ކޮވިޑް-19: ރާއްޖޭގެ މަސައްކަތް ފާހަގަކޮށް އީޔޫން ތިން މިލިއަން ޔޫރޯ ދެނީ

މުހައްމަދު ނަސީމް، މިހާރު

09 އެޕްރީލް 2020 - 20:47

އެކި ގައުމުތަކުގައި ކޮވިޑް-19 ފެތުރެން ފެށުމާ އެކު، ރާއްޖޭން ފިޔަވަޅު އެޅި ގޮތަށް ތައުރީފުކޮށް، ޔޫރަޕިއަން ޔޫނިއަން (އީޔޫ) އިން ރާއްޖެ އަށް ތިން މިލިއަން ޔޫރޯގެ އެހީއެއް ދޭން ނިންމައިފި އެވެ.

އެ ޖަމާއަތުން މިއަދު ނެރުނު ބަޔާނެއްގައި ބުނީ، ރާއްޖޭގެ ސިއްހީ ނިޒާމަށް އެހީތެރިވުމަށް އެއް މިލިއަން ޔޫރޯ އަދި ޓޫރިޒަމް އިންޑަސްޓްރީ އަށް ދެ މިލިޔަން ޔޫރޯ ދޭން ނިންމާފައިވާ ކަމަށެވެ.

ކޮވިޑް-19 ފެތުރެން ފެށުމުން ރާއްޖޭން މަސައްކަތް ކުރި ގޮތަށް ތައުރީފު ކުރަމުން އެ ބަޔާނުގައިި ބުނީ ރާއްޖޭން އަޅާފައި ވަނީ އޭގެ ފައިދާތަކެއް ކުރާ އަދި ދެފުށް ފެންނަ ފިޔަވަޅުތަކެއް ކަމަށާއި އެ ކަމަށް އީޔޫގެ މެމްބަރު ގައުމުތަކުން މަރުހަބާ ކިޔާ ކަމަށެވެ. އަދި ރާއްޖޭގައި ތިބި އެ ގައުމުތަކުގެ ރައްޔިތުން އަނބުރާ ގެންދިއުމަށް ގައުމުތަކާ ގުޅިގެން ރާއްޖޭން ކުރި މަސައްކަތް ޝުކުރުވެރިކަމާ އެކު ފާހަގަކުރާ ކަމަށް ވެސް އީޔޫން ބުނެ އެވެ.

އެ ޖަމާއަތުން ބުނިގޮތުގައި، ރާއްޖެ އަށް އެހީ ވަނީ މިހާރު ކުރިމަަތިވެފައިވާ ކާރިސާގެ އަސަރުތައް ކުޑަކުރުމަށާއި މި ބަލިމަޑުކަމާ ކުރިމަތިލާން ތައްްޔާރުވެފައިވާ މިންވަރު އިތުރު ކުރުމަށް ގައުމުތަކަށް ވަމުން އަންނަ އެހީގައި ތެރޭގައި ހިމެނޭ ކަމެއްގެ ގޮތުގަ އެވެ.

"ޔޫރަޕުން ދޭ އެއްބާރުލުމަކީ ހުސް ބަސްތަކެއް ނޫން. އެއީ ގުޅިގެން މަސައްކަތްކޮށް، ޔޫރަޕުން ދޭ ފައިސާގެ އެހީން ރާއްޖޭގެ ހެލްތު ސެކްޓާ އާއި ޓޫރިޒަމަށް ފައިދާ ކޮށްދިނުމަށް ގުޅިގެން މަސައްކަތް ކުރުން،" ސަފީރު ޑެނިސް ޗައިބީ

"ދިވެހިރާއްޖެ އަށް މަދަދު ކުރުމަށްޓަކައި ސިއްހީ ދާއިރާ އަށް އެއް މިލިއަން ޔޫރޯ އަދި ޓޫރިޒަމް އިންޑަސްޓްރީ އަށް ދެ މިލިއަން ޔޫރޯ އީޔޫ އިން ފޯރުކޮށްދޭނެ އެވެ. އެއީ ކުދި އޮޕަރޭޓަރުންނާއި އެ ފަރާތްތަކުގެ މުވައްޒަފުން ވެސް ހިމެނޭ ގޮތުންނެވެ،" އީޔޫގެ ބަޔާނުގައި ވެ އެވެ.

