ޚަބަރު / އިމްރާން އަބްދުﷲ، ހޯމް މިނިސްޓަރު

ގޮންޖެހުންތަކާއެކު ވެސް ފުލުހުންގެ ހިދުމަތަށް މުހިއްމު ބަދަލުތައް ގެނޭ: އިމްރާން

ފުލުހުންގެ 86 ވަނަ އަހަރީ ދުވަސް ފާހަގަކުރަން މިދިޔަ އަހަރު ދަރުބާރުގޭގައި ބޭއްވި ހާއްސަ ޖަލްސާ އަށް ރައީސް އިބްރާހިމް މުހައްމަދު ސޯލިހު ވަޑައިގަތުމުން ހޯމް މިނިސްޓަރު އިމްރާން އަބްދުﷲ މަރުހަބާ ދަންނަވާއިރު، އަރިހުގައި ޕޮލިސް ކޮމިޝަނަރު ހަމީދު މަޑުކޮށްލައްވައިގެން-- ފޮޓޯ: ރައީސް އޮފީސް

އާސިމާ ނިޒާރު، މިހާރު

29 މާޗް 2020 - 12:07

9 comments

ގޮންޖެހުންތަކާއެކު ވެސް އަންނަނީ ފުލުހުންގެ ހިދުމަތަށް މުހިއްމު ބަދަލުތައް ގެންނަމުން ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.

ފުލުހުންގެ 87 ވަނަ އަހަރީ ދުވަހުގެ މުނާސަބަތުގައި ދެއްވި ހިތާބުގައި އިމްރާން ވިދާޅުވީ މުޅި ރާއްޖޭގެ ކުށުގެ ވެއްޓަށް އަންނަ ބަދަލުތަކާއި ދާހިލީ ސަލާމަތަށް ކުރިމަތިވެފައިވާ ގޮންޖެހުންތައް އެބަހުރި ކަމަށެވެ. ނަމަވެސް ފުލުހުންގެ ހިދުމަތަށް ގެންނަންޖެހޭ މުހިއްމު ބަދަލުތައް ހުއްޓުމަކަށް ނައިސް ކުރިއަށް ގެންދާ ކަމަށާއި އެގޮތުން، މިދިޔަ އަހަރަކީ ފުލުހުންގެ މަސައްކަތުގައި ވަރަށް ކާމިޔާބު އަހަރެއް ކަމަށް ވިދާޅުވި އެވެ.

މިނިސްޓަރު ވިދާޅުވީ ރައްޔިތުންނަށް ކުރިމަތިވާ ބޮޑު ކޮންމެ ކަމެއްގައި ވެސް އެންމެ އިސް ސަފުގައި، ރައްޔިތުންނާ އެންމެ ގާތުން މަސައްކަތްކުރާ ބަޔަކީ ފުލުހުން ކަމަށެވެ.

"ފުލުހުންގެ ސްޓްރެޖިކް ޕްލޭން ތަންފީޒުކުރަން ކޮމިޝަނާ އޮފް ޕޮލިސް މުހައްމަދު ހަމީދާއި ފުލުހުންގެ ލީޑަޝިޕް ގުޅިގެން ކުރާ މުހިއްމު މަސައްކަތް އަޅުގަނޑު ބަލައިގަންނަން،" އިމްރާން ވިދާޅުވި އެވެ.

Maldives Police Service ge 87 vana aharee dhuvahuge munaasabathugai fuluhunaai fuluhunge aailaathakah heyoedhumaai thahuniyaa dhannavan. Rayyithun ge Khidhumathuga thaa-abadhu fuluhun kuraa bura masahkayi faahangakoh ikhlaastherikamaaeku shukuru dhannavan.#PoliceDay2020 pic.twitter.com/k1ILKeM3Pn
— Imran Abdulla (@ShimranAb) March 29, 2020

ފުލުހުންގެ 87 ވަނަ އަހަރީ ދުވަހާ ގުޅިގެން ހޯމް މިނިސްޓަރު އިމްރާން ދެއްވި މެސެޖު

މިނިސްޓަރު ވިދާޅުވި ގޮތުގައި ދުނިޔޭގައި ފެތުރެމުންދާ ބަލިމަޑުކަމެއްގެ ގޮތުގައި ކަނޑައަޅާފައިވާ ކޮވިޑް-19 ގެ ސަބަބުން ކުރިމަތިވެފައިވާ ސިއްހީ ކުއްލި ނުރައްކަލުގެ ހާލަތުން އަރައިގަންނަން ކުރާ ބުރަ މަސައްކަތުގެ އެންމެ ކުރީ ސަފުގައި ވެސް ފުލުހުން ހަރަކާތްތެރިވަމުން އަންނަކަމަށެވެ. އޭނާ ވިދާޅުވި ގޮތުގައި މި ކަމުގައި އަންނަނީ ފުލުހުންގެ ހުރިހާ ހަކަތައެއް ބޭނުންކުރަމުންނެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ފުލުހުންގެ މުއައްސަސާ ސިޔާސީ މަގުސަދުގައި ބޭނުންކުރި ކަމަށް ވިދާޅުވެ އެ އިދާރާ އިސްލާހުކުރައްވާނެ ކަމަށް ރައީސް އިބްރާހިމް މުހައްމަދު ސޯލިހު ވަނީ ވިދާޅުވެފަ އެވެ. އޭގެ ދަށުން ސްޓްރެޓެޖިކް އެކްޝަން ޕްލޭން ލޯންޗުކޮށް ގިނަ މަސައްކަތްތަކެއް އަންނަނީ ކުރަމުންނެވެ.

