ހުށަހަޅާ މައްސަލަތައް އިތުރުވީ އާއްމުންގެ އިތުބާރު ބޮޑުވުމުން: ސީޕީ ހަމީދު

"ޕޮލިސް މެމޯރިއަލް ޑޭ ފާހަގަކުރަން މިދިޔަ އަހަރު ބޭއްވި ހަފްލާގެ ތެރެއިން.---ފޮޓޯ: ހުސައިން ވަހީދު/ މިހާރު

އާސިމާ ނިޒާރު، މިހާރު

29 މާޗް 2020 - 17:23

ފުލުހުންނަށް މިދިޔަ އަހަރު ހުށަހެޅި މައްސަލަތައް އިތުރުވީ އެ މުއައްސަސާއަށް އާއްމުންގެ އިތުބާރު ބޮޑުވުމުން ކަމަށް ކޮމިޝަނާ އޮފް ޕޮލިސް (ސީޕީ) މުހައްމަދު ހަމީދު މިއަދު ވިދާޅުވެއްޖެ އެވެ.

މުހިއްމު ތަފާސްހިސާބުތައް ހިއްސާކުރައްވަމުން ސީޕީ ހަމީދު ކުރެއްވި ޓްވީޓެއްގައި ވިދާޅުވީ، ރައްޔިތުންގެ އިތުބާރު ހޯދަން ކުރާ މަސައްކަތުގައި ދެމި ތިބޭނެ ކަމަށެވެ. އެއީ އެ ހިދުމަތް ސައްހަވުމުގެ އަސާސަކީ އެއީކަން ދެނެ ތިބެގެން ކަމަށް ވިދާޅުވި އެވެ.

އޭނާ ވަނީ މިދިޔަ އަހަރަކީ ކާމިޔާބު އަހަރެއްކަމަށް ހެދުމަށް މަސައްކަތްކުރި ހުރިހާ ފުލުހުންނަށް ޝުކުރު އަދާކުރައްވައިފަ އެވެ.

ސީޕީ ވިދާޅުވިގޮތުގައި، ފުލުހުންނަށް 2018 ވަނަ އަހަރު ހުށަހެޅި މައްސަލަތަކަށް ވުރެ، މިދިޔަ އަހަރު ހުށަހެޅި ޖުމްލަ މައްސަލަތައް 9.73 ޕަސެންޓް އިތުރެވެ. އެކަމުން ފުލުހުންގެ މުއައްސަސާއަށް އާއްމުންގެ އިތުބާރު ބޮޑުވެފައިވާކަން ދައްކައިދޭ ކަމަށް ވިދާޅުވި އެވެ.

Some of the achievements in the last one year. Thanking all the police officers & staff for making these possible. We remain intent on garnering public acceptance, with the understanding that it is of essence to the legitimacy of policing.#emmengekhidhumathugai #avatterifuluhun pic.twitter.com/9nesS5hTzs
— Mohamed Hameed (@M_Hameedh) March 29, 2020

މިދިޔަ އަހަރު ހުށަހެޅި ޖުމްލަ މައްސަލަތަކުގެ އަދަދު އުޅެނީ 37،820 ގަ އެވެ. އޭގެ ކުރީ އަހަރު ހުށަހެޅީ 31،355 މައްސަލަ އެވެ. މިދިޔަ އަހަރު ހުށަހެޅި މައްސަލަތަކުގެ އަދަދު އިތުރުވިއަސް މީހުން މެރުން ފަދަ ބޮޑެތި މައްސަލަތައް އުޅެނީ ވަރަށް މަދުންނެވެ.

މިދިޔަ އަހަރު، އޭގެ ކުރީ އަހަރާ އަޅާ ބަލާއިރު ތަފާތު އެކި މައްސަލަތަކުގައި ދައުވާކުރަން ފޮނުވި އަދަދު ވެސް 22.8 ޕަސެންޓަށް އިތުރުވެފައިވާ ކަމަށް ވިދާޅުވި އެވެ. އެކަމުން، ތުހުމަތުކުރެވޭ މީހުން އިންސާފުގެ ކުރިމައްޗަށް ގެނެސް އަނިޔާ ލިބޭ މީހުން ރައްކާތެރިކޮށްދޭކަން ދައްކުވައިދޭ ކަމަށް ވިދާޅުވި އެވެ.