އީޔޫން ރާއްޖެ އާއި ސްރީ ލަންކާ އަށް ކަނޑައަޅާފައި ހުންނަވާ ސަފީރު ޑެނިސް ޗައިބީ ވިދާޅުވީ، މި ހުތޫރަތްތެރި ވަގުތަކީ އީޔޫ އާއި ރާއްޖޭން ގުޅިގެން މަސައްކަތް ކުރުމުގެ މުހިއްމުކަން މީގެ ކުރިން ދުވަހަކު ވެސް ނުވާ ވަރަށް މުހިއްމު ވެފައިވާ ދަނޑިވަޅެއް ކަމަށެވެ.

"ޔޫރަޕުން ދޭ އެއްބާރުލުމަކީ ހުސް ބަސްތަކެއް ނޫން. އެއީ ގުޅިގެން މަސައްކަތްކޮށް، ޔޫރަޕުން ދޭ ފައިސާގެ އެހީން ރާއްޖޭގެ ހެލްތު ސެކްޓާ އާއި ޓޫރިޒަމަށް ފައިދާ ކޮށްދިނުމަށް ގުޅިގެން މަސައްކަތް ކުރުން،" އޭނާ ވިދާޅުވި ކަމަށް އީޔޫގެ ބަޔާނުގައި ވެ އެވެ.

ކޮވިޑް-19 ފެތުރުން ހުއްޓުވަން އެކި ގައުމުތަކުން އެޅި ފިޔަވަޅުތަކާ އެކު، އެއާލައިންތަކުގެ ދަތުރުތައް ހުއްޓުނުއިރު، ޔޫރަޕްގެ ގިނަ އަދަދެއްގެ ޓޫރިސްޓުން ރާއްޖޭގައި ތިއްބެވެ. އެކަމަކު، އޭގެ ތެރެއިން ގިނަ މީހުން މިހާރު ވަނީ އަނބުރާ އެ ގައުމުތަކަށް ގެންގޮސްފަ އެވެ.

ސިއްހަތު އީޔޫ ފޮރިން މިނިސްޓްރީ ރާއްޖެ-ޔޫރަޕް ރާއްޖެ-އީޔޫ ސިއްހީ ޚިދުމަތް ޓޫރިޒަމް

18 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިލިޓަރީ

10 April 2020

ޤައުމު ހިނގަން ނޭގެ ބަޔަކު ވެރިކަމަ އެރުވީމަ. ޑޮލަރު ދިނަސް ތި ޑޮލަރުތަކަށް ވާގޮތެއް ނޭގެނެ. ވަކަރުގޭ މުޒާހަރާ ކުރާ މިހުން ވެރިކަމުގަ މިތިބީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެގިއުލޭޓް

10 April 2020

ރައްޔިތުން މިދައްކަން ޖެހޭ ބޮޑު ކުލިން ސަލާ މަތްކޮށް ދޭނެ ގޮތްތަކެއް ހޯދަންވީ. އެފަދަ ފިޔަވަޅެއް އަޅައިދޭންވީ. ޢެކަކުވެސް ނުބުނާނެ ކުލި ކުޑަކޮށްދޭނަ މޭ ސަރުކާރުން މިވިޔަފާރި ރެގިއުލޭޓް ނުކުރާހާހިދަކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތަން އިސްކުރަންޖެހޭ

