އެޗްޑީއެފްސީގެ 14 ވަނަ އަހަރީ ޖަލްސާގައި އެ ކުންފުނީގެ ބޯޑު ޑިރެކްޓަރުން ބައިވެރިވަނީ.
26 މާޗް 2020 - 23:47
25 comments
ހައުސިން ޑިވެލޮޕްމެންޓް ފައިނޭންސް ކޯޕަރޭޝަން (އެޗްޑީއެފްސީ) ގެ ހައުސިން ސްކީމްތަކަށް ފައިސާ ދެއްކުން ވެސް ހަ މަހަށް ފަސްކޮށްފި އެވެ.
އެ ކުންފުނިން މިރޭ ނެރުނު ނޫސް ބަޔާނެއްގައި ބުނި ގޮތުގައި ބޯހިޔާވަހިކަމަށް ދޫކޮށްފައިވާ ލޯނުތަކަށް ފައިސާ ދެއްކުމަށް ލުޔެއް ދިނީ، މިހާރު ފެތުރެމުންދާ ކޮވިޑް-19 ގެ ބަލިމަޑުކަމާ ގުޅިގެން، ދިރިއުޅުމުގެ އާއްމު ހާލަތަށް ކުރިމަތިވެފައިވާ ދަތިތަކުން އަރައިގަތުމަށް ސަރުކާރުން ރާވާފައިވާ އިކޮނޮމީ ރިކަވަރީ ޕްލޭންގެ ދަށުންނެވެ.
ފައިސާ ދެއްކުން ފަސް ކުރި ނަމަވެސް، ޝެޑިއުލާ އެއްގޮތަށް ފައިސާ ދައްކަން ބޭނުންވާ މީހުންނަށް އެ ފުރުސަތު އޮންނާނެ ކަމަށް އެޗްޑީސީން ބުންޏެވެ. އެކަމާ ގުޅޭ އިތުރު މައުލޫމާތު ހޯދުމަށް އެ ކުންފުންޏާ ގުޅުމަށް އެޗްޑީއެފްސީން ވަނީ އެދިފަ އެވެ.
ބޭންކް އޮފް މޯލްޑިވްސް އިން ވެސް ވަނީ ސަރުކާރުގެ އިކޮނޮމިކް ޕެކޭޖުގެ ތެރެއިން ޕާސަނަލް، ހައުސިން އަދި ވިޔަފާރި ލޯނުތައް ދެއްކުން ހަ މަސް ދުވަހަށް ފަސްކޮށްދީފަ އެވެ.
ބީއެމްއެލުން ލޯނުތައް ފަސްކޮށްދިނީ އަންނަ ސެޕްޓެމްބަރު މަހުގެ ނިޔަލަށެވެ. ލޯނު ފަސްކޮށްދިނުމަށް އޮތް ހަމައެކަނި ޝަރުތަކީ ލޯނަށް ދައްކަން ޖެހި އެކަމަކު ނުދައްކާ އެއްވެސް ފައިސާއެއް ނެތުމެވެ. އޭގެ މާނަ އަކީ ލޯނު ފަސްކުރުމުގެ ފުރުސަތަށް އެދުމުގެ ކުރިން އެއްވެސް ޕޭމަންޓެއް ނުދައްކާ އޮތް ނަމަ، އެބައި ހަލާސްކުރުމެވެ.
މިހާރު ކުރިމަތިވެފައިވާ ދަތިކަމުގައި ސަރުކާރުން ވަނީ ފެން ބިލާއި ކަރަންޓު ބިލުން ވެސް ބައެއް އުނިކޮށްދޭން ނިންމައިފަ އެވެ. އަދި ކުރިއަށް އޮތް ތަނުގައި ވެސް، ވިޔަފާރިތަކާއި ވަޒީފާތައް ހިމާޔަތްކޮށް ދެމެހެއްޓުމަށް ޕެކޭޖްތައް އިއުލާނުކުރަމުންދާނެ ކަމަށް ސަރުކާރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންނި ތަކުރުބެ
27 March 2020
މިނިސްޓަރު ފައްޔާޒުވެސް ހަމަ ފޮނިކަނޑަނީ. ވާކަމެއްހަރާން މިއޮއްދަނޑިވަޅުގައިވެސް ފައްޔާޒު ސްލީޕިންޕާޓްނަރަކަށްވެހުރެ ބިގައް ދިން ލާރި ރައިޔަތުންނައް ބަހަންވީނުން މަދުއަދަދެއްބާ ލިބުނީ ނިކަންކެރެންޏާ ރައިޔަތުން ކިޔާދީބަލަ......