ތަފާތު 135 އޮޕަރޭޝަނެއްގައި 462 ކިލޯގެ މަސްތުވާތަކެތި އަތުލައިގެންފައިވާކަން ފާހަގަކުރައްވައި އޭނާ ވިދާޅުވީ އެ އެއްޗެހި އަތުލައިގަނެވުމަކީ މަސްތުވާތަކެތި ދައުރުވުން ހުއްޓުވައި ގެއްލުން ކުޑަކުރެވުނު ކަމެއް ކަމަށެވެ.

ނެއިބަހުޑް ޕޮލިސްގެ ހިދުމަތް ފުޅާކޮށް އެއީ ޕޮލިސްގެ މުހިއްމު ބައެއްގެ ގޮތުގައި ހަމަޖައްސައި އޮންލައިންކޮށް މައްސަލަތައް ހުށަހެޅޭގޮތް ހަދައި އޮންލައިންކޮށް ކުށުގެ ރެކޯޑު ދޫކުރާ ގޮތް ހެދުމަކީ މިދިޔަ އަހަރު ހާސިލްކުރެވުނު މުހިއްމު ކަންތައްތައް ކަން ފާހަގަކުރެއްވި އެވެ.

ސީޕީ ވިދާޅުވީ ހޭލުންތެރިކުރުމުގެ ޕްރޮގްރާމްތަކުން 54،000 މީހުންނަށް މައުލޫމާތު ފޯރުކޮށްދީފައިވާ ކަމަށެވެ. އޭގެ އިތުރުން ސްޓްރެޖިކް ޕްލޭނުގައި ހިމަނާފައިވާ ކަންތައްތައް ހާސިލްކުރަން މިއަހަރަށް 15 ޕްރޮޖެކްޓެއް ކަނޑައަޅާފައިވާކަމަށް ވިދާޅުވި އެވެ.

ފުލުހުން ފުލުހުންގެ ސްޓްރެޓެޖިކް ޕްލޭން މުހައްމަދު ހަމީދު (ޕޮލިސް ކޮމިޝަނަރު)

14 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުރާސިލް

30 March 2020

ކޮން ތާކު ފުލުހުން ނައް އިތުބާރު ނުކުރަން ކުށްގިނަވީމަ ހުށައަޅާމައްސަލަ ގިނަވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެޑްސީ

30 March 2020

ސީޕީވެސް ގޭތެރެއިން ހޮވަން ޖެހުނުކަން ދެރަ. ދެން ގެނޭ އެހެން ޅިޔަނެއް ސަލްޓަންޕާކުގެ ގަސްގަހަށް ނަންކިޔަން ލާރިގަނޑެއްދީފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރެމީހުން

30 March 2020

ކަލޯ ހަމީދޫ! އަހުރެމެންގެ ބުއްދިއަށް ކޮށްލި މަލާމާތެއްތަ! ، ހުށަހަޅާ މައްސަލަ ގިނަވަނީ ކުށްކުރާވަރުގިނަވީމާ، ގައުމުގައި އަމާންކަންދަށަށްދިޔައީމާ އެނގިއްޖެ، ހޮސްޕިޓަލަށް ބާރުބޮޑުވަނީ ބަލިމީހުން ގިނަވީމަ، އާންމު ސިއްހަތު ދަށަށްދިޔައިމާ އެއީކީ ހޮސްޕިޓަލުގެ ފެންވަރުމަތިކަމުގެ ނިޝާނެއްނޫން. ސަހަރާއަށް މީހުންގެންދާވަރުވެސް ގިނަވަނީ އެތަނުގެ ހިތްގައިމުކަމާއި ކޮލިޓީކަމުންނޭ ބުނަންވީނު، މަރުވާ އަދަދު ގިނަވާތީކީ ނޫނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