10 April 2020

ދައުލަތުގެ ރިޒާވް ވަރައް ބޮޑުތަނުން މަދުވެއްޖެ. ރައްއިތުންނަކަ މީގެ އެއްވެސް ފައިދާއެއް ނުކުރި. ރައިސް ޔާމިންގެ ވެރިކަން މާ ބޯޑައްވެސް ރަގަޅު. ރާއްޖެ ދިޔައީ ވަރައްބަރުމިނުގަ ތަރައްގީ ވަމުން. މީ ރިއަލިޓީއަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ރަސްގެފާން

10 April 2020

ރައިސް ޔާމިންގެ ދައުރުގަ ނަޝީދު އިސްވެހުރެ ރައްޖެއަ އެހީނުވަންގޮވާ އިންވެސްޓު ނުކުރަން އީޔޫ އިސްވެހުރެ ރާއްޖެގެ ތަރައްގީ ހުއްޓުވާލީ. ދީނީ މިނިވަންކަމެއް ނެތޭ ކިޔައިގެން. ދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

10 April 2020

ރާއްޖެއަ ދުވަހަކު ނުވަންނަ ޑޮލަރު ވަދެއްޖެ ރާއްޖެއަ އެ ޑޮލަރުތަކަށް ވާގޮތެއްނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތުރުފަނި

10 April 2020

އަޅުގަނޑުމެން ވެއްޖެ ވެކްސިން ޖަހާފަ އިނގޭތޯ! "ޖަލަށް"...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

10 April 2020

އީޔޫއިން ދޭފައިސާގެ އެހީ ރިސޯޓުތަކުން ވަޒީފާއިން ވަކިކުރާ މުވައްޒަފުންނަށް ރަށުގައި އަމިއްލަ މަސައްކަތެއް ފެށުމަށް ދެއްވާ. އަދި ސިއްހީ ދާއިރާ ރަގަޅުކުރުމަށް ދޭފައިސާއިން ބައެއް މާލެއިން ރަށަށް ހިޖުރަކުރަން ބޭނުންވާ އާއިލާތަކަށް ދެއްވާ. ސަބަބަކީ ސިއްހީ ބޮޑު ކާރިސާއެއް ހިގުމުގެ އެންމެ ބޮޑު ސަބަބަކަށް މާލޭގެ ތޮއްޖެހުން ހިމެނޭތީ. އެހެންވީމާ މާލެ ވީހާވެސް އަވަހަކަށް ލުއިކޮށްގެން ނޫނީ އާއްމު ސިއްހަތު މެނޭޖްކުރަން އުދަގޫވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

10 April 2020

ސްކޫލްތަކުގެ ކުދިން ލައްވައި ދިދަ ކުރަހައި އެތައް ލައްކައެއް ޚަރަދުކޮށްގެން ފޮރިން މިނިސްޓަރ ޝާހިދު ކޮންމެވެސް ޖަމާއަތެއްގަ ދިދައެއް ނަގަން ދިޔަ. އެ ޖަމާއަތް ދުނިޔޭގަ އެބައޮތްތޯ؟ އޮތިއްޔާ ރާއްޖެއަށް ބައި ރުފިޔާވެސް ދިއްކޮށްލިތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާމުލަދޭރި ކިލެގެފާނު

09 April 2020

އީޔޫގެ މެންބަރު ގައުމުތައް ހާލުގަ ޖެހިގެން އެހީތެރިކަމަށް އެދުނީމަ އަޅާނުލާފަ މާދުރުގަ ތިބި ބަޔަކަށް ތިފަދަ އެހީއެއް ދޭން ހުށަހެޅުމަކީ ސުވާލު އުފެދޭ ކަމެއް. ތީގެ ފަހަތުގަ ކޮންމެވެސް ބޮޑު ކަމެއް އޮންނާނެ. ދީނީ މިނިވަންކަން ހޯދަން ދޭ ޕެކޭޖަކަށް ނުވުމަށްވުރެން ވުން ކައިރި.