހީވަނީ އެއީ ނޫންކަން ނޭނގޭ ތިބޭފުޅުންގެ މައި ސްކޯޕަކީ. އެހެންވީމާ ކޮންމެވެސް ވަރަކަށް އަލުން ރިވިއު ކުރައްވަން އެބަޖެހޭ،" އިލްޔާސް ވިދާޅުވި އެވެ.
އެސްއޯއީ ކޮމިޓީ އަށް ސްޓެލްކޯ ހާޒިރު ކޮށްފައި ވަނީ އެ ކުންފުންޏަށް އެކި ފަރާތްތަކުން ފޮނުވާފައި ހުރި ޝަކުވާތަކާ ގުޅިގެންނެވެ. އެގޮތުން މުވައްޒަފުންނަށް ދޭ އެލަވެންސްތައް ކަނޑާލުމާއި މުވައްޒަފުންނަށް ބިރުދެެއްކުމާއި ފްލެޓްތައް ވަކި ބަޔަކަށް ދިނުން ފަދަ ޝަކުވާތައް އެކޮމިޓީ އަށް ވަނީ ލިބިފަ އެވެ. މުޣުނީ ވަނީ މި ހުރިހާ ޝަކުވާތަކަކަށް އިންކާރު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިލިޔަން
05 March 2020
ދަތުރުތަކަށް އެހާވަރުދުއްވާލިއިރު 10 މުވައްޒަފުން ބޭނުންކުރަން 1 ކޮމްޕިއުޓަރ ތާހިރެއްނު
އަލިފް ހ
05 March 2020
ގޭގެއަށް ކަރަންޓް ބިލް ފޮނުވަނީވެސް ދުރާލާ ރާވައިގެން! މީ ވަރަށް ވާހަކަ
ތާޒާ ފެން
05 March 2020
މުޣުނީ ފެން ވިއްކާގެން ލިބޭ ލާރި ކޮޅުން ފެން ޕްލާންޓްގަ އުޅޭ ކުދިންގެ މުސާރަ ކޮޅު ދެވޭވަރު ވޭބަރ... ފެން ނުހެދެން ފެށީމަ މިހާރު ގަސް އިންދަން ފެށީ ދޯ. ތި ވ ރަނގަޅު ކަމެއް... ގަހެއް ތި ޖަހާދެނީ ކިހާވަރަކައް..
މާލެ އިންޖީނުގެ
05 March 2020
މުޣުނީއެ ކަލޭމެން ދޮގު ހަދާ އޮޅުވާލާކަން ކަށަވަރީ ހަމަ ކަލޭމެންގެ އަމިއްލަ ނަފްސްތަކައްށެ. އެހެނެއްކަމަކު އެމީހުންނަކަށް އެކަމެއް ނޭންގެއެވެ. މުޣުނީއެ މިނޫން އެހެން ދުވަހެއް އޮތްކަން ދަންނާށެ...
ޓާރބޯ
05 March 2020
ދަތުރުތަކައް 2.3 މިލިޔަން ރުފިޔާ ހަރަދު ކުރި އިރު ތަނުގަ ކިހާ ވަރަކަށް ސްޕެއަރ އެބަހުރި ތޯ. ބޮޑު އިންޖީނެއް ކިއް ކުރަންތޯ ކަމިންސް އިންޖީނެއް އޯވަ ހޯލް ކޮއްލަން ވެސް ސްޕުއަރ އެބަހުރިތޯ. ކިތައް އިންޖީނު ތޯ ގަޑި ހަމަ ވެގެން އޯވަ ހޯލް ކުރަން ޖެހިފަ ހުރީ... ކިތައް އިންޖީނު ތޯ އާ ހެޑް ނެތިގެން ބާހެޑް އަޅުވާގެން ހިންގަނީ... ކިތައް އިންޖީނުތޯ ހުރީ ރޭޑިއޭޓަރ ހަލާކް ވެގެން ނުހިންގޭ ލޯޑް ނުނެގޭ. ކިތައް އިންޖީނު ތޯ ހުރީ ފުލް ލޯޑް ނުނެގޭ... ބޭރައް ދަތުރު..
ޕިކަޕް މާހިރު
05 March 2020
ޕްރައިވެޓް ބޯޑު ޖަހާފަ އޮތް ޕިކަޕެއް ކުންފުނީގަ ދުއްވާ ސަބަބް ދިވެހި ރައްއިތުންނައް ހާމަ ކޮއްލަ ދޭން ވީނު މީޑިއާ އަށް އަރާ ގަސް އިންދަން ނޫޅެ
އެޑްމުންޑޯ
05 March 2020
ސްޓެލްކޯ އިން ކަރަންޓް ބިލުން ދޭތެރެ ދޭތެރެއިން ވައްކަން ކުރާކަން 100 ޕަސެންޓް ޔަގީން ، މިދިޔަ ޖެނުއަރީގެ ކަރަންޓް ބިލަށްވުރެ ފެބުރުއަރީ މަހުގެ ބިލުގައި 100 ޔުނިޓް އިތުރަށް އިންޖަހާފައި ، ގެއިން މީހުންމަދުވެ ބޮޑުބައި ދިޔައީ ކަރަންޓް ގިނަސާމާނު ބޭނުން ނުކޮށް ، މަދުވުމުގެ ބަދަލުގައި އިތުރުވުމުން ، މިއެގެނީ ވައްކަމާއި މަކަރު ހަދާކަން
ކަރަންޓް ބިލް
05 March 2020
ދުރާލާ ރާވާގެން ތޯ 2 މަހުގެ ބިލް ތި ފޮނުވަނީ 59 ދުވަސް... ރީޑިން ނުނެގިއްޖެއްޔާ ރަނގަޅު ދޯ ގުޅާލަން ވެރިފަރާތައް. ކޮންމެ ގެ އަކީ ހުޅުވާފަ ހުންނާނެ ގެ އެއް ނޫން ރީޑިން ނަގަން ދާއިރު... މުޣުނީ ސާބަހޭ ތި ދޭ ހިދުމަތައް... ފެނެއް ނޫން ހަދަން ވީ ކިއްލި ތަޅަން ވީ ... އެެއީ ވ ލާރި
ފްލެޓް
05 March 2020
މުޣުނީ... އެންމެމަތިން މާކްސް ލިބެނީ މާލެގަ 6 ބުރި އަށް އަމިއްލަ ގެ ހުރި މީހުންގެތަ... ހަމަ އަޖާބް ވެއްޖެ....
ލެޑް ބޮކި ހުސްނާ
05 March 2020
ކޯބާހޭ ރަތްއިތުންނަށް ގެނާ ލެޑް ބޮކި ކުޅު ވަގައްނެގި މީހުން... ވައްކަން ކުރި މީހުން އިގިދާނެތީ އައިޓީ ކުދިން ލައްވާ ވީޑިއޯތައް ޑިލިޓް ކުރި މީހުން ކޮބާހޭ... ބަލަގަތީ ދިވެހިރައްއިތުންގެ ލާރިއޭ ކަލޭމެން ބޭނުން ވީމަ ކަޓް ވާލާގެން ތިގެންދަނީ... މުޣުނީ މީޑިއާ އަށް އަރާ މިކަން ބަލަން ވީނު ގަސް އިންދަން ނޫޅެ...