އެމްޕީއެލްއަށް ތެޔޮ ސަޕްލައި ކުރުން މެރީޑިއަމް ނޫން ބަޔަކަށް ނުދޭން ވަގުތީ އަމުރެއް ނެރެފި

ރިޔާޒް މަޖިލީހުގައި ވާހަކަ ދައްކަަވަނީ: ތެލުގެ ވިޔަފާރިކުރާ މެރީޑިއަމަކީ އޭނާގެ ކުންފުންޏެއް-- ފޮޓޯ: މަޖިލިސް

މުއިއްޒު އިބްރާހިމް، މިހާރު

11 އޮކްޓޯބަރ 2016 - 12:57

މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ވެހިކަލްތަކަށް ބޭނުންވާ ތެޔޮ ސަޕްލައި ކުރުން މެރީޑިއަމް ނޫން އެހެން ފަރާތަކާ ހަވާލުނުކުރަން އަންގައި، އެމްޕީއެލްގެ މައްޗަށް ސިވިލް ކޯޓުން ވަގުތީ އަމުރެއް އިއްޔެ ނެރެފި އެވެ.

އެގޮތަށް އަމުރުކުރީ އެމްޕީއެލްގެ ވެހިކަލްތަކަށް ތެޔޮ ސަޕްލައި ކުރުން ރައްޔިތުންގެ މަޖިލީހުގެ ވިލުފުށީ ދާއިރާގެ މެމްބަރު ރިޔާޒު ރަޝީދުގެ މެރީޑިއަމާ ހަވާލުކޮށްފައި ވަނިކޮށް އެހެން ފަރާތަކާ އެކަން ހަވާލުކޮށްގެން އެމްޕީއެލް އިން ތެޔޮ ހޯދަމުންދާތީ އެ މައްސަލަ މެރީޑިއަމުން ކޯޓަށް ހުށަހެޅުމުންނެވެ.

މެރީޑިއަމުން ކޯޓުގައި އެދިފައިވަނީ މައްސަލަ ނިމެންދެން އެމްޕީއެލްއަށް ތެޔޮ ސަޕްލައި ކުރުން އެހެން ފަރާތަކަށް ނުދޭން ވަގުތީ އަމުރެއް ނެރެ ދިނުމަށެވެ.

މެރީޑިއަމުން ބުނެފައިވާ ގޮތުގައި އެމްޕީއެލްގެ ވެހިކަލްތަކަށް ތެޔޮ ސަޕްލައި ކުރުން މެރީޑިއަމާ ހަވާލުކުރީ މިި އަހަރުގެ އޭޕްރީލް މަހު އެވެ. އެ އެއްބަސްވުން އެގޮތަށް އޮއްވާ، އެ މަސައްކަތް އެހެން ފަރާތަކާ ހަވާލުކުރުމަކީ އެއްބަސްވުމުގެ މަގްސަދާ ޚިލާފް ކަމެއް ކަމަށް މެރީޑިއަމުން ކޯޓަށް ހުށަހެޅި މައްސަލާގައިވެ އެވެ.

ކޯޓުގެ އަމުރުގައި ވަނީ މައްސަލައިގެ ވަކި ގޮތެއް ނިންމަންދެން ނުވަތަ އެހެން ގޮތަކަށް އަންގަންދެން ތެޔޮ ސަޕްލައި ކުރުމުގެ މަސައްކަތް މެރީޑިއަމް ނޫން އެހެން ފަރާތަކާ ހަވާލުނުކުރަން އެމްޕީއެލްގެ މައްޗަށް އަންގާ ކަމަށެވެ.

އެގޮތަށް އަމުރު ނުނެރެފި ނަމަ މެރީޑިއަމަށް އިއާދަނުކުރެވޭ ވަރުގެ ގެއްލުމެއް ލިބިދާނެ ކަމަށް ގަބޫލުކުރެވޭ ކަމަށާއި އެކަން މެރީޑިއަމުން ކޯޓުގައި ބަޔާންކޮށްދީފައިވާ ކަމަށް ވެސް އެ އަމުރުގައިވެ އެވެ.

އަމުރަށް ޖަވާބުދާރީވާން ކޯޓަށް ހާޒިރުވާން އެމްޕީއެލްއަށް ޗިޓް ފޮނުވުމުން އެ ކުންފުނިން އެ ޗިޓާ ހަވާލުވެފައިނުވާތީ އެ އަމުރު ނެރުމުގައި އެމްޕީއެލްގެ ބަހެއް ކޯޓަށް ލިބިފައެއް ނުވެ އެވެ.

