މާފުށީ ޖަލު: މާފުށީ ޖަލާއި މާލޭ ޖަލުގައި ވެސް އިއްޔެ އާއި ރޭ ހަމަނުޖެހުންތަކެއް ހިނގި
15 މާޗް 2020 - 15:22
15 comments
މާލޭ ޖަލާއި މާފުށީ ޖަލުގައި ބައެއް ގައިދީން އިއްޔެ ހަމަނުޖެހުން ހިންގި ފަހުން ކަރެކްޝަންސް ބައެއް މުވައްޒަފުންނަށް އިންޒާރު ދިނުމުގެ އިތުރުން އެކަކަށް ރޭ މަގުމަތިން ހަމަލާ ވެސް ދީފައިވާ ކަމަށް ކަރެކްޝަންސް އިން މިއަދު ބުނެފި އެވެ.
ކަރެކްޝަންސް އިން ނެރުނު ބަޔާނެއްގައި ބުނީ ކޮރޯނާވައިރަސްއާ ގުޅިގެން ޖަލުތައް ސާފުކޮށް، ޑިސްއިންފެކްޓް ކުރުމުގެ މަސައްކަތް ފެށުމުން މާފުށީ ޖަލުގައި ޝަރީއަތް ނިމެންދެން ބަންދުކޮށްފައި ތިބި ބައެއް މީހުން އެކަމަށް ހުރަސް އަޅައި، ކުރިމަތިލާން މަސައްކަތް ކުރި ކަމަށެވެ. އަދި އެކަމުގެ ތެރޭގައި، ބަންދުގައި ތިބި ހަތަރު މީހަކަށާއި ކަރެކްޝަންސްގެ ފަސް އޮފިސަރަކަށް އެކިވަރުގެ އަނިޔާތައް ލިބުނު ކަމަށް ވެސް ބަޔާނުގައިވެ އެވެ.
ކަރެކްޝަންސް އިން ބުނީ މި ހަމަނުޖެހުންތަކުގައި ސީރިއަސް އެއްވެސް އަނިޔާއެއް އެއްވެސް މީހަކަށް ނުލިބޭ ކަމަށެވެ. ނަމަވެސް ހަމަނުޖެހުން ހިންގި މީހުންނާ މެދު ފިޔަވަޅު އަޅާފައިވާ ކަމަށް ވެސް ބަޔާނުގައިވެ އެވެ.
މާލޭ ޖަލުގައި ރޭ ހަމަނުޖެހުން ހިިންގަން ފެށުމުން ފުލުހުންގެ އެހީތެރިކަން ވަނީ ހޯދައިފަ އެވެ. އެ ހާދިސާގައި ވެސް، ބަންދުގައި ތިބި ފަސް މީހަކަށާއި ކަރެކްޝަންސްގެ ފަސް އޮފިސަރަކަށް އެކިވަރުގެ އަނިޔާތައް ލިބުނު ކަމަށް، ބަޔާނުގައި ބުނެ އެވެ.
އެ ބަޔާނުގައި ބުނި ގޮތުގައި ކަރެކްޝަންސްގެ އޮފިސަރަކަށް ރޭ މަގުމަތިން ބަޔަކު ހަމަލާދިނީ މަރުތޭލަކުންނެވެ. އަދި އޮފިސަރުންގެ ބައެއް އުޅަނދުތަކަށާއި ބައެއް އިމާރާތްތަކަށް ވެސް ގެއްލުން ދީފައިވާތީ އެކަން ފުލުހުންގެ ސަމާލު ކަމަށް ގެނެސްފައިވާ ކަމަށް ވެސް ކަރެކްޝަނުން ބުންޏެވެ.
