މުއާޒު (ކ) އާއި ފިލްމީތަރި ޖުމައްޔިލް ނިމާލާ އެކު: މުއާޒަށް އަލުން ވަޒީފާ ވަނީ ދީފައި
10 އޮކްޓޯބަރ 2016 - 15:43
7 comments
ޔޫތު މިނިސްޓްރީގެ އެގްޒެކްޓިވް ކޯޑިނޭޓަރުގެ މަގާމުގައި ހުންނަވަނިކޮށް މިދިޔަ އަހަރުގެ ތެރޭގައި މަގާމުން ވަކި ކުރި އަބްދުﷲ މުއާޒު އަލުން އެ މަގާމަށް ހަމަޖައްސައިފި އެވެ.
މުއާޒު ކުރިން މަސައްކަތް ކުރެއްވީ ޔޫތު މިނިސްޓްރީގެ ދަށުން ހިންގަމުން ގެންދާ ނެޝަނަލް ސެންޓަ ފޯ ދި އާޓްސް (އެންސީއޭ)ގަ އެވެ.
ފިލްމީ ދާއިރާ އިން މަޝްހޫރު ވެފައިވާ މުއާޒު ދެން ވެސް މަސައްކަތް ކުރެއްވުމަށް ހަމަޖެހިފައިވަނީ އެންސީއޭގަ އެވެ.
ޔޫތު މިނިސްޓްރީއަށް އަލަށް އައްޔަން ކުރެއްވި އެގްޒެކެޓިވް ދެ ކޯޑިނޭޓަރުން ކަމަށްވާ މުއާޒާއި ފާރިޝްއާ، ޔޫތު މިނިސްޓަރު އިރުތިޝާމް އާދަމް މިއަދު ބައްދަލު ކުރައްވަނީ: ޔޫތު މިނިސްޓްރީން ކުރި މި ޓްވީޓް ފަހުން ވަނީ ޑިލީޓް ކޮށްލާފައި.--- ފޮޓޯ/ ޔޫތު މިނިސްޓްރީ ޓްވިޓާ
މުއާޒު އޭރު ވަޒީފާ އިން ވަކި ކުރީ ކީއްވެ ކަމެއް ސަރުކާރުން ވެސް އަދި އޭނާ ވެސް ހާމައެއް ނުކުރެ އެވެ. އެކަމަކު އެނގިފައިވާ ގޮތުގައި އޭނާ ވަޒީފާ އިން ވަކި ކުރީ އޭރު ޖެހުނު ސިޔާސީ މައްސަލައެއްގަ އެވެ.
ވަޒީފާ އިން ވަކި ކުރިތާ މާ ގިނަ ދުވަހެއް ނުވެ، ފުލުހުން ބަލަމުންދާ މައްސަލައަކާ ގުޅިގެން އޭނާ ފުލުސް އޮފީހަށް ގެންގޮސް ބަޔާން ވެސް ނަގާފައި ވެ އެވެ.
މުއާޒު ވިދާޅުވީ އޭނާއަކީ އެންމެ ކުރިއްސުރެ ފިލްމީ ދާއިރާ ކުރިއެރުވުމަށް މަސައްކަތް ކުރަމުން އައި މީހެއް ކަމަށާއި ކުރިމަގުގައި ވެސް މަސައްކަތް ކުރާނީ އެ ކަމަށް ކަމަށެވެ.
"އަޅުގަނޑަށް ވަޒީފާ އަށް ވުރެ ބޮޑަށް މުހިއްމީ އެންސީއޭގައި ހުރެގެން ފިލްމީ ދާއިރާ އަށް ކުރިމަތިވެފައި ހުރި ގޮންޖެހުންތައް ނައްތާލުން،" އޭނާ ވިދާޅުވި އެވެ.
މުއާޒަކީ ޕަބްލިކް ސާވިސް މީޑިއާ (ޕީއެސްއެމް) ގެ ޑެޕިއުޓީ މެނޭޖިން ޑައިރެކްޓަރު އައިމިނަތު ޝާޔަންގެ ފިރިމީހާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން
11 October 2016
"އަޅުގަނޑު ދިވެހި ސަރުކާރަށް އެންގީ ކާޑުގެ ސަބްސީޑީ ކަނޑާފަ ވީހާވެސް ގިނައެއްކޮށް ކޯޑިނޭޓަރުންނާ ސިޔާސީ މީހުން އައްޔަން ކުރަަން". ކްރިސްޓީން ލަގަރޑް (ސީއީއޯ - ޢައިމެއެފް)
ނަޒީމްސީސީއާރު
10 October 2016
ރައްޔިތު މީހާގެ އަސާސީ ހިތުމަތައް ދެމުން އައި ސަބްސިޑީ ކޮުޅު ޖަހައިގަތީ ހަރަދުބޮޑުވެ އިގްތިސާދު ކުރއަރުވަންޝޯ... އެހެނަސް ފަތި އަޑު ނަގާފައި ބޭކާރު ސިޔާސީ މަގާމު އުފެއްދުމަކަށް ކުޑަވެސް މަޑުޖެހުމެއްނާދޭ
މޫސާ އަންވަރު
10 October 2016
ކާޑުގެ ސަބްސިޑީ ކަނޑާލައި ސިޔާސީ މަޤާމްތައް އިތުރު ކުރަނީ އައިއެމްއެފް އިން އަންގައިގެންތޯ؟
ހީނު
10 October 2016
ހަބަރުގެ ފަހު ބައިގައި އެއައީ ވަޒީފާ ހަމަޖެހުނު ސަބަބު.. އަންހެނުންވެސް އުޅެނީ އަވަދިނެތި އާއިލާގެ މީހުން ޓީޥީއާއި ރޭޑިއޯގެ ވަޒީފާތަކަށް ހަމަޖެއްސުމުގައި..
ބަކުރު އެންޑް ޒުބޭރް
10 October 2016
އޭނަ އޮފީހަށްވެސް ނުކުންނާނީ އެގޮތަށް ބޯ ރަތްކޮށްގެން ހުރެތަ؟
ކަޅޭ
10 October 2016
މި ކޯޑިނޭޓަރ ގެ މަގާމަކީ ހުސްނުވާ މަގާމެއްދޯ... އަޅުގަނޑު މިހާރު ނޫހުގެ ލިޔުންތެރިންނަށް ދަންނަވާލަން ބޭނުން މިސަރުކާރުގައި މިހާރު ތިބީ ކިތައް ކޯޑިނޭޓަރުންތޯ އަދި ސިޔާސީ މަޤާމުތަކުގައި ތިބީ ކިހާވަރެއްތޯ....
އިބޫ
11 October 2016
މިހާރު ޖުމްލަ ކޯޑިނޭޓަރުންގެ އަދަދު އަދި އެވެރިންގެ މުސާރަ + އިނާޔަތް ތައް މިހާރު ނުހުން ހޯދާދިބަލަ...ޕްލީސް