ކޮވިޑް-19: އެމްޕީއެލްގެ 60 އަހަރުން މަތީގެ މުވައްޒަފުންނާއި މާބަނޑު މީހުންނަށް މުސާރައާ އެކު ޗުއްޓީ

އެމްޕީއެލްގެ މުވައްޒަފުންތަކެއް-- ފޮޓޯ: ހުސައިން ވަހީދު/ މިހާރު

ފާތިމަތު ޝަނާ މުހައްމަދު، މިހާރު

17 މާޗް 2020 - 11:35

ކޮވިޑް-19 ރޯގާ ފެތުރޭތީ، މޯލްޑިވްސް ޕޯޓްސް ލިމިޑެޓް (އެމްޕީއެލް) ގެ މުވައްޒަފުންގެ ތެރެއިން 60 އަހަރުން މަތީގެ މުވައްޒަފުންނާއި މާބަނޑު އަންހެނުންނަށް މުސާރަ ލިބޭ ގޮތަށް ޗުއްޓީއެއް ދީފި އެވެ.

އެމްޕީއެލުން ބުނީ އެ ކުންފުނީގެ 70 ވަރަކަށް މުވައްޒަފުންނަށް މި ބަދަލުގެ ސަބަބުން ލުއި ލިބޭނެ ކަމަށެވެ. އެ ކުންފުނިން ބުނި ގޮތުގައި، މިގޮތަށް ހެދީ ކޮވިޑް-19 ގެ ނުރައްކާ އެންމެ ބޮޑީ އުމުރުން ދުވަސްވީ މީހުންނާއި މާބަނޑު މީހުންނަށް ކަމަށް ވާތީ ރައްކާތެރިކަން ދިނުމުގެ ބޭނުމުގަ އެވެ.

މާލެ އާއި އަތޮޅުތަކުގެ ޕޯޓްތަކާއި އެމްޕީއެލްގެ ބަސް ދަތުރުތަކުގައި އުޅޭ އެ ތަނުގެ މުވައްޒަފުންނަށް ވެސް މި ލުއި ލިބޭނެ އެވެ.

ކޮވިޑް-19 ޖެހިފައިވާ 13 މީހަކު މިހާތަނަށް ރާއްޖޭން ވަނީ ފެނިފަ އެވެ. އެ އެންމެންނަކީ ވެސް ޓޫރިސްޓުންނާއި ރިސޯޓްތަކުގެ ބިދޭސީ މުވައްޒަފުންނެވެ. މުޅި ދުނިޔޭގައި މި ބަލި ފެތުރެމުން ދާތީ ރާއްޖެ އަށް ވެސް ނުރައްކާ ބޮޑުކަމުން މިހާރު ވަނީ ސިއްހީ ކުއްލި ނުރައްކަލުގެ ހާލަތު އިއުލާނުކޮށް، ރައްކާތެރިކަމުގެ ވަރުގަދަ ފިޔަވަޅުތަކެއް އަޅައިފަ އެވެ.

ކޮވިޑް-19 ފެތުރޭތީ ސަރުކާރުގެ ވަރަށް ގިނަ ކުންފުނިތަކުން ވަނީ ރައްކާތެރިކަމުގެ ގޮތުންނާއި ހަރަދު ކުޑަކުރުމުގެ ގޮތުން ފިޔަވަޅުތައް އަޅައިފަ އެވެ. އެގޮތުން ހިދުމަތް ދިނުމުގައި ވެސް މުވައްޒަފުންނާ ސީދާ ދިމާނުވާ ގޮތަށް، އޮންލައިންކޮށް ކަސްޓަމަރުންނަށް ހިދުމަތް ލިބޭނެ އިންތިޒާމުތައް ވަނީ ފަހިކޮށްފަ އެވެ.

ބަހުގެ ޚިދުމަތް ޕަބްލިކް ޓްރާންސްޕޯޓް އެމްޕީއެލް ޝާހިދު އަލީ، މެނޭޖިން ޑިރެކްޓަރު، އެމްޕީއެލް

7 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒަހީން

17 March 2020

މީ އޯގާތެރި ސަރުކާރެއްގެ ސިފަ އަކީ. މިއަދު 17 މާރޗް 2020 ގައި ނިންމި ހުރިހާ ނިންމުމަކީ 100 ގެ ނިންމުންތަކެއް. ވަރަށް ބޮޑަށް ޝުކުރިއްޔާ ރައީސް އިބޫ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

17 March 2020

ސަރުކާރު ހުރިހާ އޮފިހަކަށް ތިޔަ ޗެއްޓީ ދޭން ވީއެވެ. އެމްޕީއެލް އަކީ ވެސް ސަރުކާރު އޮފިހެކެވެ. ވަކި އޮފީހަކަށް ގިނަ ފައިސާ ލިބުމަކީ ތަފާތު ކުރަން ޖެހޭ ސަބަބެއް ނޫނެވެ. އެންމެން ހަމަހަމަ ކުރަން ވީ އެވެވ.