ފުލުހުން ހޯމްލޭންޑް ސެކިއުރިޓީ މިނިސްޓްރީ އިމްރާން އަބްދުﷲ، ހޯމް މިނިސްޓަރު މުހައްމަދު ހަމީދު (ޕޮލިސް ކޮމިޝަނަރު)

9 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާއުނިމާ

30 March 2020

ކަލޭ ދައްކާވާހަކަ އަޑުއަހާނެ މީހަކު، ތިޔައީ އިތުބާރު ގެއްލިފަވާ މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

30 March 2020

ފުލުހުން ރަނގަޅުކަމަށް ރައްޔިތުން ބަލައިގަންނާނީ ގައުމުގަތިބި ދީނަށް ފުރަށްސާރަކުރާމީހުން ހައްޔަރުކުރަން ފެށިދުވަކުން އެހެންނޫނީ ދިވެހިން ފުލުހުން ބަލައެއްނުގަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަތީފް

29 March 2020

ފުލުހުންގެ ތެރެއަށް މިހާރު ގެނެވިފައިވާ ބަދަކުތަކުގެ ތެރެއިން ރަށު ފުލުުސް މީހާ ރަށައް ލާފަ ތިބުން ބަދަލުކުރަން ޖެހޭ. ފުލުސް މީހާ އަމިއްލަ ރަށުގަ ހުރެގެން އެއްކަމެްްވެސް އިސްލާހު ކުރާކަށް ނޫޅޭ. ފެންނަނީ ލޮލުގެ އެއްކޮޅުން، އަޑުވެސް އިވެނީ މަދު ފަހަރަކު ވަކިބައެއްގެ. ޢިސްކުރަނީ ޒާތީ މަސްލަހަތު ނޫނީ އާއިލީ، ރައްޓެހިން. މިފަދައިން ހުރި ރައްރަށުގަ ފުލުހުންނަށް އިތުބާރެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބާދު

29 March 2020

މިހާރު ވެސް ފުލުހުންގެމުވައްސަސާ ބޭނުން ކުރަމުން ދަނީ ސިޔާސީ ބޭނުމައް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

29 March 2020

އެކަންއެގުނު 2011 ފެބްރުއަރީ 7 ގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާމިޔާ

29 March 2020

ފުލުހުންވީ ވަގުންނާއި މަސްތުވާތަކެތި ބޭނުންކޮށް،ފޭރުމާއި މާރާމާރީ ހިންގާމީހުން ދިފާއުކުރަން އުޅުމުގެ ބަދަލުގައި ރައްޔިތުންނާއި ރައްޔިތުންގެ މުދާ ހިމާޔަތް ކުރާ ބަޔަކަށްވާން.ކުށްވެރިންނާއި ގޭންގުތަކާއި އޮންނަ ގުޅުން ކަނޑާލަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

29 March 2020

މިހާރު މަތިފަޑީގަ ތިޔަ ތިބި ބަޔަކު ތިއްބާ، އިތުބާރު ކުރެވޭކަށްނެތް، ޚާއްޞަކޮށް ކަމިޝަނަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންނަ

29 March 2020

ބައްލަވާ ރައީސް. ކޮންމެ ފަހަރަކު ނޫސްވެރިންނާ ބައްދަލު ކުރައްވާއިރު ތިޔަ ވިދާޅުވަނީ އިންޓަނެޓް ދެތިން ދުވަސް ތެރޭ އަގުހެޔޮ ކުރާނެ ވާހަކަ. ދެން އޭގެ ފަހުން ވިދާޅުވަނީ މަޝްވަރާ ކުރައްވާ ވާހަކަ. ދަންނަވަން އޮތީ އެންމެ ފުރަތަމަ ހާމަ ކުރުމުގެ ކުރިން މަޝްވަރާކުރައްވާނަމަ ކަންކަން މާބޮޑަށް ވެސް ރަނގަޅުވީހޭ. އަދި ރައްޔިތުންނަށް މާބޮޑަށް ވެސް އިތުބާރު ކުރެވުނީހޭ.