މީގެ ކުރިން ފޮނުވައިލި ބަންގްލަަދޭޝް ބަޔަކު ފުރަން ގޮސް އެއާޕޯޓްގައި
17 މެއި 2020 - 14:08
19 comments
ގަވައިދާހިލާފަށް ރާއްޖޭގައި އުޅެމުން ދިޔަ ބަންގްލަދޭޝްގެ 67 މީހަކު މިއަދު އަނބުރާ އެ ގައުމަށް ފޮނުވާލައިފި އެވެ.
ފޮރިން މިނިސްޓްރީން ބުނީ އެ މީހުން އެނބުރި ބަންގްލަދޭޝް އަށް ދިޔައީ ކާނާ އާއި ސިއްހީ ބައެއް ތަކެތި ހިފައިގެން ރާއްޖެ އަށް އިއްޔެ އައި ބަންގްލަދޭޝްގެ ވައިގެ ސިފައިންގެ މަތިންދާބޯޓުގައި ކަމަށެވެ.
ސައްހަ ލިޔެކިއުން ނެތި ރާއްޖޭގައި އުޅުނު ބަންގްލަދޭޝްގެ 335 މީހަކު އިއްޔެ ވެސް ވަނީ އެ ގައުމަށް ފޮނުވާލައިފަ އެވެ. އެ މީހުން ފޮނުވާލާފައި ވަނީ ރާއްޖޭން ޗާޓަރުކުރި ބަންގްލާދޭޝްގެ ގައުމީ އެއާލައިން ބިމާންގެ ފްލައިޓެއްގަ އެވެ. ފޮރިން މިނިސްޓްރީން އިއްޔެ ބުނީ ބަންގްލަދޭޝްގެ ވައިގެ ސިފައިންގެ މަތިންދާބޯޓް މިއަދު ފުރާ އިރު އެ ގައުމުގެ 70 މީހުން ދާނެ ކަމަށެވެ. އޭގެ ތެރެއިން ތިން މީހަކަށް އެކި ސަބަބުތަކާ ހެދި ފުރޭގޮތް ނުވީ ކަމަށް އެ މިނިސްޓްރީން މިއަދު ބުންޏެވެ.
ސަރުކާރުން ކުރިން ބުނެފައި ވަނީ ރާއްޖޭގެ ގައުމީ އެއާލައިން މޯލްޑިވިއަން އާއި ބަންގްލަދޭޝްގެ ގައުމީ އެއާލައިން، ބިމާން އެއާލައިން ގުޅިގެން ކުރާ ދަތުރުގައި 500 އަށް ވުރެ ގިނަ މީހުން ބަންގްލަދޭޝް އަށް ގެންދާނެ ކަމަށެވެ. އިއްޔެ ފޮނުވައިލި 335 މީހުންނަކީ އޭގެ ތެރެއިން ބައެެކެވެ.
ރާއްޖޭގައި މަސައްކަތް ކުރާ ބަންގަލަދޭޝްގެ 1،500 މީހަކު އަނބުރާ ފޮނުވައިލުމުގެ މަސައްކަތް ކުރަމުން އަންނަ ކަމަށް ރައީސް އިބްރާހިމް މުހައްމަދު ސޯލިހު ވަނީ ވިދާޅުވެފަ އެވެ. ކޮވިޑް-19 ފެތުރޭތީ އެންމެ ފަހުން ގައުމާ މުހާތަބު ކުރެއްވި ދުވަހު އެ މަނިކުފާނު ވިދާޅުވީ ބަންގްލަދޭޝްގެ މީހުން ފޮނުވައިލުމުގެ މަސައްކަތް ކުރިއަށް ގެންދަނީ އެ ގައުމުގެ ސަރުކާރާ ވާހަކަ ދައްކައިގެން ކަމަށެވެ.
ސައްހަ ލިޔެކިއުންތައް ނެތި ރާއްޖޭގައި މަސައްކަތްކުރާ ބިދޭސީންގެ އަދަދު 60،000 އަށް ވުރެ ގިނަ އެވެ. އޭގެ ތެރޭގައި އެންމެ ގިނައީ ބަންްގްލަދޭޝް މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުބެލް މިއާ
18 May 2020
އާރުމެން ބަންގާޅިންވެސް ބޭނުންވަނީ އާސަންދަ. އާރުމެންތެރޭ ވަރަށް ގިނަ ބަލި ހުންނަނީ. އެކަމަކު ވަރަށް މަދު ލާރިކޮޅު ލިބެނީ ގިނައިން ޑޮކްޓަރަށް ދައްކަން ނުދެވެނީ. އާރުމެން ގުޅީފަޅު ވިލެޖަށްދާން ބިރުގަންނަނީ. ގުޅީފަޅު ކައިރީ ތިލަފުށި އޮންނަނީ. އަބަދު އަބަދު ދުން އަންނަނީ. ކޮރޯނާއަށްވުރެ ތިލަފުށި ދުން މާނުރައްކާވަނީ. ގުޅީފަޅުގައި ރީތި އަންހެންކުދިންވެސް ނުތިބެނީ. މާލޭގައި ބަރާބަރު ވައްތަރު ހުންނަނީ. މާލޭގައި ތިބޭހިތްވަނީ.