އެފަދަ ހާލަތުގައި އަމުރަށް އެދޭ ފަރާތަށް ލިބިދާނެ ގެއްލުމަކުން ސަލާމަތް ކުރަން އަމުރު ރައްދުވާ ފަރާތުގެ ބަހެއް ހޯދުމެއް ނެތި ވަގުތީ އަމުރު ނެރެވިދާނެ ކަން ޝަރީއަތް ކުރުމާ ބެހޭ ގަވާއިދުގައި އޮންނަ ކަން ކޯޓު އަމުރުގައި ފާހަގަކޮށްފައިވެ އެވެ.

ސިވިލް ކޯޓް ތެޔޮ އެމްޕީއެލް މެމްބަރު ރިޔާޒް ރަޝީދު މެރީޑިއަމް ސާވިސަސް ފިއުލް ސަޕްލައިސް

59 ކޮމެންޓް, 225 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަގަގަދަމިތުރު

13 October 2016

މިގައުމުގަ މެރީޑިއަމް ނޫން ދެވަނައެއްވެސް ފަރާތަކުން ތެޔޮވިއްކުމަކީ މެރީޑިއަމްއަށް ލިބޭ ފައިދާ ކުޑަވާނެކަމެކެވެ. އެހެންބަޔަކު މިގައުމުގަ ތެޔޮވިއްކުން މަނާކުރިނަމަ މެރިޑިއަމްއަށްވާ ފައިދާ މާބޮޑުކުރެވޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނޮނީމާ

12 October 2016

އެސްޓީއޯއައްވެސް އަދި އެއަރޕޯޓަށްވެސް ތެޔޮ ސަޕްލައި ކުރުންވެސް މީނާޔާހަވާލުކުރަންވީ. އަނެއްހެންބުނަނޏާ ތެލާބެހޭހުރިހާކަމެއް މީނަޔަށް ދޭންޖެހޭގޮތަށް ކޯއްޓޭގެ އަމުރެއް ނެރެންވީނުން. ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުބެ.

12 October 2016

ތިތަނުގައި ތެއޮނެތިއްޔާ ކިހިހެތް ހަދާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

12 October 2016

ތީނަ ފިހާރެއް ހުޅުވައިފިއްޔާ ކިތަންމެ އަގު ބޮޑަސް ރައްޔިތުން ވިޔާފާރި ކުރަންވެސް ޖެހޭނީ އެފިހާރަޔަކުންތާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފފ

12 October 2016

ދައުލަތުގެ ކުންފުންޏަކަށަށް ގެއްލުންވާ ގޮތަށް ބޮޑު އަގުގައި މީހެއްގެ އަތުން ތެއުގަތުމަށް އެންގިދާނެތޯ؟ މީހަމަ ކޮރަޕްޝަން ނޫން ކޯޗެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޫ

12 October 2016

ރިޔާޒުމެން ހަމަ ބުނެލާއިރަށް އަމުރު ނެރެދޭ. އެހެން މީހުން ވަގުތީ އަމުރަކަށް އެދުނަސް ޙުކުމަކީ " ތިޔައަމުރު ނެރެދެވޭކަށްނެތް" ކިހިނެއްތަ މިވަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

12 October 2016

ފެނަކަ އެމްޕީއެލް ފަދަ ކުންފުނި ތަކުން މި ތާރޑްޕާޓީ އެމްޕީ އިން އަތުން ތެޔޮ ގަތުން، ކޮންޓްރެކްޓް މަސައްކަތް ތައް ކުރުވުން މިއީ އަދު ބާރު ސްޕީޑްގައި ހިނގާކންތައްތައް ދޯ... ކޮރޕްޝަން މެކުހަށް" މިއީ މިސަރުކަރުގެ މޮޓޯ ކަންނޭނގެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

12 October 2016

މީ ހަމަ ސީދާ ކަރަޕްޝަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާފުޅުބެ

12 October 2016

ހޮޓާތަކަށް ކާބޯތަކެތިވެސް މީގެ ފަހުން ގަންނަންވާނީ ރިޔާޒު ރަސީދުމެންގެއިންނާއި ސަދަގާތު ފައުންޑޭސަނުން މިނޫންގޮތަކަށް އަމަލުކޮށްފިނަމަ 25 އަހަރުގެ ޖަލުހުކުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސައިން

11 October 2016

މެރީޑިއަމުން އެމްޕީއެލްއަށް ތެޔޮ ގަންނަން ފެށިފަހުން ވެހިކަލްތަކުގެ ފިއުލް ސިސްޓަމްތަކަށް މައްސަލަ ދިމާވެ ބޮޑެތި ގެއްލުންތަށް ވަމުންދެއެވެ. މިހެވަނީ ބައެއްފަހަރު ސަޕްލައިކޮއްދޭ ތެލުގައި ފެން އެކުލެވިގެންވާތީއެވެ.