މޯލްޑިވިއަންގެ ފްލައިޓެއް-- ފޮޓޯ:މިހާރު
19 އެޕްރީލް 2020 - 11:54
2 comments
މާލެ ސަރަހައްދު ލޮކްޑައުން ކުރުމާ އެކު މޯލްޑިވިއަންގެ ޑޮމެސްޓިކް ހުރިހާ ދަތުރެއް މެދުކަނޑާލައިފި އެވެ.
މޯލްޑިވިއަން އިން ބުނީ ލޮކްޑައުންގެ ހާލަތު ނިމުނުހާ އަވަހަކަށް ކެންސަލްވި ދަތުރުތައް އަލުން ޝެޑިއުލްކޮށް އެކަން ކަސްޓަމަރުންނަށް އަންގަމުން ގެންދާނެ ކަމަށެވެ.
ކޮވިޑް-19 ރާއްޖެއިން ފެނުނުތާ މަހަކަށް ވުރެ ގިނަ ދުވަސް ވެފައިވާ އިރު، މި ބައްޔާ ގުޅިގެން، މޯލްޑިވިއަންގެ ޑޮމެސްޓިކް ދަތުުރުތައް ވަނީ ވަރަށް ބޮޑަށް މަދު ވެސް ކޮށްފަ އެވެ.
މީގެ އިތުރުން މިދިޔަ މަހު ވެލާނާ އިންޓަނޭޝަނަލް އެއާޕޯޓް ބަންދުކުރުމާ ގުޅިގެން މޯލްޑިވިއަންގެ އިންޓަނޭޝަނަލް ޝެޑިއުލް ހުރިހާ ދަތުރެއް ވެސް ވަނީ ކެންސަލްކޮށްފަ އެވެ. އެކަމަކު ރާއްޖެއަށް ބޭނުންވާ މުދާ ގެންނާށާއި ބޭރުގައި ތިބި ދިވެހިން އުފުލަން، ހާއްސަ ފްލައިޓްތަކެއް އަންނަނީ ބާއްވަމުންނެވެ.
ކޮވިޑް-19އާ ގުޅިގެން މާލެ ސިޓީ "ލޮކްޑައުން"ކޮށްފައިވާތީ އެތެރޭގެ އުދުހުންތައް މި ވަގުތަށް މެދުކަނޑާލާފައިވާ ވާހަކަ ދަންނަވަމެވެ. އަދި ލޮކްޑައުންގެ ހާލަތު ނިމުނުހާ އަވަހަކަށް ކެންސަލްވި ދަތުރުތައް އަލުން ޝެޑިއުލްކޮށް ކަސްޓަމަރުންނަށް އަންގަމުން ގެންދާނެވާހަކަ ދަންނަވަމެވެ.
— Maldivian (@MaldivianAero) April 19, 2020
މޯލްޑިވިއަން ޓްވީޓް
މާލެ ލޮކްޑައުންކުރުމާ އެކު މާލެއިން މީހުން ފޭބުމާއި މާލެއަށް މީހުން އައުން ވެސް މަނަ އެވެ. އެހެންކަމުން ހާއްސަ ހާލަތެއްގައި ނޫނީ އާންމު އެހެން ދަތުރުފަތުރު ވެސް މިހާރު ވަނީ ހުއްޓުމަކަށް އައިސްފަ އެވެ.
މާލެ ލޮކްޑައުން ކޮށްފައިވަނީ މާލެއިން ކޮވިޑް-19 އަށް ޕޮޒިޓިވް މީހަކު ފެނުމުންނެވެ. މިދިޔަ ބުދަ ދުވަހުން ފެށިގެން މިއަދާ ހަމައަށް މާލެއިން ޕޮޒިޓިވްވި މީހުންގެ އަދަދު މިހާރު ވަނީ 15 އަށް އަރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދޮރު ނެތް މާލޭމީހާ
19 April 2020
ރާއްޖެއަކީ ވަޞީލަތްތައް ވަރަށް މަދު ޤައުމަކަށް ވީހިނދު، އެހެން ޤައުމުތަކަށް ވަރަށް ބޮޑަށް ބަރޯސާ ވާންޖެހޭ. ދުނިޔޭގެ އެންމެ ބޮޑަށް ތަރައްޤީވެފައިވާ ޤައުމުތަކުންވެސް އެ އުޅެނީ މި ވައިރަހާދެކޮޅަށް ކުރާ ހަނގުރާމަ ކާމިޔާބު ކުރާނެގޮތެއް ނޭނގިގެން. ސަރުކާރުގެ ޕްލޭންތައް ހަމަ ވަރަށް ރަނގަޅުކަމަށް ޤަބޫލުކުރަން. ޕްލޭން އޭ ޕްލޭން ބީ މިހެން ގޮސްޕްލޭން ޒެޑާ ހަމަޔަށް ހެދީމަ އެއީ އެއްވެސް ހަރުދަނާ ކަމެއް ނެތް ޕްލޭން ތަކަކަށް ވާނީ. ދެވަނަ ޕްލޭނެއް އޯކޭ.
ލޮކީ
19 April 2020
ލަފާކުރެވޭ ގޮތުގައި މި ލޮކްޑައުން ނިމޭނީ ޖޫން މަހު ތެރޭގައި. އެޗް.ޕީ.އޭގެ ޕެޓަރން އަށް ބަލާއިރު 1 މެއި ގައި އަނެއްކާ ވެސް ލޮކްޑައުން އިތުރު ކުރާނެ. ރައްޔިތުން ކައިރީގައި ސާފުކޮށް ޕްލޭން ކިޔައިދޭނަމަ ރައްޔިތުން އަނދިރީގައި ތިބޭކަށް ނުޖެހޭނެ. ލަފާކުރެވެނީ މާބޮޑު ޕްލޭނެއް އޮވެގެން މަސައްކަތެއް ކުރަނީ އަކީ ނޫންކަން. އެންމެ ކުޑަ މިނުން ޕްލޭން އޭ ،ބީ އަދި ސީ އެއް އޮންނަންވާނެ އަދި އެއް ޕްލޭން ފޭލްވެއްޖެނަމަ އަނެއް ޕްލޭން ފަށަންވާނެ.