ގޭސް ފުޅި ޑެލިވަރީ ކުރުމުގައި އެކްޓިން އެމްޑީ އަލީ އިކްރާމް ބައިވެރިވަނީ. -- ފޮޓޯ: މޯލްޑިވް ގޭސް
19 މާޗް 2020 - 17:03
10 comments
ސިއްހީ ކުއްލި ނުރައްކަލުގެ ހާލަތުގައި ވެސް އަދި ސަރުކާރު ބަންދުކޮށްފައި ވިޔަސް ތަންތަނަށް ގޭސް ފުޅި ގެންގޮސްދިނުން ހުއްޓާލެވޭކަށް ނެތެވެ. މޯލްޑިވް ގޭހުގެ މުވައްޒަފުން ތިބީ އެ މަސައްކަތުގަ އެވެ. އަދި އެ މީހުންނަށް މިއަދު ލިބުނު ހިތްވަރަކީ، އެކްޓިން އެމްޑީ ވެސް ޑެލިވަރީގައި އަމަލީ ގޮތުން ބައިވެރިވެވަޑައިގަތުމެވެ.
އެކްޓިން އެމްޑީ އަލީ އިކްރާމާއި މޯލްޑިވް ގޭހުގެ އިސް ވެރިން މާލޭގެ އެކި ތަންތަނަށް ގޭސް ޑެލިވަރީ ކޮށްދެއްވީ، އެ ކުންފުނިން ބުނި ގޮތުގައި، މިކަހަލަ ކުއްލި ހާލަތްތަކުގައި މުވައްޒަފުން ކުރާ މަސައްކަތަށް ހިތްވަރު ދެއްވުމުގެ ގޮތުންނެވެ.
"އިސް މެނޭޖްމެންޓުގެ އަންހެން ފިރިހެން މުވައްޒަފުން ވަނީ ބައިވެރިވެފައި. ގާތްގަނޑަކަށް 11 މީހުން ޑެލިވަރީ ކުރުމުގައި އުޅުނު،" މޯލްޑިވް ގޭހުން ބުންޏެވެ.
މޯލްޑިވް ގޭހުގެ ޑެލިވަރީ ވެހިކަލް ޑިސްއިންފެކްޓްކުރަނީ.
ކޮވިޑް-19 އާ ގުޅިގެން އާންމުންގެ ރައްކާތެރިކަމަށް ގިނަ ފިޔަވަޅުތަކެއް މޯލްޑިވް ގޭހުން ވެސް އަންނަނީ އަޅަމުންނެވެ. އެގޮތުން ގޭގެއަށް ޑެލިވަރީ ކުރާ ހުރިހާ ގޭސް ސިލިންޑަރުތަކާއި ޑެލިވަރީ ކުރުމުގައި ގެންގުޅޭ ވެހިކަލްތައް ކޮންމެ ދަތުރަކަށް ފަހު ޑިސްއިންފެކްޓް ކުރެ އެވެ.
ކޮވިޑް-19 އާ ގުޅިގެން މީހުން ބޭރަށް ނުކުމެ އުޅުން ރައްކާތެރިނުވާނެތީ މޯލްޑިވް ގޭހުން ވަނީ އޮންލައިންކޮށް ފައިސާ ބަލައިގަނެ، ޚިދުމަތް ދޭން ވެސް ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަބްރޫކް
19 March 2020
މީހަމަ ރަނގަޅުކަމެއް! ތަނުގެ މުވައްޒަފުން މޯޓިވޭޓްވާނެ މިފަދަ ދަނޑިވަޅުތަކުގައި އެންމެންވެސް ތިބޭނީ ހާސްކަމެއްގައި! ގޭހަކީ މިހާރު އަސާސީ ހިދުމަތެއް! އެމީހުންނަށް އެކަން ހުއްޓާލާފަ ގޭގަ ނުތިބެވޭނެ! ކޮންމެކަމެއްގައިވެސް ފާޑުކިޔާމީހުން ތިބޭނެ!
އަޙްމަދު ވިލާ
19 March 2020
މި ސަރުކާރުގައި ހުރި އެންމެ ރަނގަޅު އެމްޑީ އަކީ ވެމްކޯގެ އެމްޑީ . އެއީ ހެޔޮ ވެރިޔެއް.
ކަދުރޭ22
19 March 2020
ހަމަ އެކްޓިންގް.
ޝެލަރީ
19 March 2020
ހައްހައް ކީކޭ ބުނާނީ މީދެން ފުކެއް ބޮޑުވަރު ދެއްކުންތެރިކަން އަމިއްލައަށް އެދިގެން ފޮޓޯއެއްޖަހާލީ ދެއްތޯ؟
އަނބިމީހާގެފިރިމީހާ
19 March 2020
ވަރަށް ސަޅިކަމެއް. މިހާރު ހުރިހާތަނަކަށްވެސް އެކްޓިންމީހުން ލާންވީ ކުރީގެ މީހުންތައް ދުރުކޮށްފާ. ވަރަށް ހިންގާލާނެހެން ހީވަނީ.
ތޮލް
19 March 2020
ދެއްކުންތެރިކަމަކީ މިފަދަ ދަނޑިވަޅެއްގައި ކުންފުނިތަކުން ކޮށްގެންވާނެ ކަންތައްތަކެއް ނޫން. އަގުހެޔޮކުރި ނަމަ ރަނގަޅު
ކަކުނިބޯ
19 March 2020
ސުރުހީ އަޅާލަންތަ ނޫނީ ތިޔަތަނުގެ މުއައްޒަފުން ބަލިވީތަ ނޫނީ ކުރާނެކަމެއްނެތިގެން ވައިވެގެންތަ
މިޒާން
19 March 2020
ހަމައެކަނި މިއަދު ފޮޓޯ ނަގާލަންތޯ...މުވައްޒަފުންނަަށް ލުއި ދޭނަމަ ހުރިހާ ގެއެއްގެ ބަރުފުޅިތައް ހިލޭ ބަދަލުކޮށްލަ ދެއްވާ..ކޮންމެ ގެއަކުން އަލަށް ނެގި ފުޅިއަށް ދެއްކި ޑިޕޮސިޓް ލުއިފުޅީގެ ޑިޕޮސިޓަށް ހައްދަވާ..
ހަސަނު1
19 March 2020
އެއީ ކީއްކުރަން؟!؟ ލުއި ފުޅި އަކީ ލަގްޒަރީ އެއް. މި ހާލަތުގައި އެދެން އިނގުނީ ތިކަހަލަ ކަމަކަށްތަ؟
ސުވާލުގެ ޖަވާބުން ފުދޭ
19 March 2020
ސުވާލުގެ ޖަވާބުން ފުދި އިތުރުވޭ! މިކަންއަވަހަށް ކުރައްވާ!