ދަރަނިބޯ
27 March 2020
ހިންނަވަރު އިބުރާހިމުގެ މަސައްކަތަށް ހަމަ ސާބަސް ރައްޔިތުންގެ އިހްސާސް ދަންނަ ރައީސެއް މީ
ބޮޑުމީހާ
27 March 2020
ސުރުޚީއާ ނުގުޅުނަސް، ފުލުހުން ކައިރީ އަހާލަން ބޭނުން ހުޅުމާލެ ނިރޮޅުމަގު އެކި ހިސާބުތަކުގަ ކޯން ބަހައްޓައިގެން ކީއްތޯ ތިކުރަނީ!
ހޭބަލިމިތުރު
27 March 2020
ލޯނު ފަސްކުރު މުގެ ނަ މުގަ އިތުރައް 13% އިންޓަރެސްޓް އިތުރުކޮއްފަ 6 މަހައް ލޯނު ފަސްކޮއްދެނީ. 50 ލާރިވެސް ކަނޑާދެނީކީނޫން.
އިރުޝާދާ
27 March 2020
އެޗްޑީއެފްސީގަ ތިބޭމީހުންނަށް ކުންފުނި ހިންގަން ނޭންގޭތީ ހަދާގޮތަކީ، ނެގެންއޮތް އެންމެ ބޮޑު އިންޓަރެސްޓެއް ނަގާފަ ކަސްޓަމަރު ބަނދެލަނީ. ދެންމާމޮޅެ ބަޔަކަށް ހެދިގެން އެވާހަކަ ދައްކަނީ. އެމީހުންނަށް ނޭންގޭ އެއީ އެވޭލާޒަމާނުގައި މީހުންއުޅުނު ގޮތްކަމެއް
ކަޑަކުޑާ
27 March 2020
ތި އެޗްޑީއެފްސީ އަކީ ވާ ކަޑަތަނެއް. އެއްވެސް ޕްރޮފެޝަނަލް ކަމެއްނެތް. އެގޭހާވެސް ކަމަކީ ކަސްޓަމަރުން ފެލުން
ދޮނާބެ
27 March 2020
އެމްއެމްއޭގައި ނެތް ރާއްޖޭގެ ފައިނޭންޝަލް މާކެޓް ރެގިއުލޭޓްކުރުުމުގެ ގާބިލުކަމެއް. ސަރުކާރުގަ ނެތް އެތަންތަން މައިތިރިކުރެވޭނެ ހަކަތައެއް. މިއީ ކަސްޓަމަރުން ހިމާޔަތްކުރަން މަޖިލީހުން ނުކުންނަންވީ ވަގުތު. ބޭންކިން އާބެހޭ ގާނޫނު ބަދަލުކޮށް ހަމައަކަށް އަޅުވަންވީ
ދޮށީއަލީ
27 March 2020
އެ،މްއެމްއޭގަ އުޅޭނީ ފޮތައްމޮޅު، ކަމެއްކުރަންނުދަންނަ މީހުން. އެމީހުން ބުނާގޮތުން އަބަދުވެސް ވަރަށް މޮޅަށް މާކެޓް ރެގިއުލޭޓް ކުރޭ. އެކަމަކު އަހަރެން ގްރޭޑް 8 ގެ ދަރިވަރުންނަށް އެސައިންމަންޓެއް ދިނީމަ އެކުދިންއެބަލިޔޭ ރާއްޖޭގެ މާކެޓް ރެގިއުލޭޓް ނުކުރޭ. ހަސަނުގެ މަސްދޯނީގެ އުޅޭ އަލިބެވެސް އެބުނަނީ އެމްއެމްއޭ ފެއިލްވެއްޖޭ. އެމީހުންނަށް ކަމެއްނުކުރެވޭތީއޭ އެޗްޑީއެފްސީ/ބޭންކުތަކަށް ބޭނުން ގޮތެއް ހެދެނީ.
އެކަނި ވެރިޔާ
27 March 2020
7000 މިހާރު މިދައްކަނީ އެގެން 5000 ކޮންމެ މަހަކު ދައްކަން ބުނިނަމަ ކިހާރަގަޅުވީސް ! މި އެއްނޫންތޯ ލުއިދިނުމަކީ! މިލިއަނުން އުޅޭ ގައުމު ތަކުގަ ރައްޔިތުންނަން ކޮއްމެ މީހަކަށް މިދަޑިވަޅުގަ އެދެނީ 2000 ޑޮލަރު މިއީ ރައްޔިތުންދެކެ ލޯބިވާ ވެރިން ނަކީ!
ސުމެއްގެތަނެއް
27 March 2020
މިހިރީ މިމީހުންގެ ހާލަތު. ސަރުކާރުން މަޖުބޫރުކުރީމަ، ކަސްޓަމަރުންނަށް ލުައިދެނީ...މިއީ އެންމެ މުސްކުޅި މެނޭޖްމަންޓް ފަލްސަފާ ގެންގުޅޭ ތަނެއް. މުސްކުޅިންތައް ބޭރުކޮށްގެންނޫނީ އެތަނަށް މިޒަމާނުގެ ވިސްނުންނުގެނެވޭނެ. ކުންފުނި ތަރައްގީއެއް ނުކުރެވޭނެ.