"އެވެޓާ" ގެ ސީކްއެލްތަކަށް ބިލިއަން ޑޮލަރުގެ ބަޖެޓެއް

އަހުމަދު އަދްޝަން، މިހާރު

14 މެއި 2020 - 09:32

ޑައިރެކްޓަރު ޖޭމްސްގެ ކެމެރަންގެ ކާމިޔާބު ފިލްމު "އެވެޓާ" ގެ ހަތަރު ފިލްމެއް ގެނެސްދޭން ނިންމާފައިވާ އިރު، މި ފިލްމުތަކުގެ ބަޖެޓް ބިލިއަން ޑޮލަރަށް އަރާ ކަމަށް ރިޕޯޓްތައް ބުނެފި އެވެ.

ޑެޑްލައިނުން ބުނިގޮތުގައި "އެވެޓާ" ގެ ހަތަރު ފިލްމެއްގެ މަސައްކަތް މިހާރު ކުރިއަށްދާ އިރު، އެއިން ކޮންމެ ފިލްމެއްގެ ބަޖެޓް މަދުވެގެން 250 މިލިއަން ޑޮލަރަށް އަރަ އެވެ. އެހެންވެ މި ފިލްމުތަކުގެ ކޮލިޓީއާ ދޭތެރޭ ކުރަން ޖެހެނީ ވަރަށް ބޮޑެތި އުންމީދުތަކެއް ކަމަށް ބުންޏެވެ.

ދެހާސް ނުވައެއްގައި ގެނެސްދިން "އެވެޓާ" އަކީ މިހާތަނަށް ބޮކްސް އޮފީހުގައި ދެވަނަ އަށް އެންމެ ބޮޑު އާމްދަނީއެއް ހޯދި ފިލްމުގެ ރެކޯޑް އޮތް ފިލްމެވެ. ގާތްގަނޑަކަށް 237 މިލިއަން ޑޮލަރުގެ ބަޖެޓަކުން ހެދި ފިލްމަށް ބޮކްސް އޮފީހުގައި 2.79 ބިލިއަން ޑޮލަރު ލިބިފައިވެ އެވެ.

From the set of the sequels: @JimCameron directing the actors before they dive underwater for performance capture.

Fun fact: That layer of white on the water's surface is comprised of floating balls that prevent lights from interfering with filming underwater. pic.twitter.com/dOBwS6qOXF
— Avatar (@officialavatar) May 6, 2020

"އެވެޓާ" ގެ ކުރިއަށް އޮތް ހަތަރު ފިލްމު ބިލިއަން ޑޮލަރުގެ ބަޖެޓަކުން ހަދާތީ މިކަންވެގެންދާނީ މިހާތަނަށް އެންމެ ބޮޑު ބަޖެޓަކުން ހަދާ ފުރަތަމަ ފިލްމު ސީރީޒްއަށެވެ.

New week, new video call backgrounds.

Now you can reach your friends, family, and colleagues all the way from Pandora — download your favorite backdrop from the first Avatar film here: https://t.co/1BhFDLzzMY
— Avatar (@officialavatar) May 12, 2020

"އެވެޓާ" ގެ ސީކްއަލްތަކުގެ މަސައްކަތްކުރަމުން އަންނަނީ 2018 އިން ފެށިގެންނެވެ. ކޮރޯނާވައިރަސް ފެތުރެން ފެށި އިރު، ކެމެރަން އާއި އޭނާގެ ޓީމުން ގެންދިޔައީ ނިއު ޒިލެންޑްގައި ފިލްމުގެ މަންޒަރުތަކެއް ނަގަމުންނެވެ.

Artist TheFreshDoodle on DeviantArt wowed us with her interpretation of Neytiri leading Jake through Pandora.

Share your Avatar creativity with us by using the hashtag #NaviNationCreation! pic.twitter.com/WphpOP0EDU
— Avatar (@officialavatar) May 8, 2020

ނަމަވެސް ވައިރަހާ ހެދި މާޗް މަހުގެ ތެރޭގައި އެ މަސައްކަތް ހުއްޓައިލަން ޖެހުނު ނަމަވެސް، ނިއު ޒިލެންޑް އަލުން އާންމު އާލަތަކަށް އައިސްފައިވާތީ "އެވެޓާ" ގެ ސީކްއެލްތަކުގެ ޝޫޓިންތައް އަލުން ފަށަން މިހާރު އަންނަނީ ތައްޔާރުވަމުންނެވެ. އެ ހުއްދަ ވެސް އެ ގައުމުން ވަނީ ދީފަ އެވެ.

Pandora takes inspiration from the many wonders to be found right here on Earth. Today, we celebrate #EarthDay by sharing some gorgeous landscape photography of our planet, with credit and thanks to our partners at @NatGeo. pic.twitter.com/9rkW4tsG5s
— Avatar (@officialavatar) April 22, 2020

ކެމެރަން ބުނީ މިކަން ވަރަށް އުފާވެރި ކަމަށާއި ކުރިން ހީކުރި ގޮތާ ހިލާފަށް ފިލްމުތަކުގެ ޝޫޓިން ދެން ދިގުލައިގެން ނުދާނެކަމުގެ ޔަގީންކަން ބޮޑުވެއްޖެ ކަމަށެވެ. އެހެންވެ ފިލްމު ރިލީޒްކުރާ ތާރީހުތަކަށް ވެސް ބަދަލެއް ނާންނާނެ ކަމަށް ބުންޏެވެ.

"ޓައިޓޭނިކް" ވެސް ގެނެސްދިން ޑައިރެކްޓަރު ބުނިގޮތުގައި "އެވެޓާ" ގެ ސީކްއެލްތައްވެގެން ދާނީ ބެލުންތެރިން ހައިރާންކޮށްލާ ވަރުގެ ކަންކަން ދައްކުވައިދޭ ފިލްމުތަކަކަށެވެ. މި ފިލްމުތަކުން ވީއެފްއެކްސް އާ މަރުހަލާއަކަށް ގެންދާނެކަން އެއީ މިހާރު ވެސް ޔަގީންވާ ކަމެކެވެ.

"އެވެޓާ" ގެ ފުރަތަމަ ބައި ސިނަމާތަކަށް އަންނާނީ ޑިސެމްބަރު 17، 2021 ގަ އެވެ. އޭގެ ފަހުން ދެން ހުރި ބައިތައް ތާވަލުކޮށްފައި ވަނީ 2023، 2025 އަދި 2027 އަށެވެ.