ކަރެކްޝަންސް އިން ބުނީ އެތަނާ ބެހޭ ގޮތުން ދޮގު މައުލޫމާތު ފަތުރަމުންދާތީ އެއީ ބަންދުގައި ތިބި މީހުންނާއި ކަރެކްޝަންސްގެ އޮފިސަރުންގެ ރައްކާތެރިކަމަށް ބުރޫއަރާ ކަމަށެވެ. އެކަމަކު ޖަލުތަކުގެ ރައްކާތެރިކަމަށް އަޅަން ޖެހޭ ކޮންމެ ފިޔަވަޅެއް ވެސް އަޅާނެ ކަމަށް ކަރެކްޝަންސްގެ ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިއްދޫމީހާ
15 March 2020
އޮފިސަރުންނަ އަނިޔާ ވީމާ ސީޕީ އަ ނުކެރޭ ބުނާކަ ޒީރޯ ޓޮލަރެންސް އޭ
ޓީމް މައިކާލޯ
15 March 2020
ޢަދިވެސް މާ ރަގަޅީ ތި މީހުންނާ ދޭތެރޭ ކަންކުރާގޮތް. މި އުޅޭ ޝުމްބާގޮންގް ކަންތައް
ބަޑޭ
15 March 2020
ހައްލަކީ އުމަރު
ބޮޑުމީހާ
15 March 2020
ކުށްވެރިންނަށް ހައްޤު އަދަބު ނުދެވޭ މުޖްތަމައެއްގެ އާދަ ހުންނާނެގޮތް ތީ. ގާނޫނަށް ބޯނުލެބުމާއި، ކޮރަޕްޝަނާއި ފަސާދައަކީ މިގައުމުގެ އަސާސްތައް، އޭގަ ނުހިފާ ބަޔަކީ ތާކުންތާކު ނުޖެހޭ ބިކަ ބަޔަކަށް ވެފަ އޮންނަނީ،
އަބްސީ ގެ ބުޅާ
15 March 2020
ޖަލުގައި ތިބި ގައިދީން ތައް ހޭއަރުވާލިނަމަ.
ޙަސީ
15 March 2020
ކީއްކުރަން
ބަލިމަޑު
15 March 2020
ބަލިމަޑު ކަމުގެ ފައިދާ ނަގައިގެން ހައިޖާނު ހަދަން އުޅޭތީ
ޖޯން
15 March 2020
ހޯ މް މިނިސްޓަރު ބަދަލު ކޮއްގެން ތިކަން ވާނީ. ޢު މަރާ ހަވާލު ކުރަން ފެނޭ
ދިއްދޫމީހާ
15 March 2020
މިހާރު ސީޕީ ހިތަ ލައްކަ އެއްޗެހި އަރާނެ، ދެން ނޫސްވެރިންގެ ބައްދަލު ވުން ބާވާފަ ބުނެބަލަ އަނިޔާއަ ޒީރޯ ޓޮލެރެންސް އޭ
ބިއްލޫރިކޭސް
15 March 2020
ޖަލުގަވެސް ތިބެނެ ނުލަފާ މީހުންނާ ބަސްއަހައިގެން ތައުބާވެގެން ތިބޭ މީހުން. ތި ނުލަފާ ބައިގަނޑަށް މި ކާރިިސާގެ ތެރޭގައި ރައްޔިތުން ފޯކަސް ދެވޭކަށް ނެތް. މި ހިއުމަން ރައިޓެއްވެސް ވަކި ހައްދެއްގެ ތެރޭގަ އޮންނަންޖެހޭނީ.
ޑުޓާޓޭ
15 March 2020
ޒީރޯ ޓޮލެރެންސްގެ ދަށުން މާލެތެރޭ ވައިވެގެން އެއުޅޭ ގޮޅިޖެހި ގަމީސްލީ ޖީއެން ބޯއިސް މައިތިރި ކުރަން އެބަޖެހޭ.
ހަސަނު
15 March 2020
ޖަލަށް ލައިފަ ތިބެނީ ކޮންމެސް ނުބައި ކަމެއް ކޮށްފަތިބި މީހުން.. ދެން ޖަލުގާ ވެސް އެމީހުން ވަކި ސަހަލު ވާނެ ކަމަށް ދެކިގެން ނުވާނެ. ގޯހެއް ހަދާ އިރަށް ދެތިން ހަފުތާއަށް ސޮލިޓަރީގާ ބަހައްޓާ.. ޖަލުގާ ގޯސް ހަދާ މީހުނަށް އެކެށޭނަ އަދަބު ދެވިގެން އެމީހުން މައިތިރިވެ ތިބޭނީ...
ގޯހެއް
15 March 2020
ބާރުގެ ބޭނުން ނުކުރާ ފަހަރެއް ކަ މަށް ބެލެވޭ. ގަައިދީންނަށް އަނިޔާ ވީ ނިދީގަ