އަބްދުއްالله
17 May 2020
ބަންގާޅުމީހުން ގެންނަނަ ޖެހެނީ ދިވެހިން މަސައްކަތް ނުކޮަށް، ނަލަހެދި ފުއްޕާފަ، ސަޅިވެފަ ތިބޭތީ. ގަރުދިޔަ ކައްކަންވެސް މިހާރު ލަދުގަނޭ.
ޞޮތޤ12
17 May 2020
މިރޭޓުން ގަރުނެއް ނަގާނެ. ޢިހުލާސްތެރިކަމެއް ނެއި. ހަމަ ގޮއްދެއްކެއްވެގެން.
ައަބޫބެ
17 May 2020
ލިޔެކިޔުމެއް ނެތި އުޅޭ ހުރިހާ ބިދޭސީން ފޮނުވާ ލެވޭނީ އިތުރު ދައުރަކަށް ހޮވާދިނީމަ
ކަކުނިބޯ
17 May 2020
ނުވާނެތިކަމެއް ނުވިއެއްނު ދެންވެސްނުވާނެ ގޮތްދެއްކުމުގަ
ކަންނާޑި
17 May 2020
ހޮލިޑޭއަށް ފޮނުވާލި 67
މުދިމު ކަތީބު
17 May 2020
ލިޔެކިއުމެއް ނެތި އުޅޭ ދެލައްކަ އަށް ވުރެ ގިނަ ބިދޭސީން ގެ ތެރޭން 67 މީހަކު އަނބުރާ ފޮނުވާލީ މޭ ބުނީމަ ހައިރާން ވަކަށް ނުޖެހޭ . ! މަގާމުގައި ތިބީ ކަމަށް ގާބިލު ބައެއްނޫން. ރިޔާސީ ނިޒާމުގައި ކޯލިސަންނެއް ވޯކެއް ނުކުރާނެ! ވަޒީރުން ގެ އިތުބާރު އޮތްތޯ ނެތްތޯ ބަލަން ވޯޓެއްނަގައިފިނަމަ 5 ޕަސެންޓް ވެސް ނުލިބޭނެ
ައަހުމަދު
17 May 2020
ތި ހުރިހާ އެންމެންވެސަ ފޮނުވަންވީ އެކަމަކު ތީ މިޤައުމުން ފޮނުވާބައެއް ނޫން ތީ ރޯއެއާދޭސް ކޮއްގެން އްމިއްލަޔަށް ދާ ބައެއް ، ކޮބާ އެހެން ވިއްޔާ ބާކީ ތިބި މީހުން ދެން އެނިމުނީ މި ބަލިމަޑުކަން ނިމުނީމަ ތި ދިޔަ މީހުންގެ އެތައްގުނަޔެއް އަންނާނެ .
ހަބީބު
17 May 2020
ގަވާއިދާ ޚިލާފަށް ރާއްޖޭގަ އުޅުއްވާ 60،000 ފަސްދޮޅަސް ހާސް ބަންގާޅު ބޭފުޅުންގެ ތެރެއި ން 60 ބޭފުޅުން ފޮނުވާލެވުމަކީ ވެސް ކުރި އެރުމެއް. ކޮންމެ ދުވަހަކު މަދުވެގެން މީގެ 1000 ބޭފުޅުން ފޮނުވާލަން ޖެހޭ. އެންމެ މުހިއްމު ކަމަކީ ގަވާއިދާ ޚިލާފަށް އުޅުއްވާ ބަންގާޅު ބޭފުޅުން ލައްވާ މަސައްކަތް ކުރުވާ ދިވެހިންނަށް ވަރަށް ހަރުކަށި އަދަބު ދޭން ފެއްޓުން. މައްސަލަ ފެށޭ ހިސާބަކީ މިކަހަލަ އަމިއްލަ އެދުން ބޮޑު ދިވެހިން. ކޮބާތޯ ޕްރޮސެކިއުޓަރ ޖެނެރަލް؟ ޕޮލިސް ކޮބާތ؟
----- ރަ ދުން
17 May 2020
އެ ބޭފުޅުން ދެން އަންނާނީ ޤަވާއިދުން
ބައިތު
17 May 2020
މިތާގައި އެއްވެސް ލިޔެކިޔުމެއްނެތި އުޅުއްވާ ބަންގާޅީ ބޭފުޅުން ފޮނުވާލަބަލަ. ހައްތާވެސް ތި ފޮނުވަނީ ގަވައިދުން މިތާގައި އުޅޭ މީހުން.