30 March 2020

ތިފެންނަނީ އަޅެ ފާރެއްތަ. ޕިރަމިޑްގެ މަތީ އެއްކޮށް އޯވަހޯލް ކޮށްގެން ތިތަން ރަނގަޅުވާނީ. ބގވތ ކުރި މީހުން ހުސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާ

30 March 2020

މައްސަލަތަށް އިތުރުވީ އެއްގޮތަކަށްވެސް އިތުބާރު ބޮޑުވެގެންނޫނެވެ. މައްސަލަތަށް މި ސަރުކާރު އައިފަހުން އިތުރުވެފައިވަނީ ކޮރޯނާ ވައިރަސް އިތުރުވެފައިވާ ގޮތަށެވެ. ރައްޔިތުންގެ ހިތުގައި އޮތް ބިރުވެރިކަމެއްގެ ސަބަބުން ރިޕޯޓްކުރަން ބޭނުންނުވަނީއެވެ. ރިޕޯޓްކުރިއަސް ދައުވާކުރަންވެސް ބޭނުންނުވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓައުފީޤް

30 March 2020

ކިތައް މައްސަލަބާ ނިމިފަ ހުރީ؟ މައްސަލަތައް ބަލާ ނިންމާ ރޭޓް ކިހާވަރެއްބާ؟ ޢަދިވެސް އިވެނި ރިޕޯޓް ކުރިޔަސް ކަމެއް ނުވާ ކަމަށް. ޢެބަ އުޅޭ ތިމަންނަގެ މައްސަލައެއް ލިޔަސް ނުބަލާނެޔޭ ތިމަންނަގެ ރަށްޓެހިން ޕޮލިހުގަ ތިބެޔޭ ބުނެ މީހުނަށް އާއްމު އުދަގޫ ކުރާމީހުން. ޕޮލިހުންގެ ތެރޭގައި ކޮރަޕްސަން މަދުކުރަން ކިހާވަރަކަށްބާ މަސައްކަތް ކުރެވިފަ އޮތީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނީރު

29 March 2020

ހުށަ އަޅާ މަސް އަލަތައް ކިހާވަރަކައް ހިގާތޯ ކުއްވެރިޔަކު އަތުލައިގަނެގެން ބުރީފިންގެއް ދީފިއްޔާ ވިދާޅުވާ އަޑު މިއިވެނީ އެއީ މިވެނިނަމެއްކިޔާ މިވެނި ރަށެއްގަ އުމުރުން މިތައް އަހަރުވެފައިވާ މީހެކޭ ދެންވިދާޅުވާނެ އެއީ ވައްކަން ކުރުމާ މާރާމާރީ ހިންގުމާ މަސްތުވާއެއް ޗިއްސާ މިހެންގޮސް ދުނިޔޭގެ ލެއްވިހާ ކުށެއް ކޮއްފަ ކުށުގެ ރިކޯޑް އޮންނަ މީހެއް ސުވާލަކީ ތިޔަވިދާލުވާ މަސް އަލަތައް ބަލާ ފިޔަވަޅު އެޅުނުނަމަ ރިކޯޑް ހޯދާކައް އެމީހާ މުޖުތަމައުގަނޫޅޭނެ ވދނ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

29 March 2020

ކުށްގިނަވުން އެއީ މައްސަަލަ ހުސަހަޅާ ސަބަބަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜިޔާޒް1

30 March 2020

ކުށްގިނަވެފަ މައްސަލަ ހުށަހެޅިޔަސް މައްސަލައަށް ރަގަޅު ހައްލެއް ނުލިބޭތީ އަނެއްކާވެސް އެމީހަކު ހަމަ އެފަދަ ކަމެއް ކުރުމުން ޕޮލިހަށް ރިޕޯޓް ކުރެވި އެކަށީގެންވާ ފިޔަވަޅެއް އެޅިފަ ނެތުމުން